hkman007's Profile

平日下午和朋友到銅鑼灣購物，行到倦，抬頭見銅鑼灣地帶二樓窗邊有呢間he she eat, 朋友提議上去輕食下午茶。只見全部坐位一半是吉的，經由一個年青鬈頭髮男待應下單(身形看上去有健身習慣)，點餐飲時己經清楚説明一杯少甜凍檸水，一杯正常甜凍檸茶，唔知佢聽唔清楚定心不在焉，仲要態度不耐煩地問返我地檸茶要凍定熱!🙄飲品由這男侍應送到時卻是兩杯凍檸茶，一杯少甜，一杯正常甜，朋友立即向這位男侍應反影，但這位男侍應卻露出極不耐煩的表情，隔著他的口罩也能感受到，真的不知道為什麼服務態度可以這樣差?👎食物上枱很快，分量和味道就一般吧。之後我觀察這個男侍應並不只是對我們服務態度差，而是對其他客人也一樣，就像有一枱幾個女士趁他經過了身旁，招手找他點餐，他可以見到之後一聲不響直行直過，我見到那位女士面上也一片茫然😨這樣的服務態度是因為是兼職員工?還是公司管理不善所以沒職前培訓?🤨無論如何，又一個香港飲食業服務差的例證!😮‍💨…Read More

晚上7:30左右，正是晚飯時段，經過一日辛勞工作，和一個朋友經過呢間店，門口睇餐牌，見有扒餐，想入去食，入門口裡面阿姐侍應招呼，見我地兩個指示坐旁邊的二人位，係果種一張細長方形枱，只搭兩張椅，放咗糖鹽兜已經剩下不多位置。眼見成間餐廳，一半位都坐唔滿客，尚有6,7張4,5人圓枱都係吉嘅，而一入門口前面就有張4人卡位吉咗，我地又袋又嘢，唔想食嘢時都要放個袋上大肶，想坐舒服一啲，就問阿姐侍應可唔可以坐，個阿姐侍應木口木面咁用半咸淡廣東話話唔得，話佢哋公司冇得搭枱，收銀處另一個阿姐聽到就同我地講可以坐卡位。我同我朋友行緊埋去都未坐低，自己傾計話咁多吉位都唔比我地坐鬆動d，點知最初個阿姐侍應聽到，好唔忿氣咁同我地講話呢d係公司規定。首先，我同我朋友講嘢，唔需要佢搭嘴，咁樣搭嘴完全冇禮貌，做侍應/樓面連基本服務禮貌都唔識，邊個老細請著佢真係倒米。第二，如果當時係好繁忙，冇乜位選擇，我哋坐二人位好合理。但當時半間餐廳都係吉嘅，夾硬逼我哋坐二人位，客人開到聲，想坐寬鬆啲，都唔識靈活變通，仲要比說話客人聽。我同朋友都覺得未坐低佢哋服務已經咁差，跟住落嚟都唔慌會好，大家公平商業交易，你情我願，無謂勉強，所以轉身離開，以後都blacklist這間餐廳。正如之前其他人評論所說，隔籬同一個集團嘅百分百坐滿人，而呢間意樂就一半人都無，我而家明白點解呢間餐廳晚飯時段一半都係吉位，咁嘅服務，唔怪得香港人寧願上大陸消費。P.s.上個星期日同朋友嚟食下午茶，成班兼職侍應冇嘢做喺大大聲度傾偈，以為係個別例子，原來無論咩時段都係服務差劣/冇服務。…Read More