Foodglesearch's Profile

蛋撻值得推介！蛋香味夠, 亦都非常香濃, 食得出有層次感, 應該用左唔只一種蛋去整, 外皮係酥皮底但略欠酥脆, 整體黎講似係蛋撻加葡撻既混合版, 唔錯既體驗牛角包質素都唔錯！整體非常鬆脆香軟, 外皮既脆度剛剛好, 而且食落唔會好油膩同易濟, 可以試多一兩個建議堂食, 因為外賣拎到返屋企, 再整熱既時候就唔係個回事！…Read More

週末同朋友去長洲玩左晚, 聽聞有間好特別嘅咖啡店又係黃店就決定去試下佢地有好多特色咖啡, 本來諗住試下椰皇冰滴咖啡可惜賣哂, 之後就叫左杯檸檬蜂蜜冰滴咖啡, 飲得出咖啡水準幾高, 混埋檸檬同蜂蜜, 味道幾清新同埋成件事幾夾…Read More

經朋友介紹先發現呢一間黃色小店, 佢地嘅蛋治真心好食, 有別於一般做法, 係炒蛋入面包住三文治今次揀左兩款蛋治, 分別係鰻魚蛋治同埋皮蛋肉鬆蛋治, 兩款都好好食, 而且入面嘅料都算係豐富值得一讚係炒蛋, 整得好嫩滑, 而且有半生熟質感, 易入口, 值得一試！…Read More

鐘意粉紅色嘅話一定要黎Camellia, 入面嘅裝修都係粉紅為主, 粉紅玫瑰花花牆🌷, 粉紅色嘅枱枱凳凳, 就連食物都有粉紅元素第一次黎就決定試下佢地嘅Ruby Chocolate Afternoon Tea Set, 係兩人份嘅tea set, 包鹹食, 甜點同兩杯飲品, 無論tea set或者飲品都整得好靚鹹點同甜點嘅味道都唔錯, 不過就唔算好特別, 至於飲品就揀左Blue Latte同Green Latte, 分別係香芋同抹茶味, 味道偏淡, Blue latte唔係好飲得出香芋味, 總括黎講呢間餐廳嘅食物賣相係勝過味道…Read More

十下火鍋宜家有得外賣如果自取仲有75折真係幾抵！仲要係💛店要多啲幫襯！麻辣湯底: 叫左中辣, 辣味幾夠, 反而麻味唔突出, 似香辣多於麻辣湯底, 湯底入面有鴨血同蜂巢凍豆腐, 都煮得好入味清燉山藥菌菇湯: 湯料幾足, 味道比較清淡, 如果淆耐啲可以更入味配料: 炸魚皮份量都算多, 而且係有骨嘅, 唔常見有, 比一般既係脆, 有咬口同有魚味賴尿牛丸都幾爆汁, 個汁同丸入面嘅餸都幾夾, 可以一試外賣邊爐黎講, 整體價錢同質素都唔錯, 值得一試…Read More

La Famille係出名戚風蛋糕, 佢地有好多款式唔同味道, 而且外型又幾靚今次試左三款蛋糕, 分別係雙重朱古力, 盛莓藍蝶同埋皇牌士多啤梨, 每款蛋糕質感都好軟熟, 味道唔會過甜, 偏清新, 唔錯盛莓藍蝶有驚喜, 依個蛋糕係以紅莓藍莓為主, 帶有淡淡嘅莓香味, 味道幾清新, 連埋蛋糕入面嘅cream一齊食, 甜而不膩,值得一試…Read More

Katsu Sando🥩 ($208): 吉列和牛大約煎到medium rare, 肉質鮮嫩牛味又濃郁, 麵包烘得香脆, 一齊食好夾, 而且中間夾左wasabi醬, 令成個味道更提升Spinach Ohitashi 🥬($78): 冇諗過菠菜加芝麻醬可以咁夾同咁好味, 值得一試嘅冷盤, 十分開胃Chicken wings🍗 ($176): 依款雞翼唔係普通嘅雞翼, 而係釀左啲豬肉喺入面, 去埋骨, 食嗰陣啖啖肉, 正Yaki Udon🍝 ($198): 烏冬嘅醬汁幾惹味, creamy得黎又帶有海鮮味, 烏冬上面鋪滿左鱈場蟹肉, 撈埋一齊食唔錯…Read More

哩度既燒五花腩質素唔錯! 個火候控制得幾好, 有少許焦香味, 但又唔會話好油膩, 而且切開得細細塊, 方便入口, 份量亦都算幾夠另外個沙律調較得唔錯幾有薯仔香味奶亦落得岩岩好, 唔會搞到太漏, 整體黎講唔錯的！…Read More

見到係黃店,openrice又咁高分就諗住去試下食物整體質素唔差, 不過openrice嘅七百幾個好評的確係overrated左成餐飯入面最欣賞係厚燒牛舌心, 牛味重, 而且肉質彈牙, 完全唔會韌, 味道亦調得啱啱好唔會過鹹三文魚腩刺身係超厚切啖啖肉, 而彩虹卷就賣相幾靚, 入面係炸蝦同蟹籽, 味道就不過不失另外再叫左個邪惡包, 係紫菜入面夾住燒帶子同鵝肝, 味道唔錯, 鵝肝煎得幾香, 但略嫌鵝肝有少少掩蓋左帶子嘅味, 而且份量比想像中細…Read More

中環台式💛店黃店普遍多人幫襯, 今次食lunch都要排隊, 不過就唔係等左好耐, 大概十𡃁分鐘就入得試左香雞排牛肉湯麵, 佢地嘅麵係偏扁身, 麵質啱啱好唔會太腍或太硬, 至於牛肉湯底味道濃郁帶點微辣, 幾惹味另外雞排嘅炸粉好薄而且炸得好香脆, 肉質嫩滑真心幾好食, (順帶一提友人叫左鹹酥雞飯, 鹹酥雞嘅肉質相比之下較老同冇咁juicy) 依間可以再幫襯, 下次再試佢地嘅便當係列…Read More

夜晚八點幾行經海港城聽聞一間玩gimmick嘅甜品餐廳好似幾特別咁, 諗住買個紙包檸檬茶形狀嘅蛋糕或者益力多形狀嘅曲奇黎試下, 可惜賣哂, 好多其他較為特別嘅甜品都賣哂左睇右睇後決定試下個小籠包形狀嘅芒果蛋糕, 結果味道十分普通, 外型又唔夠似小籠包, $62黎講性比真係好低🙈, 唔推介依款甜品…Read More

對上一次食過一起食堂嘅紅燒牛肉麵, 印象麻麻, 不過今次嘅和風牛肉飯有驚喜, 成功咁推翻之前對佢麻麻嘅印象牛肉嘅份量唔少, 同飯嘅比例可以話係1:1, 而且煮得入味又唔鞋, 半熟蛋令碗牛肉飯生色不少,牛肉飯撈埋蛋汁同其他配料 (紫菜, 蔥, 目魚)真係好夾👍🏻 係值得一試嘅…Read More

特別嘅節日終於有機會一嘗米芝蓮星級壽司店, 今次揀左晏晝黎食omakase, 因為價錢差不多平一半我地揀左最貴嘅set, $1200 十六件壽司, 整體壽司嘅水準好高, 食材都非常新鮮, 壽司飯落左適量嘅醋, 同魚生配搭得好好最有驚喜嘅兩款壽司就係海膽同剝皮魚! 海膽：一啖食曬兩層高既海膽, 就好似食緊雪糕咁, 軟棉棉咁融化曬係個口腔入面, 而且非常之甜, 正！剝皮魚：非常出色, 醬汁加埋啲魚本身會有些少油膩, 但撈埋啲飯一齊就夾到不得了, 啲飯吸曬魚既油香味, 另外仲有啲啲既柚子皮碎, 成碟野開胃到不得了…Read More

參與罷市, 派發文宣, 店裏周圍都係pepe裝飾卡邦尼意粉 ($69): 麵條既軟硬度適中又唔算太creamy, 唔會有好漏既感覺, 唔錯唔錯！蒜香磨茹雞肉意大利飯 ($83): 個汁幾清香同啲飯幾夾, 個人認為啲飯有少少生得濟, 但口味因人而異黃金炸薯條 ($68): 炸漿份量剛剛好, 食落都幾脆口, 咸蛋又唔會蓋過左薯條味, 份量仲要都幾多…Read More

沾麵比拉麵好食嘅三田製麵所三田製麵我只喺銅鑼灣登龍街食過一次, 不過已經冇乜好深刻嘅印象, 事隔幾年今次再試下尖沙咀分店嘅質素如何濃厚豚骨魚介沾麵 ($80): 沾麵只有一款魚介湯底, 可揀辣或唔辣, 湯底煮得夠熱而且味道十分濃郁沾麵嘅麵條有大中小嘅份量揀, 全部同一價格, 我地驚食唔哂所以叫左中嘅210g麵條可選擇熱或凍, 我地就揀左熱麵條, 因為驚凍麵條會令湯底好快變冷, 雖然係熱麵條, 但麵質仲可保持煙韌, 而且麵條掛湯力強, 唔錯三田豚骨拉麵 ($78): 拉麵屬正常水平, 無論麵質定湯底都一樣, 冇太大驚喜, 回頭率唔高…Read More