dwarf's Profile

聯和墟街市買明天燒烤食物，順便食晚飯，附近行左20分鐘，今日係聖誕節，大部餐廳都係聖誕套餐，唔太吸引又貴。最後經過呢間餐廳 ，喺外面見到餐牌係意粉以為係西餐，點知望下又有中式小菜 ，我一向好鍾意試新野又支持小店，最後決定試下，環境唔大，點左2餸小菜套餐，再加2個小菜，魚香茄子炆伊麵🥰， 點咗柚子金沙骨，過左一陣店員通知賣曬 ，之後廚房有人走出嚟（估係廚師）介紹我哋轉香橙骨，仲話都好味㗎😁，唔鍾意橙味嘅我，就拒絕咗 ，但屋企人想食，最後都試左，因為通常香橙骨係用濃縮橙汁，點知有小驚喜，係新鮮橙汁加橙肉整，味道好好，而其他小菜味道都唔錯，老公好快就KO左紅酒炆牛腩😆， 另一個驚喜係炆伊麵，爽口唔鹹又唔太油。屋企人會再嚟。…Read More

買外賣給屋企老人家食， 諗住炆紅燒肉會軟淋啲啱老人家食 ，買之前已問店員炆紅燒肉會唔會好肥 ，店員回答"唔肥"，就買了。回家後打開飯盒發覺全部都是肥膏😲，一嚿肉都冇，完全係被騙， 呃下一次就夠，唔會有下次。…Read More

今次係第二次嚟買麵包，同第一次一樣店內好多人，仲有聖誕老人歡迎你，應該係因為近聖誕節。第一次嚟買咗四重芝士包，本人係芝士控當然必試啦 ，仲買了英式鬆餅都係我至愛。 芝士包入面嘅芝士非常多，仲食到唔同芝士味Cheddar,Parmesan, Mozzarella,另一種就唔知啦，芝士控必食。 鬆餅鬆軟入面一啲都唔乾，非常好味，媽咪食完話要 encore，所以今次嚟一定要買。 因今日係聖誕節，買左個英式紅茶蛋糕慶祝，蛋糕鋪滿聖誕裝飾巧靚，屋企人個個都話茶味好濃，忌廉唔膩，蛋糕鬆軟， 比起連鎖店高質好多， 仲話要買其他蛋糕試。…Read More

兒時係報紙檔成日睇嘅老夫子，更是陪伴不少香港人度過童年的漫畫，知道係元朗開咗，咁近更要帶媽咪去懷舊一下。之前都去過香港好幾間主題餐廳，呢間價錢都算貼地，仲免加一主要都係港式食物，要懷舊更係干炒牛河、特別版忌廉溝鮮奶，仲試咗其他fusion茶記菜式，味道幾好。下次嚟要試埋其他特別野！…Read More

已經食過幾次，都有一般段時間無幫親，今晚再去食，價錢加咗兩餸32蚊，三餸食$35蚊，一向食餸可以唔食飯嘅我,就更係要………揀咗肉碎茄子、蒸雞、豬排,搭咗幾條菜。我比咗錢後，先見到得半塊豬排，同亞姐講得半塊嘅，係咪比少咗，亞姐話係咁架，塊塊都一樣，已經唔係比最細你架啦！明明見到個盤豬排有幾塊全件大塊嘅，我個塊只係半件。揀嘅時候都唔覺咁多油，應該叫“油浸肉碎茄子”，蒸油浸雞，上色豬排，諗住加咗價，應該仲保持到以前一樣，點知啲食物質素差到咁，所有餸都係勁多“油”，飯食到一半，見到底個啲係比油係浸住，我唔敢再食。豬排個色幾靚，但食落係無味，連另外兩個餸都係無乜味…………。轉咗個亞姐，呢個啲態度勁差呀，以後都唔會再去食:(…Read More

門口望間餐廳咁細又少位，心諗好彩有book位，入到去原來有閣樓。環境都ok，唔算迫，不過都幾嘈。我地叫咗 煙三文魚天使麵 & 白汁磨姑煙肉寬麵，味道大家都覺得幾好。我地2個都唔細食，都覺得份量多。煙三文魚天使麵係拿破崙汁，味道少少酸，覺得啱啱好(個人口味):)~ 煙三文魚份量都算多白汁磨姑煙肉寬麵~好多白汁 ，味道淡咗少少，忌廉味適中!雜菜湯~味道淡，可以話無乜味，雜菜又少我地都覺得可以再來!!:)…Read More

一間我由細食到大嘅麵家"正"。好多老字號嘅食市，都會因為新一代收手，就好難保持到以前嘅水準，呢間雖然歷史由久，但水準一直都保持我好好。哥哥搬走咗咁多年，每次嚟上水都必定要去食架，仲要湯都飲哂，佢話搵唔到第2間咁好食，我都覺得係。我就最鍾意雲吞、水餃&牛腩，牛腩好"淋"；雲吞、水餃好爽，屋企打邊爐都會去呢間買雲吞+水餃，因為好好味呀!…Read More

$30~有湯,椰香雞油飯,例牌size雞,菜,飲品~超抵呀! 口水雞~好"正"!! 雞肉好滑~好食呀! 有D驚喜!椰香雞油飯一D 都唔油~好香"好好味"!!下次去要試咸雞、椰香青咖哩…Read More