lamlam16's Profile

今日相約了在觀塘工作的朋友食晏，試下佢介紹依間馬拉嘢🤗。餐廳環境好好，店員安排我地坐近𥦬邊位置，夠哂光猛，另外座位都好闊落，坐得好舒服🤓😚。我地叫左2個主餐食。輕怡招牌叻沙首先飲下個叻沙，滿滿的椰香味，同埋帶少少辣，非常開胃😙。面身亦相當爽滑彈😄牙。配合新鮮的食材如鮮蝦，魷魚圈，蟹柳，豆卜，每種食材都同叻沙湯好夾，食完都好滿足🤤。輕怡檳城炒貴刁份量都算大碟👍，炒貴刁味道亦不錯，炒得好香口唔會一舊舊咁，亦唔會太油利，入面有鮮蝦，魷魚圈。仲有少少豬肉鬆，口感都不錯😉。飲品方面，要左凍檸茶同凍檸薏米水。凍檸薏米水又幾好飲啊，飲完覺得都幾消滯😉。總結覺得食物味道都可以，最主要環境舒服，與友人可以開懷傾計🥰🥰。…Read More

最近同事介紹我試下依間餐廳，話海南雞飯味道好好，因為外賣平d, 今日食晏時試下佢地嘅海南雞飯外賣😄睇落賣相都幾企理👍今日個湯係合掌瓜瘦肉湯，都幾清甜，不過無咩瓜/肉食下好似差咁d😅至於海南雞飯個油飯食落帶有少許香茅味，味道唔錯😆雞件份量都多，無骨易食，切成幼身方便點醬👍雞肉食落好嫩滑，雞味濃，雞皮也很爽口，仲有隻雞翼係底添😉三色醬味道都唔錯，特別是黑醬油加左少許醋，酸酸甜甜的，食落好惹味🤗🤗…Read More

今日在荃灣工作，工作過後去了蘇媽食嘢，一段時間無去，覺得水準都仲係唔錯。🤗椰香啡央多士多士烘得好香脆，熱辣辣食好正😃。啡央同牛油的比例都適中，與友人一人一件啱啱好😋。天氣凍凍飲D肉骨茶好正，覺得佢嘅肉骨茶很好飲，帶有藥材味，味道唔咸，飲完好暖胃，唔夠仲可以添飲😅。三層肉真係有三層肉，肥瘦適中，幾有肉味。😄雞腳覺得唔係好夠淋，如果淋D 會好食好多，不過都好有肉骨茶味😉。另外，我地仲叫左一個椰漿飯，佢地加左班蘭葉煮，帶有少許香味，唔錯唔錯😸。…Read More

今日喺紅磡工作，相約女朋友喺黃埔附近食晚飯☺️呢間餐廳好有日式家居料理嘅感覺，好似去咗日本旅行咁😉睇返佢哋餐牌，分類都好清晰，仲有期間限定添🤗蟹膏蟹肉飯+ 牛肉壽喜燒D蟹膏蟹肉味道好鮮濃， 完全唔似係罐頭蟹， 撈埋啲白飯食好惹味😋至於牛肉壽喜燒，壽喜燒個汁剛剛好唔會太甜， 牛肉好嫩滑一啲都唔韌， 其他嘅配料好似菇同豆腐都煮得好好味🤤醬油金菇飯+ 土手燒+ 大吟釀醉雞個金菇味道正路， 切得夠幼唔會黐牙👍土手燒其實即係牛腩筋， 佢都煮得好淋， 配埋秘製醬汁食都唔錯😝大吟釀醉雞係期間限定， 我都係第一次食， 佢只有比較淡淡哋嘅日本酒味， 味道較清🤔，個人覺得花雕醉雞啱口味一啲😅總結覺得環境好舒適， 啲嘢食細細份可以嗌多啲 唔同種類黎食😃…Read More

最近女朋友食過依間甜品店話好好食，今日收工特登陪佢過黎再食小店設計，只有3張堂食枱，目測光顧的大都是買外賣選擇不算多，但睇落都好吸引我地叫左2款，分別是黑糖珍寶豆腐花同香芋芋圓豆腐花佢地嘅珍珠同小丸子整得好q彈，另外芋圓size剛好，口感香甜煙韌，食到好香嘅芋頭同蕃薯味豆腐花亦好幼滑，豆香味十足份量都唔少，食完覺得好滿足價錢都分別只係$20同$22,好抵食重要佢地d甜品好食得黎又唔會太甜，幾健康，難得難得…Read More

假期的最後一日，同朋友去中環周圍行下，係大館同原創坊瀏覽一翻，感覺都幾充實🤗。行到咁上下我地去左歌賦街依間上海餐廳食晚飯，真心都唔錯幾好味道😝。先叫左個一人套餐，我地簡左鎮江肴肉，獅子頭配菜飯☺️。鎮江肴肉膠質原豐富，配上少許醋更顯鮮味😉。獅子頭好耐無食過，肉質鮮嫩，肥瘦適中，味道不錯。小棠菜亦好鮮甜🤗。菜飯唔會好油也不錯。嘅砂鍋雲吞雞份量好豐富！有雞，菜肉雲吞，同小棠菜。依個我覺得幾岩食，同出面其他餐廳砂鍋雲吞雞，佢一D都油膩😄，個湯飲落好清香，有淡淡的雞味，同埋都有少少金華火腿係入面。菜肉雲吞好飽滿，入面餡料充滿鮮味🤓。我地另外再叫左4件小籠包亦整得幾出色，皮薄而結實，小籠包亦充滿湯汁，熱辣辣地食好好味😆。佢地D食材都幾新鮮，好味道，值得再去😋…Read More

今日陪朋友去左深水埗買d電腦零件🖥️，順便係附近揾下有咩好食😋係福榮街附近食肆林立，選擇都不少👍依間餐廳d嘢食好似好養生咁，見都有唔少人幫趁，一於就試下先😉等左約十分鐘就有位，店員之後都仔細介紹佢地的食品，佢地餐廳主打砂鍋雞米線，另外亦有足料靚湯，同埋冷盤熱盤小食😚砂鍋醉藥雞米線因為係用砂鍋上，熱氣騰騰的👏雞件份量都不少，而且都係雞脾肉，食落好滑嫩，頗有雞味的🤤至於個醉藥湯飲落好滋補，酒味唔重唔難入口，入面加左木耳，紅棗，鮮淮山，食落清清地都不錯😌鮑魚雞湯翅配白飯足料靚湯系列😎相對頭先個藥膳湯，依個湯就比較濃味，感覺成隻雞嘅精華都係入面😇，但又唔會好咸，唔覺有味精，入面有d雞件食落唔鞋(唔似平時煲湯d湯渣😂) ，鮑魚味道鮮甜，另外亦有d翅食下個湯用來送飯，味道亦一流整體覺得佢地d嘢食好足料，味道都不俗，下次等天氣凍時再黎試下先😝…Read More

今日同女友行完山落左灣仔，依間平時返工好多人幫趁，今日假期唔算好多人所以入去食🤗京蔥羊肉餃米線味道很濃郁， 入面嘅羊肉羶味十足😉😉， 亦帶有少少湯汁， 點少少醋食味道一流😋😋鮮蝦韭黃豬肉餃米線蝦肉幾大隻而且都好彈牙☺️， 連埋韭黃豬肉食覺得都幾鮮甜😇佢地d餃子都包得幾靚，d料都好足👍另外，米線都幾爽滑，湯唔咸唔覺得有落味精😆…Read More

今日陪朋友去荃灣購物，見間餐廳唔使加人 環境都好似唔錯就決定試一試餐廳環境確實唔錯，燈光柔和坐得都幾舒服，又唔會太逼，不過張枱噏下噏下咁，要改善下我哋叫咗一個定食同一個拉麵試下鹽燒鲭魚定食跟餐有一個前菜同麵豉湯前菜 係 一片豆腐，滑滑地都頗有豆香麵豉湯就偏鹹 唔好飲鹽燒鲭魚 外皮燒得幾香脆， 入面嘅肉質都好嫩滑， 加上少許檸檬汁同蘿蔔蓉食落都幾好味呢個叫特製拉麵， 不過我覺得其實都冇乜特別， 一開始試咗少少覺得個拉面根本煮得唔夠時間， 同佢地侍應反映請佢地再煮過 先好返少少拉麵湯底偏鹹， 叉燒切得太薄唔夠咬口， 唯一做得比較出色係隻糖心蛋食落好有蛋香總結環境尚可但食物質素唔算好好 下次都未必會再食了 …Read More

今日去咗數碼港睇戲 睇完戲過咗去堅尼地城搵嘢食 😋見呢間餐廳價錢都還可以就入去試下啦叫咗一個 鰻魚定食跟餐亦都包咗前菜 中華沙律 日式蒸蛋 麵豉湯 日本茶 仲有幾件刺身 都幾豐富喎😄日本茶佢係玄米茶 飲落都幾消暑解渴🤤日式蒸蛋調味 幾好唔太鹹亦都唔係好老 👍👍麵豉湯就偏咸唔算好好飲今日嘅刺身有三文魚，帶子同 蟹柳帶子比較好味好鮮甜😋， 三文魚就比較普通可能唔夠新鮮嘅關係， 蟹柳就正常嘢 冇乜特別😆鰻魚定食方面，鰻魚應該係即叫即整嘅 熱辣辣 配埋啲燒汁食落都幾肥美😚，不過佢有少少碎骨，食落嘅時候要比較小心， 另外喺底度有啲嘢菜配埋 鰻魚汁食 好 惹味😁…Read More

今日出咗去銅鑼灣買少少嘢，行到熱熱地，所以黎咗希慎飲杯嘢依杯係仙草凍蜜桃烏龍奶茶好耐冇飲過仙草 口感爽爽滑滑的， 奶茶味都幾突出配埋有淡淡嘅蜜桃甜味， 都係一個唔錯嘅配搭同埋佢哋都有位可以坐下，感覺都好舒服，而且都唔係好多人排隊，價錢亦都唔算好貴 如果下次喺上面天仁排曬長龍都可以過嚟試下呢邊買啦…Read More

今日天氣好好😆，所以同女朋友出咗去周圍影下相，行下行下行到去灣仔海旁睇埋日落， 順便嚟到呢間韓式餐廳食晚飯😊石鍋拌飯喜歡佢都幾多蔬菜食，有紅蘿蔔，白蘿蔔，芽菜，菜苗，另外有一隻半生熟嘅蛋，連埋啲牛肉撈埋一齊食都幾惹味，另外佢亦都提供一包辣醬，覺得唔夠味嘅可以加啲落去🤗荔枝梳打都幾有荔枝香味同冇咩藥水嘅味道， 覺得天時暑熱飲都幾啱啱好解暑🤤西柚乳酸特飲味道酸酸甜甜的，飲落都幾開胃😊總結，覺得價錢都唔算太貴，佢嗰邊比較少人靜靜地傾下計都唔錯😇佢哋嘅嘢飲都幾大杯，或者下次嗌一杯都夠啦…Read More

今日收工攰攰哋，唔想返屋企煮飯😅，所以同家人落嚟呢間餐廳食，平平哋都唔錯🤗阿一豬扒酸辣米線我哋嗌咗小辣🌶️，個湯辣度適中，平時唔係好食得辣嘅我接受到😉，味道香濃可口😌，酸菜無渣食落幾開胃， 豬扒有三大塊，肥瘦適中分量好足👍，好入味同唔韌，米線亦都幾爽滑😄。蕃茄湯雞中翼烏冬有四隻雞翼都幾抵食😚，薯仔淋淋地幾好味😋。不過番茄湯飲落係罐頭湯嘅味道，無咩新鮮茄味，下次都係嗌返豬扒米線穩陣啲😂跟餐有兩個配菜，我哋嗌咗酸菜海蜇同蠔油生菜，味道都正常過得去啦😁。…Read More

今日同女朋友喺旺角行街，見到依間餐廳啲食物都幾吸引所以黎試一試🤗。餐廳嘅環境都唔錯，坐位都幾舒適😌。另外呢個係一間親子餐廳有一個Area可以俾小朋友玩下玩具，都幾特別👍。雙色芝士焗蟹柳忌廉意粉份量都唔錯，蟹柳都有好幾條，食落質素一般吧，唔算太假嘅口感😄，另外意粉都煮得啱啱好，唔會太淋身，撈埋啲芝士味道都好好😙。芝士焗牛油果海蝦蟹棒熱石和墨魚汁飯原來依個飯都有蟹柳，點餐時無睇清楚添😅依個飯芝士味無咁重，墨魚汁就比較突出😊，牛油果夠淋同都幾香，蝦好大隻亦都幾彈牙，整體配搭都唔錯😉😉。…Read More

今日天朗氣清😎，同朋友一齊去咗大嶼山郊遊 夜晚留喺東涌食個晚飯，見有一段時間都冇食越南菜，決定黎芽莊食😋我哋嗌咗河內番茄蟹檬同脆皮蝦卷撈檬，另外加多個椰青😙。先嚟嘅係河內番茄蟹檬 佢個湯底都有好濃郁嘅蕃茄湯味🍅， 夾雜著淡淡嘅蟹味，仲有一啲肉碎，雞蛋絲，兩舊蝦丸都幾豐富🤤， 矇粉都煮得剛剛好 夠爽身，另外都有舊蟹可以食下不過就冇乜肉嘅😰脆皮蝦捲撈檬味道亦都幾好，蝦卷味道唔算太濃😌，淡淡地都覺得幾啱食檬粉都煮得剛好配埋芽菜同紅蘿蔔絲食落都唔錯😆最後，飲埋原個椰青，好清甜同清熱🤗，佢地依度嘅椰青質素都幾高👍…Read More