Winffreyum's Profile

除左中餐之外, 我最愛既就係食SUSHI 喇.今日晏就去到位於九龍旺角區既一間日本餐廳試食佢既Omakase.我最中意晏就食Omakase, 又唔太貴, 又試到間餐廳既質素, 雖然D食材就一定冇夜晚去咁貴價.但呢間只要298蚊 1位, 有9件加1件手卷同有個湯, 蒸蛋同沙律.真係好!抵!食!呢間野好易搵, 好近旺角地鐵站, 呢排天口咁興, 真係唔岩留響條街太耐.一黎到就係沙律同蒸蛋, 個蒸蛋好味, 好滑又足料.D魚都叫新鮮, 比起尖沙咀某D Omakase 揼本, 有曬大家好中意食既 左口魚, 拖羅, 帶子, 海膽同赤貝.整體好抵食, 唯一不足既係師傅件件都會落埋豉油比你, 我覺得有少少咸, 下次會叫佢走油, 自己落番岩自己既份量比較好. 最好食係拖羅, 有少少筋, 入口即溶. 個海膽都好多, 夠曬過口引.因為掛住同朋友傾計, 我唔太記得9件 SUSHI既先后次序. 去相~~~GO!以為食飽飽之制, 原來仲有個手卷未食. 佢個手卷好足料, 好爆TUNA  之後仲有少少脆米同魚子, 個口感層次直接提升至最高點. 最后埋單仲一人一個細細地既雪糕球. 食左成個半鐘既LUNCH 埋單700蚊有找!!!等於你去食個千X咁上下價, 但係食到Omakase ~~~ 抵抵抵!!…Read More

今次又係因為要慶祝朋友生日, 所以又試下新野.3個女人琴日第一次去, 地點都算易搵.提議大家一定一定要BOOK 位, 因為琴日星期一都FULL曬嫁.我都有少少蠢左, 冇睇佢內在環境, 佢兩邊係SOFA位, 中間仲有一排位都比較密.店內環境其實不錯, 但如果要慶祝節日/生日飯. 最好最好要同佢講要坐兩邊SOFA位, 會比較舒適又唔使同隔離咁CLOSE.唔講太多, 入正題. 整體黎講我同朋友都好滿意, 大家都話會再去食. 我地叫左一打TODAY'S SPECIAL 既蠔, 講明TODAY'S SPECIAL 就一定係當日最新鮮嫁啦!!琴日係法國蠔, 名就唔太記得, 因為MENU 上冇既.佢好鮮甜, 大小適中, 有海水味得黎唔太咸, 易入口, 都好爽口. 我地幾個女人都冇加任何調味, 只係加左幾滴檸檬汁 就已經9秒9食完... 正!!!!( 個包係送既...就冇咩評價喇..但比起其他野黎講有D失色)食得OYSTER 當然要配白酒啦, 不過酒就十分個人喜好, 唔多講, 但我地有飲曬!之後本身想要每人一隻日本海膽, 點知.................賣曬???!!!!! 下次大家要叻D, 訂位時要叫定 =(( 唔係只會空歡喜唉.. 加大拿既都照殺啦唯有, 但出乎意料地好好味又好鮮..算佢啦!!!!  留意番佢得4 大粒左右, 一板就一定冇, 但就真心好味同埋夠肥既.之後我地每人叫左一個蠔湯同一人一件香煎鵝肝.我可以講個湯係 MUST EAT ITEM, 一定一定一定要食!!!! (重要既野要講3次)好好好蠔味, 好好好鮮味.個香煎鵝肝 煎得香既, 如果再JUICY D 就更加好喇!! 佢個櫻桃汁係真係原粒咁放響碟邊, 似係煮淋左所有少少汁, 但如果可以多D D 汁就仲好D.(唔好意思, 我條脷開始有少少少開叉, HEEHEE)之後再黎係炸蟹餅, 細細粒易入口, 啖啖蟹肉就已經係基本野, 佢仲有 Mozzarella Cheese, 襯熱食仲有少少流心效果tim.因為已經有少少飽既關係, 只係叫左一個Main. 如果蒜香再加多dd就100分喇, 因為佢d蜆係 好大隻, 都好甜. 又可能開始飽飽地既關係. 覺得之前果d好味d.話明慶祝生日, 當然要一早懶浪漫咁order 定2款好多人叫既甜品啦.一個係Banoffee 另一個係Tiramisu.2個都好好味, 雖然呢間Banoffee唔係我食過最好食, 但都有70分.個cream打得好滑身. 好多香蕉, 夠淋. 食得出有拖肥味.Tiramisu 好味, 有85分. 因為佢D手指餅係浸得好夠時間, 而且係有咖啡酒味.好RICH 而且一咬入去會有好多咖啡酒滲出黎嫁.呢2位生日既處女座女人都十分滿意, 由其對佢既畫花, 映相映到枝蠟燭得番1mm 先捨得停手.呢間野冇好好好靚既環境, 但服務同野食都十分不錯.係一定會再去. 大家今日冇食過肉, 只係食海鮮同每人幾條意粉都攬住個肚走.我會再努力發掘更多新美食同大家分享!!! 今日係咁多. BYEBYE啦.…Read More

前公司在附近, 所以以前是這裡的常客. 通常都是吃午餐居多.你們可以在之前相片庫看看它的午餐MENU.湯加主食再加飲料 80元有交易, 加一服務費都不用, 而且一人吃也可以刷卡.因為轉工的原因, 很久沒有踏進過佐敦這一塊.是有點想念的.今天5時左右剛好在附近, 也剛好有點餓.所以就一行2人進去, 看看可不可以找回以前熟悉的味道.一進去, 裝潢沒有任何改變.這個時間, 餐廳也沒有人. 出來迎接我的是餐廳東主, 他還問我為什麼那麼久沒來.我真的沒想到他還會記得.我們點了兩個主菜, 雖不是LUNCH MENU 價, 但依然覺得價錢十分合理.第一道是我跟以前的同事們必點的一個 - 烤雞(半份)皮還是依舊的脆, 而且烤雞來說它的肉不算乾.份量很足, 加上這裡的炸薯角....真的很好吃, 很脆, 不油, 也不乾. 推薦 ~ 推薦 !第二道是千層麵, 印象中好像是在這頭一次吃.麵的質感很好, 因為我不太喜歡很軟的麵, 這硬度剛好.邊邊是烤得有一點脆, 汁也夠多夠味. 但唯一我覺得可以更好的是: 如果牛肉碎多一點會更好, 我覺得偏少.整體來說也很滿意的一餐. 很好的店主還送了我們一杯啤酒.很久沒來, 但真的人情味和食物的味道也沒有變過. 我還是會再去的. …Read More

吸取頭一次太晚去的經驗, 今次決定了6點半去, 那就一定可以吃得到招牌船河.6點半準時到, 下午已經開始不吃太飽, 怕吃不下, 所以特別餓.雖說6點半, 但店外已經有很多人在排隊.我們等到7點3左右才有位置, 建議想去的人一定要預起碼半小時去等位.今次點到了招牌泰底和牛濃湯河!! YEAH!!名副其實 湯底十分的濃!!! 但又不會太咸.用的牛肉也真的是和牛, 很腍, 好好吃, 很有牛的味道!!在旁的豬肉丸也很爽脆, 還有幾條炸豬皮, 配搭得非常好.河粉很滑, 一絕!!!!! 是MUST EAT ITEM!!!! (平常不太會喝湯底的我, 把湯都喝光光了, 胖死, 但死在它手上也是值得)小缺憾是, 本來想多點一份炸豬皮, 但~~~~~~~又賣光 魚皮也很野味, 不錯. 但我還是比較推薦豬皮, 真的比較搭.還有一個MUST EAT ITEAM, 就是炒闊河粉, 味道跟我去泰國吃的一模一樣, 而且它們家的粉, 都很滑.(不是一般的滑, 是很很很很!!!!!滑!!!!!!!) 跟平常出去泰國餐廳吃的很不一樣, 10個好吃.我們還有吃馬拉盞炒通菜和芒果糯米飯(內有卜卜脆米, 蠻有口感的),都是好吃的, 但就是跟外面吃的沒兩樣, 所以就不多說了.兩個人點了5樣東西, 都吃光光.(旁桌的6個人才點了兩個粉和幾個小吃, 我們是有點太誇張嗎? 但旁人的眼光我是不太理會就對了, 姐~就是要吃!!)…Read More

其實早在呢家店試業時已經光顧過一次,兩次都是外賣自取, 第一次因為有同事SHARE所以叫的種類比較多.看~沒騙你.因為中環這個黃金地段很少這一類的街頭小吃, 想吃小吃大多都是去附近的便利店, 但種類當然很少.所以知道它開幕, 也是滿心期待的.今天是第一次親身到店家 (上次是我的好同事買的).經過店面已經覺得十分色彩繽紛.原來也有蠻多媒體報導過,還有是日精選 - 絕對適合一眾 "小吃當正餐吃是常識吧!" 的一群.一進去, 心想, " 店主應該花了不少時間和心思" 因為裝潢得很有特色.最喜歡就是那一幅壁畫.大至牆身, 小至餐牌/ 調味區 也很值得拍.聽店員說令食物更香口他們會預先炸一次,  有客人點的話就會再炸一次. 光想到都覺得很今天我點了一碗XO醬溫泉蛋撈麵, (有幼和粗麵, 我選了幼麵) 和一碗咖哩雜錦.幼麵份量, 女生吃的話我覺得剛好, 溫泉蛋的生熟也拿捏得不錯, 用筷子一戮再輕輕一拌 蛋液和麵就混在一起了.而蛋香也是可以吃到的.麵的軟硬也剛好, 但不知道是不是馬拉那邊的口味是這樣, 好像有一點點偏甜, 可以接受.雖說是XO 醬, 沒有到辣, 吃得到有蝦米, 都好吃.-而咖哩雜錦, 一吃進口, 有點兒時的味道, 記得小時候的街頭小吃的魷魚也是這個味道的.有幾塊豬皮, 幾顆白蘿蔔, 幾條魷魚, 幾顆魚蛋, 很入味.  但如果魚蛋可以爽脆一點就更好.-最后, 在店一進去的右邊, 是一些他們店設計的精品.(但我想買的是最大的那個獅頭啊!) …Read More

琴日食LUNCH時間經過見到好多人, 所以冇等位去左第2間.今日早左出發又遇上半山扶手電梯壞左2段,一個人都冇.仲好, 可以慢慢食.呢間餐廳其實一年前去過一次, 因為有人請食飯所以食咩都覺得OK,只記得服務好好.到今日去番, 依然覺得D STAFFS 好細心, 仲會同你傾下計問食物質素O唔OK, 等佢地可以定期CHECK住水準, 好有人情味.先唔講食物好唔好味, 服務好又有心做仲要唔太貴, 已經加左分.佢一個熟食SET 100-150 蚊左右,  有湯, 沙律, 蒸蛋, 魚生兩片, 有主菜加個食得飽既白飯, 仲有甜品.響中環食個茶記都要60蚊. 我地仲兩個人食, 叫左個豚肉生薑燒定食(份量大, 汁多, 有薑同洋蔥味) 同 汁燒安格斯牛扒定食 (有兩塊, 都JUICY, 大塊) SHARE.最后仲水果送. 呢個LUNCH 十分圓滿, 食得太飽, 番到公司即飯氣攻心想訓一訓.最后送上LUNCH MENU 比大家做參考啦.…Read More

其實住左附近都有一段時間, 咁遲先發現同去呢間店, 我係有少少覺得對唔住自己既.我食完之後就會問自己 點解我之前唔早D去?一到附近就見到店外有好多人等緊外賣, 同開左幾張細枱. 入到去店面細細坐滿曬人, 好好彩岩岩有人走所以唔使等位.坐低即叫:「兩個沙嗲牛肉麵 一個加蛋, 加2蚊轉蟹麵 茶走!!!」「一件西多 加紅豆冰!!!」D野食超快到左呢個真係....冇得輸...個湯底好濃!!!但我見好多人都加豬扒, 但應該食唔曬, 所以都係留番下次啦.佢係真係沙嗲味唔係沙茶味. 大愛 但個西多就冇咩特別, 同出面既茶記咁上下(我有一刻諗過佢係好厚果種,點知唔係.)不過個邊炸得好脆, 同真係有花生醬響入面就已經好滿足.但個紅豆冰就唔合格, D紅豆好硬同冇咩味 (唔抵唔抵)下次再去我都係食番佢個麵算!!!整體感覺都唔錯, 街邊小店黎講算乾淨, D亞姐又唔係太惡, 唔見佢地有催人落單.一番到公司已經介紹左好多同事, 佢地睇相就已經覺得個湯好味喇! 誇張…Read More

兩個好耐冇見既女人, 因為唔去得遠, 就揀左個中間點試新野食.一早WHATSAPP 訂左位食LUNCH.BOOK 左12點, 12點準時到, 點知....佢12點4,5 先入得 餓死我......一入到去, 原來得8個位, 一個下午我估最多做到2輪.所以都明白點解D侍應會催你落單同出餐咁快.如果加埋8個人早少少BOOK 包場食個飯都應該係幾好既選擇.因為太餓既關係....就叫左3個餐 加 2個小食.無聽錯, 我地係得2個人叫左3個餐. 呢個蟹MISO 湯有少少海鮮甜味,唔太咸 都算OK, 湯入面有隻蟹鉗, 但隻蟹鉗就冇乜味. (冇咩所謂, 反正我仲有好多蟹食)刺身都尚算鮮味.三色丼定食, 3款細細碗好足料 ... 咩都有D以為D魚子會好腥, 點知有意外驚喜  海膽同拆曬既蟹肉都好味. D料仲多過D飯.松葉盛係我朋友叫既, 我偷食左佢一隻燒蟹鉗, 覺得有少少乾同冇味 (同湯果隻應該只係做法唔同).下次唔會再叫呢個了.登登登登  必食既係呢個松葉蟹甲羅燒定食 ! 我下次黎都一定會再食... 雖然佢賣相冇MENU 映得咁靚, 但好足料!!仲有真係燒過既味, 好好味!!蟹膏係多到足以送曬成碗白飯. 除左個蟹膏正, 白飯都煮得岩岩好嫁.平時中意食蟹膏既朋友仔, 一定要黎試下. 最后係兩個小食, 河豚翅乾都燒得幾香口玉子加埋蟹子同蟹肉, 仲有沙律醬...呢個組合係冇得輸....推介!!有DD 失望既係 跟餐冇紅豆湯得雪葩, 聽待應講應該唔會再有嫁喇.拿~最后我地係食曬D野, 冇眼闊肚窄冇浪費食物嫁!!!!-以平均100-200 一個餐又有前菜又有湯又有甜品, 仲要係食蟹黎講. 算係抵!會再ENCORE !!! …Read More

幾年前左右已經開始食勝八串燒, 一個月總有2-3次. 因為唔食真心會好掛住.直至勝八將居酒屋同串燒合二為一間, 就沒有再光顧了.一直好掛住佢既味道.由其係佢原隻燒胡麻雞翼, 燒白鱔同免治雞肉棒.4月尾有朋友生日, 心血來潮諗起好耐冇食過, 就即日訂位即晚去食.好彩都有位. (可能係平日既關係) 因為一直對呢間餐廳有好高既期望, 所以有少少失望.先講切食3寶.免治雞肉棒 味道不變, 但比以前細條.白鱔都係始終如一, 皮脆而且魚肉十分新鮮, 仲燒到岩岩好. 唔係間間做到嫁!!MENU 已經冇左胡麻雞翼呢一項, 要問店員先有, 但已經冇左原隻上, 加上味道冇以前咁野味. 第一次食既黑豚露荀 好JUICY. 大蔥都還可以, 冇咩特別. 係幾香口.但一個唔夠脆既天婦羅, 仲要隻蝦有少少雪黎講, 係唔合格!!!整體: 我唔需要佢點SERVE 我, 野食有少少失望但都算中上 全部係即叫即燒(因為我係有少少腌尖),  但天婦羅一定唔會再叫, 已經冇左唔食會掛住既感覺.下次再有機會會試埋佢其他野. …Read More

已經去過這家日本壽司店超過6次. 而當中5次都係食午餐.為何中環區有大大小小, 各式各樣的壽司選擇而小妹偏偏對這一家鍾情呢?鍾情到要開個ACCOUNT 幫佢地寫第一次食評?其實可以立足呢一區既 OMAKASE,  食物新鮮都已經係必備既條件. 呢一間比起好多既座位數量多.OMAKASE 區, 卡位區既坐位都十分充足. 師傅一般都有4-5個. (雖然我搵來搵去都係搵 龍師傅) 要訂位都相對容易, 平日午餐 我一般都早2-3日訂 已經有位. 仲可以OPENRICE 訂埋. OMG!! 好方便!!!!!!之後佢仲會打電話CONFIRM. 今次去係同同事慶生, 一行三個女人, 由於去過幾次既關係, 訂位既員工已經記得曬我既名.去到既時候, 乜小姐前乜小姐後, 仲記得我食開咩餐, 同唔食既野.自我感覺十分良好!!!! 我通常都係食9件餐(HKD $380). 因為會跟SALAD, 蒸蛋(好味), 湯/烏冬. 女仔黎講十分足夠!而且比較起其他, 唔止中環區 都十分抵食.今次我仲加左隻時令既蠔, 唔記得名但十分好食, 只記得龍師傅話係拎過3屆冠軍咁上下.環境相我估大家都可以SEARCH之前既食評, 應該冇咩改動.野食相(唔記得映前菜) 我有一大堆. 如下 - : 我一早同佢講左話有同事生日, 所以佢好窩心地準備左個小小既CAKE PLATE(佢好開心!~!)如即埸先講, 可能佢只係會響個雪葩上插枝CANDLE (之前試過)( 個侍應仲同我講SORRY 話佢地唔太專業,只可以準備到咁.) 其實........ 又冇收錢.......準備到咁......已經好好好感動喇 !!!!!!!!…Read More