Sweet Candy的個人專頁

2點幾去到尖沙咀真係無乜好食，好多鋪頭3-6都落場，周圍行比我地見倒呢間紅磡冰室，見入面好似好多人以為應該唔差，所以入去一試，我地點左三絲炒面同xo醬豬頸肉炒河，紅豆冰，熱咖啡，炒面好似漿糊湯面，炒河呢頭落單果頭拎上枱，表面是熱的，裡面是微溫，而且無味，得個油字，愈食愈凍又出左油好難食，想搵個伙記理輪吓，點知啲人扮睇唔倒，終於搵倒個人理吓我地，但佢話隻碟仲熱，覺得唔係炒定放喺度，爭論左一輪，最終都話幫我地炒過一碟，依舊難食，紅豆冰無味，啜兩啖就無晒，仲要啲豆是硬的，咖啡怪味，總之無下次😐:(…查看更多

我原本對平價放題及團購餐飲都不抱太大期望，雖知道男朋友好想食放題，但我呢排又無乜胃口，所以就上團購搵下有無抵食放題，點知見倒108晚市放題，睇倒食物款色都👌🏻，再睇埋openrice食評都唔錯，所以就決定一試，食物質素嚟講都算唔錯，厚切牛舌最好，雞腎👌🏻其次是燒大蝦同甜蝦刺身都唔錯，美中不足係油甘魚一坐低就賣晒，仲有臨走last order可能我地太耐都無入單，之後原來已截單，最後last order無入倒，臨尾唔知係咪老闆走左，啲員工有啲似趕收工，趕人走😤其實service做好啲，食物又唔算太差，應該可以多啲人幫襯囉…查看更多

之前試過個咋豬扒，覺得不錯所以再嚟，今次叫了炸蝦定食同試新嘢避風塘炸雞，個炸蝦就確實不錯，但個避風塘炸雞並非難食，只係咸到想喊，最終要叫侍應比碗滾水我，用滾水浸完先食倒，其實整體算尚可，個面史湯同啲米飯係我最like,希望有待改善😊…查看更多

都係睇左香香介紹，所以專登嚟試下，門口個staff 黑口黑面，又唔講原來要攞飛，我就係咁喺度等，直至我朋友忍唔住走埋去問，先衰聲氣回應，叫左個一口牛，份量十粉樓下，不過呢個價錢都算ok啦，但跟餐杯士多啤梨多多，比藥水更難飲，啲茄子無味之餘好油淋淋，粟米都係普通嘢，另外叫個照燒雞，我相信大家可以唔洗試，雪藏雞好鞋之餘，個味道一般，加$8轉左杯金桔蜜，諗住個杯士多啤梨跟餐送嘅都預會唔好飲，點知低處未算低，成杯嘢唔甜唔酸，無乜味又唔太凍，比室溫水好小小，整體而言都唔會再試:(…查看更多

我從來未寫過食評，今次係第一次，我剛喺附近返工，見有間小店米線諗住試下，我見餐牌有$35一個送或者$58過橋米線，諗住大碗啲，多啲料，就order左個$58過橋外賣再加$2，即係$60，不過諗住食飽啲都ok, 行行下其實都覺有啲唔對路，咁鬼輕，不過好肚餓，拿拿淋返上公司食，一打開蓋😱，米線份量得平時普通米線嘅一半，配料係少量芽菜，少葱，少雲耳，少少類似腐皮絲，同幾片肥肉，個湯底好似燒味飯果啲薑蓉加豬肉湯咁，又油又無乜味，食完好似無食過嘢咁，仲成口油，一碗一啲都唔好食，份量又細碗嘅米線，我懷疑佢會唔會係搞錯左，比左個普通$35嘅米線我，原來我同事都話賴過嘢，我今次忍唔住寫呢個食評係希望唔好再有人受害😭，我見到個米線嚇傻了，都後悔無影低佢比大家睇下😢…查看更多