Abby_5454's Profile

去左觀塘嗰間買左個火龍果豆乳，一飲俾佢嚇親，甜到嘔，對我呢啲十年都唔飲甜野嘅人覺得佢甜過可樂，好想打去佢舖頭問佢落咗幾多斤糖，上網查都查唔到佢電話，之前飲過第間豆乳我以為會係唔甜嗰啲，點知甜到懷疑人生仲話係健康飲品，飲到有啲豆一粒粒好細粒，不過都唔關事係甜得滯俾佢嚇親，甜到都唔知係火龍果味好似飲糖水咁真係麻麻哋:(…Read More

今晚夜晚八點幾一個人去食晚飯等咗15分鐘就有位，行到座位我問服務員如果想買外賣要點做佢話要去出面收銀處order ，我同佢講如果要食完先買走咪等好耐囉，跟住個服務員笑一笑就行開左，到我食完走嘅時候去出邊收銀處埋單加買外賣，我俾個座位牌佢再order 外賣佢話等五分鐘收左我外賣錢之後我去左個廁所行返去收銀處等外賣，我醒起佢冇收到我堂食錢同佢講返，佢收咗我錢我再等多15分鐘外賣都未有，我就問個收銀員仲要等幾耐，佢帶住耳機問入面廚房外賣做好未，跟住佢答我叫我出門口睇吓有冇，我行出去見到雪櫃有一個外賣出面接待處冇侍應喺度，我自己開雪櫃攞。好明顯佢地淨係做自己野個個都帶住耳機都冇溝通，明知我就企喺佢隔離應該嗌機話外賣收銀攞咁咪唔會miss左囉，可能我以前做過酒樓帶位，帶住耳機每事都溝通一嗌機所有人都聽到就唔會俾人鬧。有待改進…Read More

今日晏就去左觀塘APM食飯知道大阪王將啱啱開想試吓，叫咗個炒飯加餃子餐$68一罐嘢飲等咗10分鐘左右個炒飯就唔使等嘅一早就已經畢咗出嚟餃子要煎，一食個一炒飯係微暖嘅擺左好耐咁仲要味道勁差個飯似唔係用冷飯炒啲飯好腍黐住晒又凍又冇味可能用啱啱煲完啲飯炒黏住曬咁樣同日本嗰個真係爭超遠真係唔想食俾咗老公食太難食喇但係唔想嘥嘢，老公一路食一路話香港嘅大阪王將出名難食唔知點解我會嗌，好到食個餃子都係難食雖然佢煎得有啲脆個面但佢啲肉同埋個皮好分離感覺好唔新鮮難食過自己喺超市買嗰啲急凍日本餃子，唉真係冇下次，仲有罐嘢飲係超級迷你版嘅汽水，唔抵食唔知食咗啲乜。…Read More

今日下午五點去食冇嘜人成場加埋我得三個客，其實我成日唔明點解唔俾人坐舒服啲要坐好窄嘅二人枱冇人比張梳化坐吓都得啩，跟住QRcode落單揀左個鰻魚豚肉生薑燒飯$88冇野飲散嗌，黎到嘅時候我望一陣（第一張相)個鰻魚好細塊細到我真係食唔落覺得要佢換跟住我叫咗個侍應過嚟打開埋本餐牌問佢會唔會太大分別啊，跟住佢都話幫我同廚房講換或者叫過其他野，我話唔洗照舊，好快就再黎都係同頭先差唔多(第二張相)跟住算啦都冇可能同餐牌一樣冇再換，再換以為我玩野，一筆落去個飯度就到底原來佢嗰個飯係一片鋪喺下面超小份量(第三張相)好多汁好小飯個飯濕曬，個豚肉生薑燒超級老嚡熠熠，大佬呀好難食啊，真係你同我講話個飯五六十蚊我都OK啊但係加埋一$96.8我真係覺得太過分啦好難食啊好難食啊！…Read More

今日叫左個常餐煎蛋腸仔多士加雪菜肉絲米，煎蛋腸仔油到爆，50幾蚊個常餐好心個米粉用新竹米粉啦而家啲冰室全部都轉曬啦，啲米粉整得好淋難食，好彩個熱杏霜都幾好飲。。…Read More

今日聖誕節bk了這間餐廳是因為看了廣告有一架會著燈的seafood boat，訂座時要落訂二百都冇所謂一年一次可能好多人訂，一去到就order 左seafood boat、卡邦尼意粉、牛扒、煙三文魚他他同兩杯cocktail ，seafood boat黎到嘅時候喷曬煙咁好盞鬼點知攞起個生蠔杯佢話可以滴啲酒落去，一食願來一啲都唔好食隻蠔超超超細加多幾滴酒都唔覺得好食左加檸檬汁好過兩個人食一人可以食6個 生蠔杯因為啲蠔勁細食完6隻都唔覺得食左咁已經好希望仲有三款杯一個係泰式蟹肉柚子杯，顧名思義就係蟹肉加柚子:(仲有一個係血腥瑪莉蝦杯所謂嘅血腥瑪莉就係茄汁加幾滴酒，個茄汁同點生蠔嗰隻茄汁係一模一樣嘅再加隻蝦咁囉仲有係最難食嘅日式磯燒鮑魚加蟹籽仲有唔知咩汁，個汁好杰撻撻酸酸地咁嗰隻磯燒鮑魚得半隻仲要係Aexx買69蚊有八隻嗰隻，隻船真係好搵笨$698一隻船裹面啲野二百蚊都俾多佢，其他意粉牛朳同煙三文魚他他都可以唔難食但嗰兩杯都幾貴嘅cocktail真係好難飲一杯要$128又係貴得黎唔值一杯藥水一杯勁苦成餐埋單要1700都食唔飽呢間野性價比極低講完冇下次…Read More

今日夜晚八點半經過買了個外賣，一個黑椒牛仔骨一個粟米煎肉餅飯，一個餐78蚊，個牛仔骨啲宋比較小個粟米煎肉餅食落去一陣酸餿味超離譜，變左味嘅嘢我當然即時掉左，仲有個例湯都有小小酸，呢個價錢食垃圾。。…Read More

今日晏晝諗住揾嘢食行過佢門口有人sale啲小菜點抵食啊點好食啊咁，跟住我哋就入左去，一行四人叫左個魚香茄子煲，椒鹽骨，椒鹽九肚魚同蠔仔炒蛋佢話送粟米魚肚羹同炒菜，魚肚羹黎到冇咩粟米同魚肚好多味精跟住再黎個椒鹽骨好難食啲肉唔新鮮送嗰個菜係炒芥蘭一般每人食左一兩條都唔想食落去九肚魚啲粉勁厚個蠔仔炒蛋好小小但都唔好食，最後係魚香茄子煲冇魚香啲肉碎一舊舊唔係話超難食嘅唔好食囉！佢個㕑真係唔x掂，但勁多人食囉唉枱枱都係遊客邊會知禁差，聖誕節第一餐真不快樂…Read More

今日行過佢地門口諗住求其食個午飯，叫左個酸豆角炒肉碎飯，個飯黎到已經feel到唔好食因為睇啲色水好似擺左好耐，點知一食落口係暖嘅即係一早整定啦啲豆角淋曬肉碎又小又唔夠辣總知食到掉筷子跟住我忍唔住問個可能係老闆嘅人問佢啲嘢係咪一早整定，佢話係朝早炒嘅咁就死得啦間嘢計埋我都係得四個客又唔係忙點解要整定呢今時今日啲出品仲禁差遲早執笠，我都唔想浪費但食左兩啖真係食唔落，雖然個服務員問我要唔要叫過第樣但我都費事埋單走人。…Read More

叫左午餐雞翼干鍋同全素干鍋，全素我諗住會有好多菜原來全部土豆片同蓮藕片一條菜都冇勁失望，雞翼干鍋張一隻雞翼一開二都係得五舊啫你得兩隻半雞翼，啲味都好普通，同類型嘅食肆黎講佢都算差。…Read More

今日去左呢間四年都冇去過嘅壽司店，食物同態度依舊一樣的差，一行入去得三個客人喺入面，我自己一個佢叫我坐一人枱但因為我覺得對住走廊唔舒服我話坐隔離佢話唔得，成間店禁大晏就十二點半都得三個食客佢都唔俾揀位坐真好笑，跟住佢話做咩呢邊唔坐得姐個用詞同語氣都好唔專業，跟住我坐低左叫野食張紙明明剔左走沙律醬黎到嘅時候有沙律醬我叫佢換，佢就話你都冇講唔要沙律醬我話張紙剔左走沙律醬佢嘅語氣唔似對住客人講嘅禮貌語更加似啲街市買菜亞姐咁冇尾音冇禮貌，最緊要係換完返黎啲野都超難食，呢啲時勢晏就冇生意唔一定關疫情事佢地嘅食物質素同服務質素係冇生意嘅主要原因。…Read More