salon仔's Profile

原來對上一次食大滾友，差唔多係九個月前嘅事，嗰陣時寒冷嘅天氣，最適合就真係打邊爐， 今次再過嚟，已經係去到夏天，不過今時今日嘅香港地，夏日炎炎打邊爐已經係平常事， 最緊要當然係冷氣足夠今次點呢個叫做黑絲長腿 ，好鬼大隻蟹 ，下面放咗啲花甲 ，用黑胡椒炒香成隻蟹 ，真係非常惹味 ，食完一隻啖啖肉嘅蟹 ，再加入胡椒雞湯打邊爐， 一陣陣嘅胡椒香味，加入雞湯中，別有一番風味 ，呢個湯底真係要再三推介， 到現在也令我回味無窮。打邊爐必叫，牛肉，響鈴，餃子。 今次試咗象拔蚌刺身， 店員說象拔蚌刺身大約1斤 ，我哋三個人食啱啱好， 新鮮，味道鮮甜，沒有記錯應該係大約688蚊。可能因為湯底好飲嘅關係，無論係牛肉定係響鈴，都十分出色。…Read More

有一段時間冇過嚟荃灣食肉餅哥，今日咁啱喺附近做嘢，又有少少時間，不防行多兩步過去探下肉餅哥， 之前都食過足三兩花膠肉餅，金沙蛋黃煎肉餅等，今次決定再食令我念念不忘嘅金沙蛋黃煎肉餅，肉餅上面嘅金沙分量依然好多，依然非常香口惹味，依然起曬沙😍配合煎香咗嘅肉餅，不能夠不說一句perfect match ，為咗減輕油膩嘅感覺，配咗個菜飯， 一份肉餅，一個菜飯，剛剛好的分量。見到餐牌中加咗唔少新嘅肉餅款式，以往的特色肉餅我仍然未有勇氣試，例如果醬肉餅。🤣🤣🤣 …Read More

以前，在香港吃泰國菜除了去九龍城，好像没有其他地方，現在，泰國菜已經成行成市，這裏尖沙咀，更方便。餐廳裝潢型格懷舊，船木牆加粗糙的牆壁刻意不經修飾。船麵當然是主打，泰國人主理，必試招牌飛驒和牛船麵$128，首先飲啖湯先，嘩～濃到呢，真材實料，層次分明，湯底以大量香料及豬血熬製，帶點點小辣，掛湯力強，風味正宗，麵條煙韌，配搭質感鬆軟和牛，牛味濃，味道不錯。還可配其他主菜，豬或雞。另外叫左碟炸豬皮，浸湯食，半淋半脆，好爽，非常好味，必食。見到隔離枱式冬陰功湯麵， 聽說亦都非常惹味。整體而言，泰國麵的確幾有特色，值得一試。飲品: 泰國椰青，新鮮青甜，$38。…Read More

終於等到肉餅哥開係九龍，今次佢哋又係選擇開係屋村，樂華村，雖然又係有少少吊腳，但是在九龍區上算做方便。之前食過覺得最好味嘅就係金沙蛋黃煎肉餅，個蛋黃炒到起曬沙，配合煎嘅肉餅，非常香口，之前金沙蛋黃肉餅一直係我嘅最愛， 今次冇食蛋黃肉餅，因為我係芫茜控，今次食咗一個叫做芫茜山煎肉餅，見到真係超興奮，芫茜份量超級多，而且肉餅裏面撈咗嘅芫茜，煎起之後非常香，加埋肉餅真係好好食。之前都食過荃灣同埋美林邨，呢度嘅質素都有番咁上下， 都有提供菜飯同白飯選擇。飲品都有提供懷舊支裝可樂。…Read More

上年佢哋新開張營業，已經試過一次，一直都好想再去滾過，對於我嚟講，因為比較遠，終於約到香港島嘅朋友去滾。上次食咗花膠雞，今次食道光四川麻辣鍋， 無論色水，味道都非常出色，用料十足，絕對做到先辣後麻齒留香嘅味道，真心非常推介。不得不提配上黃色嘅宮廷火鍋爐，視覺效果非常不錯。頂級手切安格斯，依然係油脂分佈平均，保持水準。 食麻辣再配皇帝菜，如果唔食得辣嘅你，千祈唔好試， 去到火鍋嘅尾段，一路煲出嘅辣椒味道，辣汁直接滲入皇帝菜，我就覺得是美食了。其他火鍋配料也不錯，海鮮新鮮，但配麻辣湯不太適合，最好都係配牛肉及豬肉類。…Read More

元朗。 雞地。 優質火鍋。無論春夏秋冬，我哋都係火鍋常客銅製造的龍頭火鍋爐，非常霸氣， 今次我們選擇了藥膳醉雞鍋，花雕味極香，藥材味非常濃郁，十分足料。牛肉拼盤分別有牛柳粒，牛胸油，牛頸脊，牛舌， 份量不太多，但是牛肉味濃，口感超好。海鮮拼盤相對分量不少 聖子 ，鱔片 ，扇貝 ，海蝦 ，沙蜆 ，貴妃蚌等等 ，種類繁多，亦非常新鮮。鹹蛋黃響鈴就是用即炸起的響鈴，用鹹蛋黃炒香，非常惹味。 另外丸拼盤亦非常弹彈牙新鮮。這個花雕牛展內裏放入乾冰， 賣相一流，而且新鮮有牛味，有咬口，非常推介。餐牌抵死有趣，例如<今晚餃唔餃>餐牌與大滾友非常貼題這夜我們四個人每人大約消費300元，質素非常高，海鮮及牛肉類非常新鮮，其他配料亦是即叫即整，知道此店新開張營業，希望能夠保持水準。…Read More

識得食一定係咁食 ，就係大熱天時去打邊爐。中國風 ，嘅火鍋店近期大熱， 一行四人選擇咗北角呢間火鍋店，環境非常不錯， 果然是走中國風。順治特色卜卜蜆鍋簡單啲，裏面就係蜆，蜆同埋蜆 ，全部都係蜆， 何解叫卜卜蜆 ，店員話 當湯滾起之時， 蜆開始打開的時候 ，就會聽到卜卜聲 ，於是就命名為卜卜蜆， 長知識了。 蜆好明顯是新鮮的 ，【好味】兩個字足以形容。手切安格斯肥牛肥瘦均勻 ，牛味濃郁 ，其他不用多說了。鴨血類似豬紅的物體，就是用鴨製成。餃子拼盤印象最深刻，就係黑松露餃，非常香口 ，皮唔算好薄 ，反而令到煮熟後仍能保持原隻， 唔會一夾就散。 其他雲吞，素翅餃，韭菜餃就不過不失。鹿兒島黑豚肉賣相100分 ，味道120分 ，入口非常嫩滑 ，可能是脂肪比例比較多的關係 ，價錢簡直是150分 ，因為只需68蚊。鬼馬油炸鬼油炸鬼， 你真係鬼馬， 匿埋喺啲蝦滑入面 ，放完你落啲湯度，仲保持脆卜卜。豬皮每次打邊爐 ，一定會食豬皮 ，但係會留喺最尾先食，因為可以吸收曬湯裏面嘅精華 ，今次都冇例外。…Read More

食過呢間肚餓了串燒烤焗專門店，印像中已經有三至四次， 除咗地點尚算方便之外，每次嚟嘅目的，都係朝住佢哋嘅黃金薯條，即係鹹蛋黃醬炒薯條，真係好好味，我嘅形容係食到停唔到口，又香又脆，送啤酒真係一流，肥是有原因的，不過真的很邪惡。每次嚟到，佢哋都有啲新嘢，除咗不同口味嘅手工啤酒之外，今次食咗西京焗比目魚，性價比相當高，做到少少外面輕微帶脆，裏面非常嫩滑。可能我已經被佢嘅黃金薯條迷住，其他食物，算是不過不失。如果你喜愛手工啤酒的話，有一種帶輕微西柚味，值得一試。…Read More

今天在荃灣工作，到了晚飯時間還未收工，於是決定先到人氣肉餅店吃個晚飯。人氣店就是人氣店，7:00未到已排隊， 毫不猶豫，我們開始排隊，雖然人很多，大約30分鐘我們便能入座。人氣店分為$58 $68$98的種類，我們點了98元的龍蝦肉餅飯及鮑魚煎肉餅飯。飯一到，我們就知道等是值得的，龍蝦(何其壯觀)啊，兩隻大 龍蝦鉗，加上頭及尾，肉就放在肉餅内，煎的，超香口，並帶肉汁，不用豉油汁也超惹味。 鮑魚肉餅也不遜色，原隻鮑魚放在肉餅上，十分香口， 鮑魚也入味，有咬口。 我們把整個煲仔的飯，全部吃掉， 飯比較硬，一粒一粒的，很喜歡，朋友說大硬， 我卻很喜歡這種較硬的口感。我很少會排隊吃東西，但這一次等了30分鐘，也應為相當值得， 回頭機會相當高。1…Read More

很久沒有光顧肚餓了，今晚又和同一個朋友，又是到來這裡， 跟這位朋友，也有一年沒有見面了 ，即上次光顧也是一年前，就是景物依舊，食物卻全非。今次比起上一次，食物的種類多了很多，無論點菜餐單，環境也跟上次不一樣。很喜歡的，就是燒安格斯牛柳，雖然不便宜，但换上不錯的質素， 油脂分佈平均，牛味濃郁，加上生熟度恰到好處，實在回味。燒牛舌也保持水準， 依然外脆内嫩，朋友也十分喜歡牛舌的口感。冬陰功焗蜆，酸酸辣辣的，十分開胃。 芥辣蜜糖豬仔髀，啖啖肉。鹽燒珍寶帆立貝，果然珍寶，十分鮮味，不可不是的海鮮燒烤類。夜晚客人不算太多，食物能夠保持水準，又加入不少新奇的食物， 實在值得加分。…Read More

對上一次到來,已經是一年多前的事 ,原來已經轉手,但依然是食串燒的，所有風格截然不同，包括裝修及食物的味道。今次來並不是吃晚餐，只是和朋友找個地方，飲啤酒，傾下計。只點了燒鰻魚，鰻魚上佈滿鰻魚汁 ，用來送酒，味道絕對不錯。另外點了燒三文魚腩，燒三文魚的時間，必須掌握得很，才不致太乾，不得不盛讚一下廚師的燒烤工架 ，吃的時候，魚油還在，在黑椒的配襯下，實在美味。現在手工啤酒十分流行，這間串酒里，也有不少種類的手工啤酒， 下次可以和女友到這裡晚飯一下。…Read More

沒有試過貴價漢堡,因為多是與junk food聯繫在一起 ,但今晚特地一試,非常好味.好厚好厚的一份鵝肝,非常惹味,煎得剛剛好,入口鵝肝香味滿口,餡料亦非常足,漢堡扒食落去好juicy,而且非常鬆軟,仲有一大片芝士流哂落黎好正份量也不少,餐廳亦好細心咁切開兩份,方便食用.洋蔥圈正常,唔太特別,幾香口 ,都係咬一啖就成條抽左出黎.值得一讚既係,漢堡包全部有烘過,脆脆地,而且好鬆化,非常好味.PS忘記影相,但真心推介.…Read More

這天，天氣不錯，特地到屏山，試一試這裡的特色煎肉餅飯，最初是想一試他們最出名的"芒果煎肉餅飯"，但想下想下，好像有點古怪，都是提不起勇氣試那款芒果肉餅，於是吃了這款麻辣煎牛肉餅，驚喜，外面十分香脆，内嫩滑， 我敢肯定是用新鮮牛肉做的 ，而且麻辣味十足，煎牛肉餅不是很多地方可以吃得到， 雖然價錢不算太便宜，但味道真的不錯， 不枉我山長水遠到來品嚐。…Read More

秋高氣爽的天氣又到了,真的很喜歡不泠不熱的氣溫.火鍋,燒烤等又是高峯季節, 還記得,上年度的這個時間,也曾經到過這裡吃串燒.今次舊地重遊也.這次,款式多了很多,不能不提的就是燒雞子,不是很多地方可以吃到,真是一個廷特別的串燒菜式.另外,露荀煙肉卷,煙肉燒蠔卷也是我必吃的, 因為在卷物中兩種食物的味道互相吸引著.芝士薯條的芝士醬味道十分香濃, 配合曲曲薯條,好味也.這裏也加多了很多新品種的清酒, 配合燒物,樂趣也.很好的,無論食物質素或是員工態度,也能保持水準. …Read More

飯堂是也,兩餸飯,味道一如以往,用心之作,椒鹽肉排惹味非常,份量不少,而苦瓜軟硬恰到好處,作為伴飯食物,十分配合.:)今次才發現,原來每次的例湯也不一樣,今天的白菜湯,雖然稱不上老火,但還不是那種只有味精的.:)外買員雖然在炎熱天氣下工作,也帶着有善的態度到來,勁讚也.:)希望這兒能成為長期飯堂吧....:):)…Read More