wai lam lam's Profile

都算幾多人排隊，2個人食都等咗一陣叫咗個腸仔拼盤加個三文魚薯餅之類既野。入面啲Staff都好忙，都等咗陣先落到單。白色細條既腸呢都冇咩特別、但大個個白色腸就好大陣漢堡味。其他三條都係芝士餡，好多芝士，一切開咇出黎好正😂 但其中有一條好似有少少「蘇」味😥。入面仲有個薯仔同啲酸酸既白色菜，加埋腸仔食落都唔會好漏，加埋啲芥辣都唔錯！個三文魚薯餅好夾，薯餅食落唔係太脆但都唔差！食完呢兩樣野都有少少口渴，飲埋啖啤酒就prefect!2樣野加埋就350幾蚊落樓，都算okay ga😬…Read More

得10幾人包場玩，呢間cafe細細間啱啱好。17個人去最後，我哋試咗佢推薦比我哋個party set, 個薯仔沙律十分驚喜！有蛋鋪面之外個醬入面有啲洋蔥同pepper，好野味好開胃！ 跟住滷水雞翼好入味！未影相已經搶哂黎食。 有2個意粉揀我哋揀咗辣味卡邦尼同茄汁鴨胸長通粉。辣卡邦尼出奇哋好食，好有水準！鴨胸個個都okay,配蕃茄醬好夾。跟住仲有三文治丫啲炸野食，食到飽哂啦，個staff主動教咗我哋玩個畫畫game!同friends玩笑到反肚🤣🤣每人有杯$52野飲包埋，個staff推薦咗一杯佢哋話新出既玫瑰梳打茶（加$6），睇落pinkpink已經覺得好靚，飲落好香玫瑰味好啱夏天飲！ 我哋同個staff夾好咗出蛋糕，玩玩下狼人，一開眼個friend見到個cake勁驚喜，跟住個staff會送一set rainbow shot(一人一杯)😂 2個staff表演一齊拉比我哋睇！ 飲落就麻麻啦，但真係好靚！…Read More

對呢間米線鋪好有好感！個湯今次加咗4蚊轉酸辣湯底叫了過山雞，好足料嫁，食落唔會好熱氣。麵大大碗，個湯好夠味，有得揀刀削麵上海麵個啲，但我對米線情有獨鍾🙈 ，食落去辣辣辣成個暖哂!不過佢之前有得任加菜圃但依加佢比一碗仔免費，再加就要加錢。但佢個餐牌就唔太清楚，係菜圃隔黎寫要咩辣 。原來係指成個湯要咩辣，好彩叫咗3度辣，唔係辣死🙈🙈。…Read More

其實呢個餐有得比你揀雞扒定豬扒，揀完又有幾款好似腸粉、銀針粉、粥......$32個餐+$5薏米水=$38有一個豬扒刈包加火腿銀針粉個刈包內面好多料，又花生又蔥咁。通常豬扒包個包好硬跟住豬扒好乾，但呢個刈包好似啲饅頭咁既口感，豬扒啲肉汁可以吸哂落個包到，令到個包juicy咗好多！豬扒既汁好濃，加上個包balance返真係幾好食！個銀針粉我係諗住填下肚，冇諗佢係好食，原來又唔差喎！加埋啲火腿都幾多。個薏米水係冬天暖暖哋飲都唔錯，入面好多薏米可以食。…Read More

芝脆雞 荃灣 外賣津津有味既一個晚上個日我哋有個farewell party，叫咗芝脆雞外賣 叫咗三個大pizza、一盤炸雞、一盤肉醬意粉同一盤炒飯。一定係食pizza先啦！ 肉醬個pizza加埋啲芝士係冇得頂既組合；另外兩個pizzas都係有千島醬既，一個多啲料有海鮮咁樣都好好味，但略嫌佢啲醬唔夠多，有少少乾。但我覺得芝脆雞pizza既皮邊比較冇咁硬，好似炸麵包咁既，又唔會好漏。炸雞熱辣辣食冇得輸！件件都大大舊，咬落去啲汁出黎好正。但真係要熱先快啲食，唔係個皮可能會變淋，因為佢又唔係炸到好脆個啲。至於炒飯同意粉，驚喜地好食，平時食到會都係諗住啲飯係填肚算，但呢個炒飯唔會太乾同有啲辣辣哋，幾好食。肉醬意粉唔係平時咸味會既，佢呢個甜甜咸咸都幾特別！芝脆雞平時個價都唔算太貴，有呢個水准真係good丫！…Read More