tracysis's Profile

很難得有機會跟三個隊友一起共聚晚餐的，一收工就坐地鐵去了。這間餐廳，其實並不是在人流很旺的地方。當去到門口時，你會被門牌和門面所吸引著的。真係估佢唔到，係舊區會揾到一間手製意粉店。環境不是太暗，也有情調的，沒有太花巧的裝修，卻有獨特的風格，令人感覺很寫意。我們先點了飲品，邊喝邊等。白葡萄接骨木和白葡萄桃子，沒有酒精成份的。不會太甜，桃子味比較香，可能我鐘意桃子既關係。首先餐廳有送一個pizza 底做既薄脆餅，點黑醋，外脆的，內軟熟，幾好味。首先叫左個前菜，個前菜叫蝦肉蟹肉配芝麻醬，無論食材同個醬針都配合都好好，又醒胃，無比個醬蓋過整體味道，材料夠新鮮。之後到主菜了，一攞出黎，香氣撲鼻，芝士味濃到不得了，喜愛芝士的朋友們，真係值得一試，一定滿意，但要有心理準備，會比平時的PIZZA鹹，因為重芝士。另外，主菜一定要叫手扭麵的，我地叫左個黑松露，蠶豆，野菌忌廉汁手扭麵，麵夠硬身，附合意大麵的口感，足料黑松露，又香又惹味的。個店員話就算下一次黎都未必食得返呢個手扭麵，因為佢個扭紋下一次不會是這樣，係獨一無二。個店員仲話，可以用個薄脆餅點有剩既汁，我都覺得唔錯，添了另一番風味。慢煮豬鞍係也幾厚肉，重肉汁。切開有少少粉紅色，但放心，係熟既，我返而略覺得佢熟多左，哈配菜有翠玉瓜，紫薯，薯仔，很鮮甜的。到了最後，來個完美的結局，個甜品其實真係打咭都值。很高興能夠同三個隊友出賽前受一個獨一無二的晚餐，真心難得。…Read More

今晚同同事食晚飯，話佢就升職喎，咁咪慶祝一下囉！不過見到佢開心左，我都覺得好開心。其實好怕每次食飯時，D餐廳一次過推晒所有食物比你，攪到你完全無位放，又食唔切。實在太好，這間餐廳上菜速度十分好。先來個雲吞，雲吞外脆的，再加上個汁做得幾好。牛油果蟹肉多士，其實都幾足料，凍凍地咁，係成個拼盤最好食。鷄翼同鷄尚算可以的。PORK CHOP，友人話幾好食，夠厚，多汁，再加上佢都鐘意食肥豬肉既位，話幾爽口。我就反而鐘意食薯條，哈，仲好唔使爭。…Read More

今晚約左朋友去呢度，已經隔左一段時間無黎過。今次黎到，叫左我一直都好想試既啫啫滑雞煲。一搬上枱，已經陣陣香氣飄過黎，吱吱聲。雞肉嫩滑，吸收曬濃汁，又香又滑，豬潤夠爽，葱頭也很香口勝在上枱夠熱，汁剛好。其實真的是意外驚驚喜，因為平時食雞煲係好油，但今次無咩油外，還好香口。食完後，朋友都有讚下次再食！…Read More

今日同朋友去左西營盤食飯，當大家都諗緊食咩既時候，我就提議左呢間冰室，話一直想試佢既炒麵。天氣太熱關係，一定要叫返杯凍飲，就一於紅豆冰少冰。冰粒不算太多，紅豆份量適中，不太甜，感覺沒有那麼邪惡。之後叫了咖哩牛腩撈公仔麵，公仔麵好爽口，唔腍。其實我唔太鍾意食太腍既麵，所以覺得好正，再加上咖哩汁，不太辣，又香，牛腩又腍，肥瘦適中，幾樣因素合成，其實好美味。當然唔少得我最期待既雞扒炒公仔麵。一放上枱已經聞到香噴噴，有獲氣，不油膩，芽菜爽口，混合埋麵一齊食，口感更豐富。雞扒煎到有脆皮感覺，實在太好。朋友最後都話我介紹唔錯。計我話，最難得係可以同知己聚下舊，講下心事，吐下苦水啦，再加埋可以有美味既一餐，真是一個美滿的一個晚上。…Read More

其實每次去呢間餐廳，幾乎次次都叫呢個餐食。一叫完餐，不到5分鐘，已經有得食，都好快手。麻辣牛腩麵 麵沒有鹼水味，很爽口，牛腩炆得好腍同入味。 其實食到最底，個麵都係無腍到，仍然爽口，而且份量不少的，真係值得再光顧! 再叫埋凍檸茶少冰! 腐乳通菜其實去到茶餐廳，好怕D菜烚到又黃又腍。意料之外，煮得好鮮嫩、爽口。簡簡單單，咁就一餐。…Read More

睇完廣告介紹呢個肉醬蛋牛飯tastic，見到就立即想試下。上星期已經約左朋友今日去試，一直期待時刻終於到了。叫了一個set，飲品是至愛咖啡。一開始以為係從上面拆開的，但原來係由中間撕開，大家要記住呀! 一拆開時，覺得包得好實，無左搖右擺的感覺。牛肉和蛋有點乾，做唔到糖心蛋(是否要求過高﹖)飯有點油膩的感覺，勝在真係有焦的味道。其實好足料，因為都頗重的。對我來說，一個包都有D食唔晒。如果可以再多少少醬汁，牛肉JUICY 啲，就更好啦! 總括來說，會再嘗試其他分店的同類產品，希望有意外收穫! …Read More

朋友相聚，不一定要到講究氣氛的高級餐廳，有時反而到富有特色的懷舊餐廳也不錯。這間餐廳，令我覺得最有特色的是乒乓球餐牌。今次終於有機會食到乾炒牛河。其實炒野都幾講功夫，要鑊氣夠，又要夠乾身，又要唔肥膩，這個乾炒牛河已經做到了。懷舊沙律，配上沙律醬，酸酸的，又有少許冰涼，使人更開胃。而且青瓜和蕃茄也很新鮮，份量也十足的。焗豬扒飯，豬扒好腍身，醬汁酸甜度剛剛好之前一直想試的炒粉麵飯，一直是我想試的。一試之後，果然性價比高。…Read More

今晚約了幾個朋友到這間韓國料理試一試，都很滿意食物質素和侍應生都很禮貌。去到食韓國料理，都一定會前菜的，最大特色是每樣都是小小的，而且有些是酸酸甜甜的，有些是辣的，可以令你更開胃。最令我覺得喜出望外的，反而是幼小的薯條，當然是未經油炸的，因為沒有太多的醬油添加，反而享受到食物本來的鮮甜。無可否認，食韓國料理一定要叫牛的，而且是牛肋骨。一食落口，真的很鮮味，肉質嫩滑，好有牛味。海鮮也是韓國料理的主角，大蝦大隻不在話下，而且還很彈牙，爽口，鮮味，正! 牛肋骨湯，寶物永遠沉低的，牛肋骨湯的精華滲入白蘿蔔，好入味，又鮮甜。而且牛肋骨炆得好腍，超好味呀!這個辣滑豆腐海鮮湯，豆腐好滑，海鮮(蜆和蝦)很鮮甜，而且不是太辣，啱晒我口味。很久之前已經有友人介紹這支酒的了，這次終於有機會嘗試了。很有媽媽的味道，因為我媽媽也曾釀製過這味道的米酒。當一班朋友聚埋一齊的時候，能加略帶一點醉意，顯得難捨難離的。農酒這間韓國料理，食物質素高，地方也算寬敞，有使人回味無窮的感覺!…Read More

今晚食完晚飯後，沿住廟街一直行落去，一定會去我地最愛既鵝記渣咋。每次黎，都必定會叫渣咋食。如果本身不是吃太多的人，基本上，呢碗渣咋已經可以當晚餐，因為真係好足料，而且可以食到唔同類型既豆，例如，鷹咀豆，眉豆，紅腰豆，芋頭，西米。。。。最重要係有耶絲，而且一定要加奶先好味。其實呢個渣咋，無論熱食定凍食，都一樣好味。所有豆都煲得好腍，加埋奶香，太美味。芝麻豆腐花，中規中矩，豆腐香滑。美好的一天，是一定有窩心既人伴在旁，還要有甜品作尾聲，的確唔錯！…Read More

點解話我是幸運兒？今日本來由油麻地行落去尖沙咀食晚飯，點知途經N年前來過的橫綱，竟然唔使排隊。二話不説的衝了入去。N年次的味道仍然保留著。九州拉麵：起初見到個碗，以為會唔夠飽，但原來份量都足夠。麵身比較幼，個麵煮到剛剛好，不會太硬或太腍，又爽口，又彈牙。叉燒直頭無得頂，入口即溶。同埋波菜都吸豬骨湯既味道，但又不減波菜原有的鮮菜味。呢個係辣湯底的，喜歡辣的朋友，可以嘗試一下。餃子(HK$34)太正了，皮簿又脆，不肥膩。其實這店添了一番貼心的關懷，而且不是黃色果d，氧化完會斷果d。如果每次經過呢度，可以唔使排隊，就好啦！希望你們也可成為下一個幸運兒啦！真係唔使排隊的話，一定飛過去。⼁…Read More

今天叫了咖喱牛腩農夫包食，真係好味，又好脆，而且牛腩炆到好入味，好重牛味添 。唔好睇少隔離伴碟，好新鮮架，唔係隨便放d黃晒既蔬菜上去架。最重要我本身不太食到辣，呢個農夫包不太辣外，又可以聞到咖哩香味。下次再去，都一定會再叫呢講。平時食西多，總會覺得係下午茶感覺。因為我地等緊人既關係，個侍應就介紹左法蘭西多比我地食。意料之外，因為平時去茶餐廳，話要加奶，就一定會自動的加了很多上去，每次來到都覺得好罪惡感。但呢度好好，有一支煉奶同一支糖漿比自己加，切底的減低那份罪惡感。呢個西多，條邊仲炸得脆脆的。不太甜，我鍾意。不可以不提的，絶對係金記別具特色的餐牌，有一種回到讀書時期到大排檔用餐既感覺，重拾當年回憶。值得一讚的是呢個餐牌分類得好清晰。食到最後，意猶未盡，決定叫個公司三文治。與其他茶餐廳沒有太大的分別。其實平日食三文治的時候，最怕係生菜是凍的，麵包皮和午餐肉是熱的。但這個三文治，整體温度平均，呢個值得一讚。最後，是次食品豐富，也很好味。如果下次再去的話，一定要試下炒粉麵飯。…Read More

今天和朋友專程去九龍城食泰菜， 隨意的走到一間比較多人的店內，一坐下，竟然看到有報導説蔡瀾也來過。第一道叫的是柚子沙律，酸酸甜甜的，好美味。加上炸蒜，脆脆的。到最後用生菜一次過包起所有材料來吃，更加美味，又多汁。之後叫了鮮蝦炒金邊粉，熱乎乎的，味道香濃。鮮蝦彈牙，又爽。記得要撈埋旁邊花生粒，爽口…Read More

見到以下呢幅相，有沒有令你們想起兒時的回憶呢？由舊舖光顧到新舖，食物依然好味。每次到這地方，一定會叫黑豆腐花的，好綿滑，也不太甜，適合keep fit 的女士。記得某一次嘗試了辣豬皮蘿蔔，幾乎每次去都會叫的。粉果，內裡好豐富，食到大粒既沙葛，仲有蝦米，落少少辣椒油仲正呀！其實還有很多好味的食品的。好味的食品，千萬不要失傳！也讓我們繼續尋找和保留著童年時的回憶，味道和快樂！…Read More

今日約了幾個朋友食晚飯，去了北角的粗菜館，在門口望入去，環境不錯。豬油撈飯，怎能不嘗試？雖然只是一碗飯而已，但真的並不普通，起碼不是任何地方都有的。記得一定要熱食，同埋放多d鼓油，超正！一定會再去食的。呢個梅菜扣肉，簡直無得頂我平日好少食肥肉部分，但今日感受到咩叫入口即溶，回味炸大腸，已經好耐無食啦，太掛住呢個味道，停唔到口。外脆水軟，正爆！西檸雞，有汁點的，其實點唔點都咁好食，因為又係外脆內軟囉！…Read More

其實每次食完呢間台灣食店，都很回味。呢間舖既所有員工，都係講國語的，好親切。仲有個餐牌，要食咩可以係上面圈就得，之後重用，夠環保。好難得係香港都可以感受到台灣風味。無時間去台灣，一於黎呢度望梅止渴。…Read More