星紫的個人專頁

星期日，睡到中午自然醒，幸福。豆漿大王在此開業十多年，算是這區的老舖。中午時份，人流之多。幸運地剛有兩個吉位。兩人份的食物如下:1)熱豆漿。一碗熱呼呼的，豆味香。甜食鹽食隨食客自選。2)五香牛肉麵。 牛肉入味，湯底和麵也很不錯。3)炸雲吞。新鮮即炸的是上海菜肉雲吞。粒粒飽滿，配以甜酸醬更是滋味。希望這樣的老店，不會因為社區發展而清消失。…查看更多

因為男友病左,外賣自取晚餐返屋企啦.點知拎到返屋企,嬲爆呀~!!1)豬膶牛肉粥~係一片牛肉都無,完完全全半片肉碎都搵唔到.豬膶有3細片.2)雲吞麵呢個正常,不過每粒雲吞都有蝦殼3)油菜係平時堂食既一半份量.而且都係碎葉.4)XO醬蘿蔔糕感覺佢係用辣油煎一煎,然後放XO醬上面就算.一間餐廳如果堂食同外賣咁大分別,真係令人好失望~!!!因為外賣返到屋企,就無得投訴,做到咁差.街坊生意.唔應該係咁囉~!!!…查看更多

團購優惠不是每次都吸引無比.但今次單是"赤柱"這一點已經吸引了我的興趣,因為男友喜歡這些特色地區.再看看餐廳資料,有生蠔提供就更加合男友心意了.提早三星期預訂星期五的雅座.但卻比心目中少人,可能地點始終不太就腳.於銅鑼灣乘坐小巴,20分鐘左右到達赤柱,沿大街步街3分鐘,已經找到餐廳.其實沿路都有不少相同格調的餐廳,如果是閒來遊玩,真的會隨便"點指兵兵"就算了.晚上7點半,還帶點初夏黃昏的餘暉.餐廳裡裡外外都不算多人,沒有太嘈吵的環境反而更合心意.侍應很有禮貌,為我們介紹了餐牌和餐飲後,站在3步外的地方等候我們示意,減少了壓迫感.選了又選,除了兩個SET DINNER外,還點了兩轉生蠔.生蠔.男友說可能不是當造時令,各款生蠔也不夠肥美.餐湯 (南瓜湯配蒜蓉飽)南瓜不是我的喜好,喝了幾口就跟男友的沙律對調了.煙三文魚沙律兩大塊三文律,魚油很香.蔬菜很新鮮,份量也絕不輕手.青口白汁意粉很特別的用碗盛載.面頭放了幾片車打芝士,與意粉伴在一起同食,十分美味~!!白汁濃厚惹味,青口量多但多數都是"奀"碼.西冷牛扒(MEDIUM)加錢要了12oz,扒不是厚身.肉味不濃.但男友讚其烹調手法很好.男友意猶未盡,侍應推介之下叫了兩個甜品.心太軟配云呢嗱雪糕好大個喔(相對其他餐廳)朱古力漿不會甜到漏,不錯.雪糕應該係餐廳自家製,味道清香帶點冰沙水感,但溶得好快.香蕉船香蕉配雪糕球x3再加點水果,一向覺得香蕉跟朱古力是絕配,特意問侍應多拿朱古力漿.好味好味~!!餐飲:白酒,蘋果梳打.完成晚膳已經9點多,再在海傍閒逛一番.happy friday不一定要酒吧狂歡.以團購價$65一個set dinner真的是超值.另點了生蠔和甜品,埋單$730~…查看更多

今晚得我同媽咪撐枱腳,近近地到左味千拉麵晚膳.蕃茄雞肉拉麵.都無諗住佢會俾得多雞肉,但真係估唔到竟然得一件雞肉.一件比M記麥樂雞還要細件既雞肉!!!!蕃茄都仲有3塊~湯味唔濃.吉列豬扒拉麵.豬扒另上,所以有完整一大塊再切開6件.變薄左OK.蟹肉薯餅.3件,但係有兩件有一半係空心的......到底想點呢~!??我知通脹,我知就黎最低工資,我知好多食肆都份量縮水.麵餅細左,雞肉少左,豬扒薄左,薯餅空心.味千俾我既感覺一直都係物有所值~但係依家,我同媽咪都食唔飽.....見到媽咪返到屋企仲要搵野食.....做阿女真係會心UP架.....…查看更多

於開飯團購了coupons男友雖然唔係曼聯fans,但可以去足球主題餐廳用膳其實佢都滿心歡喜既.早兩個星期預約,但依家要book第二輪(2:45pm-5:30pm)時間唔係大問題,反正星期日我都唔願咁早起身.2:30pm到達門口,偶遇中學同學,閒聊左幾句.餐廳要2:45pm先安排入座,唯有等一等啦.人越黎越多,餐廳左邊已經聚左一大堆人.夠鐘時,餐廳應該唔夠人手,無好好安排.企前排的人(我)以為一直等職員開口安排入座.點知突然有人系右邊行入餐廳問入得未.職員問預留資料就安排左佢地上去.咁既情形一出現,現場即刻無晒秩序,擁晒上前面.....唉....上到樓上餐廳,環境同一般酒吧分別唔大.場中間係沙律吧,有5款沙律,湯,餐包,甜品.不過有小朋友大失所望的說:下.....淨係得呢d jar...??bowl沙律各款沙律都好新鮮,粟米都可能係罐頭.但蕃茄同凱撒沙律好新甜.前後食左3輪沙律.男友更笑說,沙律比主菜更似主菜.bowl餐包有白包同麥包,放系一個大爐入面keep warm.但自己還是喜歡香脆一點的餐包.bowl餐湯"carrot & ginger"就咁睇個名覺得配搭奇怪.但原來又一d都唔難入口.仲幾好味添~bowl主菜(我) 煙肉白汁扁意粉--好快就上到,應該廚房一早預備左好多.味道渡大特別.(男友)西冷牛扒(+$25) -- 另些主菜都唔係好岩男友胃口,加錢食喜歡既主菜.不過薄薄的一塊牛扒外觀令人大失所望,幸而肉味濃郁.side dish係薯蓉,好似煮得唔夠耐,水份太多.bowl甜品麵包布丁 -- 我無食,因為一向都唔喜歡"淋patpat"既食物.男友話唔會太膩,幾好食,仲食左2次.朱古力噴泉 -- 係迷你版.正路野,無大特別.個幾鐘,兩人都食得飽飽.要左coupons,呢個價錢算是值回票價啦.哈哈男女廁大不同.男友說男廁有一個膠樣底大電視,感覺就似系球場觀眾席放水咁爽.好可惜,女廁既裝修毫無特別.睇黎都係著重男球迷多d呀啦~…查看更多

於開飯團購了coupons男友雖然唔係曼聯fans,但可以去足球主題餐廳用膳其實佢都滿心歡喜既.早兩個星期預約,但依家要book第二輪(2:45pm-5:30pm)時間唔係大問題,反正星期日我都唔願咁早起身.2:30pm到達門口,偶遇中學同學,閒聊左幾句.餐廳要2:45pm先安排入座,唯有等一等啦.人越黎越多,餐廳左邊已經聚左一大堆人.夠鐘時,餐廳應該唔夠人手,無好好安排.企前排的人(我)以為一直等職員開口安排入座.點知突然有人系右邊行入餐廳問入得未.職員問預留資料就安排左佢地上去.咁既情形一出現,現場即刻無晒秩序,擁晒上前面.....唉....上到樓上餐廳,環境同一般酒吧分別唔大.場中間係沙律吧,有5款沙律,湯,餐包,甜品.不過有小朋友大失所望的說:下.....淨係得呢d jar...??沙律各款沙律都好新鮮,粟米都可能係罐頭.但蕃茄同凱撒沙律好新甜.前後食左3輪沙律.男友更笑說,沙律比主菜更似主菜.餐包有白包同麥包,放系一個大爐入面keep warm.但自己還是喜歡香脆一點的餐包.餐湯"carrot & ginger"就咁睇個名覺得配搭奇怪.但原來又一d都唔難入口.仲幾好味添~主菜(我) 煙肉白汁扁意粉--好快就上到,應該廚房一早預備左好多.味道渡大特別.(男友)西冷牛扒(+$25) -- 另些主菜都唔係好岩男友胃口,加錢食喜歡既主菜.不過薄薄的一塊牛扒外觀令人大失所望,幸而肉味濃郁.side dish係薯蓉,好似煮得唔夠耐,水份太多.甜品麵包布丁 -- 我無食,因為一向都唔喜歡"淋patpat"既食物.男友話唔會太膩,幾好食,仲食左2次.朱古力噴泉 -- 係迷你版.正路野,無大特別.個幾鐘,兩人都食得飽飽.要左coupons,呢個價錢算是值回票價啦.哈哈男女廁大不同.男友說男廁有一個膠樣底大電視,感覺就似系球場觀眾席放水咁爽.好可惜,女廁既裝修毫無特別.睇黎都係著重男球迷多d呀啦~…查看更多

星期六,放後工與男友到彩林商場看家品展銷,收穫豐富.走時經過呢間餐廳,就決定食埋DINNER先啦.其實時間仲未到6點鐘.下午茶同晚餐中間既尷尬時段.而最可愛既係,呢個時段係有午餐,下午茶同晚餐選擇.最後叫左一份午餐同一份晚餐.午餐:醬汁芝士焗雞扒飯,忌廉湯($38) 喜歡呢種加左薯蓉既白湯.但午餐無餐包跟.無著眼醬汁呢個字眼,原來係日式燒汁.味道其實唔錯,不過自己唔鍾意太多汁整到D飯太濕.雞扒嫩滑幾好味.晚餐:穀飼牛柳,3款小食,雜菜湯($98)紅湯,味道唔濃,比白湯遜色.小食1)蒜蓉包,好好味呀.好多蒜蓉,而且熱辣辣.2)沙律,細細兜,有粟米,雜菜同紅腰豆.3)白酒青口,有3隻.味道正路.無咩特別.牛柳, 錯晒.叫6成熟,黎左10成熟=.=''哈哈.但個薯蓉好好味~!!其實味道好一般.可以係椰林閣都食到既貨色.勝在裝修搭救(但係有一張圓枱)餐牌中西合壁,應該老闆都無打算走高檔路線.總括而言,不過不失啦.…查看更多

自從帶男友去CHEESE PIZZA食左一次之後.佢就愛上左CHEESE PIZZA.喜愛既程度係,只要諗唔到食咩,就係食CHEESE PIZZA.食到我都認為"駛唔駛咁誇張呀......."CHEESE PIZZA已經可以代替左KFC同PIZZA HUT兩間店.依家系我抗衡之下,平均每個都依然會幫襯3~4次.而幫襯時段多數都係星期日既下午茶.是日亦如此.兩個下午茶餐($18/兩款小食+飲品)另加兩件炸雞.~PIZZA+薯角男友最愛這裡的PIZZA.之前曾問過負責人,原來佢地既餅底係自己搓.仲要係每日新鮮搓的.有誠意的店就係要用心去做.GOOD.薯角熱辣辣,好好味.~吞拿魚多士+春卷.多士的餡好FULL,好滋味.春卷一般啦.炸雞~雞滑多汁.但我自己就覺得炸漿太厚.男友就很愛很愛.飲品:因為都唔想飲罐裝飲品,奶茶咖啡又很一般,所以選擇了餐湯.$24蚊~食得飽飽~GREAT~!!另:每次黎,都有一個侍應妹妹會同D男客人玩得好癲.仲要每次的男客人都唔一樣.其實系舖面,都係要有返D界線好D~…查看更多

朋友帶路,系威靈頓街某一商廈原來有此餐廳.由於只有兩部細LIFT,排隊都排左15分鐘.上到去12:45~咁多人...........裝修以白色為主,感覺精神舒服.不過走廊太窄,待位人太多,大家都要就住就住.趁有D時間,睇下餐牌.咦~又係以炒蛋作招徠,又有常餐跟叉燒通粉!?不過,佢都有其他餐.半個鐘,有位啦~由於餐牌上既飲品唔可以轉.所以最後都係揀左常餐.朋友就揀左三明治餐.等得都唔算耐.常餐: 1)多士炒蛋.多士鬆軟,但蛋不夠香滑,而且碟底有水既..??又唔係蛋汁喔~ 2)叉燒通粉,都幾大碟.但係唔好食.... 3)熱奶茶.唔知係咪真係用"北海道牛奶"調配.不香不濃不滑通粉同多士我都食唔晒,原因係..食物偏鹹.食完我同朋友都好口渴...$35~一個午餐,中環區算係咁~但係要以炒蛋多士叉燒通粉作招徠.絕對比下去.…查看更多

是晚又同一眾好友飲飲食食金田的舖面唔大,大多數都係4~6人枱我地一行16人,要勞煩侍應們左拼右拼先拼到一張長枱俾我地.餐廳無限時,我地可以由8點一直又食又傾又玩到最後.食物不停咁上,侍應已經一早提示手機唔好放系枱面.但係最後都有人遭殃.....人好多,食物都好多但又唔係樣樣都有食到因為怕浪費食物,又怕有D食物唔岩口味.所以落單無叫足16份.而且少不免有漏單既情況.刺身:先後黎左5大盤.好快就俾大家清晒.蒸蛋:小小一杯,又滑又香.讚!炸蝦:不過不失芝士年糕:一大粒似糯米糰,喜歡食煙煙韌韌的人就岩食啦~一口芝士:炸到細細粒的,其實無咩味道.蒜香牛肉粒:食左一兩粒~無咩特別.薄煎牛肉:食唔到~但朋友話唔錯~枝豆:好似有用鹽焗過,另附一個吉碟放皮.夠細心.羊鞍:大大件,油分多香口.其餘還有關東煮,燒牛舌,雞軟骨等等~~食物水準不錯~但可惜飲品要另點,而且仲唔便~埋單每人$208~(信用咭95折再加一)不過不失.但未必會ENCORE~因為同區總有些質素差唔多,但價錢可以便少少既放題.…查看更多

以前系附近返工久不久都會到澳牛但自從轉到港島返工.....好掛住澳牛d炒蛋呀~試過港島區兩間仿照澳牛的餐廳(都以炒蛋和快餐就招徠)但炒蛋一到,一入口.只令我更掛住澳牛.今晚到TST拎餅~自己一個遊遊蕩蕩,最後決定由海傍行去佐敦一嘗成年無食既澳牛.到達時,晚上八時二十分.依然人流湧湧.因為不喜歡自己一個人堂食,所以單點外賣腿蛋治一份.付上15蚊~等左幾分鐘.上到巴士,一口咬落份三明治度~好感動呀!!!!!!!!!!!!!!!!!~蛋香滑甜,麵包選擇沒有烘底,鬆軟的~好好味~~真係好好味呀!!!15大元~~是值得的~…查看更多

澳門和台灣友人到港遊遊下~前一晚朋友帶左佢地食韓燒,今晚我就帶佢地黎食西餐~預早幾日BOOK位~位置都幾好~但係整間餐廳好似暗得滯,對眼都有D辛苦西餐的美中不足之處,就係人太多既時候,唔可以圍埋一齊傾計~大大個MENU,但D字好細粒,再加上燈光真的太暗啦.....沙律+麵包籃 -- 沙律好新鮮!!8人兩碟,不知不覺就清晒LU~麵包籃好靚,亦都好食~不過呢,其實麵包淺嘗就可以啦~~唔係食我太飽,之後D野會食唔落.雞翼拼香草燒肋排x2 -- 一碟每款4件,作為餐前小食很不錯~不過肥天使的rib,無out-back咁好食~忌廉蘑菇雞絲蝴蝶粉 -- 侍應游說下叫左大碟份量.8個人黎講,真係差唔多啦~鍾意個粉既汁好多~而蝴蝶粉比意粉易分同易食,唔會拿手唔成世咁~千層麵 -- 勁多肉醬.但味道只係中規中矩.意式錦繡pizza -- 用$1 coupon,真係抵到爛~原價要成$144~薄底,有辣肉腸片~good~!!美式西冷牛扒(六成熟) -- 差.牛扒乾身,太熟同好韌......失望的係所有食物都係唔熱,只係暖~~令人感覺食物唔係太新鮮.各款食物亦都無大驚喜.勝在環境舒適同有$1的pizza coupon.加埋一,每人都係$115~如果無coupon,真係唔會黎~…查看更多

陪男友到尖沙咀辦些小事~經過漢口道,唔想諗太多,就揀左麻布茶房唔知係咪因為位置既關係,呢間店好少人.包括客人同侍應上到樓,無人帶位~而侍應們亦都自顧閒談,唔係好睇到我地舉手~食物:忌廉芝士局西蘭花 -- 芝士汁好香好濃,D汁仲可以撈飯.不足既係太細碟啦~一人先食得3件.燒三文魚 -- 男友說比想像中做好食.但我就一般啦,因為佢上檯前已經將D汁淋晒落去,無左個香口口感呀....但味道係唔錯既~六色芝麻冷麵 (配味噌湯及酸菜) -- 其實六色係指六種配菜,芝麻醬無味千的香,而且稀稀的.但麵質口感不錯~芝士烤雞飯(配味噌湯及酸菜) -- 完全見唔到同食唔到芝士....雞扒炸到好香脆,好大塊雞皮~~燒蕃薯配白玉紅豆 -- 好失望:( 比旺角店的差好多~~呢個甜品好食在滑滑的雪糕現熱熱的燒蕃薯. 但係呢度既燒蕃薯一D都唔好食!!!下次,還是揀返其他分店~~…查看更多

系中環返工,幫上司送文件到西環~~所以有機會試下朋友話好好食既牛肉餅~由於晚上男友返學,所以我就做外賣小妹~因為要6:40pm到達九龍塘地鐵站,所以早於5:40pm打電話去落單,講明6點去拎.好可惜,當我5:55pm去到店舖,見到我,收埋錢先開始煎餅同鍋貼.我明白佢地既顧慮,但係如果佢一早系電話同我講,咁我感覺會好D~等到6:10pm~食物整晒,即係走人~系西環坐車到中環再轉地鐵到九龍塘已經6:50pm講返食物 牛肉餅($15/2) -- 雖然返到屋企已經7點幾,但係個餅仲暖暖地.一咬落去,好juicy好好味呀!!~:)個皮唔韌,肉餡亦都好多~煎鍋貼($15/4) -- 其實覺得有少少貴架~不過都幾香口,幾好食~至少個人認為好食過某連鎖店~豆漿($5) -- 唔嗜甜既關係~呢杯豆漿係好味架~!!總評: $35而言,抵食又好味~男友都話有機會試下堂食~但係位置真係唔係好就腳.…查看更多

男友提過想食芝士麵上網找到兩間一間系大埔,太遠啦~另一間就係呢間就腳又出名,就揀呢間啦~夜晚8點幾,8成入座率由入座,落單到離座,侍應們既態度都十分之差差既原因係由於佢地無笑容,講野無尾音,無唔該,無唔好意思同無心機對人.起初只覺得,通常出名既店都係咁呀啦~但係睇下睇下~佢地甚至係有呼喝食客既態度落完單唔夠半分鐘,飲品想改單.侍應大哥望住3秒,之後話睇下出左未,出左無得改~但係,佢完全無行過去水吧果度囉~!!杯飲品15分鐘之後先到,都改唔到單???我地同隔離檯一齊落單,人地食完走埋,我地D野食都未到~:(遲過我地入座,落單既~都早過我地食完,走人~但係Order既食物係一樣架~鄰檯小故事:侍應擺低一碗麵,走左~食客問:唔好意思,呢碗咩黎架!??侍應:豬頸肉撈公仔麵~食客: 係撈麵定撈丁呀!??侍應問完廚房:廚房話係撈麵呀~食客:但係我地叫撈丁喔~30分鍾之後,食物終於到啦~以上既情況亦都發生系我地身上..不過佢今次答我地係撈丁~但係由外觀及味道,我地都肯定我地果兩碗唔係撈丁!!!因為好肚餓,亦都唔同佢爭辯啦~講返食物~雞扒芝士撈"丁" -- 麵煮得唔透,中間好乾~不過好處係D芝士汁唔會溝稀左~雞扒煎得好香~唔會太油~司華力腸+煎蛋撈"丁" -- 因為唔係熟蛋,蛋汁+芝士汁撈麵,好好味呀!!~司華力腸係切左片,有6片~炸薯條 -- 唉.....D薯條仲有雪味架.....總評,其實個芝士汁唔係好香濃,只係好CREAMY~比起平時自己系屋企煮丁加片芝士還要差~服務態度唔好~真係擺出一種"唔鐘意等就走"既咀臉~95大元=兩碗麵+一份薯條+一杯飲品,我就真係覺得唔係好值~…查看更多