吳迪比's Profile

今日同男朋友慶祝拍拖周年紀念，男朋友要求好高，所以我揀咗間好食嘅韓國烤雞。入到去環境好好，好乾淨，衛生好好，每張台旁都會有呢個鈴，要落單可按制，好快就會有服務員來協助。餐牌色彩繽紛，樣樣都好吸引，最後叫左必食的烤雞，雞嘅份量好多，有唔同口味揀，亦可以兩溝，一次過滿足兩個心願😂烤雞一送到就聞香噴噴，雞烤到外脆內嫩，好有肉汁，份量亦都夠兩個人食，大滿足。因為唔知雞咁大份，我地仲叫左個好邪惡的飯，鐵板芝士烤肉炒飯配牛肋骨要襯熱食呀，芝士好正呀，肋骨配埋個汁都好好味，諗起都覺得肚餓呀眼闊肚窄的我地仲叫左個韓式蛋捲配3款唔同的醬汁，唔點就咁食又得，係傳統的韓國紫菜包飯的料，但用左蛋捲去包👍🏻👍🏻蛋捲皮好薄，咬落有幾層，食完一舊又一舊。大滿足呀呢餐，咁邪惡，要做多幾日運動先可以再食多次…Read More

這裡的豬扒飯都有不少人講好味道，所以見今日難得過去當然和朋友去食這小店，去到以黑白為主都幾特別，入面座位都可以，桌面有餐紙可以自己點，最後我地要二個飯和一個小食。不久食物就來到，豬軟骨白飯加了七元煎蛋，這裡都幾窩心，不喜歡蔥的我仲可以不要，豬軟骨的確不錯而且份量都夠食，口感夠淋身而且帶難惹味，白飯份量都不少都幾飽。魷魚鬚口感不錯，份量足又彈牙。咖哩豬扒白飯，咖哩唔太辣但幾香口，豬扒脆口又惹味，份量都夠飽，醬汁配白飯絕配。飯上有白菜幾新鮮，吾會只吃肉沒有菜，這裡除了飯之外，原來仲可以配麵，下次可以過嚟再試一試佢麵好唔好食。…Read More

難得閒日有假放，揀左去旺區銅鑼灣輕鬆嘆個下午茶，走入fashion walk food count，有好多餐廳選擇，最揀左burgeroom，俾佢門口個雙層漢堡吸引住一去到門口已經有大大塊餐牌研究左一輪餐牌，勁多款漢堡，心大心細，好多都好吸引，最後都係揀返最基本的雙層牛肉芝士漢堡啦加$30仲可以有埋薯條同飲品👍🏻另外叫左鱈魚手指同單骨雞翼餐廳係自助形式的，揀好食咩就去收銀位落單就可以啦旁邊有自助醬料區，鐘意咩醬自己拎就可以。點完餐大約10分鐘左右就有野食啦鱈魚手指配他他醬，魚手指好真材實料，炸到岩岩好，外脆內軟，上臺時又夠熱唔會冧晒，另外單骨雞翼一樣炸到好鬆脆，唔會覺得炸粉好厚，而配蜜糖介末醬感覺又幾新鮮，味道又幾夾，單骨又好容易食，忍唔住一口接一口到主角漢堡出場啦一上臺忍唔住嘩左一聲，「嘩」好厚丫塊牛肉漢堡，仲要兩塊丫係厚到無辦法一淡咬到，牛肉漢堡肉質鮮甜，又多汁，雖然好厚但都唔會覺得好膩，再配上新鮮的番茄蔬菜同獨特的醬汁，令人每一口都感到好滿足！下次要試埋其他漢堡…Read More

雖然今日都是工作天，但我比平時早出門，所以可以有足夠的時間嘆個靚早餐，揀左係公司附近的呢間餐廳早餐都有好多唔同選擇架，我個人比較貪心，鐘意咩都食下咁，呢個set 都好豐富，有多士、薯餅、炒蛋、腸、蕃茄同埋蕃茄濃湯螺絲粉，仲包埋野飲添。多士仲會俾埋果jam 同牛油你個蕃茄螺絲粉好掂呀，個湯好濃，鐘意蕃茄的朋友仔一定like個炒蛋相對就較一般，下次轉太陽蛋可能會較好留意返奶茶係茶包奶茶，唔鐘意既可揀熱茶咖啡或其他凍飲。食完個豐富早餐，先有力氣去支撐一天的工作💪🏻💪🏻…Read More

今年的中秋我地一家決定唔再去酒樓食飯做節，而係試下對於老人家係好新潮的日本放題近近地就去左觀塘呢間啦，細佬一早就book 左位，我地一行九人，但安排俾我地既坐位比較逼，要加張圓凳先夠坐，唔理咁多啦，食放題就是要把握時間食野先介紹下熟食、前菜、飲品同甜品吧同其他放題餐廳一樣啦，個人覺得冇咩特別驚喜。三位老人家不好刺身，只可食熟食所以點了一堆炸物，要推薦個燒鰻魚唔錯，我地點左兩轉，同呢間有鮑汁花膠，要食多幾個回回本至於刺身質素都係一般般，唔係太新鮮。埋單每人$258加一，價錢唔算貴，上菜的速度都算快，冇漏單情況，但食物質素一般。…Read More

平時的晚餐時間或者假日都會見到呢間餐廳門口大排長龍架，今日難得放假，輕輕鬆鬆唔駛排就入座了。有午餐餐牌同all day 的選擇，午餐會包埋餐飲，於是同友人2人都是選了午餐，我點的是蕃茄肉醬溫泉蛋長通粉長通粉軟硬適中，肉醬加左蕃茄酸酸甜甜咁幾開胃，除了肉醬仲有什菇⋯友人點的是京式烤鴨蒸包，係新菜式，用烤鴨做漢堡真是第一次見，好新鮮好特別，但味道又夾到，友人都讚不絕口隔左咁耐無幫襯，餐廳依然保持到水準，見餐廳內的檯椅擺放都有點不同，感覺上坐得更舒服自在:)…Read More

那日是老豆生日，我地成家去咗海港酒家整番圍全包宴，盛惠$1598，有成十樣菜式，包兩支啤酒，兩渣橙汁，可謂勝價比高。先講下隻乳豬，唔算大隻，皮好脆，但好肥，燒得幾香，合格吧。鮑片扣鵝掌，鮑魚是普通貨色，算食得過，反而鵝掌扣到好腍，D鮑汁索晒入面，食落好有膠質，好唔錯。碧綠炒龍䠢球，龍䠢肉帶爽兼彈牙，有魚味，但份量少，加埋D蜜糖豆炒，好清新。松露花姿球咪即係炸墨魚丸，加左D松露醬，炸起好香口彈牙，送啤酒最正。個上湯蝦球伊麵都OK，個汁好濃，D伊麵好吸汁。燒雞好吃皮脆肉滑，還有阿爸最愛吃的酸羗蒸躉頭腩，好鮮，D皮有充滿膠質，好食過D養嘅青班，因為養班無魚味又腥，龍䠢就算養都有鮮味又唔腥。炒飯好吃夠乾身夠鑊氣，最後要讚下D壽包好好食，蓮蓉饀清甜起沙。D橙汁酸酸甜甜好開胃，送兩渣，好抵。…Read More

之前都試過atum銅鑼灣的餐廳吃甜品，當知道原來尖沙咀有一間當然想去試一試，這裡有點不同是這裡有西餐吃和甜品，今日下午茶時間經過就去過去吃。去到見到環境不錯，上面有樹枝作裝飾都幾特別，而燈光暖和坐得舒服，今次又可以吃餐好啦，待應好快就來到比水和餐牌，最後選擇了鴨和三文魚。不久食物就來到了，黑色配上黃色再配上色澤不錯的鴨脾十分吸引，當然第一口就是吃紅酒玉桂鴨脾，鴨脾肉質十分嫩滑，而且配上紅酒味道提升不少，而下面的南瓜蓉原汁原味而好滑身，磨得十分好，有驚喜!~ 還有配菜都煮得不錯，一起吃都不會覺得很油膩。而另一道食物都來到了，青瓜絲刨成再放上去三文魚很漂亮，而下面的紅菜頭三文魚真是第一次食，份量都不少，沒想到紅菜頭味道和三文魚會可以那麼配合得好，吃得來十分清新，而且周邊還有蜜柑和用蜜柑整成的啫喱，口感特出，味道不太甜而且有蜜柑的清香，岩晒現在夏天進食。整體食物都十分精緻而且味道不錯，價錢都合理，怪不得下午茶時間都有不少人來吃。…Read More

今日相約友人到荃灣廣場行街，到食飯時間就撞下運氣，結果好lucky 不用排隊就入到座了✌️友人極力推薦👍🏻點餐時心花怒放，樣樣點心小菜都好精美，每樣都好想試$99 5款前菜，冷盤，味道都不錯，如果個蝸牛大粒d就好啦椰子雞湯，一打開已有濃濃的椰子香，雞湯好鮮甜呢個流沙包必叫呀，要襯熱食，個包好軟！要食兩個先夠😆相比之下呢隻豬就一般啦，但外表好cute最鐘意黑色果粒黑松露餃，咬開好香，如果有得單點就good la南乳聖子，隻隻聖子都好肥美因為荷葉飯冇晒，所以點左呢個芝士飯，凍左會唔好食，所以都要襯熱食😂總結呢間餐廳我都會推薦朋友食，唔止味道好，外表都好，可以狂呃like，好可惜當日乳鴿賣晒，下次要再試丫👏…Read More

今日相約舊同事到呢間餐廳食晚餐，第一次到訪，餐廳位於總統戲院的頂樓，我們好不幸，呢段時間竟然壞電梯，需要走幾層樓梯才到，未食就做運動先我早一天致電預約，現場都未見有人排隊，不過餐廳的空間都好大，檯與檯之間都唔會太近，仲有室外位置添。我地5個人食，叫左5餸1湯馬拉盞通菜食泰國菜必叫啦金枕頭呢個好好味，麵包鬆軟唔會太硬，夾埋中間既醬一流串燒都係必叫的，啖啖肉呀人多時叫拼盤就最佳選擇啦 咩都有d最鐘諗個蝦餅仲有菠蘿飯冬陰公湯忘記影相，味道都好香濃同足料。食完野我地仲吹左好耐水都冇人趕，下次再幫襯。…Read More

我很愛Pacific Coffee 這間 coffee shop，每間店都佈置像家一樣，洋溢中溫暖，舒適悠閒的感覺，很多時來店的客人，都很自律，從不高聲談話講手霓，似乎客人的共通㸃都熱愛寧靜一族，每個人總愛靜靜地看書，看手機，溫習，用電腦，寂靜中，你完可享受一個人的空間，可以什麼不幹，單是喝杯咖啡，思考也是一種快樂。我今次㸃了凍檸茶，配了花生醬厚多士和雪糕，凍檸茶檸檬夠多，茶香濃無苦澀味，茶是尚好的錫蘭紅茶，除了咖啡好喝，原來紅茶也十分有水準，厚多士鬆軟，塗上好吃的煉奶和花生醬，好美味，還享用朱古力雪糕作結，一個下午，我甚麼也沒幹，只是一個人靜坐一角吃tea，幸福可以很簡單。…Read More

今次第二次食，知道預早訂會有優惠啦，估唔到6點半前開始會有全單6折優惠，於是約埋朋友一齊食啦！餐廳以一人一鍋既形式，唔好睇小呢個鍋，會配埋飯或粉絲，個鍋又好足料，所以係絕對夠食！而鍋既選擇都有好多，有辣有唔辣，辣度亦可自己揀的，要提提唔係好食得辣既朋友要揀bb辣或者清湯啦呢個係招牌臭臭鍋（台式）、集合左好多我鐘意既配料，鴨紅、米血糕呀 好正呀呢個韓國泡菜鍋都好多配料👍🏻仲多個公仔麵，好夠飽巴蜀烤魚鍋，果塊魚好吸引個湯又好惹味！我地一行8人8個鍋8杯野飲埋單都係每人$7x好抵食呀！會再幫襯架，但下次要叫bb 辣先，哈哈！…Read More

呢間餐廳開左唔係好耐，一直都好想試下，今日心血來潮就入左試下啦，主要都係小菜類、川菜等⋯我地三人行，叫左份麻辣花甲烤魚，加左份什菜盤，因為驚唔夠飽仲加左肉燥飯同擔擔麵添⋯見唔見到d花甲大大隻呀仲好鬼鮮甜添仲有鍋裡面仲有芽菜、金菇、青瓜、蓮藕得配菜，個蓮藕好讚呀！勁爽口！個鍋有得揀辣度（大、中、小）我地唔係好食到，所以叫左小辣，都差點接受唔到，哈哈！如果食唔到辣既你就要留意下啦！另外加既什菜盤（$30）埋單都係$307，平均每人$100左右總結呢間店既材料都好新鮮，值得一試，不過可能地點既影響，見閒日晚上都唔係坐滿，所以唔駛等位架，大家如果經開附近都可以試試👍🏻👍🏻…Read More