hungry.baby's Profile

係上環返工，知道開左間壽司小店都一段時間，今日終於去左試啦。小店內有張長枱，大約坐到4-5個人。我點左當日特定推介:蟹膏三色丼。所有飯都會送個三文魚豆腐湯同茶。湯好特別，除左三文魚、豆腐仲加左蕃茄，好fresh。不過可以再濃d三文魚味。飲完湯，就試下個飯啦。三色分別係蟹膏、三文魚同甜蝦。D蟹膏非常濃郁，杰杰地漿住個咀，口感好正好香！再送啖日本壽司飯👍🏽 三文魚新鮮、肥美，都幾厚切，味道甘香。而甜蝦就冇咩特別同平時食開差唔多。成個餐$88，唔係特別平，不過蟹膏真係值得一試！…Read More

今日去食lunch叫左日式蛋黃醬明太子高菜醬油意粉,費事太飽所以冇叫餐。意粉比較硬身，我鐘意咁樣有口感D。個醬就有Ｄ’杰’，有Ｄ卡邦尼嘅感覺，不過加埋Ｄ明太子都幾香。因為佢落左高菜，所以Creamy得黎又有Ｄ酸酸地，加埋Ｄ木魚，個感覺都幾fusion。食唒成個我覺得有Ｄ’滯’，同埋要襯熱食，唔係就好易變左個麵餅。不過不失啦～…Read More

今日因為有D忙，所以lunch就咁落去買Ｄ方面快捷嘅野食。叫左個芝士飯堡，個包裝紙好qq，又保到溫。個飯堡夠哂大個，lunch 食都唔洗驚唔夠飽。一啖咬落去，口感非常豐富。有飯、芝士、泡菜、吞拿魚醬，仲有Ｄ爽口蘿蔔係Ｄ泡菜入面，成個感覺好夾。唯一係Ｄ飯唔夠實，有少少散，可能因為落左Ｄ韓國麻油啦，但唔落一定冇咁香。方面快捷飽肚又抵食～…Read More

放工約左友人去個Happy Friday, 不過呢幢百樂中心部lift真係好唔掂。長期打蛇餅，上去食晒野起碼要排工個字lift。一入到去，已經被佢Ｄ裝修吸引住，好有玩味感覺。每枱都有一杯糖果歡迎你，好窩心。我地兩個人叫左個777老虎機小食拼盤，黑松露野菌長通粉($98)同袐密花園水果茶($58)Ｄ野都幾大份。777老虎機小食拼盤($128)，呢個拼盤共有雞翼、香腸、洋蔥圈、魚手指、蟹蓋，炸蝦及魷魚圈等7款小食，每款２件。佢Ｄ炸物，真係不得不讚，尤其係雞翼、魚手指，完全唔會覺得乾，皮脆，但入面依然係有汁嘅。蟹蓋又係意想不到嘅好味，好多蟹肉，絕對唔係去飲一pat醬唔知食緊Ｄ咩。洋蔥圈、魷魚圈個皮好鬆化，唔會厚或者硬。香腸同炸蝦就正常好味啦～黑松露野菌長通粉好多黑松露好香，不過我地食哂個小食拼盤先，所以有Ｄ凍左，食落有Ｄ咸，長通粉偏硬。袐密花園水果茶大大杯，好味又抵飲，兩個人飲都完全冇問題。有士多啤梨，檸檬，火龍果，等等，味道好清新好Fresh好味！…Read More

之前黎過一次冇開，今次再接再勵，終於食到啦！當然係叫左我一直都好想試嘅蛋包飯啦！個蛋包飯好多咖哩汁，份量十足，每一啖都可以有汁，唔洗慳住，又唔會好辣，但就好夠咖哩香味！Ｄ蛋超滑，少少溶咁，撈埋Ｄ飯，個口感好正！仲有，入面Ｄ飯係有味嘅炒飯，仲有Ｄ雞肉，好野味，不過食到最尾就有少少咸，飲番杯檸水就岩岩好！食完好大滿足呀！ …Read More

一路以為紅茶館係酒店、賓館，經朋友介紹，就黎左試下啦，估唔到又幾好食～Menu有好多選擇，最後我叫左個美國自然豬，係餐黎嘅，跟餐包、湯同飲品。餐包同湯好快就黎，湯係羅宋湯，好大碗，熱辣辣，又多菜，又唔會太酸，飲完都少少飽。美國自然豬，好厚身，但食落一Ｄ都唔會乾，仲幾Juicy! 唔知係咪因為好食嘅關係，竟然食得哂成塊豬同Ｄ意粉，仲唔會覺得好'濟'!飲埋杯檸水就Perfect啦！好豐富好滿足嘅午餐呀！ …Read More

Vanilla White Chocolate twisting Dark Chocolate$45 雪糕果然名不虛傳，質地好creamy，朱古力味好濃，雲喱拿果邊奶味好重，好滑，個cone好脆，再加上少許朱古力醬，更添美味。最鍾意始終係佢條邊有朱古力同nuts，口感非常豐富，不過唯一唔好就係有Ｄ快溶。食完非常滿足！…Read More

幾個同事即興想去食個下午茶，就諗起瑞記嘅西多士。其實只係想落街鬆下，所以凈係叫左一份西多。因為即叫即整，所以都等左成10分鐘先有得食。熱辣辣，又脆脆地，加上大量我最愛嘅米煉奶，好好味呀！！！！食左兩塊，岩岩好，食多塊就應該會滯。所以我建議呢份多士唔好自私食，要Happy Share先最好味！…Read More

當日晏就打去book位，放工準時8點去，門口都有五六個人等緊，我地book左就唔洗等，即刻入得。一坐低，當然要叫章魚小丸子先啦~ 油， 蛋漿，有甜醬，沙律醬及紫菜粉一早已經放哂係枱。之後再黎D餡料包括洋蔥丶紅蘿蔔丶章魚粒泡菜及木魚，全部切幼粒。開始整啦，首先D落油，等佢滾就落滿蛋漿，約八成滿，再落配料，等佢煮一陣，就轉面再加蛋漿，將佢地煮成一個球體。雖然個製成品有Ｄ燶，不過加埋Ｄ調味料，我覺得個味都幾好～叫左一個煙火腿卷，覺得有Ｄ乾，可能冇汁，又有舊芝士，咬落冇乜味咁。仲叫左個冷麵，有好多泡菜，半隻蛋，D麵好煙韌，涼浸浸再加上泡菜嘅酸味，仲有片蘋果，好開胃好清新，好食，份量足夠２個人食。章魚小丸子唔太難整，又幾好玩，好食又唔貴，其他食物亦唔差，值得一試。…Read More