t300cat's Profile

之前食過2次，一次食晏，一次食點心。聽住係附近嘅朋友講，呢度以前唔係齋舖，後來至轉左，所以佢都唔知呢度有齋舖…. 好似話餐廳冇改名。食物質素唔錯，地方亦夠大坐得舒服。員工全部都好好禮貌同招呼。今次三人行，叫咗羅漢齋炒麵，上海粗炒，冷盤同咖喱角，好好味！我最鍾意上海粗炒，上次叫比較鹹，今次有特別備註少鹽少油，有改善到。同學鍾意羅漢齋炒麵，佢話呢度整得好好食！另外咖喱角同嗰冷盤亦係好好食，食極都唔厭😬下次再去都會再叫。至於其他，要慢慢試，太多選擇🤤…Read More

之前食過深水埗分店，今日經過見到終於開咗，就去買外賣。一款係悅香茄子，另一款係麻婆豆腐，之前食過好好味，呢度都保持到水準…悅香茄子有啲鹹，輕返手就完美！另一款咖喱薯仔之前係深水埗食過，非常好食，好入味！夠「林」👍🏻另外多咗小食、冷盤選擇，好似好正，留返下次😬呢度仲有堂食，地方雖然唔大，好似都唔錯，下次可以試吓堂食。可能係新開張，暫時冇八達通，只收現金…..有啲混亂，應該遲啲run 順咗就會好返。今時今日呢個價錢絕對係超值嘅選擇👍🏻…Read More

同學聚餐，由齋人我間餐廳，咁就梗係齋舖😎呢度地方唔大，一眼見哂，不過都坐得舒服。WhatsApp 訂枱食晚飯，老闆會sent個menu俾我睇。 同埋會問食唔食蛋、五辛或者有啲咩唔食。Confirmed 時間、人數後，需要落deposit, 都合理嘅，怕你 no show 嘛！食物款式主打日式，我問咗老闆，每個月會轉菜式，不過我諗應該大同小異！每度菜嗰賣相都有心思，全部都幾好食，有啲仲幾特別。成個course包一杯飲品同homemade cake, 有啲飲品可能要補錢…朋友話咖啡好正，而我就覺得啲homemade cake 幾好，我要咗件辣椒蛋糕，幾得意…aftertaste 真係有少少辣嘅感覺！ 而且唔太甜，啱啱好。我其實唔鍾意食蛋糕，但係竟然成件食哂😅同老闆傾咗一陣計，原來咖啡同蛋糕係佢地嘅強項。Homemade cake 仲可以另外買，當然要預訂。成個course 係$400.00 per head, 真心覺得值！ 冇加一。我唔會逐個dish去講好唔好食，一來唔記得咁仔細，二來其他comment 都有cover.總體黎講食得幾開心，會再去😬…Read More

今晚約咗朋友去試…. 枱面好窄，諗住香港係咁啦，算！落order至話俾我地知，有minimum charge 係每位200.00。我話：今日weekday 都有minimum charge? 嗰waiter話差唔多400.00都ok…. 間咗腐皮卷同粉絲煲，而waiter介紹咗炒蛋白。腐皮卷ok,粉絲煲一般，重頭戲👉🏻炒蛋白入面有大量碎芫茜，我係純齋人，朋友亦唔食，唯有默默一啲一啲全部夾返出嚟🤮😡之後嗰waiter仲走嚟贈興，問好冇食！我話點解齋有芫茜，佢根本唔知咩係五辛！仲話：你下次再落order話我知有咩唔食！sorry, 今次係第一次亦係最後一次！我好明白呢間野又係sell fusion 菜，但係既然主打係齋，係咪可以做好啲，主動係落order時問返啲客食唔食乜乜物物？其實好多齋舖都會主動問客食唔食蛋，証明呢度啲waiter完全唔上心！真心覺得呢度偏貴但食物一般…之前食一間私房齋，400.00 per head 但係真係好食。最後，第一次食齋有minimum charge 🙄真係無知的我，食齋食咗大半世第一次撞到。…Read More

今日同娘親大人去麗姐食晏當團年。叫咗怡香茄子煲、芋頭魚同埋麻婆豆腐。三樣都好好味，去親都叫，仲要成碗糙米飯都爬哂...麻婆豆腐有麻辣味，不過記得講辣度，我只能受到小辣，結果有一次唔記得講要幾辣，結果不停飲水但又好好食....茄子夠淋，送飯一流！芋頭係娘親最愛之一，不過我唔鍾意食粉野嘅人都覺得唔錯。中午時間有6選3套餐，湯任飲白飯任裝👉🏻抵食！不過我鍾意自己叫餸，因為上面有兩樣係去親都叫，套餐未必有。灣仔區嘅齋舖我差唔多食過哂，麗姐廚房係頭二之爭。如果你都係齋人又咁啱係灣仔出末，記得去試吓。…Read More

食左個香蒜片雜菌意大利粉....只能用「正」黎形容！價錢大眾化，同一款意粉如果係銅鑼灣食，計埋加一起碼過100！呢款$68仲包一杯野飲，所以住係灣仔既我都特登入去食左兩次，睇怕以後會變左飯堂而且意粉仲可以加底呢到主打係意粉，素食既我，暫時只有一個選擇，不過店主話可以度身訂造無肉意粉俾我另外裝修好舒服，雖然地方唔大，但係好cozy, 地方好乾淨。從來冇諗過去到咁遠搵野食，不過坐地鐵好方便，利東站出左行五分鐘左右就到。…Read More

今日係假期，臨時訂位同朋友食晏，結果去左呢間新開的素菜館！到既時候只有兩枱人...不以為然就點菜：結果點左：羅漢齋炒麵 - 勉強可以接受！。麻辣水煮侯頭菇，湯底好似水咁稀，侯頭菇一D都唔入味！只食到八角同辣味！！叫個負責人問，佢試完之後都話好稀，有待改善！另一度菜螃蟹，加左什麼茸既醬，味道好怪！最後奉上糕點兩舊...我冇食，朋友都係食左半舊二人埋單要三百幾....茶💰每位$12！如果好食，再貴D都冇問題，咁既水平，唔駛💰都咪搞！好後悔唔去返隔離東方小祇園而且上菜🐢速，計埋我得三枱人，但摧左幾次先至上齊三樣，未試過係齋舗食飯要摧，呢間野唔會再去！灣仔素食餐廳唔少，我亦食雲哂，第一次試到一間價💰與食物不相秤既如果佢唔快D改善，灣仔飲食競爭咁大，自求多福啦！…Read More

灣仔都有好多齋舖, 但係大型快餐就暫時係呢間 (好似灣仔街市都有一間, 不過好少選擇)食過好多次, 最鍾意食佢個咖哩炒飯同三絲炒麵, 2 個都好好食 (炒麵好好食, d 假肉就無食過)!有一次貪過引叫左齋啤酒飲, 我就唔鍾意啦....味道有 d 古怪!佢另外有個紅菊飯, 好健康, 都唔係度度有, 注重健康既人可以試吓! 以前係美國同台灣都食過愛家, 不過口味都會略為調整迎合當地口味, 個人就比較喜歡香港呢間....不過唔係樣樣野都好食, 個 d 扮肉既齋, 我就覺得好核突!!! 雖然我唔信教, 但係由細開始食齋, 係唔會食扮齋既肉多數都係 set, 亦有散叫既. 佢 d 蛋糕係不含蛋, 食過一次, 幾好食, 鍾意食蛋糕既人可以試吓, 健康嘛!噢, 佢個跟 set 既例湯通常都好好飲, 不過唔知有無味精啦…Read More

一早 booked 左枱, 兼且時間早, 所以無問題, 但係如果唔做 reservation 既話, Peak time 就未必有枱啦! 叫左一個 Classic Pizza, 好好味, 另外一個菠菜卷, 亦都好食! 朋友叫左個 "Slice Pork", 亦話好食!黎呢到食過好多次, Pizza 真係好食.唯一唔好就係人一多, 就要等好耐, waiters & waitresses 服務好, 但係有時要重覆幾次先接收到.......可能人多佢地就會做到踢哂腳 lor !!!價錢唔算貴, 所以越來越多人幫襯!亦會成日叫外賣 Pizza, 因為同個d Pizza 專門店比較, 價錢唔貴, 但係好食好多 (如果你鍾意食薄批的話)…Read More

中學同學生日慶祝兼聚會， “間”左呢間， 因為想去個 MALL 到行下．沒去過嘛！食物份量細小， 所以食極都唔飽， 要不停加 ORDER．同學們叫左個 “山苧＋魚沙律” （唔記得正確名字）， 結果 5 個人有 4 個食到想嘔咁！！！ 唯一無食既就係我， 因為我食齋既！ ！同學話一定要推介俾人食， 因為從來都無食過咁難食既野！！！！ 仲唔平， 好似係 HK＄68！ 一個碗既份量！至於其招牌菜： 紙上燒， 我地無食， 因為無人想食， 主要食串燒， 烏冬等， 唔算特別好食， 一般貨色啦！埋單要 HK＄834．但係好似唔夠飽！！ 返到屋企仲要食野！！所以我諗除非大家想試下新玩意 ﹣ 紙上燒， 否則太多其他餐廳可供選擇！！應該呢世都唔會再去幫襯， 唔係佢咁差， 而係咁既價錢， 我寧願俾多 D 食好 D， 覺得唔值囉， 早知上樓上個 COCKY BAR好過！餐廳好細， 坐得唔舒服， 已經係 3 日前訂位， 但係 5 個人要坐 4 人枱， 更加扣分！！…Read More