sum1013的個人專頁

原味濃拉麵配有低溫叉燒和半熟蛋，叉燒厚度剛好，又有蔥同筍，食落很夾個麵。地理方面：易搵易行又近地鐵站。服務方面：各員工都很細心，會關心客人感受，提醒客人麵剛制好小心熱之類。整體享用感受良好，下次都一定會介紹朋友黎呢間拉麵舖到食！正正正…查看更多

平時就食得多lifetastic嘅蛋糕喇😆今次就去食下佢嘅堂食lunch先，首先入座，店員好有禮貌，而且座位舒服，第一感覺已經良好🥰然後就同朋友點左個set lunch加兩個小食🤤🔸️泰式冬陰功大蜆意大利粉開頭以為佢係跟湯有啲意粉係入面🤣原來唔係，佢係有少少汁撈埋係啲意粉到，入口有啲啲辣辣地幾開胃🤤而且蜆嘅分量都算多🔹️水牛城雞翼比我平時食嘅水牛城唔算辣，但又唔會好似炸雞咁咁油，醬汁酸甜度適中，食下食下差啲食埋朋友個份🤣🔸️蟹肉忌廉炸薯餅多數蟹肉都會放埋入薯餅入面，而佢就係放左係薯餅上面，肯定冇呃我啦😂而且入口脆卜卜又夠creamy，呢個小食如果下次有朋友仔經開值得一食👍推介🔹️限定期間嘅蘋果蛋糕平時都食開西瓜味蛋糕，今次就揀其他口味先，上層蘋果清甜，中層茶味亦夠出，整體成個蛋糕甜度比較其他清淡一點點，啱哂我口味😜另外仲點左兩杯飲品，檸啡同朱古力咖啡添🤭估唔到除左蛋糕好食之外，原來佢嘅正餐都咁好食架喎，有驚喜呀🤗…查看更多

🌕 滿月本店深水埗新開的小店💛💛店舖裝修光鮮，比人感覺好乾淨✨️✨️首先點左個日式汁燒肥牛飯加蛋蓋😋牛肉分量適中，醬汁濃度剛好，撈飯食多幾碗都得🤣跟餐仲有脆卜卜嘅蒜蓉包同埋羅宋湯添然後點左個芋泥鮮奶，整杯飲品黎講唔會太甜又有芋頭香，連小朋友都想添飲😍意大利黑松露雜菌意粉，好香松露味，食落又唔會太漏🤗然後因為新開嘅關係，店長推介左佢地menu暫時未有嘅大啡菇同pizza比我地，咁為食嘅我當然要食啦🤣大啡菇一切開啲汁就流哂出黎，咬落啖啖都好juicy👍而pizza嘅饀料都好豐富，配埋脆卜卜嘅皮，小朋友都食都停唔到口😝最後店員見我地有小朋友仲送左碗啫喱比我地，氹到佢地好開心🤣見佢門口仲有啲甜品可以點，都多款式可以選擇🍭用餐過程整體都好滿意🙂🙂支持💪📍九龍深水埗營盤街145號地下📞63673310#hongkonger #hkfoodie #eeeeeats #dinner #hkblogger #hongkongfood #foodphotography #foodporn #foodshare …查看更多

Yokozuna由十幾年前我老公係咁同我講話呢間拉麵超好食，終於十幾年之後有機會食到佢喇😂真係多謝哂元祖拉麵我揀左辣湯，黎到時唔好睇佢個色咁淺，原來食食下都幾辣😂我太弱，但佢辣得黎又唔會遮哂啲味，配料都算多櫻花蝦拉麵老公點左呢個拉麵湯底係濃蝦湯，夠哂入味又夠香，早知我都點佢呢個啦😂而且佢一啲都唔孤寒，加左好多櫻花蝦落黎煎餃子餡料係我最愛嘅韭菜豬肉😍入口多汁又脆口，不過再多啲韭菜我會食得仲開心😂雞串小食呢個小食好出色呀，雞肉容易入口，肉嫩多汁，配埋醬汁一流呀😁平時經開都好多人排隊，真係咁啱今次行過冇乜人排隊咋，期待下次再去食先🤩…查看更多

9砌係土瓜灣見到有間9砌嘅漢堡包店👀係好得意嘅大富翁menu到點餡料~我揀左煙肉黑松露芝士漢堡配沙律醬😂真係9點。但黎到之後發現所有味道都好夾，尤其係個黑松露醬勁香，勁大個包😂要撳扁佢先食得到，哈哈。而且佢價錢唔太貴~如果經過開，一定再砌，下次試下認真砌先🤣📍土瓜灣馬頭圍道216號地舖📞 55008407…查看更多

今日做野做到唔記得左食飯，就係工廠區到搵下有咩食啦，點知發現到有間素食店。所以就入去食下先😋見到menu都幾多野可以揀，而且價錢都幾平民~分別就點左兩個餐。🥦漢堡套餐素豬柳扒配沙律芥末醬，豬柳扒無論口感同味道都完全唔似食緊素，一啲都唔假，仲有炸薯波，用氣炸鍋炸，唔油之餘粒粒脆卜卜，唔會好厚粉😊薯仔味夠濃~正呀。🥦川味素牛件麵套餐雖然係素，但我食到有牛肉香味，做得好出色👍🏻而且佢個素荷包蛋嘅蛋黃係用綠豆蓉做，口感做到同真嘅冇乜分別，跟餐仲有杯雜果梳打添😋🥧朱古力蛋糕杯平時素蛋糕比我嘅感覺係又硬又實，但佢做到又軟又淋嘅效果，而且朱古力味又夠濃，素食嘅朋友生日有口福喇😍估唔到新蒲崗嘅工廠區開左間咁好食嘅素食店，真係方便係附近返工嘅素食朋友仔🥰除左有得堂食外賣之外，仲可以買返屋企自己煮添✨ …查看更多

轉角見~今日去行山之前，首先當然就係要食少少野先啦😆所以就係朋友介紹呢間小店到叫少少野食先有力行架嘛~入到去睇雖然menu唔算多款式揀，但係樣樣都好吸引好想食🤤我地幾個就點左幾個餐🍔 催淚蝦堡本身佢用wasabi做醬汁，但因我小朋友唔食得辣嘅關係，店員就轉左千島醬，十分貼心。🍔 芝士蘑菇漢堡好香芝士味，加埋有沙律菜，口感更好，成件事都好夾😆🍔蒜香牛油雞翼即刻炸出黎，外脆內嫩，咬落去好多肉汁流出黎，食過咁多雞翼，佢都真係好難忘👍🏻🍔 All day breakfast蛋炒得好香，入口又滑，讚嘅！最好嘅係佢唔太油，加哂分。最後，叫左兩杯咖啡同朱古力奶，味道唔錯，而且每一杯佢都有靚靚嘅拉花，好有心機❤️下次都要再試埋佢其他野食先😍…查看更多

Tokyo chikara meshi見冇乜人排隊拿拿林入去食個飯飯先❤️牛肉唔會太薄同梅，有口感😁炸雞脆卜卜又夠有肉汁配埋個泡菜送飯啱啱好呀😍📍新蒲崗太子道東638號mikiki地下G27號舖📞 26665554#hkblogger #hkfoodie #hongkong #hongkongfood #eeeeeats #foodphotography #foodporn #foodshare #mikiki …查看更多

MUM又黎食素嘅環節喇~今次見到新蒲崗又開一間新嘅食素舖頭🤩又走入去試試先~呢間係便當形式。3款100蚊4款就120蚊。今次我就點左4款果個🔸本菇茶杯蒸蒸蛋好滑又有好香嘅菇味🔸南瓜薯餅天然嘅南瓜甜味，而且做到好滑🔸柚子醋漬蕃茄清清嘅柚子香，配蕃茄有益又好味🔸 蘿蔔冬菇車麩關東煮起初以為會好淡，因為食素嘛，點知又唔會喎，夠入味跟餐仲有味噌湯 · 麥茶同埋加15蚊轉左烏冬，烏冬又夠彈牙😋最後再加杯豆漿，好有豆味又唔太甜👍🏻📍新蒲崗仁愛街34號地下B號舖🕛1200-2100#hkblogger #hkfoodie #hongkong #hongkongfood #eeeeeats #foodphotography #foodporn #foodshare #sanpokong #素食…查看更多

心之食堂♥接朋友收工食飯6點半左右到，好彩早食飯，晏少少嘅話有排等位🤭入門口時已見到裝修好日式，燈光明亮座位亦舒服。♥心之蛋卷切開有流心芝士蛋，超正😋仲有三文魚同蟹籽，成件事都好夾，而且份量剛剛好，兩個人食啱哂♥️李小龍卷平時食得多炸蝦卷，今次試下炸蟹卷先😜入面仲脆卜卜，有啲蟹肉👍🏻♥️厚燒牛舌心好香牛肉味，啖啖肉蟹汁仲好juicy添♥️甜蝦新鮮無腥味，仲要坐住張小木櫈等我食佢😂♥️蒜片牛柳粒石鍋飯牛柳夠林身，唔會太熟，石鍋熱辣辣，店員亦好細心叫我地唔好摸到，同埋用石鍋上有飯焦好香口😍♥️心之魚生飯外觀已經好靚，一層層好似蛋糕咁，加上面頭有好多細細粒嘅魚生，真係啖啖都可以食到魚生同飯用QR code落單，方便又快捷☀️而且上餐速度夠快，唔需要等好耐就有得食喇😋…查看更多

🥦素年🥦近排食素食上癮，發現左間不可能咁好食嘅素食店😍首先黎個小食先🍅日式昆布蕃茄漬昆布同蕃茄本身營養價值高，酸酸甜甜又夠開胃，係夏天涼伴小食嘅首選。🌮泰式不可能墨西哥夾餅每啖食落都脆卜卜，入面有粟米、蘆筍、車厘茄、不可能肉等材料，健康又有益😋🍔不可能漢堡包呢個不可能嘅肉完全唔覺得自己食緊素，雖然冇真肉口感咁結實，但係做到唔會軟林林一pat野咁，攞到個中間位👍🏻係勁嘅，加上配搭埋番薯條，連平時唔係好食薯條嘅我都食下食下咁食鬼哂😂🥞玉桂蘋果班戟Pancake口感有少許煙靭，同平時食開嘅唔同，好特別😍加上有玉桂同蘋果，呢兩樣野真係最佳拍檔呀。另外仲叫左幾杯飲品😍當中杯奇異果羽衣甘藍富士蘋果燕麥奶係幾特別，起初驚有草青味，但飲落又唔會，幾清新又唔太甜😜啱哂我！其實成日都覺得食完素好似冇食過野咁，呢個素食店完全打破左我呢個想法😂食飽飽之餘仲好滿足！所以我要決定下次試埋佢menu上其他嘅食物先得🤩📍荃灣陂坊20號地舖📞52969864…查看更多

老公大人生日，約朋友出去食飯又唔可以一枱坐哂，所以揀左係屋企開party食到會，呢間到會有好多款式選擇，我地8個人左右，揀左6至8人餐組合有8款首先講佢送貨時間，非常之準時，另外食物亦有一個保温袋入住，打開時仲熱辣辣，加哂分😋🎉意式香草芝士肉醬意大利麵豐富嘅芝士係面，配埋蕃茄醬夠哂開胃。🎉日本一口和牛炒飯配飛魚籽和牛粒好香，飯亦炒得夠乾身，濕度剛剛好。🎉美式脆炸手指魚配他他醬黎到時雖然林左少少，但都好味，魚柳並冇雪藏味。🎉日式炸蟹餅口感彈牙，仲有埋泰式醬可以點🎉 黃咖哩薯仔牛肋條咖哩微辣，牛肋條同薯仔份量亦好多，啖啖肉，正呀!🎉 泰式香燒豬頸肉豬頸肉夠爽，唔洗點其他醬汁都夠哂味😍🎉 蒲燒鰻魚凱撒沙律啲沙律好新鮮，好似係你面前即刻整比你食咁。🎉 芝士南瓜蓉焗翠綠西蘭花南瓜配西蘭花無論味道同營養都一樣咁好👍🏻 而且兩樣嘢加埋起黎味道亦都好夾期待下次再多人啲嘅時候再叫埋其他唔同嘅菜式試下😜總括嚟講呢間到會嘅性價比十分高，個個都食到舐舐脷 👍🏻👍🏻😍…查看更多

唉呀... 疫情期間好想去旅行又去唔到，唯有去住居酒屋食日本野止下渴先啦😆今次見到位於佐敦有間特式居酒屋，入到去店員比我地坐係塌塌米嘅卡位，店內亦有好多日式裝修，真係似去左轉日本咁😁首先坐低已經比左兩碟前菜我地食住先，雖則係前菜，但一啲都唔hea你，可以就咁拎黎送飯都得👍🏻去得居酒屋當然就唔少得食魚生啦，我地就點左象拔蚌、三文魚、油甘魚、八爪魚刺身😋象拔蚌爽口滑溜又夠鮮甜，其他刺身亦唔輸蝕，有清甜甘香嘅魚味，其實鮮同腥只係一線之差，而佢地就做到係鮮味特出😍正呀。室津蠔相信食蠔嘅朋友都知道蠔都有分好多種味道及口感，亦呢個無論海水味、蠔味、口感質地都做到平均嘅效果，正正就啱哂我口味😋乜都想要嘅我太貪心了，哈哈。日式炸雞，外脆內嫩炸粉亦唔厚，食落仲有肉汁添。除左刺身，唔太夠喉再點多個三文魚魚生飯，粒粒三文魚配飯👍🏻最後點左蒜頭漬、芥辣八爪魚，同埋牛舌串、雞皮串、鴨心串、雞泡魚干、一口蕃薯串送酒🍻 絕配！係呢個咁舒服嘅環境底下真係食到唔想走呀😍…查看更多

經開天后見到呢間炸雞店，入去試下先😋即叫即炸，所以需時都要10幾分鐘，而我就點左兩件辣嘅炸雞。炸粉唔厚，雞肉嫩滑，多汁夠juicy 。絕對係回頭之選👍🏻跟餐個青檸梳打仲可以平10蚊添呀😆…查看更多

自從上次同朋友去完樓上cafe之後，真係上左癮😂要再繼續去cafe傾計同hea下今次都係揀左位於旺角嘅cafe，太方便易搵又可行下街😆入餐廳時見到門口有個樹燈小裝飾好靚好有feel，餐牌亦好多選擇。🔸芝士肉醬焗大蘑菇即焗熱辣辣新鮮出爐嘅大蘑菇😋外表已經好吸引，切開仲有芝士拉絲，入口好juicy，配搭埋蕃茄肉醬夾真係好夾。🔸鹽酥雞份量豐富，炸得好香脆粉唔厚，雞肉亦夠嫩口，唔太鹹配埋沙律醬，味道剛剛好😁🔸朱古力·香蕉多士盒吐司焗到脆卜卜，有朱古力醬同雲呢拿雪糕，甜道適中，雖然需時40分鐘，但係值得一等👍🏻有驚喜最後跟餐仲有兩杯飲品添，真係夏日好hea處😁…查看更多