Chanhoyan1111的個人專頁

奶油花生方塊！世記既咖啡我覺得其實就唔係幾啱我，但我就幾中意食佢地既包類。特別係奶油花生方塊！！中意食奶醬多既千期唔好miss左佢！超多醬！超好食！下次黎唔好淨係掛住食豬扒包，飲咖啡！…查看更多

平日的中午，同媽媽妹妹三個人去鰂魚涌揾食，本身係想食cafe的，但妹話想食拉麵就入左去哩間久仰大名的沾麵店。因為我妹係想食拉麵，所以我妹同媽咪就叫左周月拉麵，而我就叫左招牌既沾麵(濃湯+冷麵200g)。妹既拉麵(濃湯)同媽既拉麵(淡湯)先到，我試左幾啖，覺得濃湯比較好，大家如果黎食，最好叫濃湯！而我最期待既沾麵到左啦！但係一摸我就覺得個湯唔夠熱😓，再食就覺得，「噢，原來真係酸既🙈」，其實之前睇reviews都睇到有人話係酸酸地，但我冇諗過個酸味係咁突出。即使我跟佢指示，係食完麵之後，加啲雞湯去個沾麵湯度，我都仲係覺得佢係酸既。所以，哩個沾麵就真係唔係幾啱我口味☹️。俾我再揀我會揀我妹既濃湯拉麵。不過，店啲黑豚肉係幾好食既。…查看更多

上星期五下午同男朋友係信德中心揾食！之前一直都想試下哩間拉麵店，見下午時分冇咩人，就入去試試啦！我地兩個人叫左兩個唔同味既拉麵，雖然都係招牌既蝦湯底，但都有啲分別！但兩款都好味架！圖片係🦐味噌湯，我個人覺得比較濃味，重口味人士比較啱！而我男朋友叫既係🦐醬油味，我試左幾啖，覺得比較清啲，反而啱我口味多啲！但其實兩款既🦐味都出既，所以兩個湯底我地覺得唔錯！我地都叫左個炸雞小食，多左啲櫻花蝦就比普通炸雞貴左啲啲，但啲蝦又冇乜味，所以我覺得可以食返普通炸雞😅下午茶冇任何優惠，幾時去食都係哩個價，但因為我幾中意個湯，有機會我都會再去食既！…查看更多

同屋企人一齊去食下午茶，因為見到個裝修唔錯，價錢又okay，所以就去左試一試。因為價錢以西餐廳黎講真係算平，所以我地都係以試一試既態度黎食。不過，三個下午茶黎講，得南瓜湯同芝士魚柳焗飯係ok，個蜜糖雞腿(好甜，但又唔夠味)同薄切西冷都唔係太好食。至於服務，由點餐開始，一個較為年輕既女服務員已經係完全冇笑容，但因為果度唔係高級餐廳，我地又唔係俾好貴去食，所以一開始都冇乜意見，亦冇乜要求。不過，直到個年輕女服務員上其中一個菜。因為佢地係用木製碟，啲油係上菜其間因爲斜左，而滴左落我屋企人身上。但係年輕女服務員並冇道歉(去到埋單走人一直都冇)，而其他服務員事後覺得我地有唔妥都有過黎道歉，同幫忙清潔。而埋單後，因為屋企人一直覺得年輕服務員應該要道歉一聲，所以就去左同一個疑似店長既女士講一聲該名服務員既態度需要提醒一下。不過講完之後，我就見到疑似店長只係搖搖頭，冷笑左一下，俾我既感覺係佢覺得我地係”奧客”吧😅。所以我認為佢地唔太會尊重客人既意見。重申，由頭到尾我地都係覺得個服務員應該要有一聲道歉，我地並唔係蠻不講理，要拎著數果啲。可能大家會認為只係小事一則，但咁費心去將間餐廳裝修到咁靚，我都希望佢地既服務可以有改善。🙏🏻…查看更多