shadowcc的個人專頁

幾年前誤打誤撞入左去試人生第一碟螄蚶，覺得好好食，價錢合理份量唔錯又好味中間出去食過唔同餐廳既螄蚶，都覺得唔及呢間好味幾年後終於再去食啦!!呢間啲螄蚶清洗得好乾淨，而且保持到新鮮爽口，醃得岩岩好唔會過鹹滷水拼盤 & 鵝件大約二人份量，樣樣有啲，唔算好入味不過鵝件幾香，中規中矩白飯魚煎蛋，一份4大片，白飯魚份量都多，調味偏淡不過寧願淡口啲都可以再加調味，好過太鹹就救唔番兩支啤三碟野埋單三百鬆啲，食得開心又滿足估唔到咁多年都仲保持到水準👍🏻…查看更多

南豐紗廠餐廳一向走高級啲/文青路線今次去左地下一間日式餐廳，雖然環境裝修比較簡單，但味道黎講的確唔錯~呢到主打蛋包飯，但其他食物質素都唔差今次試左泡菜豬頸肉烏冬🍜豬頸肉份量唔少，而且極厚切!唔係平時一片片咁，所以好有咬口 但一啲都唔靱~至於烏冬就係扁身既稻庭烏冬唔會煮到過淋，湯底因為加左泡菜，少少辣另外套餐會配一杯日本茶🍵整體價錢$50-60左右，相比其他紗廠餐廳都平一截絕對可以一試!…查看更多

餐廳裝修明顯有心思，用黑白色作為主調劃分左一半用餐區，一半係賣衫，幾特別的設計閒日lunch沒有太多人，加上位於紗廠頂層角落，如果經過沒有特別留意只會以為係一間衫舖~今次試左兩款lunch set，仲配左湯同沙律，加錢可再加配飲品~ 本來諗住只係前菜既沙律，估唔到都幾大份!!而且一啲都唔馬虎，沙律菜新鮮，配上柚子汁及柑肉，甜甜酸酸好開胃粟米湯就正常質素~主菜 - 明太子帶子忌廉蘑菇意粉 ($88)帶子大粒但唔會煮得過熟👍🏻意粉唔少，明太子汁份量剛好，唔會出現唔夠汁而太乾配合番少少紅黃椒同蘑菇，增加層次亦唔會感覺太漏主菜 - 大啡菇豆腐扒蛋黃芥末醬漢堡配薯角 ($108)一上菜有比個份量嚇親出面比較多既素食漢堡都會係用啡菇代替，而呢到係再加多塊豆腐扒，所以變得好厚好高🍔調味都算正常，但麵包如果可以烘耐多少少，外皮再脆身啲應該會更好食薯角炸得香口，無食到一口油，沙律份量又係好多，減低油膩感…查看更多

去探朋友前先醫肚，落車見到附近有呢間食醉野，岩哂我心水，一於去試下呢間醉野既款式比我想像中多 (連牛筋雞子都有😯)不過今次試番啲最常見既，諗住好食先再去醉雞 醉鮑魚配米線 (靈根湯底) $68鮑魚一隻，好細心已切成薄片唔會好靱而且好入味👍🏻至於醉雞件，都有大約6件一樣入味但唔鞋身 (一半雞脾一半胸)呢間既酒味香濃但唔會好哽口同苦，唔錯至於湯底都幾得意第一次聽靈根湯，原來係響螺、冬菇同蓮藕煲成既 仲會每款都比一件，証明真材實料🤣湯底唔會過鹹，飲完仲幾暖身最後食到一半仲加左隻溏心蛋都唔錯，一樣浸得入味，不過如果可以再流心多少少就perfect~有機會再黎先多幾款唔同既醉野😝…查看更多

好早期呢間餐廳開張時食過一次丼飯但覺得佢啲燒牛肉質素一般 見好耐無食，諗住再去試多次睇下有無改善啦~lunch time依家會有部分丼飯有套餐優惠可以配 麵豉湯/沙律/飲品 (3選2)今次試下佢個石鍋牛肉烏冬🍜烏冬既出餐時間比起飯類會耐少少相信係因為要整熱石鍋所以食到最尾都keep到個烏冬熱辣辣👍🏻烏冬無煮過淋，湯底ok唔會過鹹 (起碼食完唔駛係咁飲水)牛肉份量都幾多，正常肥牛質素可能本身對佢無期望，所以食完覺得有驚喜不過價錢黎講算係唔平，大約都70蚊一個餐而且餐廳係自助服務(取餐&食完還TRAY)但間唔中天氣凍時再黎食個熱烏冬都係唔錯既選擇😆…查看更多

以牛仔為主題的西餐廳🧵睇得出餐廳係設計上放左唔少心思~同埋呢到既staff都好nice，每次黎親都好有禮貌!!平日lunch set大約$60-80左右，包湯及飲品臨近聖誕，餐廳亦特別改了聖誕限定餐單🎄 (但價錢一下子都加到$100up)特式龍蝦湯 & 熱蜂蜜綠茶 龍蝦湯上面畫左圖案 (相信係配合番餐廳牛仔主題用左藍色畫)味道正常唔會過鹹熱綠茶大大杯，甜度剛好~南瓜汁三文魚帶子意大利飯份量好多，三文魚整成碎粒撈入飯內，差唔多啖啖都有三文魚🤤risotto岩岩好整到半生熟，帶子正常發揮，無雪味南瓜汁份量剛好包住每粒米，亦有南瓜既甜味，應該係自家製的唔係用現成開水既感覺所以食落一啲都唔漏，但真係好大份食到好飽😝覺得如果將撈入飯內既翠玉瓜片轉成粒狀 成個飯會更加融合~…查看更多

行完山男朋友話番東涌食大排檔，仲話有車接送😮心諗東涌唔係都算半個美食沙漠咩哈哈... 一於等佢帶路，係東薈城對出的士站附近，搵到有啲私家車會寫住「正記」等齊人就開車~ 的確係幾方便既 (食完可以係餐廳出面等, 出番東薈城)滷水拼盤 大約$100左右，但份量一啲都唔少，有豬腸、紅腸、豆腐、豬肚、鵝翼、豬耳正常但唔算好入味，豬肚同豬耳幾淋身，唔錯酸菜桂花魚 (原條)足料，有酸菜，有原條桂花魚(已起骨)，有其他配料但無左平時酸菜魚既味，只有少少辣😆桂花魚幾滑，起肉起得唔錯，而且留番原條魚骨比埋你，証明無呃秤啫啫滑雞煲雞煲一個，幾滑，但略嫌個汁少少偏甜正記小炒皇好多蝦米仔同蝦乾，炒得幾香同唔會太鹹👍🏻份量足，有齊腰果、菜甫粒、西芹同魷魚(好大塊😂)第一次見小炒皇咁少韮菜花😂 反而想多番啲韮菜花會仲正4碟小菜埋單先400鬆啲，以份量黎講其實抵食而且酒水都唔算好貴，味道不過不失，未到會專登走入去食但如果一班人行完山又唔知食咩好呢間都係一個唔錯既選擇~😉…查看更多

附近上完堂, 天氣又凍凍地, 見夜晚10點都竟然半滿, 於是入去試下依家做緊叫4餸就會送熱飲🍵但第一次食唔知揀咩餸, 就揀佢推介個啲啦, 結果都係中伏😂4餸 - 紫菜, 韮菜餃, 牛𦟌, 豬腸 配菠菜麵 加柚子蜜(熱) $59份量幾大碗, 但腩汁好稀, 份量比例都有啲奇怪牛𦟌 - 得2塊 (1厚1薄) , 雖然幾好味但都幾唔抵...豬腸 - 有成差唔多10舊, 但無味又唔淋, 可以練下牙力韮菜餃 - 得3小粒, 似普通來貨, 味道一般亦無乜韮菜味紫菜 - 無特別菠菜麵 - 本身呢類麵都係好少會真係食到有好重味, 正正常常, 份量都多最後埋單 $59, 雖然飽肚但呢個價錢食碗車仔麵的確覺得唔值,而且仲要成碗野有一半野食都無味去番附近食碗魚蛋粉仲好😓…查看更多

之前一直聽朋友介紹旺角呢間泰國fusion菜唔錯, 見eatxxx訂位有折，就去試下啦~先講下環境😌一入去成個環境裝修都幾靚, 幾多打卡位~ 係張櫈下面都有個籃方便放野, 都幾貼心但2人枱真係細左啲, 因為啲碟比較大隻, 所以要食快啲等佢收走先放到下一碟😂香煎帶子青檸蟹肉酥盒 $88 幾特別既餐前小食，而且都幾飽，酥皮入面塞左唔少蟹肉，因為加左青檸入去所以食落都幾開胃~ 泰式豬肉碎生菜包 $98呢到既生菜包唔太辣，亦唔會炒到個底成兜油，生菜亦洗得乾淨冬蔭公意大利扁麵 伴 扒大虎蝦 $168呢間係fusion菜當然要試下啲特色野，個汁都幾香冬蔭公味，虎蝦就一般般啦唔算好大隻，肉質唔彈牙不過又未到好梅個種，呢道菜我就唔推薦啦~蛋漿黃咖哩醬酥炸軟殼蟹配香酥餅 $168個份量都算幾大~ 好多軟殼蟹，同埋都係脆身既，唔係炸完擺左好耐或者啲汁浸到淋哂咁。不過就無乜辣既感覺，仲覺得有啲甜...  不過呢個一班人叫就岩啲，因為佢已經配埋香酥餅，如果兩個人食既話呢個都已經飽一半~雙色芒果糯米飯 $88雖然睇落都幾靚~ 但芒果唔甜，成碟都無咩味，只係靠個椰汁，都有啲失望 😓😓野飲就正常質素~ 整體黎講環境係幾靚，食物雖然係西泰fusion都有特色，但質素就一般，寧願去食番啲純泰菜既小店，價錢都算中等，意粉個啲就定價有啲貴喇，暫時試過今次都未有想再encore~ 不過呢到另一個賣點就係有室外可以shisha，不過我今次就無試啦~ …查看更多

難得放假入南丫島 當然要試啲特別野。。:)鋪頭細細 位置唔多 可能閒日無乜客入到去好舒服 卡位兩邊放左咕 之後相信係老闆娘既人都主動招呼我地 好nice仲驚我地對住風口位會凍 亦好主動sell野飲個啲(但要成45蚊杯 實在太貴)野食方面，我同男朋友一人一個"餐"。。(嚴格黎講都唔算 因為無野飲無湯 全部都另叫)我地叫左個豆腐蓉漢堡($75)同紅腰豆蓉漢堡 都配薯條同沙律($75)雖然大碟 但味道好一般 唔值呢個價:(薯條夠熱 幾好食，沙律都係普普通通啦至於個漢堡啲料好易散 同埋豆腐蓉個個無乜味紅腰豆個個因為有茄汁 所以就食到好重茄汁味囉。。:(食完漢堡薯條又點可以唔飲野呢試左佢個特飲--南島書蟲($45)有啲香蕉 麥味咁，幾好飲 不過都係太貴啦。。最後埋單都成二百幾。。過對面買左杯野飲都係22蚊但環境的確唔錯 可以靜靜地咁傾下計睇下書都唔錯既 但唔好對食物方面有太大期望~…查看更多

之前聽朋友講話呢間唔錯 而我同家人又鐘意食放題 見呢間有得無限時咁食 心諗咁抵???打去book位 原來係198就兩個鐘 218先任食咁都唔係差太遠 就叫左218個個啦一去到都幾大 初初都幾好招呼既坐低見到加六十蚊就再升級 姐係每位成278:(不過抱住無下次既心態 就照加黎試下啦。。頭一個鐘食都無漏單 仲主動加茶又問你有無野漏個啲 點知第二個鐘就黎料啦壽司刺身完全無影炒菜丫螺肉呢啲就黎得足:(直頭叫加茶都叫左兩三次先有人理!!!!!!!係好似想你快啲走咁。。。食物方面 啲刺身得三文魚同甜蝦叫ok 其他得雪味:(如果唔升級都唔覺得有咩可以食牛柳粒都okay 熱辣辣既 個冷麵係酸既 炸蠔焗蠔都唔掂 天婦羅又係得個油字。。所以相都費事影最後食左兩個鐘已經走 因為真係無野好食就算叫左都唔比你既 茶都無杯飲下叫埋單就拿拿臨對張單比你 我都好快手比完錢就撇 就算有人請我去都要諗諗先…查看更多