wingwingwing1993's Profile

記得好耐之前朋友話過比我知呢間個海膽杯好正今日係中環諗唔到食咩所以就揀左呢間試舖頭都唔算係啲當眼位置不過啲紅燈籠就好顯眼☺️對筷子個頭係即棄既 要自己套入去唔知係咪我大鄉里覺得好得意😆黎到呢到必試 海 膽 杯！本身我係好鍾意食海膽嘅但個海膽杯真係無令我失望啊就咁睇都見到好多海膽而且每層仲有唔同口感唔同味道最重要係啲海膽好鮮甜！有啲出乎預料咁嘅價錢食到呢個質素嘅海膽楊枝甘露沙律因為我地坐係bar枱所以望到啲師傅整野食睇住師傅切啲蘋果絲 覺得佢刀功好勁啊😆呢個沙律主要係芒果同蘋果配啲甜甜酸酸地嘅汁好好味！芝士年糕第一啖覺得個口感同我平時食開嘅唔同食食下又幾好味 啲芝士咇晒出黎鮑魚雞翼入面真係有成隻鮑魚😱😱隻鮑魚係浸過清酒嘅我覺得有少少韌不過隻雞翼燒得好香火焰海膽卷！睇到個樣都想食仲要點埋火成舊食都依然食到海膽嘅鮮味呢個冷麵不得了～上面有超多海膽😱啲麵我都唔知係咩麵😆但個口感好特別係爽爽地又煙煙韌韌非常不錯！海膽焗蠔海膽蟹籽芝士蠔係好正嘅配搭😋海膽雪糕！！呢個真係好驚喜個雪糕真係用海膽同北海道牛奶整架～食落有海膽嘅鮮甜又有雪糕嘅甜味好得意！呢一餐真係食左好多好特別嘅菜式好滿足！…Read More

今日同朋友想食台灣野係openrice見到呢間個menu嘩～$60一個晚餐就決定黎試一試我叫左滷肉飯 豬軟骨同埋青菜成個set真係唔飽都難！係呢度食野一餐可以食到好多款野食好開心好滿足😍滷肉飯滷肉比較少左啲啲好彩豬軟骨可以送到飯～不過我下次會叫少飯😆因為成個set份量真係幾大$60蚊食到咁多野實在好抵！而且味道好唔錯我仲加$5叫左杯朱古力飲一定會成日黎支持因為實在太抵又唔洗加一連埋杯野飲埋單都係$65非常推介大家黎！…Read More

係樂水亭食過幾次lunch~呢度環境好開揚好舒服餐廳每日都只係開好短時間雖然位置都偏偏地但Lunch時段都幾繁忙最好book定位！睇呢度嘅餐廳廚房好家庭式好似去左日本咁~之前黎幾次都係食豚肉生薑燒覺得好好食 好好送飯不過份量就有點細唔係好夠飽😆今次就試試新野食鯖魚定食味道都唔錯！再黎多杯熱薑蜜就覺得好幸福☺️不過都係嫌佢嘅份量細左啲朋友食烏冬都話好好味 唔知係佢細食定份量大啲 佢居然食唔晒🙈不過我諗我下次都係會叫返我的最愛豚肉生薑燒食落真係覺得好幸福呢…Read More

因為太鍾意食芋圓嘅關係有日去開元朗又諗唔到食咩晚餐就係呢度外賣左芋圓返屋企做晚餐😆其實本身期望唔大因為依家實在太地方賣芋圓而好多間😆芋圓其實都係無咩味每碗又得幾粒但係呢間芋圓有驚喜！首先講下啲糖水我覺得係偏甜嘅 但都幾有薑味😋而一碗$31蚊嘅糖水入面有幾十粒芋圓😳真係可以食得飽～可惜嘅係我買嘅時候地瓜圓已經賣晒所以今次淨係試到芋圓同紫薯圓但芋圓真係有芋頭味 紫薯圓又有紫薯味仲可以食到一絲絲芋頭絲同紫薯絲😆係真材實料啊希望下次可以試埋佢個地瓜圓😋…Read More

今日突然好想食舊式西餐就搵到呢間餐廳食個lunch!入到真係覺得好有味道啊～啲聖誕裝飾仲未拆諗返起細個食聖誕大餐星期一十二點幾唔算好多人～我叫左個紅湯同焗豬扒飯鮮油多雖然唔係熱辣辣但仲係好脆😋羅宋湯都幾好味係我好鍾意食嘅餐包同湯😋焗豬個賣相真係唔多討好😆但係又意想不到咁好食😳個豬扒炸過 好香又唔算乾啲炒飯係一粒粒啲汁就係個底度 總共有兩塊大豬扒份量都幾大架男朋友就飲白湯食黑椒牛扒飯我試左一啖個白湯覺得紅湯好味啲😋黑椒牛扒飯就比較普通唔多夠汁 牛扒有點韌都係推薦焗豬😋食飽飽再黎個餐飲好滿足！…Read More

好耐無食火鍋放題～係openrice見到旺角新開左呢間日日涮就book左黎試下星期一夜晚 唔洗等位～佢同其他日式火鍋放題唔同加入左好多港式野啊有八個湯底揀！仲可以揀兩個😍我地揀左番茄小魚同埋壽喜燒😋番茄小魚真係有小魚架😆我地揀左A有海鮮拼盤果個～野飲選擇都好多～丸嘅種類好多！！連我最鍾意食嘅沙律丸都有😍仲有炸魚皮 響鈴 講得出嘅丸應該都有呢個丸好得意😍仲有飯同出前一丁個海鮮拼盤黎嘅時候真係嘩左出聲隻龍蝦仲識郁架！二百幾蚊一個人食到咁多野真係好抵😭啲海鮮真係好鮮甜好推薦呢個海鮮拼盤每人仲有一杯movenpick 正😋今次黎餐廳做緊promote 二人同行一人半價兩個人埋單都係五百蚊多啲～有火鍋有刺身有野飲有海鮮仲有甜品感覺超級滿足！火鍋放題黎講佢選擇真係算多同埋店員嘅服務態度好好～成日睇下我地有無需要下次會再黎😋…Read More

同朋友係尖沙咀唱完k想搵間餐廳坐下經過見到呢間餐廳幾靚幾舒服就入左黎見到佢啲主食好似幾得意幾特別諗住下次可以黎食主食今次就食住甜品先啦～餐廳環境其實幾舒服人唔算多可以慢慢傾下計我地叫左個甘酒紅豆甜湯 兩個原味pancake 一個士多啤梨pancake 同一杯蜜檸薑其實睇落真係好靚好適合打卡不過pancake份量其實好細味道非常一般我地一致認同m記果啲應該好食過佢加上價錢實在唔平呢～至於甘酒紅豆甜湯除左好甜唔知講咩好😝可能日本甜品始終都係甜啲不過唔係好食到酒味而且$58唔係好值可能都係比錢食環境～而杯蜜檸薑係無咩甜味同薑味即係得酸味😝整體黎講 環境係幾舒服不過甜品質素真係麻麻地呢…Read More

同朋友食完飯佢地話想食芋圓所以係openrice搵左呢間芋圓圓星期日八點幾已經要等一陣位店舖比較細 都坐得算迫坐低左要再去排隊落單佢出貨都算慢所以前後都等左大半個鐘先有得食～上面兩碗係朋友叫嘅～係黑糖桂圓紅棗芋圓同埋桂花雪梨芋圓朋友本身想加綠茶同芝麻味 可惜已經賣晒佢地話芋圓啲味好出唔係淨係一團粉 而且口感都唔錯而我就食紫米露芋圓可能紫米露比較甜所以其實我唔係好食到芋圓有啲咩味😂不過後尾淨係食粒芋圓 就食到啲味喇真係幾好味～朋友覺得啲紫米露整得太甜我自己就覺得可以接受同埋28蚊碗算係好抵食！一碗都有好多粒食完朋友仲散買左啲芋圓返屋企煮呢！食食下都愈黎愈多人叫外賣不過係啲位唔太好坐叫外賣會開心啲😝有下次！…Read More

同三個朋友黎左食飯星期日夜晚 我地Book左位都見有唔少人等位～呢個係水牛城雞翼味道都唔錯嘅不過個炸粉厚左少少呢個忌廉risotto 有點膩睇落都好似同平時啲risotto比起有啲乾不過味道算係不過不失蘋果醬豬胺麻麻地渣～啲醬甜甜地同豬胺唔算太夾唔會令人好想食黑松露野菌意粉黑松露味唔算好濃不過不失最失望係個黑松露薯條加蕃薯條啲醬少到一個點蕃薯條又無咩味個底果啲薯條仲要唔脆嘅同埋餐廳音樂太嘈傾唔到計價錢又唔算係平 份量算係細下次應該唔會再來了～…Read More

今日同朋友行完街誤打誤撞黎左呢度食晚飯星期六晚六點幾唔洗等位係門口見到餐廳就已經覺得：嘩～好靚啊野食選擇唔係話好多 不過都幾吸引！大約一百蚊就有湯有沙律有包有主菜個包雖然係黑色不過其實食唔到有咩特別嘅味道😝不過係熱嘅而且幾軟熟而個湯就好濃南瓜味沙律一啲都唔求其！好特別有塊哈蜜瓜😱而且塊哈蜜瓜仲好甜😋咖哩雞飯～味道都唔錯 份量都幾大！大蝦野菌忌廉意粉隻大蝦唔知煎定炸得幾香～幾重忌廉味不過會有少少膩但平時唔鍾意食野菌嘅我覺得啲野菌幾好味啊唔記得咩茶😆係最多料果隻茶有甜味又幾香☺️總結係值得推介價錢唔貴 食咁多野每人都係百二蚊左右而且份量算大 食到好飽！有下次😋…Read More

同朋友黎食小食叫左一份咖央西多同普通西多覺得好有家的感覺😆價錢唔貴咖央又幾香 所以都幾滿意😋同埋感覺無平時果啲餐廳炸得咁勁同咁油無咁熱氣同無咁肥做下午茶都係唔錯嘅選擇！…Read More

本身對呢間餐廳都有啲期望因為見到都幾多好評同朋友兩個人叫左兩個dinner set一個係西冷扒 一個明太子意粉1）牛角包應該係剛剛係焗爐reheat之後拎出黎 脆但唔係十分鬆軟2）薯蓉湯都可以 texture有啲似飲番茄薯仔湯有啲溶左嘅薯仔咁3）明太子意粉睇相幾唔錯 食落就一般...唔係咁鍾意佢個texture好似有啲野「張」住「張」住咁 同埋有啲紅椒青椒 唔係太鍾意果陣味 份量偏細 食完唔夠飽...4）玫瑰花茶我幾鍾意 好香 味道又幾清 而且杯具好靚5）朋友的牛扒不過不失 薯條係蕃薯條6）杯朱古力搞左好耐都搞唔勻整體有啲失望環境同服務態度都可以同埋份量唔太夠 可能我地大食食完呢餐要再encore去附近再食過...…Read More

華星一直係我最鍾意嘅茶餐廳味道好 服務唔差 價錢合理 等位又唔洗等好耐 又唔會有比人催住走嘅感覺尤其是個炒蛋同多士 真係念念不忘😍西多亦都係我嘅至愛仲有個重口味番茄湯底一丁 番茄味好濃不過略嫌「傑」左少少但番茄迷應該都會鍾意…Read More

家家頌係我食左好多年嘅麵包店我唔敢話佢啲麵包係真材實料 但每次食我都覺得好幸福 因為好容易撞正佢有出爐麵包 係遠處已經聞到香味！新鮮出爐麵包熱辣辣軟綿綿 仲要只係賣三個幾一個 依家真係好難搵！我最鐘意食係佢嘅雞尾包 菠蘿包 丹麥條同牛油皮蛋撻就算唔順路我都會突登去買😆丹麥條其實牛油偏多 但新鮮出爐真係好脆好好味諗起都想食！…Read More

今次係第一次去abc kitchen 因為朋友介紹 環境幾特別 係個熟食市場食西餐一行六個人去食 我自己叫左份西班牙乳豬 亦都試左朋友叫嘅野食 1）磨菇湯食得出係真材實料 味道偏淡相信無落味精 2）鵝肝配多士幾好味 鵝肝份量亦都幾大3）西班牙乳豬味道唔錯 皮好脆 肉好軟身 份量亦都相當大 仲有個薯蓉做配菜幾好食4）朋友嘅安格斯肉眼叫左五成熟 扒好大塊但好韌要咬好耐5）魔鬼魚都試左兩啖唔算好特別6）蛋白餅有少少過甜7）蘋果crumble不過不失8）chocolate delice係我比較鍾意嘅 唔甜 朱古力味好重整體黎講覺得啲野食都係真材實料 野食份量幾大 我地全部食到好飽 每人一個湯 total 3份starter 6份main course 同五份甜品再加sangria 埋單每人都唔洗四百蚊 算係幾抵食 味道算不過不失 如果有機會都想試下佢嘅risotto 同意粉 服務態度亦相當唔錯…Read More