酒米's Profile

呢間見住佢裝修同開鋪..一路都以為佢同上面3/f果d賣魚蛋牛雜檔冇分別!所以就算到左佢開~我一直都冇試過..亦都冇話想試佢...係咁岩有一日係openrice見到佢既食評~先知原來佢係賣飯/天使麵..仲要d食評差唔多個個都係好嫁wo..於是乎決定走去會一會佢!第一次我買左網度介紹過...我諗包穩陣既香草肉醬珍珠飯..係等緊既途中..見到有好多學生黎買佢既魚蛋~望一望!$3 5粒魚蛋...哇..唔試你唔得啦..先講個魚蛋..唔係講笑~我覺得真係好好食..仲係我食過咁多間最好食嫁!魚蛋夠彈牙..最特別係個o加喱汁..辣得黎個味一d都唔假!個姐姐同我講加左八角係入面..我唔知關唔關事~至於個肉醬珍珠飯呢..真係俾到驚喜我喎!可能我對佢冇奇望過掛? 反而係抱住"係咪真係咁得"既心態去食...肉醬同個飯仲係好熱辣辣..食快d隨時辣親個咀..肉醬個味道我覺得調較得岩岩好...唔識寫..但係我知道如果你試過就會知道果種感覺!第二日..忍唔住想走去試..不過可能太夜既關係~人地已經山緊鋪lu:(!第三次..夜晚8點去~姐姐話冇晒飯..唔緊要啦!今次一於試o加喱魚蛋天使麵..哈哈~冇錯..因為之前食話佢既o加喱魚蛋愛上左..所以今次食o加喱味!食返冇失望...依舊係上次留戀既果個味道..而且原來一碗咁樣食法..會愈食愈辣嫁!如果將佢d o加喱同其他間比...我覺得大家x～大x活都已經冇得比..第四次..我發覺食完一次呢間野..真係會不停黎想食埋佢其他野嫁!今次揀左健康d既蕃茄汁配火腿珍珠飯..買完拎返返屋企先食..一打開..心諗焗左成3個字~唔知d飯會唔會淋晒呢?點知又冇喎..係比平時買完即刻食林少少..但係反而我覺得咁樣都岩岩好喎! 神奇蕃茄汁有d蕃茄係度..個味唔似茄汁/茄膏整出黎...好fresh!我決定仲要試埋佢d 洋蔥汁..磨菇汁..南瓜忌廉汁..白汁..仲有好多汁要試…Read More

之前我有個食評講過因為返工需要..所以經過sxbwxy而去試佢!今次呢個食評其實就係第二日..上船之前我去左下面另一間叫(Kaiser's Deli )既店鋪諗住試埋佢d野..落單果個男仔好彩係香港人...所以今次唔需要好似上次雞同鴨講咁!呢度每日都會有唔同既包做優惠..咁岩佢果日係做緊果款唔係咁岩我口味~所以我就order芒果雞沙津三明治..我唔食牛油..不過個男仔冇問我要唔要就搽左落去~我即刻話我唔要牛油得唔得..見佢好"減介"咁..算啦!都係唔難為佢啦..麵包見住個人有拎去整熱..但到我食果陣一d熱都冇~而且都幾硬同平! 冇芝士味...再食落去...個芒果雞沙津好一般..同ok/7仔買果d三文治既"咸"差唔多~不過佢個包因為硬硬地~所以加埋晒黎睇既話..ok/7仔仲會好食d!而且單買$35一d都唔平..下次要我揀..唔識英文我都會食返sxbway...…Read More

繼幾日前去過隔離新x豪打冷~之後第二日男朋友又話要再打冷...去到新x豪門口我就奇怪..點解隔離呢間新泉發次次都多人食過新x豪既?我就抱住間間都要試均晒既心態捉左我男朋友過隔離喇!同上次一樣..我地都係叫咸菜魚,生腸墨魚同蠔仔粥..咸菜魚呢間好特別..佢做到係有少少辣嫁~好味..愈食就愈想食..生腸墨魚大大碟..男朋友話掂~好足料,,,出面有d鋪生腸得一部分咋wo~而且仲有埋九菜疊底..一定要讚!蠔仔粥呢到比起新x豪味濃..足料..個人覺得呢邊好食d!果然多人食既鋪頭係會有保証d..尋日我地又黎左新泉發呢到幫襯~咸菜魚,生腸墨魚走唔甩嫁喇..可惜咁岩門鱔賣晒~阿姐換左唔知咩魚比我地!我咬左一啖仔..唔係幾岩我口味~我覺得有d似咸魚..不過男朋友話冇嘜野~ok wo..所以我唔會話佢難食..只係個人口味唔同姐!另外想試下d新野..所以今次冇叫蠔仔粥lu..改左胡椒豬肚湯暖暖胃,開頭飲第一啖我覺得冇胡椒味..仲以為佢黎錯咸菜豬肚...不過飲下飲下又飲到喇wo..其實如果佢d胡椒味可以勁多少少就好喇!至於個通菜都好好..菜係新鮮既! 唔係又黃又黑咁..加埋d腐乳~好味:)..同埋要讚下阿姐好好人..服務態度一流..我地張台唔小心整濕左．我男朋友諗住問阿姐拎條毛巾自己黎抺啦~點知阿姐知道我地張台濕左,即刻拎住條毛巾跑出黎係都話要幫我地抺..我地叫佢唔洗咁客氣..佢又勁好~笑住咁話要既要既..哇...依家今時今日仲有呢d服務態度係邊搵呀?…Read More

返工竟然比公司編左去入長洲..唉!咁岩行去搭船之前見到呢間野~其實一直想試好耐嫁喇..不過由於我d英文真係好唔掂當..所以一路都冇試~撞岩今日又未開飯..見佢$29一個餐又幾抵..好! 死就死啦..入到去..我前面個女人我諗佢d英文都應該唔係幾得..收銀個女仔好似聽唔明咁~我見佢同個女人講左2~3分鐘..個女仔已經唔耐煩+黑面lu..到我買果陣..我全程都講中文~哈哈..好彩佢地都聽得明今日我要左燒雞胸肉+小麥皮+生菜+蕃茄+青瓜+蜜糖芥末醬..配朱古力曲奇同燕麥提子..曲奇唔係好脆果隻~不過都幾好食!至於款包其實我係見佢寫住低脂先叫..估唔到雞胸肉配蜜糖芥末醬又幾夾wo:)不過點都好..唔識英文黎呢度始終都係有d"減介"..職員英文問你~係反而中文答人-__-所以下次如果唔係同英文高手一齊..自己都唔會選擇入去出醜lu..…Read More

不嬲覺得東海堂d蛋糕係咁多間連鎖麵包店最好味既一間!之後食過佢動物造型既奶凍..外型可愛不特止~食落仲好幼滑..今次口痕買左2件餅..意式朱古力口加啡磚($9)同芒果芝士($9)..2個都冇得頂!有機會真係好想試下佢個流心芒果蛋糕!我聽d朋友講好好食嫁~…Read More

早幾日放假..好想飲下午茶~所以自己一丁友落左呢間名門讌客諗住試新野同埋影d相返黎比大家睇!2:15pm去到...真係多人多到傻~..一丁友想搭台坐都冇位要等..等左15min見唔係辦法都係買外賣返屋企食算喇!見到隔離有個外賣部~就同佢講要外賣..但係佢話佢淨係做飯!咁我問返個知客係邊度買外賣啦..點知佢又叫我去返外賣部~真係勁無奈囉~搞左陣原來要入去入面收銀到落單..咁好啦~我買左個鳳爪同金牌大拼盤..俾完錢佢叫我等15min..咁我問佢我可唔可以留電話~ok左就打比我黎拎!本來個收銀姐姐話ok嫁..點知隔離有個呀姐聽到即刻"事"佢一聲然後bear住佢..個姐姐即刻醒水轉呔: 哎呀..唔可以嫁! 果一刻真係勁勁無奈x100:(好..跟住講返野食..個鳳爪ok~唔會過咸!跟住個金牌大拼盤..入面分別有千層糕(x1),蝦餃(x2),燒賣(x2),帶子餃(x2),菠菜餃(x2),什菌餃(x2)不過一打開個盒見到d餃爛晒..開晒口..即刻扣分!千層糕係幾好食既..好鬆軟~蝦餃燒賣都唔差..帶子餃好似食唔到帶子~係一定要讚最好食個菠菜餃..一咬落去勁多菜..係成隻餃滿晒嫁..除左菜..佢入面仲有一粒蝦!另外個什菌餃其實都唔差..個樣係就係衰d同難夾d囉..食齋既呢個餃就岩晒..總結: 我諗外賣d點心係會衰d嫁喇...不過請真~d用料同味道其實係唔錯既!如果有時間可以堂食既話~我諗會好好多!…Read More

雖然天氣凍..但係仍然冇損打冷既心情!平日打冷都係去開葵芳(全因接近屋企)..今次難得一試其他店子~打冷..我必定會叫咸菜魚..呢度都整得幾好食~係d鱔少左d姐..花生雞腳: 做得好林..味道調得岩岩好~唔:)錯!蠔仔粥: 唔係講笑..咁大個女我都係第一次食~開頭我仲以為佢係好似好棉果d粥咁..點知上台先知原來係"泡飯"咁款..真係估佢唔到~不過男朋友話蠔仔粥不嬲都係咁..係我大驚小怪姐...食落其實都幾好味..清清地!另外叫左2支c威$10..埋單好似都係$10x..比起葵芳平!所以會再返黎..…Read More

早幾日行開旺角...等埋男朋友收工一齊食飯~都已經半夜2點幾喇!咁夜又唔知食嘜好wo~咁岩經過福苑見到佢通宵營業..而且天氣咁凍真係岩晒打邊爐!上到去..先知原來半夜都仲幾多人..唔講咁多揀個鍋底先~咁夜打邊爐驚熱氣又上火..所以都係揀個清清地既皮蛋x茜鍋($38)跟住望下張點菜紙..哇! 已經有好多野都冇晒喇wo~最後我地要左蛙花蚌..帶子片同花膠~全部都係$28..食落仲要幾新鮮~抵!豬大腸...淨係我男朋友食..唔清楚生魚片...ok~都幾大片!蔬菜船...係個侍應介紹既..有好多款菜係入面~eg.西生菜..白菜仔..金菇冬菇..南瓜片等等另外叫左酸梅湯..麻麻地好飲~酸得滯..同埋呢度上菜好鬼慢...雖然唔係任飲任食但都有漏單既情況出現!我地第1round落左肥牛冇黎過~到第2round我地食晒台面d野..飽晒~佢都仲未黎! 所以叫人cut左..不過整體黎講都唔係話差..可以試下~…Read More

上星期屋企人同我慶祝農曆生日..見呢到新開張~爸爸提意黎呢到食飯!下晝6點幾我地已經去到..成個場都仲未有好多人~我爸爸話前日呢度試業開張..全場半價諗住黎呢度飲茶..點知爆到個幾中都冇位!不過就咁睇..呢度既裝修已經好得:)最衰果日唔記得左帶相機..如果唔係可以POST D相上黎分享下..另外新開張期間..呢到都推出左好多優惠~呢晚我地就叫左::::$28一條青斑仔時間蒸得岩岩好..好滑好好食~唔夠一陣成條魚已經俾我地清晒金銀蛋菠菜$48想要莧菜不過佢冇..唔緊要!...其實咩菜都差唔多姐..最緊要整得好食~呢度都整得唔差..份量中等..OK!西蘭花花枝片$68開頭唔知價錢傻下傻下叫左西蘭花帶子..後尾見到要成$98即刻咋咋臨叫佢改單~好彩趕得切!雖然唔洗我俾錢..但係我都會覺得好似俾人"割"左忽咁-__-!食落我覺得西蘭花硬左小小..花枝片厚度岩岩好~都OK!$188 芝士焗龍蝦伊面底 呢個菜不嬲都好食..龍蝦都幾多肉..淨肉我都食到4舊~果然冇偷工減料!食埋個伊面真係飽死..$30 壽包半打其實已經好飽..但係爸爸堅持話生日一定要叫個壽包~咁先叫慶祝生日!好啦好啦..咁叫左..壽包入面有蓮容同咸蛋黃!爸爸話一睇都知佢呢度用既蓮容係靚野...因為唔係黑忟忟果隻..我自己就不嬲唔好蓮容同咸蛋黃既~所以食落都冇嘜大感覺!連埋茶芥花生加一3位埋單$4XX.我覺得全晚最抵食同好食就係條魚!…Read More

上個月老細請食飯..早幾日已經打左去鏞記訂位!我地全公司一行5個女仔8點鐘已經準時入席~糖心皮蛋: 我唔食皮蛋既..不過朋友話d酸薑好好食~酸甜而且冇渣!配合埋皮蛋一齊食~一流燒鵝例牌: 其實我對燒鵝興趣唔大..淨係知呢度既燒鵝出名~不過都幾貴下..今次有幸俾我試到..呢度既燒鵝果然得! 好岩我口味..首先望落冇嘜肥膏..食落口淡淡肉..口感好好!什菌豆腐(??): 唔係好記得個名...呢個冇嘜特別~都幾好食...!咕嚕雞球: 呢個係我同事A點既....味道OK~一定唔會鬧!唔知咩鱔: 呢個我老細點既...第一次咁食鱔~平時食親多數都係豉汁蒸!呢個夠特別..好味呀~金銀蛋豆苗: 呢碟~我幾乎次次出街食飯都會點既!呢到其實做得都ok..不過我會覺得出面D大排檔..好食D~桂花炒魚肚: 呢個都係老細點既..又係第一次食~淨係講味道都OK好食..不過我好似食唔到有魚肚? 榣柱蛋白帶子炒飯: 其實餐牌淨係得榣柱蛋白炒飯..我老細話要加埋帶子落去炒!d侍應開頭同佢講話唔得..跟住我老細即刻黑面話邊可能唔得~之前黎食都可以..後尾侍應好無奈ok左! 不過個飯又真係幾好味..我本身不嬲都驚d炒飯油..但呢到出黎係完全冇囉!少少干身..味道岩岩好~???翅: 正常水準..好味!埋單唔知幾錢..因為老細請~不過如果要我自己俾錢..又未必會選擇呢到..因為佢D價錢對我黎太貴喇!…Read More

本來朋友生日原本打算明天慶祝..點知返返下工生日朋友突然提前想當晚搞!臨時臨急半夜11點又未收工..凌晨2點係屯門走都唔知可以去邊買蛋糕~好彩靈機一觸俾我諗起【沛公甜品】之前食過佢d千層pancake已經覺得好好味..印象中佢好似仲有蛋糕賣! 甜品鋪一定冇咁早收喇掛..於是即刻打電話去問~點知真係有得買呀..謝天謝地!跟住再問佢地幾點收? 下!?咁岩果日有食環check場..諗住收12點?我即刻話俾老闆聽我好急要個蛋糕..但我收埋工去到荃灣最早都半夜2點幾!求佢等埋我先山鋪~結果個老闆真係肯呀..超級好人佢仲問我個蛋糕洗唔洗寫字..態度依然咁好! 如果俾係第二d鋪頭等你兩個中彩你都傻..個蛋糕仍然保持水準:)..生日朋友明明唔"好"cream都讚好~仲足足食左2大舊!另外之前仲食過其他口味.香芋紅豆 --- 味道香濃~而且仲有粒粒紅豆..呢個係我至愛榴槤 --- 好香榴槤味..呢個都好食~第3至愛m&m --- 呢個其實都唔差..不過我麻麻地中意d m&m~首選其他味!…Read More

之前返工成日見到呢度d海鮮好似好好味咁..今次生日終於有機會可以試下!收工出到佐敦都成一點..去到竟然得兩.三台~可能因為平日關係..d人第2日仲要返工~雖然我地得兩個人..但係都點左好多菜:白灼東風螺: ok size,味道ok,冇嘜特別!椒鹽賴尿蝦: 我地叫左大大隻果d賴尿蝦,$100 4隻..我本身好少食賴尿蝦嫁~不過今次可能大大隻既關係..我覺得食落又幾好味wo蒜蓉粉絲帶子: 我朋友其實想食扇貝~但係個呀姐話賣淨一隻!所以好搞笑咁黎左5隻帶子..1隻扇貝~扇貝我朋友食...帶子我覺得ok..唔可以話好好食!但呢d貨式就一定唔會鬧~冇咩驚喜..豉汁蒸大蟶子: 因為我地叫得太多野食既關係..蟶子我地只係一人叫左一隻!本來個呀姐唔肯嫁..話咩咁大個穫整係整2隻廚房唔會搞~點知後尾又話ok wo..我朋友話要豉椒炒~但上碟就變左蒸..不過我又冇所謂既!但係食落d豉椒汁好"傑"..味道怪怪地~我都唔識點形容..係唔好食囉:(..唔記得咩北菇生菜: 呢碟最遲到..阿姐唔記得落單!菜又係冇嘜特別..我係唔中意呢度d獻汁咁鬼傑:(~另外叫左3支生力..埋單要$4xx..雖然係朋友請~不過我都係覺得貴左d!野食普遍一般般偏下..我諗我試完一次之後未必會返轉頭!…Read More

呢兩日天氣轉冷..好想食d熱野暖下肚~同朋友行開旺角咁岩見到呢間新開張既嚐點..比佢既裝修吸引到~咁岩朋友又想食點心..一於入去試下我地2個人叫左灌湯小籠包($16)..蝦餃($16)..燒賣($16)..叉燒腸($14)..芥蘭($12)食之前~覺得d質數應該都係一般貨仔..諗住貪得意試新野~因為見佢d價錢真係幾平!點知食落小籠包一咬落去..爆晒汁..好味之後到蝦餃::::上碟以為佢細細粒唔足秤~但係原來有成2.3粒蝦係入面..勁野!叉燒腸:::: 係個玻璃到見住個司傅即叫即拉,製作相當認真!食落口半肥瘦既叉燒配合埋薄薄既外皮~絕冇欺場..一定要讚!最後到芥蘭::: 落單果陣~我同侍應講要芥蘭淋d..走油!跟住佢就同我講冇問題..佢地落單原來有分淋d同冇咁淋~走油同唔走..上碟仲有分豉油同蠔油~真係超級細心..呢個唔讚唔得:)!係其他地方食..一定會將d蠔油倒晒係面..咸死人~埋單$78..同朋友share每人都唔洗$40環境+服務+食物質素..完全合格!一定會再幫襯…Read More

收工返到荃灣已經接近凌晨三點,天寒地凍好想食返d野暖暖肚..於是諗起標記呢個時候仲未山門~所以入左去叫左碗雲吞河同蝦米腸!等左10分中終於有野食..蝦米腸($9) --- 一黎見到勁厚皮已經知道唔方好食..而且份量超少已經要$9:(!雲吞河($19) --- 上碗果陣一粒雲吞都見唔到~原來放晒係個底到!未開始食~淨係將d雲吞擺返上面已經散晒....跟住碗面d湯又勁少..想飲啖湯都飲唔到!加上味道麻麻~試過$11碗既雲吞麵仲好食..…Read More

之前係中環返工..日日都經過呢間JUST SALAD~有一日終於的起心肝去試佢!第一次食既係凱撒烤雞沙津($45)..我同我D同事都覺得好好食!雖然食食下好似有少少咸~不過食完一次真係會上癮..第二次食既係扥尼卡斯卷配蜜糖芥末醬($45)..呢個食落有少少香草味~入面有D蕃茄仔仲有香草味既雞..芝士等等~另外配埋蜜糖芥末醬都幾好味!不過之後有一次試過配白醋汁就唔得喇..真係咸得滯!同埋如果女仔自己一個食一個卷已經可以好飽~仲有一次係唔知咩牛仔嘜嘜卷配白醋汁..呢個配搭都好食!…Read More