yauchin's Profile

同事大力推薦我嚟呢度打邊爐，咁啱今日去開荃灣，終於有機會試吓😍見到餐廳門口有做推廣優惠，二人套餐晚市只係288👏🏻 加一及醬料費。我哋見到呢個優惠都幾啱我哋食，所以就直接叫咗呢個套餐。套餐有兩份特選牛肉，中山脆骨腩，芝士腸，餐肉粟米餃，蟹籽墨魚丸，台式鴨血，蔬菜同埋烏冬兩個，真係好豐富🤣一坐低店員已經拎咗兩杯蘋果茶俾我哋，加咗無花果去煲好清新。另外個爐都值得一讚，係凹咗落去嘅，比較深，咁就唔使驚俾熱湯彈到周身都係😛湯底我哋叫咗麻辣湯底同埋沙嗲湯，沙嗲湯底好多花生粒粒，足料又夠香。麻辣湯底都夠晒重口味，食到咁上下我哋都要拎啲辣椒籽出嚟。雖然係套餐，但係啲食材一啲都唔馬虎，特選牛肉都有牛味，脆骨腩亦都件件都好厚切😆我最鍾意就係餐肉粟米餃同埋台式鴨血，粟米同午餐肉真係好夾，食落有啲爽口嘅粟米即刻覺得冇咁罪惡感🤭台式鴨血配上麻辣湯又係冇得輸😂超級入味！最後食埋兩個烏冬真係飽晒。呢個價錢喺商場入面食到兩個咁飽又好食😋而家真係好難搵到，性價比真係超高！重點係坐得舒服又夠冷氣🤩爽！而且呢度嘅裝修真係落足心思，啱晒打卡。下次一定會再幫襯。…Read More

琴日同屋企人去YOHO行街，食飯時間見到有一間幾吸引嘅泰國餐廳😍睇過餐牌價錢都合理，所以就入去一試。我哋叫咗一隻半隻招牌泰式燒雞$158，等嘅時間雖然有啲長，但係完全值得😜即叫即燒真係正好多！好香燒烤味又熱辣辣，半隻份量都幾多，燒得啱啱好，就算係雞胸位置都唔會鞋，仲好滑添，配上秘製醬汁，真係食不停口。果然係呢度嘅招牌菜👍🏻然後再叫咗一個Weekday Lunch Bento 🍱 我覺得呢款設計真係啱晒我呢啲咁貪心乜都想試嘅人😛因為呢個餐已經包括咗湯，小食，主菜，麵飯同埋飲品甜品。一定要講手工泰式蝦餅真係好好食！蝦肉彈牙新鮮，炸得好香脆。另外紅咖喱豬頸肉配金磚蒜蓉包又係絕配，呢度嘅咖喱唔會好辣，反而比較重椰奶香，大人細路都啱食，蒜蓉包亦都係即焗，所以脆卜卜，再沾上咖喱汁，真係大滿足！😙😙最後總結梗係要叫呢度嘅新甜品！雙重芒果熔岩冰😆夏日炎炎食呢個真係最啱呀，上枱嗰吓好吸睛，裏面嘅配料亦都好多，金寶脆脆，西米，椰子雪糕等等，最要讚嘅係中間冰嘅部份，每一啖都係有椰奶味，絕對唔使擔心食到最後得返水😂配埋好香甜嘅芒果，多重口感！呢個甜品真係誠意十足，我見到呢個刨冰都有好多隻味，下次都會想同三五知己一齊過嚟嘆吓呢個冰，透心涼🫶🏻…Read More

一天前先預約了煲仔飯，因為即場叫，一定要預訂。今日一黎到就食得。我地點咗一人份量，材料有潤腸，臘腸臘鴨。上枱熱辣辣，香味撲鼻，加埋啲煲仔飯豉油真係好正😍😍呢度嘅價錢可能比出邊貴少少，但係食材用料真係高質啲，尤其是潤腸，肥瘦適中👍🏻飯焦亦都脆卜卜。好味😋另外我哋叫咗一碗車仔麵淨餸，蘿蔔超入味，牛筋腩都正😎湯底夠濃，食得出都係用心製作。每日都會有唔同嘅晚餐小菜提供，下次都會過嚟試吓！💜繼續支持小店。…Read More

以前都有嚟食過芭堤雅泰國菜館，裝修之後就未食過，趁着閑日夜晚屋企人冇煮飯😗終於可以試吓。我哋星期二夜晚8:00左右去到，都座無虛席好熱鬧。食泰國嘢點少得生蝦同豬頸肉做頭盤😃生蝦大隻爽甜，最正係旁邊嘅泰式醬！辣得來又酸酸地，調味好好。豬頸肉亦好有炭燒香，肥瘦啱啱好，亦都唔會切得好薄，有咬口。另外青檸明爐烤魚都係好深刻！我諗全元朗都搵唔到咁平🤣$148原條烏頭。抵食又好味，而家咁凍，食返啲蛋白質暖笠笠😊啲魚都幾滑，個湯汁酸酸甜甜，另外如果想食辣啲，店家都有準備辣椒醬汁，好貼心。蒜蓉包外觀真係好吸睛，每一口都好有蒜香味，我呢個麵包控自己一個人食一個都得🤣泰式炒寬粉我都好中意，寬粉煙靭掛汁，炒得好有鑊氣，好鍾意呢度係每一樣餸都係熱辣辣，就即刻上枱👍🏻要讚。最後食埋個椰子雪糕就圓滿🥰擺盤好靚，令我諗起之前曼谷食嘅椰子雪糕😝整體嚟講四個人食咗八百幾蚊左右，食到飽晒大滿足。一定會再光顧。…Read More

📍THE THIRD 今日難得早起，當然要出去食個正早餐😋之前見到Third轉咗新menu有各款pancake🥞終於食到啦！叫咗Mr. LOBSTER🦞( $108) 真係好足料，啲龍蝦肉沙律多過一球雪糕😂調味很讚👍🏻唔會太鹹，每口都啖啖肉，配埋芥末醬同埋牛油果🥰正！我最鍾意就係旁邊嘅楓糖漿同埋啲粟米片點綴🤣同fluffy的pancake好夾，大滿足。另外叫咗一杯Banana Latte🍌($62)其實好多款都想試，因為全部配搭都未見過😝不過我身為香蕉愛好者梗係要點依杯😍果然無失望，啱晒唔太飲咖啡嘅我，咖啡味唔係好重，香蕉同焦糖味出啲😜面頭嗰串焦糖咗嘅香蕉都好有誠意，下次會去試埋其他特色咖啡😗整體嚟講，價錢親民，適合放假時候同三五知己去食個brunch😃而且小店食物飲品質素都好好，一定會再光顧。…Read More

小店雖然地方不大，座位不多，但係每一樣嘢都好講究，食物質素好高👍🏻主打雞白湯$88，配料有三片慢煮雞胸，肉丸玉米筍等等。湯底好濃稠，但唔會好鹹，麵條係我鍾意食嘅，比較幼身，雞胸依然好嫩滑。如果個碗再keep warm多啲就更好。因為而家好快就凍咗，有少少美中不足，但係整體成個麵係好食的。另外而家做緊優惠，叫小食有罐裝飲品送😃炸生蠔都幾好食，整體嚟講，價錢合理，size都大碗，會再回頭試其他不同湯底嘅拉麵。…Read More

襯住Restaurant week,我地就嚟到Daap試下set lunch ☺️地方都算容易搵，喺中環街市附近，去到就可以準時入座。頭盤我就叫咗烤栗子湯配羊肚菌，好Creamy好滑，最緊要夠熱👍🏻擺盤亦都好靚。主菜我就要咗臘腸卡邦尼意粉，係我最鍾意嘅粗身嘅手工意粉，好掛汁又彈牙🤤呢個配搭真係未食過，幾夾之餘仲幾好食。最後甜品梗係要食Mini pineapple bun with 伯爵茶雪糕夾心😍外熱內冰，雙重口感，嘆埋杯lemon ginger tea 就圓滿了。餐廳係one man open kitchen，所以唔可以expect快，不過見到廚師其實都好快手👍🏻step by step好有條理又乾淨😄下次會再嚟試吓Sunday brunch。…Read More

我最鍾意食雞，一年365日都會食，呢一間嘅雞煲最吸引我，勁大大份，同埋我最鍾意食芫荽蔥，佢哋個辣度又可以揀，我最鍾意揀小辣，唔太辣好惹味。 配料方面除咗主打嘅牛之外，最鍾意食就係生蠔，雞煲加完雞湯之後就可以打邊爐，啲生蠔超級肥美，成隻手咁大隻！ 好足料好回本！ 正！ 同埋啲牛都係勁大盤勁大份，牛既紋理好清晰，充滿着牛香，咬落去好冧，再加埋雞蛋同埋啲醬汁，超好食！ 同埋呢間最吸引嘅係其實佢lunch啦，7:30前離座或者9:30後入座，所有配料同埋小食都會有半價！ 超級抵！ 我哋當日就係揀咗星期六嘅9:30後入座，有半價！ 呢樣嘢真係真心抵，👍👍👍👍👍 依家通貨膨脹咁高，仲有半價，抵爆，呢part我會比5**佢🤣🤣🤣🤣…Read More

同朋友去旺角行街，佢話有間新開烤魚放題想試吓， 我地大概六點到，可以直入。店員話係無限時，可以食到十二點！🤣喺旺角嚟講真係好小見，通常放題都係得兩個鐘，抵讚👍🏻首先先吃海鮮拼盤，然後再食烤魚，烤魚可以仼食😍原條上，我地食辣既，惹味又入味。放題有依個質素真係好驚喜。我地食咗兩條就開始打邊爐。配料中特別推薦五花腩肉，午餐肉😋午餐肉係厚切，大滿足😊總結係性價比好高，我地閒日只係$268+10%，平時打邊爐都要依個價，仲要未必食得飽，所以依到一定有下次！…Read More

上星期同朋友去咗黃金海岸食lunch，行過見到一間新開嘅餐廳，主打omakase鐵板燒，Menu都幾吸引，所以直接book埋時間🤣琴晚食完用餐體驗真係好好，所以急不及待要介紹俾大家😊餐廳分為兩邊，一邊做omakase，一邊做鐵板燒。今晚我地就叫咗Omakase晚餐-羽$798( 有先付，刺身三款，壽司七貫，湯品及精選甜品)先付-水雲菜日本特有海藻品種，外表與口感均與海帶相似，烹煮後柔軟黏滑，配上特調醋汁，做前菜好開胃。第一貫-魷魚壽司魷魚壽司加上柚子皮，感覺清爽。刺身-油甘魚兩件油甘魚其中一件只係加上柚子醋調味，可以食到魚嘅鮮味，另外一件就燒過再加蒜，比較重味，我更鍾意後者。第二貫-北寄貝壽司加上竹炭鹽及青檸汁 ，師傅話拍打後係最新鮮爽彈，食完完全體驗到只要食材新鮮，最簡單嘅調味都可以好出色😃第三貫-梭子魚壽司 梭子魚係白身魚，魚肉油分極少，所以師傅用網燒燒香魚皮，令魚油滲入魚肉及米飯之中，添加味道，係今晚最中意嘅一件。刺身-鮫魚師傅用上煙熏方法，再加蘿蔔蓉蘿蔔絲，除咗可以中和煙熏味，又可以食到肉質本身的細膩鮮味，兩者得以平衡。第四貫-赤蝦壽司赤蝦爽彈，用上昆布醃漬，更突顯蝦嘅鮮味。真係好欣賞師傅每一道壽司都用上唔同嘅方法處理，會期待下一道菜又會有咩驚喜。第五貫-小肌魚壽司 師傅將小肌魚處理得好好，調整灑鹽的份量和醋醃的程度都恰到好處，唔會過酸，算係我食過最好食嘅小肌魚壽司。刺身-帆立貝師傅用日式醬油燒到帆立貝大概三成熟，免頭香口，中間仲係好鮮嫩，吸收晒醬油嘅香味，配上紫菜，口感豐富。第六貫-大拖羅壽司 師傅加咗大量wasabi，開頭仲諗緊點解加咁多，原來係balance拖羅嘅油膩感🥰食落入口即溶之餘都唔會有負擔。第七貫-海膽壽司海膽係北海道馬糞海膽，Creamy得黎又食到濃郁嘅鮮甜味🥹作為ending嘅一件，確實係最好不過。最後奉上冬菇貝柱清湯及甜品左賀縣蜜柑配紅豆大福，完美嘅一餐。整體來講，全晚都食得好開心，師傅會同客人互相交流，每件壽司刺身都精心處理，除了味覺👅享受，仲有視覺享受，一邊食晚餐一邊欣賞師傅精湛的刀工👍🏻另外侍應服務都值得大讚，服務周到。下次一定會再嚟試鐵板燒。…Read More

前幾日好想食pho，又見到越大哥裝修乾淨企理，所以就同朋友去咗食lunch。我哋叫咗生牛肉牛丸牛骨湯河，香茅豬頸肉撈檬，仲有牛油雞翼。大概等咗10分鐘就上餐，好欣賞呢度全部即叫即整，雙拼牛骨河湯頭夠晒熱，夠熱真係差好遠👍🏻👍🏻而且夠濃味，飲得出材料十足。生牛肉唔會切得好薄，牛丸彈牙多汁，出色😍另外，豬頸肉撈檬亦唔錯，份量好多，我相信男士來吃都會夠飽。豬頸肉厚切😗烤得好香脆，而且唔會柴皮，呢度嘅魚露亦都唔會太鹹，配上檬粉好好食。呢度小食唔洗一次叫咁大碟，好照顧到一至兩個人嘅需要🤣🤣有20款小吃選擇，低至一件起都可以叫，咁就唔使擔心人少冇得食，又或者驚叫得太多浪費食物。我哋叫咗牛油雞翼都好正，夠Juicy又嫩滑，大大隻好滿足。…Read More

今日同朋友行完街，決定喺旺角搵吓新餐廳試，我哋就喺OpenRice搵到依間餐廳🥰餐廳樓底好高，空間感十足，枱與枱之間亦都唔會逼夾，玻璃櫃內嘅Bearbrick 好壯觀🤩，整體印象幾好。我哋叫咗以下幾樣嘢食😃水牛城雞翼$68上枱熱辣辣，雞翼係單骨，但係肉非常多又juicy，唔係瘦猛猛嗰啲雞翼，而且都有好多隻，抵食。蒜片辣椒炒蝦球$108啲蝦爽彈又大隻，同蒜片一齊炒好香口，鍾意重口味嘅人啱晒，拌埋旁邊嘅沙律菜🥗一齊食冇咁膩。牛油果蟹肉沙律塔$138我係超級鍾意食牛油果，牛油果🥑加蟹肉夠清新，做開胃頭盤最啱不過。不過略嫌牛油果未係太熟，再擺熟啲軟林林就更好食啦。香煎北海道帶子蒜片辣椒意大利麵 $158因為我哋諗住試多幾樣，所以就唔揀一個咁多汁嘅意粉，揀個light啲嘅。總共有三大隻帶子，煎得啱啱好，裏面仲好嫩，唔會老，雖然辣椒炒，但係都唔會好辣，推薦呢個意粉。自家手工意大利Pizza $138依度pizza 🍕係薄批，查滿晒蕃茄醬，風乾蕃茄仲有芝士🤩足料！最基本嘅配搭，已經好好食，同朋友一致認為下次都會為咗個Pizza而返轉頭😋😋慢煮安格斯和牛面頰肉$428全晚最驚喜嘅一道菜，平時煎牛扒就食得多，慢煮牛我都係第一次食，面頰肉嫩滑到不得了，入口即溶，又有和牛既香味😭因為慢煮，所以唔會柴皮，仍然好Juicy。配上特調嘅醬汁同香葱，實在太正了👍🏻👍🏻👍🏻👍🏻整體嚟講，環境舒服，啱晒一大班朋友傾吓計食飯，食物選擇多，價錢大眾化。侍應服務員非常好，一餐飯幫我地換咗碟兩次，一定會再光顧👍🏻…Read More

小店位置唔算容易搵，建議喺大路加一個提示牌，方便客人。嗰晚我哋10:00去到，都仲有幾台客人等緊外賣，我哋好好彩有張枱就走，即刻可以坐低🥰我哋點咗開心大滿足，芒果沙冰寒天，仲外賣咗一個姜桃番薯糖水。開心大滿足真係超大碗，裏面有好多餸，三色芋圓，芋泥波，愛玉凍，珍珠西米等等。顏色色彩繽紛，見到都開心。最鍾意芋泥波，軟綿綿又唔會太甜，配其他甜甜地嘅配料一齊食好夾。另外芒果寒天沙冰，夏天食真係一流，夠晒冰凍，而且芒果夠甜。啲寒天係星星形狀好吸睛😁整體來講，睇得出小店好用心製作每一道甜品，下次去開顯徑都會再幫襯。…Read More

尋晚突然好想食串燒，喺OpenRice搵到依一間小店，舖頭細細間，但係都坐滿晒客人。食物種類亦都好多，絕對係元朗串燒小店高質之選！我哋叫咗串燒，麻辣燙，花甲粉，燒茄子等等。🥘麻辣燙出奇地入味，而且配料一啲都唔吝嗇！尤其是蝦滑☺️如果個碗再大啲就好啦🤣可以裝得更多湯。第二樣想推薦嘅係芝士年糕，我諗係我喺串燒店食過最好食嘅芝士年糕，燒得啱啱好，芝士仲係流心嘅，面頭淋上蜜糖，  好正。串燒全部質素都唔錯，尤其是土豆串，唔會切得好薄，但係又夠脆口。另外雞翼都係，好貼心地切開咗半，比較容易食。花甲粉又係必叫！湯頭夠晒鮮甜，30幾蚊有好多隻花甲同娃娃菜，女仔食一碗都一定會飽。最後燒茄子做結尾😋調味啱啱好，唔會太鹹，茄子🍆非常嫩滑，下次一定會再叫。整體來講，價錢實惠，食物質素亦唔錯。一定會二訪。…Read More

上個星期約咗朋友喺銅鑼灣見面，佢帶咗我去時代廣場搵食，試吓新開嘅韓式餐廳。首先係炒年糕$125，十分推介💕年糕形狀可愛，好似一粒粒小雪人⛄️面頭有兩件芝士豬扒，魚糕，紫菜粉絲卷。所有嘢加埋真係好夾，我同朋友好快已經清碟🙈第二樣當然唔少得我最愛嘅芝士泡菜煎餅$165，泡菜煎餅係我食親韓國嘢必點😄呢度嘅粉漿唔會太厚，反而泡菜多，辣辣地好正，再鋪滿芝士碎，一定要趁熱拉絲嘅時候食😌真係好邪惡啊🥰第三樣我哋就叫咗個主食獅蚶石頭飯$195，平時石頭返選擇來來去去都係豬牛雞😳呢度竟然用獅蚶！好奇之下所以叫咗😎上菜嘅時候店員會幫忙用自家製海鮮醬先拌好，飯底加咗紫糯米，粒粒分明，好有咬口。獅蚶細細粒容易食又入味，而家先知原來咁夾🤣第四樣就係全晚嘅重頭戲🤤醬油海鮮拼盤$695🦀🦐拼盤包括蟹，大蝦，鮑魚及帶子。見到張相就知全部都好大隻，二至三個人share絕對夠。我都係第一次食醬油鮑魚同帶子，鮑魚唔會浸到淋灑，仍然保持到彈牙，帶子都好鮮甜。主角醬油蟹係最正，蟹膏又多，處理得好乾淨又唔會腥。食到淡淡醬油香，調味啱啱好。啲汁攞嚟送飯真係一流😝整體坐得舒服，店員亦都服務周到。會再光顧。…Read More