Donaldum's Profile

好少內地喺香港嘅連鎖分店係好味，黎到香港總係各方面都會有參差，但呢間嘅味道同服務都有內地嘅質素，個片皮鴨甚至比內地嘅還要出色！價錢都係合理範圍，比起其他本地得個貴字嘅酸菜魚，性價比算唔錯！…Read More

香港好多自稱手打檸檬茶，唯獨呢間飲得出一份「真」。茶底唔係用普通茶包沖，相信係自家調製，味濃而不澀。檸檬份量毫不吝嗇，完全飲到檸檬的香，唔似其他舖咁杯茶入面連檸檬都唔見，更加飲唔到檸檬味就話手打。重點係呢間舖嘅生果質素非常高，不論檸檬、黃皮定楊梅，飲得出係高檔貨，全部都不酸不澀，仲非常清甜！每次我都會打開蓋，食埋d檸檬同黃皮。飲到上癮嘅一間正宗手打檸檬茶，每次出深水埗都一定去買返杯，店員有禮貌又友善，連個杯嘅包裝都好用心，會用保鮮紙包多層，祝願咁絕無僅有咁出色嘅店舖可以多d人支持！…Read More

作為專食雞煲嘅地方，可以話真係超級難食，d雞勁鞋，走過油先煮，面頭成層粉，食到一口都係粉，但d雞肉就完全唔入味，個汁死鹹，汁還汁，雞還雞，完全食唔到係咩雞煲。食過元朗同屯門分店，都幾好食，又幾抵食，天水圍呢間星期一至四$178，星期五六日$188，仲要收埋加一，即係閒日都要成$200一位，但係就食d咁嘅質素嘅雞煲，失望至極。真心求其搵間酒樓嘅雞煲都好食過佢，食咗兩三舊雞，已經頂唔順要加湯，寧願煮林d雞先再食。…Read More

見識少，第一次見餐廳1-12人都係攞埋同一種飛，職員分配位置極差，3人位瘋狂坐2人，6人位坐4人但又唔入多2人，造成極多1人位吉出黎，但門口N多3人以上等位，成間餐廳入面各自加埋有9個空位但安排唔到人入，d號碼又要跟次序唔可以跳飛，但唔同人數安排根本唔可能跟號碼。等得唔係耐，一個鐘有得食，但無奈到已經唔想再黎。…Read More