siupangyau0716's Profile

星期六嘅lunch time想搵間坐得舒服少少嘅cafe，見到呢度comment都唔錯🥰為咗唔想排隊專登預早D過嚟，好好彩坐到最後一個二人位🥳⁡我哋order咗Hogan Brekkle Plate同埋Egg Benedict，D相影出嚟明明好似好大份，點解嚟到好似縮咗水...食物質素平平，我同朋友各自食完之後都唔飽🙃⁡飲品方面叫咗Cold Brew同埋Flat White☕Cold Brew飲落好香，有驚喜👍🏻可惜價錢方面比較進取而且份量偏少🥴⁡Flat White淡口無乜味，拉花嘅泡可能比較稀薄(?)擺咗一陣已經消失晒🤯真係大開眼界喺其他cafe飲到落底都仲有好完整嘅拉花⁡舖面比想像中細，坐得都幾迫，想遞起手用刀叉都唔得🥲完全聽到晒隔離枱對話內容🫤👎🏻我哋坐近窗口位，一路食一路比路人望到晒入嚟感覺有D奇怪，建議加番磨紗貼紙會好D。⁡⁡⁡⁡⁡…Read More

近日太忙，已經好耐無寫食評...今次嬲得滯忍唔住要寫出嚟😡本身無諗住要寫嘢，所以一張相都無影。⁡當日同朋友兩個人，去到坐低無人理點心紙要開口問...睇晒成張點心紙都無燒賣又要再問...侍應完全踢一踢郁一郁, 唔係好想理人咁款🙄⁡一心諗住去試20款自選味道燒賣...點知當日無得自選， 焗人叫set👎🏻無得揀自己最想試嘅味道都算數，就叫一個廚師發辦4粒set⁡兩隻碗勁油，過咗兩次水用紙巾抹咗當睇唔到🫣⁡等咗一陣開始有嘢食到，我哋叫咗👇🏻⁡北菇滑雞飯第一次食到所謂「即叫即蒸」但唔熱嘅蒸飯， D雞仲霉霉哋👎🏻⁡鮮蝦腸唔夠熱，D皮仲厚到好似棉胎咁👎🏻⁡蝦餃、棉花雞、排骨、鳳爪味道普通過普通，但都係唔熱🙄⁡期間問侍應👩🏻攞咗碟辣椒油嗰碟珍貴嘅辣椒油唔知有無半茶匙入口完全唔辣，仲要有陣怪味🤢🤢🤢⁡食晒所有嘢之後仲有4粒燒賣未到，問咗侍應👩🏻，佢答「漏咗單，而家幫你落」OK，唔緊要...我哋繼續等等咗廿分鐘再問侍應👦🏻，佢答「蒸緊」再等多五分鐘問侍應👵🏻，佢聽完行入廚房無再覆我哋🥲⁡過多陣搵番侍應👩🏻，同佢講「我哋趕時間，唔要個燒賣喇」佢眼尾都無望過我哋，淨係答咗句「你哋出收銀同佢講取消」⁡然後我哋出收銀排隊比錢，侍應👩🏻突然由廚房衝出嚟，一路行一路大大聲講「佢哋走咗未呀❓有燒賣喇❗」(咁緊張做咩呢? 明明頭先好瀟灑)⁡同一時間，侍應👵🏻圍埋過嚟一齊講「蒸好咗喇，食埋先走啦❗」我哋話趕時間唔要，佢哋再次死纏爛打「比個盒你裝走啦，整咗喇，無得唔要，你哋咁樣係浪費食物呀‼️」⁡佢哋響亮嘅聲線+死纏爛打嘅程度令我哋全場矚目🙄明明係佢哋漏單愛理不理，點解變成我哋「浪費食物」⁉️⁉️⁉️我哋由落單到埋單都個幾鐘，最想食嘅燒賣等極都唔嚟已經超無奈...蒸極都未得嘅4粒燒賣，喺我哋起身去比錢嗰一刻就突然間蒸好咗🙄🙄🙄⁡最後收銀👨🏻出聲問我哋係咪漏單所以想取消，我哋話係👨🏻:「咁係我哋唔啱，我幫你取消」侍應👩🏻👵🏻同時收聲，但都仲企喺原地圍住我哋連等緊外賣嘅客人都忍唔住出聲「一係我哋要埋佢啦」侍應👩🏻👵🏻先肯罷休行開⁡我真係好想知...如果嗰4粒燒賣最後都無人認頭，我哋係咪出唔到個門口⁉️呢種連大排檔都不如嘅態度真係令我大開眼界🤬👎🏻⁡由地鐵站行去呢度，沿路會經過兩間同類型嘅點心舖我哋走嗰陣終於明白點解嗰兩間都排長龍，係得呢度可以直入😌…Read More

被困咗好幾個月，終於有番晚市堂食🎉要食餐勁嘅補償下自己😌⁡要勁食梗係首選放題啦🤩閒日夜晚未夠七點就去到，完全唔使排隊實在太好👏🏻【日本產🇯🇵特選黑毛和牛套餐】每片肉嘅油脂分佈都好平均，薄薄一片淥十秒左右就食得肉質鬆軟充滿牛脂香味，配上個人最愛嘅壽喜燒湯底，食到停唔到口😛值得一讚嘅係就算再叫第二，第三round都保持到呢個質素👍🏼套餐仲包咗海鮮、牛舌同埋豚肉，質素都唔錯不過我哋主力係食牛，豚肉同海鮮都無再encore🤪除咗套餐包咗嘅食物，出面自助吧仲有大量丸、蔬菜等等樣樣都想食，但時間得90分鐘真係好趕急🥲想慢慢邊食邊傾都好困難就算有大量吉位...只要一夠鐘，職員就會過嚟「溫馨提示」👋🏻🙃…Read More

之前已經去過堂食好幾次，呢度嘅outdoor座位氣氛唔錯，令人感覺好relax😌⁡晚市無得堂食，外賣自取做緊7折真係超抵‼️初時有少少擔心外賣生蠔嘅包裝，始終生食落肚，衛生程度好緊要🧐⁡幾款熟食同埋蘑菇湯都保持到一貫高質，無論味道同份量都同堂食差無幾👍🏻⁡最值得一讚係佢嘅生蠔🤩開完嘅蠔用真空封口包裝，每pack蠔嘅上下都夾住一大塊冰，仲送埋保溫袋😯食到入口都仲keep到冰凍，喺屋企都食到鮮甜高質嘅生蠔真係好滾動😭個人認為呢個packing係無敵，忍唔住要寫個post讚一讚‼️‼️⁡希望生活快D回復番正常😮‍💨平時欣賞嘅高質小店要撐住呀💪🏻…Read More

終於有機會試下傳說中嘅「米芝蓮街頭小食」😍⁡一早睇中咗呢度嘅【焦糖燉蛋泡芙】但因為舖頭位置唔太就腳，而且店面比較細預咗要外賣...然後又唔想企喺街邊食🌚⁡去到嘅時候前面有一兩個客人等緊，因為店入面全程都係one man band收錢落order出餐一腳踢，所以都等咗20-30分鐘左右🧐⁡泡芙表層係半溶嘅砂糖，入口有陣陣焦香🤤就算唔係即刻食都keep到脆口，但相對地頭幾啖食落會比較甜吉士內餡幼滑，加入咗雲呢拿籽令香味提升👍🏻個人認為連食兩個都絕對無問題😆⁡下次經過都會想再買嚟食嘅~不過泡芙size比想像中細，定價都比較......進取⬆️…Read More

石磨腸粉店愈開愈多，攪到我成日心思思想試😋舖面細細嘅即製腸粉店，就算跟住地址搵都好易miss咗望住個menu五分鐘...選擇困難症發作🤪最後揀咗【招牌雞蛋肉碎腸】同埋【手撕雞腸粉】呢度嘅腸粉質感帶少少煙韌((⁉️)) 同我印象中嘅腸粉有D唔同...用筷子夾落去似夾緊腐皮😅【招牌雞蛋肉碎腸】比較清淡，因為有蛋漿嘅關係令腸粉入口更滑，加埋辣椒油無得頂👍🏼【手撕雞腸粉】非常足料❗不過略嫌雞肉唔夠滑，影響咗整體嘅口感見到有人嗌石磨粉都好似好吸引🤤下次再路過又試下先…Read More

聖誕節從來都係被「搶錢」嘅日子💸難得比我搵到一間值回票價嘅高質餐廳😍除咗食物質素之外，無論環境氣氛同服務都無得彈👍🏼⁡⁡Semi-buffet形式嘅套餐包咗任食冷盤海鮮/餐前小食/甜品/龍蝦湯🦞⁡主菜、刺身同飲品就要另外order，一路等食主菜其實都已經飽咗大半😂我哋另外仲加錢要咗free-flow package，一於食盡佢😆⁡⁡冷盤海鮮有龍蝦、凍蝦、翡翠螺、長腳蟹、青口🦞🦐🦀🐚樣樣都新鮮無雪味，而且龍蝦大部份都有膏🤩好正👍🏼⁡⁡餐前小食有幾款芝士、Parma Ham同Salami，要每樣試晒都幾飽肚🤣每人一份嘅刺身都係一般buffet質素，當中帶子比較出色⁡⁡【主菜-草飼牛柳扒配紅胡椒汁】我哋揀咗7成熟，生熟程度控制得好好，帶少少粉紅色又唔會有血水流出牛柳肉質軟腍，無過份嘅調味，食得出本身嘅牛肉香🤤⁡⁡【主菜-聖誕法國小火雞火腿】厚切嘅火雞肉同火腿肉質嫩滑，完全無鞋口嘅感覺👍🏼伴碟有粟子同埋蕃薯蓉，加埋個甜甜哋嘅汁成件事好夾😋⁡⁡食完晒所有嘢已經就嚟爆肚...但甜品都係要繼續食😆之前食過The Market 嘅 buffet，一直對佢嘅綠茶布甸蛋念念不忘估唔到呢度竟然有得任食😍😍😍除咗綠茶，仲有士多啤梨同荔枝味🤩為完美嘅一餐畫上句號💯…Read More

行街行到攰攰哋，唔算好餓但又想搵地方坐低飲杯嘢hea下😮‍💨無意中發現咗呢間好嘢❗⁡⁡舖面唔算大但裝修得好特別，好似一個小花園咁🌷🌹🌳🌺💐當晚客人唔多，柔和燈光加上播放嘅音樂令人好relax⁡⁡【黑松露雜菌薄餅】用咗類似春卷皮嚟做餅底，脆卜卜食到停唔到口😆每塊都有重料黑松露醬，非常推介佢做餐前小食💯⁡⁡【法式香烤蝴蝶春雞】春雞烤得恰到好處，切開有肉汁流出嚟，連雞胸都唔覺得鞋👍🏼雞肉無過份嘅調味，個人認為啱啱好😋而碟邊擺放咗一小撮鹽，照顧埋重口味嘅客人❤️作為配角嘅薯條份量都幾多，就算當正餐都夠晒飽肚…Read More

「過江龍」對好多人嚟講都有種莫名嘅吸引力，包括我🤣⁡⁡今次揀咗呢間嚟自東京，喺海港城新開無耐嘅「グリル滿天星」蛋包飯🤩實在太耐無飛過日本😭要趁今次機會懷念下日本嘅味道...Weekend過咗午餐嘅繁忙時間依然有人龍喺門口排隊，排咗足足1個鐘先入到去🤯⁡⁡滿懷希望想試佢嘅招牌【滿天星肉汁漢堡扒蛋包飯】，點知三點幾已經賣晒😑唯有揀過其他...⁡⁡【蒲燒鰻魚蛋包飯】大大塊鰻魚舖喺面，賣相非常吸睛，而且一落枱已經聞到好香嘅蛋味 (((可能餓得太耐)))鰻魚肉質軟滑，口感同味道都唔錯👍🏼⁡聽聞成碟飯用咗三隻蘭王蛋，加埋秘製雞湯煮嘅飯而製成...炒蛋有蛋香，都幾滑🍳不過份量唔多，唔似有三隻雞蛋🤔至於d飯...比起白飯有味，但又唔覺「秘製雞湯」煮過有幾特別😅⁡⁡【漢堡扒咖哩飯】漢堡扒夠厚身，切開有肉汁流出嚟，入口juicy有肉香👍🏼咖哩汁只係普通貨色而且份量唔足以撈晒所有飯，食到尾有幾啖係白飯😟漢堡扒只有本身嘅肉香，無經過特別調味...食到尾要嚟送「白飯」有少少膩⁡⁡總括係...試過就算😅比得呢個價錢，仲要排1粒鐘...應該有更好選擇(((又被騙🥲)))…Read More

已經嚟過好幾次，每次想食平靚正壽司就會諗起呢度😆⁡撞啱當造季節可以食到「賣飛彿 」-- 秋刀魚刺身🤩🤩🤩肉質鮮嫩嘅秋刀魚，配埋加入咗薑蓉同蔥花嘅酸汁真係錦上添花😍⁡師父仲會將魚骨炸到脆卜卜，一魚兩食🥳⁡其他壽司都保持到一貫嘅水準👍🏼不過對比起上一次，壽司款式好似少咗🤔⁡今次叫咁多款壽司之中，赤貝同象拔蚌比較失色赤貝唔夠新鮮，色澤比較差，食落仲有少少腥味...希望下次會正常番~⁡象拔蚌竟然係熟嘅🤯明明之前食過幾次都係生...🤔⁡…Read More

呢間cafe嘅店面比想像中細，好好彩咁啱等到窗邊位😍睇中咗呢間cafe嘅落地玻璃view好耐喇，望出去雖然唔係咩靚景，不過感覺都幾舒服~⁡【厚切意大利煙肉配卡邦尼意粉】用料充足👍🏼厚切煙肉嘅口感同味道都好似煙鴨胸，好香煙燻味😋醬汁比起一般嘅卡邦尼杰身少少，食食下都有少少膩而且食到尾見到碟底都幾多油🤯⁡【青醬烤雞意大利三文治】麵包烘到脆脆哋😋雞胸作為餡料令人有意外驚喜，肉質鮮嫩😍青醬有少少香料味，整體感覺好清新👍🏼⁡個人認為呢度嘅三文治比意粉出色，配上落地玻璃開揚景觀，舒舒服服咁hea下都唔錯🥰有機會想再試埋其他款式嘅三文治😋⁡題外話: 近日比【魷魚遊戲】洗晒腦🦑有無人同我一樣...見到呢間cafe嘅logo都會諗起🙈…Read More

放假嘅朝早嚟到呢間門口位於小巷嘅分店，路過唔為意好容易會miss咗🤪時間尚早嘅關係客人唔多，正好可以享受下寧靜悠閒嘅早餐😙⁡【Eggs Benedict with Smoked Salmon】去親cafe都要食我至愛嘅煙三文魚+水波蛋😍呢度嘅多士用咗Sourdough，個人都幾鍾意呢種煙煙韌韌嘅口感👍🏼作為早餐份量都幾多，配埋一杯Flat White非常滿足🥰⁡【Avocado On Toast with Poached Egg】牛油果簡簡單單用咗鹽同埋黑胡椒做調味，感覺清新🥑多士同樣係Sourdough，醮咗水波蛋嘅蛋汁，夾埋牛油果一齊食好夾😍House Black 味道正常，個人認為唔酸唔淡已經合格👌🏼…Read More

路過咗好幾次，次次都買唔到想試嘅蛋撻🥲今次撞啱出爐時間，人龍又唔算長...終於試到喇🥳🥳🥳【Sourdough Egg Tart】因為新鮮出爐嘅關係，拎到上手都仲係好熱，咬開直頭出緊煙😳蛋撻嘅賣相同口感都有少少似葡撻，酥皮鬆脆，大力少少都驚會整爛😅蛋漿好滑，甜度適中，趁熱食無得彈😋就算已經食咗lunch再獨吞兩個都無問題呀😆作為咁受歡迎嘅鎮店名物，$12/個 真係超級良心價🤩唔怪得咁搶手❗…Read More

諗住出去食晚飯，路過見到咁多人排隊又八卦望下👀原來係排緊近日好受歡迎嘅【法式布甸】😯眼見人龍唔算好長，而且已經開始出爐...就算臨食飯都決定要買嚟同朋友開心share😝估唔到拎上手係凍嘅，比「出爐」時間誤導咗...以為會係熱辣辣😆蛋漿好滑，甜度適中👍🏻蛋味唔算好出，反而奶味重少少🍼麵包煙韌帶少少咸味，個人都幾鍾意呢種口感😋$15/大大個，好味又夠抵🤑今次撞啱時間真係超好彩🥳🥳🥳…Read More

喺人來人往嘅旺角難得可以搵到一個可以稍為放鬆一下嘅地方😌店面室內空間唔算大但裝修方面就落足心機👍🏻最鍾意佢嘅天花板有好多盞波波燈，就啱角度打卡一流，如果夜晚嚟嘅話應該會更加靚🥰【J.Moon Pizza】即叫即整嘅Pizza上到枱仲熱辣辣而且好足料🤤正中心有隻流心蛋，令整體食落唔會太乾硬👍🏻望落size以為好細，但作為下午茶嚟講已經十分足夠😋【Nachos Bolognese】呢度用咗肉醬同芝士一齊焗，味道咸咸香香😋食到尾都仲保持脆卜卜嘅狀態，送酒一流👍🏻【Smoked Salmon Egg Benedict】雖然比平時cafe所食嘅份量少，不過質素都唔hea麵包醮滿蛋汁，夾埋煙三文魚一齊食真係好正😍【Cocktail - Venus】第一啖入口有少少煙燻味，雖然有whisky嘅成份，但非常易入口🥃配埋一小片橙皮，每一啖都充滿住橙香😍【Cocktail - Mercury】酸酸甜甜，同樣非常易入口😆簡直係女士們嘅夏天首選👍🏻…Read More