小綿羊廚房's Profile

同朋友一齊嚟咗呢間樓上西餐餐廳食個午餐🤣$88「凱撒沙律 🥗 Caesar Salad 🥗」Add-Ons 加 $48「燒雞胸 Grilled Chicken Breast」同埋 $68「煎帶子 Pan-Seared Scallops」：羅馬生菜🥬新鮮兼爽脆，仲加有啲啲脆卜卜嘅煙肉粒同 crouton脆麵包粒同好多嘅芝士粉喺面🤣；燒雞胸估計可能係慢煮咗先再燒一燒，肉質超級軟熟🤣；帶子好厚肉，煎香咗顏色仲幾靚🤣$268「烤蒙古🇲🇳豬扒 🐷🥩Grilled Mongolian Pork Chop」：蒙古🇲🇳豬扒超厚切，肉質軟熟得嚟有少少咬頭😋，呢隻蒙古🇲🇳豬🐷估計生前好鍾意做運動所以肉質偏瘦😋；餐牌咁樣形容《A Chinese-American Dish of Grilled Spanish Chestnut Fed Pork Chop, Served with Potatoes & Vegetables》🤣$158「芝士5重奏 披薩 5-Cheese Pizza」：包括呢5種芝士Blue Cheese, Mozzarella, Parmesan, Cheddar and Monterey Jack Cheese，加咗大量芝士🧀，有濃郁芝士🧀鹹香味，好食🤣…Read More

我唔止一次去過日本🇯🇵高知県咁當然亦都去過高知城，呢晚同朋友一齊嚟咗呢間餐廳食晚飯，睇吓會唔會感受到喺日本🇯🇵高知縣嘅感覺先🤣$238「北海道原板海胆配鱘龍魚子醬」：朋友好似話預先訂位訂埋呢個咁就有 $138 折扣，即係 $100 可以食到🤩；海膽新鮮，偏向爽口，味道鮮甜🤣；配埋 鱘龍魚子醬 一齊食，咁味道又提升啲啲🤣$128「鰹魚半敲燒配洋蔥汁」：鰹魚喺日本🇯🇵一般係屬於平價魚，價錢大眾化🤩，不過喺高知縣非常出名嘅「稻草燒鰹魚」價錢通常就唔會太平，有啲仲幾貴🤣，「稻草燒鰹魚」喺高知縣嘅好多餐廳都有得食，係當地名菜🤩；呢間餐廳嘅「鰹魚半敲燒配洋蔥汁」味道鮮甜，有少少煙熏味，配埋洋蔥、海草等 一齊食，味道層次又豐富啲，仲有少少高知嘅感覺🤣$68「兵庫県產 室津牡蠣配三文魚子海胆」一隻：要咗兩隻；生蠔非常新鮮，肉質爽滑，有淡淡嘅海水味，加埋三文魚籽一齊食，味道又係豐富啲啲🤣$188「山渣蓉伴香煎鵝肝吐司」：鵝肝煎得幾香口，多士脆卜卜，加埋甜甜哋嘅山楂蓉，全部一齊食好夾🤣$68「明太子醬秋刀魚蓉多士」：真係幾特別，口感幾得意🤣$68「自家製免治雞肉蓋」：同一般嘅雞肉棒形狀唔一樣，整到好似個漢堡扒咁，幾得意，亦都幾好好食🤣$32「雞胸軟骨串」、$48「黑豚腩肉大蔥串」、$38「鹽燒海虎蝦」：不嬲都鍾意食雞胸軟骨（多過雞腳爭軟骨）因為爽脆啲又瘦好多🤩；豬腩肉脂肪含量充足燒得好甘香🤣；海蝦肉質爽滑🤣$28「小青椒」、$32「京都絹豆腐」：簡單幾好食🤣$38「水菜豚肉卷」：豬肉卷住啲菜，感覺清新啲🤣$148「博多明太子掛稻庭烏冬」：呢個烏冬非常煙靭，撈埋明太子醬，出奇地美味🤩…Read More

呢晚同朋友一齊嚟咗呢間喺西營盤雀仔橋行過啲啲嘅西班牙🇪🇸餐廳食晚餐，因為朋友覺得我對西班牙菜🇪🇸有認識想我一邊食一邊同佢講解吓🤣，雖然我去過西班牙🇪🇸又去過好多西班牙語系嘅國家，但係我對西班牙菜🇪🇸只係認識少少🤣不過我知道呢間餐廳提供嘅係摩登西班牙料理同小食 Cocinas y tapas españolas populares, modernas y nuevas 🤩餐廳有「SEXY CHEF MENU $498/PP 廚師菜單」，包括5個Tapas塔帕斯1個西班牙海鮮飯 1個甜品，咁我哋叫咗兩客🤣TAPASIberico Ham 伊比利亞黑毛豬火腿：係48個月嘅 Ibérico Jamón，非常甘香，完全冇渣好軟熟，絕對唔會太鹹，超級好味🤣，仲配埋 Pan con Tomate 蕃茄多士一齊食🤣Beef Tartar 牛肉他他：生牛肉夠晒新鮮，切小粒加埋洋蔥香蔥乳酪等整他他，好鮮味🤣Octopus 鮮嫩八爪魚：八爪魚肉質有啲啲結實🤣Bikini Sandwich 烤三文治配芝士：加咗芝士西班牙火腿同埋好似有黑松露醬或者黑松露油嘅多士，香口又好食🤣Beef Cheek 牛頰肉：牛頰肉超級軟熟，配埋超級滑嘅薯蓉同埋味道濃郁嘅 beef gravy 牛肉汁，又係好味道🤣RICE Seafood Paella 西班牙海鮮飯：Paella 我真係食唔少🤩，由最傳統嘅 Paella valenciana 到 Paella de marisco (seafood paella) 到發展落嚟各地各種不同版本 都有食過吓😆；呢日嘅 Paella 🥘 有 魷魚🦑、蜆肉、青口、蝦🦐，用咗西班牙🇪🇸Bomba 米粒粒都圓轆轆脹卜卜不過澱粉含量相對偏低，用嚟煮Paella 🥘西班牙飯非常合適，亦都好美味🤣；仲有少少 Socarrat 可以食，Socarrat 係底下一層好似飯焦咁樣嘅東西係西班牙飯嘅其中一樣精粹🤩DESSERT - TARTA DE QUESO 巴斯克焦香芝士蛋糕配雜莓雪芭 Basque burnt cheesecake with berry sorbet：芝士蛋糕好 creamy 不過相對地輕身，唔會感覺好膩🤣；Mixed berry sorbet 唔會太甜食落感覺幾清新🤣；Basque burnt cheesecake 同 Mixed berry sorbet 呢次做到好朋友配合得好好🤣非常美味嘅一餐🤣…Read More

呢日同朋友一齊嚟咗呢間喺炮台山站附近嘅墨西哥🇲🇽餐廳食午餐🤣Cactus 其實係仙人掌科植物嘅總稱，仙人掌植物有超過 2000 種真係種類繁多，主要分佈喺北美洲同埋中南美洲；一般人比較熟悉嘅仙人掌科果實應該係火龍果🤣墨西哥🇲🇽絕對係值得去旅遊嘅好地方，食物亦都非常美味，雖然我去過墨西哥🇲🇽旅行但係我對墨西哥菜🇲🇽認識非常淺薄😅，更加唔識分邊啲係正宗墨西哥菜🇲🇽邊啲係唔正宗邊啲係Tex-Mex Cuisine邊啲係 Cali-Mex 😅，不過我絕對識得分好唔好食😆，如果有香港人話你知係正宗墨西哥菜🇲🇽咁 99.99% 佢都係唔識原因點解自己諗諗🤣餐廳有Lunch Menu可以自由組合，變做Lunch Set又得，咁我哋揀咗兩個，$148「燒黑毛豬鞍架 Grilled Pork Rack Provencal」同埋 $138「銀鱈魚扒配燒蘆筍 Grilled Black Cod Steak」，加 $28有「Daily Soup / Salad & Drink」，咁我哋揀咗一個湯一個沙律🤣湯係「芒果湯」：用芒果🥭煮湯非常特別，夠creamy，辣辣哋，出奇地好飲🤣沙律菜新鮮，比較特別嘅係裏邊有好厚肉嘅甜椒同埋 artichoke，咁樣墨西哥🇲🇽風味又濃厚少少🤏🤣「燒黑毛豬鞍架」厚切，肉質非常軟熟好豬味，上邊仲灑滿咗香草香料，咁食落又更加滋味🤣；仲有一條好juicy 兼清甜嘅燒菠蘿🍍可以食🤣；餐牌寫住《Grilled Pineapple, Couscous, Potato, Bell Pepper, Pommery Sauce》🤩「銀鱈魚扒配燒蘆筍」：銀鱈魚都係厚切，魚肉肉質細滑，夠新鮮好滋味🤣；仲有好爽脆嘅燒蘆筍，同埋用熱情果、Couscous 古斯米 煮嘅配菜，用百香果煮配菜真係幾特別又出奇地好食🤣；餐牌寫住《Grilled Asparagus, Bell Pepper, Potato, Baby Spinach, Couscous, Passion Fruit Sauce》🤣午餐 加$85 有兩個Tacos，Carnitas 手撕豬 同埋 Braised Beef 燉牛肉：用脆卜卜熱辣辣嘅粟米片包住 手撕豬/燉牛肉，好味😋另外單點 $108「蒜片檸汁牛油大蝦 GAMBAS AL AJILLO」：Gambas al Ajillo 真係食過唔少🤣，亦都喺西班牙🇪🇸食過傳統嘅做法🤩，呢度係新派煮法但係比較接近西班牙式🇪🇸（香港好多餐廳提供連頭大蝦🦐我諗喺西班牙🇪🇸都好難食得到🤣），呢間餐廳用咗中蝦，再加埋蕃茄同埋薯仔去煮，有啲港式加西式風味🤩餐飲 Espresso Tonic：Tonic 嘅輕微苦澀味 同 Espresso 撈埋，產生咗好 subtle 內斂嘅 Citrus 香味，清新好飲🤣餐飲 Horchata Latte：未聽過呢種 Latte 咁梗係要試吓，原來係墨西哥🇲🇽米漿做嘅 Latte，好滑，甜甜哋，仲加咗好多肉桂粉，增添香味🤣出奇地好食嘅一餐🤣…Read More

週日晚上同朋友一齊嚟咗呢間泰國🇹🇭餐廳食晚餐🤣$68「泰式椰汁雞湯」：雞湯奶白色味道濃郁，裏邊仲有大量雞肉同野菌可以食，亦都落咗大量香料，包括香茅、洋蔥、香蔥、芫荽等🤣$98「泰式海南雞半隻」：海南雞拆咗骨食得好方便，亦都煮得夠熟但係又唔會太熟所以肉質好滑，而雞皮就仲滑，朋友同我都忍唔住食咗1-2塊雞皮🤣，仲有一小碟辣辣哋嘅醬汁可以沾雞食🤣$68「泰式肉碎生菜包」：自己用生菜包住啲豬肉碎嚟食，豬肉碎份量夠晒多，豬肉碎裏邊有瘦肉、肥豬肉、洋蔥等，用生菜包住嚟食，惹味得嚟有啲啲清新嘅感覺🤣$78「泰式蒜蓉炒椰菜苗」：椰菜苗🥬新鮮所以非常爽脆，泰式蒜蓉炒簡單好食🤣$32「椰青」：有清新嘅椰子味兼少少甜🤣$168「泰式鹽燒烏頭魚」：烏頭魚都幾大條，夠多肉，搽咗啲粗鹽喺魚皮上邊先嚟燒所以魚皮燒到硬硬哋，咁樣可以較為鎖住魚汁😋；仲加咗啲南薑、香茅、蒜頭喺魚肚裏邊咁樣既可以辟魚腥味又可以清香啲🤩；魚肉肉質鮮甜又夠juicy😋…Read More

呢晚同朋友一齊嚟咗呢間喺荃灣西商場裏邊嘅日式餐廳食晚餐🤣もみじ茶屋 係嚟自日本🇯🇵鎌倉，喺鎌倉同横浜都有店舖🤩；鎌倉我應該去過兩次而横浜我就去過N次因為嗰度有展覽館出差嘅時候我會住東京日日由東京坐車去横浜展覽館工作🤣，不過我就從未去過喺鎌倉同埋横浜嘅 もみじ茶屋 🤣$148「海鮮四色茶漬飯」：海鮮包括有吞拿魚赤身、甜蝦、三文魚籽、三文魚，就咁配白飯食又得，加啲wasabi 同埋醬油撈飯食都得，加蝦湯同埋香蔥做茶漬飯食亦都得，得咗🤣；定食仲有兩小碟漬物🤩跟餐加 $21「香橙梳打咖啡」：大大杯甜甜哋😆跟餐加 $35 「旬之野菜」：材料主要有椰菜仲有少少洋蔥絲、芽菜、雜菌、芝麻🤩$38「胡麻凍蕃茄」：蕃茄配胡麻醬幾得意😆$68「鹽燒鯖魚」：呢個係小食，鯖魚唔大唔細有兩件，燒得幾香口😆$88「風味魷魚（原條）」：魷魚🦑肉質幾爽滑簡簡單單煮熟加啲鹽已經夠鮮味🤣唔係好夠喉咁叫多個 $78「燒花魚一夜干」：呢個都係小食，都係有兩片唔大唔細嘅魚，魚肉有啲啲鹹鮮味🤣$28「枝豆」：簡簡單單😆$52「鎌倉紅葉茶屋抹茶白玉」：呢個甜品配一小碗「抹茶」，呢度嘅茶好似係嚟自「森半 morihan (創業 1836年)」，「森半」歷史悠久，有製作各種類型唔同嘅茶；白玉就圓轆轆細細粒都幾Kawaii 🤩，除咗白玉又有綠玉估計係加咗抹茶🤣；白玉係由白玉粉做成，白玉粉係由もち米做成，即係嗰啲喺日本🇯🇵過年嘅時候食好煙韌mochi 糕🤩；呢度嘅白玉都做得幾煙靭兼完全唔甜，不過碗中間有甜甜哋嘅あんこ紅豆蓉，撈埋一齊食幾好味🤩；如果仲覺得唔夠甜，有一小瓶 好甜嘅抹茶糖漿可以再加上去🤩；「抹茶🍵」就非常濃郁兼顏色碧綠，同甜點一齊食，更加突顯到 抹茶🍵嘅苦味澀味同鮮味🤩…Read More

呢晚嚟咗呢間喺長沙灣海旁嘅新派韓國菜🇰🇷餐廳食晚餐🤣$148「韓式豬手(半份)」：半分豬手🐷🖐️已經份量頗多，豬手切片大大件，豬手肉軟熟得嚟有少少結實，豬手皮夠煙韌仲感覺充滿骨膠原🤣，配埋青辣椒生蒜頭韓國麵豉醬，再用蔬菜葉包住嚟食，幾有韓國🇰🇷風味🤩$115「韓式烤牛肉奶油意粉」：牛肉切薄片肉質軟熟，奶油醬汁味道濃郁，要嚟撈意粉食出奇地美味🤣$138「雞蛋🥚多過飯的蛋飯卷」：真係雞蛋多過飯喎🤩，配埋啲素菜例如紅蘿蔔絲🥕青瓜絲🥒等，清新幾好味🤣$58「帶點驚喜的香印提子奶蓋綠茶」：叫咗少甜，不過都非常夠甜，飲得人好開心🤣，仲有啲香印提子同埋同香印提子一樣綠綠哋色嘅啫喱可以食🤩$58「飲完唔會手指指餅咖啡（凍）」：有淡淡嘅咖啡香味，再加一條超級甜嘅手指餅乾，食得人好開心🤣$138「開唔開心試咗先知嘅開心果蜜糖窩夫」：賣相靚靚，有脆脆哋嘅開心果粒、夠晒 creamy 嘅開心果芝士蛋糕、白雪雪滑脫脫嘅鮮忌廉、脆卜卜嘅焦糖脆餅，窩夫🧇就唔係好甜，整體配合得幾好食，兼且竟然每食一啖都開心咗啲啲，原來傳說中食開心果會令人開心可能係真嘅🤣餐廳依家做緊【一匙即中 $3000旅遊禮劵】推廣遊戲，消費滿 $500 獲得1條鎖匙滿 $1000有2條如此類推，然後用鎖匙開寶箱開到就贏獎品大概係咁樣嘅遊戲鍾意玩就可以玩吓🤣…Read More

喺中環食完午餐嚟咗呢間專門賣牛油果飲品嘅舖頭買嘢飲，諗住健康啲🤣$52「牛油果羽衣甘藍鮮肉芒果 Avocado Kale Mango」：用咗一隻牛油果🥑，夠晒滑，有牛油果🥑清香，又有啲芒果味🥭，仲有啲羽衣甘藍味，少少甜，好飲🤣；仲有，原來牛油果🥑同芒果🥭係可以做好朋友嘅，可能羽衣甘藍有幫助增加佢哋之間嘅友誼🤣$45「牛芒大碰撞 Avocado Mango Blended Drink」：呢杯係正常甜味，夠晒甜，朋友話飲得人好開心🤣；都係嗰句，原來🥑同芒果🥭係可以做好朋友嘅🤣；另外，仲有啲煙煙韌韌好似蒟蒻嘅可以食🤣$55「牛油果*羽衣甘藍 奇亞籽燕麥Avocado Kale Chia Oats」：用咗一隻牛油果，好滑，有牛油果清香，又有好內斂嘅 羽衣甘藍味，少少甜，好飲🤣；仲有啲爆口嘅燕麥珠可以食🤣大部份飲品都可以揀 70% Sugar 或 50% 或 30% 或 No Sugar，咁可以嘅話我哋都係揀咗 30% 🤣…Read More

週五晚上朋友帶咗我嚟呢間喺長沙灣嘅海鮮酒家食晚餐🤣見到呢度有好多街坊幫襯亦都有朋友聚會真係非常熱鬧🤣$116「蒜蓉粉絲蒸蟶子皇兩隻」：蟶子皇大大隻非常新鮮肉質爽滑，加蒜蓉蒸就惹味啲啲🤩；粉絲吸收咗蟶子皇同埋蒜蓉嘅汁液就當然非常惹味啦🤣$104「蒜蓉蒸扇貝兩隻」：扇貝都係大大隻，好新鮮，肉質軟熟🤩，加蒜蓉蒸都係惹味啲啲🤩；粉絲吸收咗扇貝同埋蒜蓉嘅汁液就當然亦都係非常惹味啦🤣$112「果皮蒸鮑魚兩隻」：鮑魚亦係大大隻，夠新鮮，肉質爽滑🤩，果皮切幼絲，要嚟蒸鮑魚有淡淡嘅清香，好食🤣$118「招牌至尊燒鵝皇上庄」：燒鵝皮燒到脆脆哋，燒鵝肉肉質軟熟好好鵝味，整體嚟講甘香好食🤩$428「清蒸沙巴龍躉斑」：餐牌寫住約兩斤重，上枱嘅時候用一個好大嘅碟裝住，視覺效果都有啲啲震撼㗎🤣；沙巴龍躉肉質鮮味兼結實得嚟又夠滑，真係充滿 umami，廚師仲蒸到啱啱熟，火候控制得好好👍，加埋芫荽同埋少少甜嘅醬油一齊食，超正🤩$88「拍薑炒芥蘭」：芥蘭菜非常新鮮，廚師仲將芥蘭外邊比較老嘅部份批走，留番落嚟嘅部份就更加鮮嫩，拍薑炒簡簡單單但係已經非常好食🤣…Read More

呢日嚟咗呢間喺柴灣嘅韓式麵店食個簡單嘅午餐🤣$40「大醬湯（金菇、娃娃菜、年糕）」，麵底同餸菜就揀咗「韓式拉麵、時菜、餐肉、五花腩、雞肉、肥牛、巨型蟹柳」，餸菜價錢每款由 $6到 $12 🤣上枱嘅時候大大一碗，真係幾豐富🤣大醬湯其實係豆醬湯，係韓國傳統湯鍋（燉菜），以大醬（大豆醬）為主要原料，另加蔬菜、海鮮、肉類等可選配料，係韓國料理中最具代表性同埋最受歡迎嘅傳統菜餚之一，不論何時何地韓國人都經常食用，大醬湯最初係用自家製大醬製作嘅，不過由於大豆醬嘅廣泛工業化，依家家庭同餐廳都改用工廠生產大醬作為原料，從傳統到現代韓國料理，大醬已成為最常用嘅醬料之一🤣；呢間餐廳嘅大醬湯唔辣味道幾濃郁🤣基本上所有餸菜都幾好味，其中雞肉去咗皮感覺健康啲🤩，五花腩大約45%脂肪55%瘦肉好甘香🤩，蟹柳真係勁大條好多肉🤣，肥牛肉肉質軟熟好牛味🤣$8「可口可樂 零系可樂」：大熱天時飲凍冰冰嘅可樂就梗係正啦🤣…Read More

呢晚同朋友一齊嚟咗呢間喺灣仔嘅素食餐廳食晚餐🤣呢度有「伴素晚餐 DINNER SET」，係「餐湯 + 沙律 + 小食 + 主菜 + 飲品」，價錢取決於主菜，咁我哋叫咗 $198「黑松露野菌燉飯 Black Truffle Mushroom Stewed Rice」同埋 $188「竹炭 Impossible Meat 漢堡 Bamboo Charcoal Impossible Meat Burger」🤣DINNER SET 嘅「餐湯 + 沙律 + 小食」用3個六角形嘅小兜放埋一齊😁-「餐湯」係「南瓜湯」，紅紅哋色幾 creamy😁-「沙律」係好簡單嘅沙律菜加咗酸酸哋嘅沙律醋所以清新又開胃😁-「小食」揀咗「黑松露茄子」同埋「蔬菜春卷」：「茄子🍆」新鮮，似乎簡單用醬油漬過，仲有淡淡嘅黑松露香味🤣，「春卷」就脆脆哋炸得幾香口😋「黑松露野菌燉飯」大大碟，燉飯等得軟腍腍，有幾香嘅野菌味，好食🤣「竹炭 Impossible Meat 漢堡包」大大個，麵包黑鼆鼆麵包皮脆脆哋，裏邊有蕃茄生菜當然仲有主角 Impossible Meat，真係做得幾似牛肉，好食🤣晚餐飲品一杯要咗「熱玄米茶」另一杯要咗「芒果🥭奶昔 （加 $24）」：「玄米茶」大大杯熱辣辣幾香玄米味🤣，「芒果🥭奶昔」都係大大杯幾滑，唔係好甜幾香芒果味🤣$50「鮮果楊枝金露」：非常甜，典型楊枝甘露裏邊有啲芒果同埋有柚子肉🤩，真係勁甜，每一啖都感受到勁量糖分，所以食得人好開心🤣…Read More

假期同朋友一齊嚟咗呢間餃子店🥟，諗住食個簡單嘅晚餐🤣；我哋好早去到坐低嘅時候只係得另外兩台客，但係食食吓門口已經要等位啦，喺而家咁嘅時勢真係勁👍🤣原來呢間小店除咗餃子🥟仲有好多其他小食可以食🤩$28「冰鎮秋葵」：秋葵新鮮非常爽脆，沾醬油同日式芥末一齊食，惹味啲啲🤣$38「醉鮑魚」：鮑魚甜甜哋，有少少酒香味🤣$20「上湯時蔬」一碟：要咗兩碟，一碟菜心，一碟生菜，菜心同生菜都新鮮，上湯灼，簡單好食😋$30「招牌炸豬扒」：豬扒炸得香口好食，仲已經切開咗一件件，食得好方便🤣$54「八隻 白菜雲耳豬肉餃🥟 拼 韭菜雲耳豬肉餃🥟」：湯底係「魚唇鮮骨魚湯」味道濃郁🤣；餃子🥟大大隻材料充實，白菜餃🥟有白菜味韭菜餃🥟有韭菜味👍，加咗啲雲耳仲有少少爽口🤣$58「八隻 西洋菜馬蹄豬肉餃🥟 拼 芫荽馬蹄豬肉餃🥟」：餃子🥟都係大大隻材料夠晒充實，西洋菜餃🥟有大量西洋菜，好香西洋菜味，同樣芫荽餃🥟有好多芫荽好香芫荽味🤣$50「酥炸魚腩 拼 酥炸魚鮫」：魚腩同魚鮫都用好薄嘅脆漿包住，外邊炸到脆脆哋，裏邊嘅魚肉好軟熟，香口好食🤣$10「柑橘檸檬百香果茶」：甜甜哋，黃黃哋色🤣…Read More

假期同朋友一齊嚟咗呢間喺尖沙咀嘅咖啡店兼餐廳食午餐同埋飲番杯咖啡☕️😆 $40 Long Black 大大杯夠熱夠香夠滑 ☕️$45 Cappuccino 都係大大杯熱辣辣，夠濃郁夠滑又有奶香☕️🤣$109「紅咖哩鴨胸肉忌廉長通粉 Duck Breast Penne in Red Curry Cream Sauce」：紅咖哩汁煮得幾 creamy 有少少辣，好味🤣，鴨胸肉切成小粒好易入口🤣，Penne 煮得軟腍腍容易消化👍$95「青醬雞胸沙律配檸檬醋醬 Pesto Marinated Chicken Breast with Salad and Homemade Lemon Vinaigrette Dressing 🥗」：雞胸夠晒大好多肉可能呢隻雞生前好大食所以變得非常肥大，而雞胸肉質非常軟熟，真係幾好味喎🤣；仲有新鮮嘅沙律菜同新鮮蕃茄，再加埋啲 Sun Dried Tomatoes 咁就更加好味🤩$34「自家製藍莓核桃蛋糕 Homemade Loaf Cake - Blueberry & Walnut」：見到又食到有啲藍莓🫐 同埋有啲核桃，味道甜甜哋不過又唔算好甜🤩…Read More

同朋友一齊嚟咗呢間喺北角嘅意大利🇮🇹餐廳🍽️食晚餐🤣餐廳有Dinner Set 晚市套餐 可以自由組合，$498 一個嘅 4-Course Dinner ~ 1 Antipasti or Insalata + 1 Pizza or Pasta + 1 Carne or Di Mare + 1 Dolci，即係 自己揀 1個頭盤/沙律+1個披薩/意大利麵+1個牛肉/海鮮+1個甜品 😋INSALATA 沙律 Insalata di Pollo 雞肉沙律🥗：材料包括有《Chicken Breast, Mix Garden Leaves, Tomato, Onion in Mild Spices, Grana Padano 24 Months, Balsamic Vinegar Crema》😋；雞胸肉煮得非常腍兼且仲有啲滑又有雞味真係幾好味👍，沙律菜新鮮爽脆亦都已經撈咗啲酸酸哋嘅沙律汁但係餐廳亦都提供一小兜 Balsamic Vinegar 鍾意嘅話可以自己加落沙律菜度食 🤣PIZZA 披薩🍕 Quattro Formaggi 四式芝士：4種芝士🧀包括 Agerola Fior di Latte 阿嘅撈拿飛呀迪拿鐵芝士🧀（佢暫時冇中文名所以我幫佢譯咗呢個中文名🤣）、Gorgonzola 戈貢佐拉芝士🧀係意大利🇮🇹 blue cheese 一般味道非常濃烈、Asiago 阿夏戈芝士🧀起源於意大利🇮🇹味道濃郁依家一般會被分類為Swiss-Type / Alpine cheese、Grana Padano 24 months 格拉納帕達諾芝士🧀係 Parmesan 嘅親戚不過生產要求就冇Parmesan 咁嚴格🤣，呢4種芝士🧀基本上都係味道好濃郁，撈埋一齊整 Pizza 勁有鹹香🤣；至於 Pizza Dough 生麵團就做到脆卜卜之餘又煙韌，係好高質素嘅 Dough🤣DI MARE 海鮮Branzino al Cartoccio 原條香草烤鱸魚（加 $98 with Dinner Set 套餐）：材料有《Baked Whole Seabass, Rosemary, Tomato, Lemon, White Wine, Fresh Oregano 烤鱸魚、檸檬、番茄、迷迭香、白酒》🤣；鱸魚肉質嫩滑鮮甜兼且都幾大條🤣，廚師似乎只係落咗少少鹽，所以魚嘅鮮味非常突出😋，再加埋檸檬番茄迷迭香白酒咁又將鮮味再提升啲啲 🤣DOLCI 甜品Tiramisu Classico 經典提拉米蘇：材料包括《Mascarpone, Cacao, Savoiardi, Espresso》🤩；唔係好甜夠 creamy🤣…Read More

呢晚同朋友一齊嚟咗呢間星加坡菜餐廳食晚餐🤣餐廳名字叫「咖吔」，「咖吔」又可以叫 Kaya、Seri kaya、Sang khaya、咖椰、加椰、咖央醬 等，名稱眾多🤣；關於咖吔嘅起源就眾說紛紜，有啲講法係咖吔係新加坡🇸🇬同埋馬來西亞🇲🇾獨有嘅一種歐亞果醬，由葡萄牙🇵🇹嘅雞蛋醬改良而嚟，我比較相信呢個講法，不過仲有好多其他講法，有興趣就可以自己上網睇🤣$88「叁峇醬炒椰菜苗 Stir Fried Baby Cabbage with Sambal 🥬 」：Sambal 叁峇醬 一般會認為係印尼🇮🇩加咗蝦醬嘅辣椒醬，不過其實淨係喺印尼🇮🇩種類已經有超過200種，咁馬來西亞🇲🇾新加坡🇸🇬亦都有自己嘅品種🤣，所以我都唔係好清楚邊種 Sambal 打邊種因為種類實在好多🤣；呢間餐廳用 Sambal 炒椰菜苗，佢哋用嘅叁峇醬好有鹹香，炒椰菜苗非常惹味，椰菜苗本身就新鮮爽脆，仲好大碟🤣$88「海南雞飯 Hainanese Chicken Rice」：海南雞皮黃肉白幾好雞味😋，仲有一碗冬瓜雞湯味道濃郁🤣，又有一碗雞油飯聞落好香🤣，亦有新加坡黑醬油、辣椒醬、薑蓉可以沾雞食🤣原價 $188「檳城街頭排骨山 Malaysia Style Jumbo Spare Ribs with Spicy & Sour Sauce」依家做緊周年慶特價 $88 真係勁抵食：「排骨山」又好「火山排骨」又好好多餐廳都寫住嚟自泰國🇹🇭呢間餐廳就寫住嚟自馬來西亞🇲🇾檳城，不過無論嚟自邊度都好啦總之好食就得🤣，呢度嘅「排骨山」勁大碟有兩件件件都超大件嘅排骨黐住勁多肉，肉質夠軟熟，加咗大量香料呀芫荽呀檸檬呀青檸呀等等，酸酸哋鹹鹹哋非常開胃好味道🤣，仲有，講多次， $88 真係勁抵食🤩…Read More