CaryYu's Profile

疫情下， 限聚令只可四人， 唯有人少少跟朋友慶祝， 之前一直好想去食，但係因為限人數二人，怕食唔曬，所以等到而家先有機會去食。今日叫咗個四人嘅海鮮山火鍋， 窩來有兩隻大肉蟹， 爆曬肉的， 其餘海鮮就係海蝦、大蜆、細蜆、 蟶子皇 及扇貝等等。 鍋底層是大量的蔬菜， 混入蓮藕片、 支竹、 豆腐卜， 其實食完個海鮮山已經飽咗一半， 仲要送咗一碟 日本和牛片 及兩碟 好好食嘅豚肉片，及每人一款飲品，抵！我哋後加咗 牛柏葉、唐生菜 、蓮藕片 及炸魚皮，反而散叫份量比較少，但如果改為2人食，份量就剛好。火鍋後有甜品送， 特別推介榴槤雪糕，正！另外店內職員服務 非常貼心，讚！…Read More

今日lunch 因為唔趕時間，所以朋友帶咗我上去樓上cafe，諗住一路食飯一路傾下計。 黎到發現座位唔多，不過好彩等一陣就有位了。 原來呢度除咗有得食之外，老闆都係玩得之人，佢提供好多 不同種類嘅 block game畀客人一路食一路玩， 唔識玩嗎？唔緊要，佢好樂意教我哋點樣玩:)講到食set lunch唔超過十款套餐， 我最後揀咗咖哩雞柳炒意粉配凍朱古力， 個意粉炒得好入味，而且咖哩汁夠香濃， 雞柳夠滑， 我好快就將成碟食曬了。 而杯凍朱古力嘅甜度 適中， 啱曬怕肥嘅我！呢樹老闆一個人包辦曬待應、廚師、招待， 眼見佢同啲客人有講有笑， 現今好難搵到唔趕你走，趕住做下一轉的餐廳，讚…Read More

朋友帶我們去食放題，朋友早兩日已訂位，我們一行四人準時6點鐘去到。我們黎到才知道呢樹除左任食火鍋之外，仲有刺身、 天婦羅、前菜、燒物、甜品全部都係任食……我們最初真係有 選擇困難症, 唔知食邊樣嘢先好, 我哋最後決定食完火鍋先食其他嘢。我哋全部係牛魔， 我哋叫曬美國肥牛及極上 肥牛 打邊爐，我覺得極上肥牛如果再多返dd脂肪會更滑溜，但如果好像朋友A怕肥 就覺得啱啱好另外現在店舖做緊優惠， 只要打卡、每兩位送一碟澳洲和牛， 一枱最多送兩碟，正到暈…Read More

今日途經太子, 路過一條頗靜嘅街， 見到呢間舖頭午市要排隊， 就即管喺度食lunch。 我大約排咗10分鐘左右就被安排入座， 餐廳座位唔算多，所以眼見有客人係一早訂座的。每款set lunch都很吸睛， 我最終揀咗輕煎帶子比目魚龍蝦汁燴意大利飯， 套餐包括甘筍紅蘿蔔湯及 一杯特飲, 特飲我揀咗青蘋果梳打， 由於好肚餓嘅關係，我另外點咗小食蒜香牛油白酒煮蜆。餐湯上枱時夠熱，好正！至於意大利飯，龍蝦汁入味， 而且啱曬喜歡少鹽的我， 比目魚煎得恰到好處， 帶子就相對少了甜味， 整體都好好食！蒜香牛油白酒煮蜆， 如果白酒再濃啲就完美了！另外要讚下侍應的細心服務， 決定下次帶埋阿仔嚟試下他們的原條鰻魚飯。…Read More

行街行到攰，要搵地方坐下， 其實商場有好多食肆，但係家姐話想食越南菜，所以嚟咗呢間食。 我哋接近下午茶時間來到所以唔使等位。 餐廳地方闊落，坐得舒適。'我哋點咗越南菜signature dish火車頭, 上枱時發現有好多餸料, 而且好味, 河粉滑溜。另外我哋點咗越式炸蝦餅， 每客有四件 ，呢個比想像中有點靭， 如果能做到煙韌加彈牙就一流了。 之後我哋發現唔夠飽，就叫多半打沙嗲， 豬、牛、雞各2串， 沙嗲中雞肉夠多肉汁，最好味。…Read More

今日同朋友食lunch,約咗喺佢公司附近食， 見到呢間餐廳好多人排隊， 既然我嚟到先，就即管排下隊，等佢收工即刻落嚟有得食……餐牌上有好多套餐選擇, 花多眼亂, 搞到我心大心細,都唔知今餐食咩好咖哩牛腩套餐， 咖哩味香濃， 牛腩炆得好林 ，好正！呢杯華田爆脆值得推介， 甜度適中， 華田脆脆好好食！朋友叫咗個signature dish，瑞士雞髀配沙律及多士， 瑞士汁好濃， 配沙律剛剛好另外我哋叫咗份公司三文治share一齊食， 估唔到個份量好巨型， 餡料有好厚的雞蛋、烤雞、蕃茄及羅馬生菜， 食到我哋兩個攬住個肚埋單走人！下次好想試下佢個潮州蠔仔肉碎泡飯， 因為我見到好多人點呢個飯， 見到個樣好似好好食咁…Read More

今日落雨, 同事話要入商場食飯，所以我哋去咗食日本嘢， 呢間餐廳有好多五市套餐選擇， 有熟食、刺身、烏冬及冷麵任君選擇。我點咗一個三文魚赤蝦刺身丼， 套餐包括沙律及麵豉湯， 另外加十蚊點奶茶碗蒸。 刺身新鮮， 我特別欣賞佢個Wasabi, 非常攻鼻, 跟埋啲飯同刺身一齊食， 個味好夾。 至於個茶碗蒸， 起初食嘅時候感覺佢有啲味淡淡， 食到最底發覺蟹柳鮮甜美味， 另外喺碗底加咗一粒我嘅至愛白果， 令成個茶碗蒸起死回生另外要爭餐廳服務員質素 好好, 店員會主動斟茶, 下次如果我一個人黎，我會選擇坐吧檯， 睇下啲廚師點整嘢食。…Read More

今日約咗老公食飯,佢帶咗我去一間喺荃灣嘅西餐廳食lunch, 呢間餐廳喺正一條天橋底， 其實位置唔多起眼， 但係估唔到午餐時間都要排長龍， 好彩老公一早book定位， 去到就可以入座。Lunch 都有多種款式選擇， 我哋點咗Set H, 香煎盲鱸配海鮮龍蝦龍湯， 我未食過盲爐， 肉質好滑好好味， 個龍蝦濃湯杰杰地， 有水準。 另外叫咗Set J, 香煎紐西蘭肉眼配什菜薯蓉, 塊扒煎得剛剛好，非常juicy, 再加兩個小食,煙三文魚、藜麥、牛油果沙律，雞翼炸蝦。 我已經約咗老公下個月帶埋 愛吃魚的 爸爸來吃 香煎原條盲鱸做晚飯…Read More

今日同妹妹去愉景新城行街買嘢畀準備出世囡囡， 因為買到一袋二袋嘅緣故,又要大肚婆坐得舒服,所以我哋左搵右搵揀咗間餐廳坐得比較舒服嚟食lunch。平日下午茶時段，即刻就有位， 我哋點咗咖哩紐西蘭西冷扒跟白飯及咖哩紐西蘭肉眼扒跟薯菜， 我幾鍾意呢度嘅咖哩汁，因為味道跟其他餐廳有啲唔同， 帶少少黑咖哩feel， 妹妹點的西冷牛扒略為有啲生， 大住個肚唔敢食太多血淋淋的牛扒。 調返轉我就好愛接近五成熟的肉眼扒， 食到津津有味。飲品我哋點咗雪糕紅豆冰及泡沫咖啡， 呢度個泡沫咖啡好有特別，就係冇泡沫的， 查問店員 ， 她回答說 : 這就是他們的特色…Read More

今晚老公大人生日 ，收咗工佢先突然想話食爐端燒， 醒起四坡坊開咗間 ， 就同佢一齊去食晚飯。 我哋去到大約六點半左右， 算係未到食晚飯高峰期， 所以即刻有位，坐低就先叫嘢飲，跟住就慢慢等即叫即燒的食物。我哋點咗: 燒茄子、厚燒玉子、黑豚五花腩、 燒雞翼、牛舌、 蟹膏海鮮炒飯、 雞軟骨黃金燒、貴妃蚌牛油燒及帆立貝牛油燒。真係要讚下舖頭嘅海鮮類， 因為質素新鮮，所以燒完即刻食真係好正！ 最重要係燒完之後最好飲埋嗰湯汁， 清甜不膩， 貴妃蚌同帆立貝 雖然都係用牛油燒，但係燒出嚟嘅湯汁係兩種甜味來的…Read More

老闆收工請食飯 ，跟同事商量 話好耐未食過鳳城，跟住就去咗公司附近 黃埔美食坊 搵食， 我哋6個人大約七點半到咗， 可能由於星期一晚 比較少人出街食晚飯的緣故， 所以可以安排即時入座。睇完個菜牌，真係多咗好多選擇，現在連蒸海鮮九層塔都出埋 ， 不過我哋志在食 懷舊手作嘢 ， 所以我哋都係跟住menu點順德名菜 。我哋點咗 : 蟲草花燉雞湯、沙律 鍋貼大明蝦、野雞卷拼炒鮮奶、順德桂魚卷 、鳳城炒飯 ，甜品分別係西米焗布甸及 椰絲脆麻花。 我個人比較推介蟲草花燉雞湯，一窩大約可以有八碗湯 ，清甜足料， 啱曬鍾意食湯渣的我， 仲要麻煩是應不停幫我換骨碟， 服務值得讚賞，…Read More

今日約咗朋友去旺角 雅蘭商場買運動用品， 行完出嚟落好大雨，結果我哋決定喺商場度搵地方食晚飯。 我哋上咗去二樓見到有間 裝修幾靚、食意大利粉的餐廳， 攞飛等位大約等咗15分鐘就有位入座食晚飯。 Menu 裏面有好多意粉及pizza的選擇， 由於我哋幾個人好肚餓嘅關係，所以我哋樣樣order咗啲,一齊share嚟食。 我哋分別點咗以下食品:1. 黑松露牛肝菌忌廉蝴蝶粉, 呢個係我全晚最推介的食品 , 因為個意粉汁整得好好味以及牛肝菌食得出係靚材料。2. 瑪格麗特pizza配新鮮水牛芝士3. 香烤香草羊架, 鐵板上，非常juicy4. 脆炸原條白身魚 配有皮薯角5. 香烤安格斯西冷牛扒 ,鐵板上, 呢個要上枱即食,否則快扒就 太熟了6. 特濃南瓜粟米忌廉湯飲品我哋叫咗熱咖啡、凍檸茶、芒果汁，甜品就叫咗日本牛乳布甸，全部都係水準之上，好好味， 下次嚟一定要試埋個strawberry peach frozen, 個賣相靚到不得了…Read More

今日lunch跟同事一齊嚟呢度食越菜， 午餐時間都唔算難搵位，等咗一陣就安排入座。 餐廳提供午市套餐， 套餐大約有十款可選擇 ，如果唔啱食亦可以喺menu度單點。 我哋一齊點咗以下食物share一齊食: set lunch海南雞飯配湯， 蒜蓉炒椰菜苗，柚子海鮮沙律、Le Viet 拼盤、香茅燒烏頭魚、 椰汁紅豆冰及青檸梳打。 當中推介海南雞， 雞肉滑一滑， 我哋個個都爭住食， 早知叫半隻海南雞， 另外蒜蓉炒椰菜苗略嫌 多油咗少少，下次落單時記得叫少油較好， 至於椰汁紅豆冰略 嫌紅豆較少， 如果可以多番啲紅豆就正了。…Read More

今晚難得約到三位知己朋友一齊去食靚牛放題， 呢間可以 任食和牛 2.5小時， 我哋入去間餐廳時只係大約五點半，但係 都接近全餐廳滿座了， 好好彩 我哋一早已經book咗位，所以 我哋拿拿聲坐低開始食嘢。 一坐低時應已經好爽快地送上牛肉拼盤、刺身拼盤，以及海鮮拼盤。 牛肉拼盤包括澳洲和牛腹胸、澳洲和牛肉眼、澳洲和牛西、米澤三元豚西冷，以及美國牛肋骨。 而海鮮拼盤就包括貴價的喜知次兩條 、鮑魚、生蠔、蝦及螺。 而刺身拼盤就包括 海膽、三文魚、油甘魚、吞拿魚、八爪魚、帶子及甜蝦。 大部分的和牛及肉類都可以refill。 當中只有海膽 及海鮮拼盤冇得refill， 而且 飲品選擇眾多，當中包括清酒， 仲有我最鍾意的movenpick及dreyer's雪糕 ,呢個價錢又有咁好嘅服務質素真係認真抵食…Read More

雖然過咗農曆年，但係跟朋友團拜的機會陸續有嚟， 因著要就朋友食完再返公司OT, 所以我哋揀咗就腳的始創中心內的夏面館食dinner, 呢間夏麵館裝修比較新淨光猛,而且枱與枱之間相 隔比較闊落,坐得非常舒服,傾計聚腳一流, 我哋叫左自選前菜五小碟， 包括美味海蜇，雞絲粉皮，鎮江水晶肉，糖醋小排， 四喜烤麩， 每份前菜的份量都很多，抵食！ 另外我哋還點了砂鍋雲吞雞 、do、re、mi及 豆漿。 極力推介doremi要撈白飯食， 不經不覺撈咗一大碗飯， 食到舐舐脷…Read More