meowagnes's Profile

喺紅磡工作，其實午餐係有好多選擇，講得出嘅菜式同餐廳都應有盡有。不過紅磡就較少類似舊時港式西餐廳(花_餐廳嗰種)應該話係自從一間叫阿德廚房嘅嘢執左之後就冇哂嚕!呢排見到呢間 Royce係新開，環境幾好乾淨企理，午餐大概50-60蚊到免加一，都有好多選擇，所以就入去試下啦!同同事兩個人，一個叫左牛扒一個叫豬扒，嚟到勁大份，男士食都一定夠飽，而且餐湯羅宋湯都好夠味又香濃! 薯條炸到啱啱好，即炸夠哂新鮮，唯一一個好大嘅缺點就係，無論黑椒汁定蒜蓉汁都係偏凍。。。希望有所改善下次會再嚟試下其他款式嘅焗飯，多左呢個餐廳做午餐選擇真係好👏👏…Read More

去開佐敦做嘢，見咁多正評所以入嚟試下午市嚟到，環境都乾淨企理，1點到大概有9位食客特價午餐除左牛舌就冇其他牛肉選擇，所以就揀左單點我叫嘅係澳洲肉眼200g，另外會有自助白飯同麵豉湯，沙律沙律冇試，但麵豉湯較咸但好多料，都幾好味牛扒好快到左，滋滋聲、又香，都幾吸引不過食落就，um.....好一般嘅水準...自己落左岩鹽調味，但牛味始終唔太出色如果佐敦食飯110蚊還可以啊，但唔好有好大期望😅午市有更多選擇…Read More

首先，呢到嘅點心水準好差明星賣廣告聲稱話點心自己即叫即蒸，但如果即叫即做係呢個水準嘅話咁不如你去買公仔點心返叮。。。啲服務員態度都好有問題，啲阿姨阿嬸都算數喇無謂計較。但部長級嘅人都係見到你遞手就扮睇唔到，掂行掂過! 到有點心等左九個字都未嚟，唔該佢幫我追下嘅時候未聽完你講乜就答:蒸緊啦 之後轉身即走! 三個男部長得一個人做嘢。。。啲點心實在太出色所以影都費事，只係可以送上一隻38蚊加一嘅乳鴿俾大家感受下，真係得半啖肉…Read More

嚟到土瓜灣搵食點知一泊好車就落好大雨，唯有求其揀一間餐廳啦。經過聽到門口有職員話有辣有唔辣，咁就啱哂喇因為我好食辣但爸媽就唔太受得，咁就入去試下啦!裝修好簡單但好乾淨，而餐具都好新好靚。我地叫左幾個客飯一齊share食回鍋肉香到喊，仲好惹味，只係有樣唔好，就係有少量碎骨醬燒茄子，一定好食過嗰幾間上海XX見啲小炒好有水準，所以追加多一個蒜泥白肉白肉下面係粉皮，呢個辣醬出色到不得了，完全有我食川菜嘅感覺同味道，連唔食辣嘅爸媽都清左呢碟嘢下次一定再嚟，試下個乾鍋先!…Read More

嚟到荃灣朋友帶我嚟左呢間小灶子，本來見呢度普通小店仲要個位咁隱蔽，食物質素應該中中廷廷啦。。我地夜晚嚟到其實想食甜品，兩個人叫左一杯latte同一個 dessert ，點知非常驚喜!嗰個忌廉芝士卷真係非常出色，唔太甜，食落有芝士嘅滑同香，而個餅皮仲有香香嘅蛋味，又新鮮又好食，當我地讚老闆嘅時候佢話係自家研究出嚟，所以比較有特色另外我地share嗰杯 Strawberry Latte，唔會淨係得奶味而咖啡味都好香，冇酸澀嘅感覺，淡淡嘅士多啤梨味好特別呢到真係真心推介…Read More

老實講，新開張嘅時候好多人排隊嗰陣食過一次，當時真係都幾唔好食，啲味道配搭唔夠特別，稀dumdum 又唔夠豐富。但今晚突然真係好想食芋圓宵夜，咁就唯有近近地落萬華買碗食下止癮。點知出乎意料地，好食左好多，芋圓細粒左易入口，但份量又冇少到，其他豆類小丸子配合同甜味又啱啱好，唔係得個甜字! 食完之後覺得好飽好滿足。但因為本來對呢碗綜合湯圓冇期望所以唔記得左影相。不過由覺得佢勁唔掂到而家覺得值得推介，相信老闆都花左唔少心機。希望可以繼續食到又平又好食嘅甜品宵夜啦…Read More

一大班人食完鴻福想食糖水就過左嚟試下間新糖水舖，冇乜人又唔洗等位見呢兩個甜品幾靚所以有影低，味道就正常水準啦。我自己因為鐘意食小丸子所以叫左紅粉佳人，啲丸子非常煙韌又夠多反而冇影到嘅中式糖水睇落去冇乜特別但好足料同夠傳統，所以覺得好有私房糖水舖嘅感覺…Read More