Zondra Lee's Profile

今日係年三十，公司提早放下午，難得可以不慌不忙不趕的食餐晏仔，再去行花市。隨意走到蘇杭街，因為這一帶有許多小店，不乏有 heart 之選。走到木，驟眼看仲以為係一間賣簡約衣物的店舖，再看門口豎立嘅 Menu 板，噫~𠲖，有嘢食㗎噃⋯⋯睇落幾得意，於是入去試試。個 Menu 係超簡單，但一定揾到可以入口的，有牛有豬有海鮮仲有 veggie 。我事頭揀咗牛丼，我就揀海鮮意粉。店內佈置簡單以木為主，地方細細，穩藏許多喵咪的小東西，例如有畫(無影低😅)有吊牌，我估店東也許是愛貓或毛孩之人。餐廳有兩層，今日上層 full house，無機會探索，我同我事頭响下層corner位坐high chair ，對㕑師備餐一目了然，又係另一享受。意粉屬al dente 類，有咬口，面頭兩隻蝦煎起來很香，個龍蝦汁都好好味，辣辣哋，開胃嘅。牛丼個sauce 都好味，配珍珠米好正👍🏼，雖然色水好似好深色咁，但食落唔會過甜又唔會過鹹，恰到好處配上幾片醃漬蓮藕片，酸酸哋，balance番汁煮牛肉濃厚味道，我個人認為係一個小亮點。店舖𥚃除了個靚女厨師，好年青，仲有個靚仔「非」厨師(我估咋唔敢確定)，眼見佢唔煮嘢食，但其他嘢都做，沖咖啡捧餐執枱洗碗碟，厨師都係煮完餐亦捧埋餐上二樓，兩位亦抽時間同我哋吹吓水，知道開舖大概7個月左右，見到佢哋好努力，覺得好值得支持支持。我哋以一個凍冰冰嘅甜品做句號⋯⋯菠蘿刨冰yogurt ，好味嘅，相信夏天食會更開心。我事頭知我寫食評，佢都加少少善意提醒，佢嘅評語係人情味温度好夠，如果食物温度都一樣咁高就完美了，畢竟冬天食物入口熱辣辣，整個人感覺暖和好多😊滿意度就可以再提升。整個用餐過程係非常舒服愉快，食物味道都係好唔錯，係一個開心的體驗。體驗日期: 2024年2月9日…Read More

今日星期六有少少空檔時間，趁機過嚟試吓呢間，入到嚟一睇，非常茶餐廳格局啫😑有乜咁特別想試呢？揸主意話要嚟食嗰位話，呢度要試叉燒、燒鵝、炸蟹鉗，點咗個二人套餐，加咗碟燒鵝，嗯，唔錯喎⋯⋯燒鵝好好味，要咗下庒，個湯羹好好飲，材料足又夠熱，炸蟹鉗亦係新鮮熱辣，所有餸都係熱的。至於叉燒呢，我哋點咗肥叉，同我哋食開一般肥叉唔同，嚴格來講今日嗰啲唔算肥囉，但係食到當中有心機嘅，面嗰層就係肥，所以可以好圴勺咁燶法，但佢嗰種規矩得滯嘅賣相係脱離咗一般對肥叉嘅期望，另外係佢用嘅係蜂蜜，無平日蜜汁叉燒咁濃稠，但佢係好食嘅。啲伙記哥哥姐姐服務好好嘅，佢哋夠老實，見我哋點了二人餐，已經好唔心足咁另外點了個燒鵝下庒，仲想追加個蜆戒鯪魚球，個侍應姐姐就碌大眼話「仲加？太多嘢食唔晒㗎喇」😅食到一半見人飲奶茶，又想飲，今次個侍應哥哥又好貼心咁問「而家起定等你食完先呀⋯⋯」🥰咁先係服務吖嘛👍🏼要收十蚊位茶錢係貴咗啲，但係佢嘅普洱茶有陣特別味，打開壺蓋一睇，中間茶隔嘅係陳皮😌☕️好飲過好多酒樓啲茶。整個餐飲經驗係屬愉快嘅😊👍🏼…Read More

今晚同兩個啱傾嘅人，都唔理人家「剪肥」，係都要去久両菜，乜久両菜呀？！原來係食潮州嘢，打開張點菜紙，第一味點咗蜆芥鯪魚球，因同事上次來時個哥仔就介紹定阿同事下次一定要嚟試，好！就試吓啦⋯⋯嘩，一上枱，個樣咁唔鯪魚球嘅😳⋯⋯er?!嗯😌原來好好味呀，個外皮啲米粉脆脆，令鯪魚球變成非一般的炸鯪魚球，乾身脆口唔油膩，但最誇啦啦係佢個自家製蜆芥，佢簡直可以係獨立一碟餸，啲蜆大隻到喱，放上去，粒鯪魚球會立時顯細😆哈當然唔少得要試滷水啦，問個好好傾嘅侍應哥哥「鵝腎可以嘛？」，佢流露出一絲嘅霸氣(唔係吋，只係充滿信心嘅得戚樣)，佢話「放心試啦⋯⋯我夠膽話係無其他店會咁處理個鵝腎，鵝片就更加唔使懷疑😌」我哋一絲縣懸念都無就叫咗個雙拼，一上枱，好靚仔，師傅刀功好好，片得好薄，排得好齊，鵝片雖然好瘦，但望落都覺得佢滑，乜都唔俾自己放入口，立馬食片鵝腎先🤤⋯⋯好好味，佢嘅柔軟度啱啱好，連最頭一件有筋蒂嗰部分都唔硬㗎，但個腎整體口感又唔會焾pat pat，真心無誇張😙👍🏼另外要讚嘅係碟花生雞腳，預佢係小食嚟，估佢唔到竟然係最後先上🤔，但係值得等㗎⋯⋯，個好傾哥仔特登過嚟問味道如何⋯⋯咁普通嘢都過嚟問，一定有啲嘢嘅，哈，上枱時仲出緊煙，熱嘅，已經好讚，雞腳夾落焾嘅，但啲皮一啲都唔會夾爛，啱啱好，仲入味，勺啲花生食😲⋯⋯化㗎，入口就化到好粉糯，攤咗一陣，個汁啫喱咗，撻住啲花生仲更加無得頂。自己都已經成枱嘢食，又嗌飽，但裝到隔離枱碟蠔餅，都好想試🥹最終都無加，因為好驚真係食得晒🤣其他我哋仲叫咗個釀青椒，胡椒豬肚湯，金不換焗花甲，全部都屬好味嘅。另外要讚嘅仲有係環境同個氛圍，佢响中環街市開，係有個特別氛圍嘅，文文地青，又 chill chill 地，最重要係有個好有 heart嘅哥哥，埋單前八到佢叫勇哥，仲有個洋名叫Stanley 😄，成餐飯食得咁開心，佢要記一功👍🏼，好介紹，意見中肯，開心吹水，又分享一下其他飲食知識，又講得笑，招呼又好，臨走前仲親自沖功夫茶過我哋品嚐，真係好飲過開飯前嗰杯㗎喎☺️⋯⋯呵呵🤭我自己堂食完，仲要買外賣一份唐三藏(鵝肝鵝腎鵝腸+鵝片)返去孝敬我事頭，雖則係外賣咋，都仲係好好味😋整體而言，真係好滿意😀👍🏼⋯⋯會再去，一定。…Read More

嚟呢度食嘢，其實啲食物係可以的，但總係每次食完，總唔會有種想快啲番轉頭再幫襯的感覺😑點解呢🤔⋯⋯先介紹食物先啦，乳鴿似乎係必食，好出色又唔算，但絶對唔係差，可以滿足到一般人要求，都唔算貴咁啦。可能因為我唔係乳鴿擁躉啩🤷🏻‍♀️沙薑豬手粒就真係次次都好食🤤，我係可以堂食完再想pack多一盒返屋企俾家人食嗰種😆今次俾到我驚喜嘅係個望落去平平無奇嘅椰皇雞湯，好清好甜🤤好正👍🏼⋯⋯蝦多士都屬做得好的👍🏼可能係我徧好，情有獨鍾豆奶湯浸蟹肉蕃薯葉，好味，味道簡單純粹，清清地又高纖，食得好放心☺️真心喜歡💕至於大澳XO醬炒沙白，不特別出色，但係係好食嘅叫咗個擔擔麵，唔係我一向鍾意嘅上海 style ，無麻醬味，仲略嫌油咗啲。至於個酒釀丸子，唔係我杯茶，但同枱食嗰位係讚嘅，由於嗰位都屬咀刁之人，所以我相信可以的。我自己就有舖奶茶癮，即管嗌嚟試吓👌🏼整體而言，嘢食係滿足到啲識食餓底的，但硬係招呼就麻麻哋，部分伙記面口好似有啲唔多耐煩，但因為落單已經係自己嚟，都已經無乜機會接觸，都俾我feel到唔耐煩😅可能因為咁所以食咗覺得好食都唔會掛住掛住😅…Read More

今次係第二次嚟，上次係食晚飯，靜嘅，唔太多人，地方望落亦都唔覺太舒適，所以都係抱住是但試吓啦，無抱好大寄望，加上啲伙記麻麻地醒目，所以好有保留⋯⋯點知，食完覺得大部份嘢食都好食喎😳兼幾實惠😙👍🏼所以就有第二次了，今次係食晏，未到正午，上到去已經坐滿晒人，要等位。今次有食點心，有食炒飯，有食小菜，樣樣都幾好，以下跟喜好排位😄👍🏼釀虎皮尖椒，真係好鬼好食，連啲甜甜地嘅豉油都好好味😋呢個小炒皇係encore ，材料好豐富，估到同無預計嘅都有，有鮮帶子，鮮蝦同蝦乾，有啲似蚌又似吊片嘅嘢，菜甫切長條，韮菜花都好好味，可以話係出色。另一驚喜之作係個炒飯，雞粒螺粒炒飯，砂煱上，好乾身，好香。呢碟豬仔腳，一降落响枱面時，有啲唔開胃，啲色水麻麻，有一隻半隻直頭無上過色，但食落口竟然有好夠味，同埋焾度剛剛好😄係正嘅。七色炸豆腐，勝在熱辣辣，唔係好吸引我，唔係佢嘅錯，係我唔特別好，但佢做得係好嘅，內裏豆腐係滑溜溜的，同枱嘅係嫌佢份量太少。呢個點心拼盤，我個人認為個馬拉糕最好食，燒賣喳過蝦餃，其他幾樣無食無comment，但同枱話隻素餃👍🏼乳鴿我無食，同枱話唔夠熱，皮唔夠脆，我點只不過係見有人鍾意食，38蚊又唔貴，所以先叫，至於個燒腩仔都係搏一搏，同樣係不過不失。呢隻係我第一次見嘅，花𣄃參湯蝦餃😑⋯⋯唔可以話唔好食，本身蝦餃好食，個湯都好飲，但無必要咁樣食法囉🤣影漏咗第一碟嚟嘅叉燒腸，好食，啲芫茜無蒸到黃晒，食落竟然係爽口，味道仍然濃郁，無肥騰騰叉燒😅，啲腸粉無粉項味。今次叫嘅嘢係多，但因為味道好，所以係十分樂意打包返屋企。上次嚟嘅時候，啲伙記唔醒目，今次一樣都有唔醒目嘅伙記，但亦有唔錯的，有好貼心嘅傳菜姐姐，好有禮貌問清楚，落豉油嘅過程俾人好有heart嘅感覺，又有伙記(可能係部長)，明明見佢都一手碗碟好忙咁，但個姐姐佢都好耐心幫我哋跟進啲漏咗嘅單，反而有個明顯高級少少嘅部長阿哥，兩手空空，截住佢，佢竟然話忙着執枱，叫我等😪⋯⋯佢無返過嚟囉。整體來講係滿意㗎，有機會會再去，一定再點的一定係小炒皇☺️…Read More

老闆慶祝個愛將响公司做滿十幾年，負責陪食的我，無端端今日就有好嘢食😆(得米暗喜)。第一次幫襯，特意提早一啲到，地方細細的，由於係午市第一枱，仼由我哋揀位，我哋方棄咗個侍應介紹俾我哋嗰張舒服梳化位(原因近門口)，揀咗個窗邊位(近露台邊，lunch time 無人煲煙，好okay 嘅)。侍應(我懷疑係老細)好熱情招呼，又帶我上去另一層食阿媽家姐嘅地方，都係地方細細，但傢俬佈置皆以木器為主，清雅一點，由於樓層高一點，整體而言亦更開陽。午餐現時做88折，以規模較細的餐廳而言，呢度個餐牌算多variety 了😉⋯⋯亦由於早到，所以侍應亦offer咗另一個由高層負責 omakase 師傅主理嘅 menu 俾我哋，同樣有88折🥰(暗爽)。講咗咁耐都仲未講到食物，我哋一行四人終於都係揀咗高層個 menu裏的set lunch，有松葉蟹羔蟹肉三文魚子丼，七式魚生飯，同埋石頭鍋龍蝦尾飯，前菜共3點包括:沙律、合桃小女子、唐揚雞，😌⋯⋯喜出望外的好吃，特別係件雞，好入味😙我試咗個蟹肉丼，啲蟹肉好味，樣樣望落都新鮮，因為唔係我食，所以只係睇同事個樣估，應該好好味，啲飯本身係紅米飯，可以轉白飯。兩位點了七式魚生飯，睇落兩位都好滿意，魚生新鮮，啲薑好醒胃(引述同事的意見)。我本身唔好飯焦，但竟然點嘅係龍蝦尾石頭鍋飯，可能淨係睇見龍蝦兩粒字，好彩個飯好夠熱，龍蝦身上有羔，鹹香味濃，龍蝦尾係彈牙的，但唔覺好濃味。另外有送樽裝檸檬茶同麵豉湯，兩者都好好味😋整體來說，招呼好好，觀感已贏咗一半，食物質素好，贏埋另一半，加上環境乾淨舒服，吃得放心，有回頭，我相信一定有回頭。…Read More

又係撞正星期日在沙田新城市廣場揾食，今次預咗要試呢間。耐無去日本，今日特意來這裡感受番一下去日本食燒肉的味道。餐牌有一set一set嘅combo，亦有一人定食餐，但最少要兩人起的。今次我們一行三人，所以都點了一個包羅萬有餐，標示3-4人。其實賣相算好，啲生料擺盤好企理，唔覺唔新鮮出晒水咁(最唔鍾意就係啲生肉出水)，食落啲料都唔錯。但我最鍾意嘅係另外叫嘅一碗麵🤤辣牛肉麵，牛肉都有成5、6片，好多好多滑嘟嘟嘅蛋花，蛋花配上辣湯，真係好好味😋⋯⋯想像到冬天食落去時嘅滿足感，麵質爽滑，掛湯好味。另外因為燒肉始終係有點膩，所以都點了一個飯，但係佢哋無「靚仔」的，所以點了一個紫菜飯，佢哋係跟一隻温泉蛋的，而碗底放了一些好像XO醬的佐料，唔錯👍🏻。最後每位客人都有一份好似樣嘅甜品做句號。我個人本身係討厭杏仁豆腐，但平心而論，除咗甜咗少少之外，佢呢個做得算好好，另外一件係雪糕糯米糍，睇擺盤絶不欺場，有勾起我坐富士山特別列車上的甜品盛😊…Read More

個個星期都會响沙田出現，個個星期都要諗吓食乜先。今日嚟呢度，其實唔係第一次嚟呢度，耐無幫襯，今日再食又覺唔錯噃。餐牌上有小食，之前未試過，睇相幾靚，今次點了辣肉腸炒蝦配多士。好好味呀⋯⋯蝦大大隻，蒜片辣肉腸味道香濃，件多士唔係求其白方包，軟得嚟又脆得啱啱好。掛住佢哋隻德國豬手，以前成隻上，而家斬件serve，其實斬咗件係方便啲嘅。哇，咬第一啖，皮脆，肉滑，唔會死鹹👍🏻。配菜有紅蘿蔔薯仔，唔知焗定grill,定係焗完grill，紅蘿蔔好焾好甜👍🏻👍🏻，薯仔好粉👍🏻，嗰啲德國鹹酸菜用咗少少煙肉炒，幾醒胃嘅。另點了份炸魚薯條，兩件炸魚屬厚身，有炸漿，炸漿係脆無麵包糠嗰種，即係非吉列類別，開心咗一半，食落口外脆係屬高分的，內裡件魚塊，肉厚，滑口👍🏻，無雪味無泥味，所以係屬好味㗎！薯條粗切，無乜大驚喜，有部分炸得過了少少火，仲有沙律菜，個dressing 酸酸咪咪，好幫到無油膩感。雖然成碟嘢以炸為主，但無一陣陣油味，所以整體來說，唔錯👍🏻同行人士點了杯飲品，賣相幾靚，材料有桃熱情果，好似仲有士多啤梨，味道方面係ok，但我個人唔鍾意食好杰又好凍嘅飲品，因為飲得快會整到個鼻竇好痛，所以無得comment，但係好新鮮好。…Read More

抽起條筋想食泰國嘢，所以去咗呢度。好想試軟殼蟹菜式，但點知無晒，當時只係下午一點幾，連芒果糯米飯都賣晒😧⋯⋯勁唔明。我本身想飲湯，所以點了個椰子雞湯，真係好好味，會掛住，好掛住🥰🉐🉐碟通菜不過不失，本身喜好，所以有得食已經開心，而佢又擺到超整齊，可以蓋個🐰印🉐黃咖哩大蝦，個汁係濃稠咗一啲，但味道其實好好。啲蝦就麻麻，啲蝦頭黑，其實見到係感覺唔良好的，加上撲太多粉，就算咁多汁都掩蓋唔到嗰層粉。蝦餅不過不失的，但太大陣油炸味🥹會暗開心，好彩只點了份小的😆。到碟魚露雞翼，單骨方便加分，但味道一啲都唔惹味，炸得唔夠乾身，有點膩，加上同蝦餅一樣的問題⋯⋯好重油炸味😣地方寛敞嘅，亦幾好feel，但食物始終係重點，整體而言，只掛住個湯😃☝🏼⋯⋯係好味又足料…Read More

D2 Place有飲茶地方，未去過，一到步，見環境唔錯，疫情下，座位分隔得算係坐得舒服同放心。一嚟就係個柚子鮑魚，冷盤前菜來的，有乾冰墊底，一出嚟煙霧漓漫，唔係未見過，但見到咁陣容都係開心嘅🥰味道亦唔錯，柚子肉一梳梳嘅，都好清新醒胃。另外點了個1288四人商務套餐，份量非常足，一讚👍🏻⋯⋯淨係睇碗湯就知，唔係細細隻湯碗，係regular size大少少嘅碗，呢點連食慣商務飯的事頭都贊同。第二味到嘅係蘿蔔絲酥餅，新鮮熱辣呢點係讚👍🏻，裏面啲餡都係一絲絲的，但因為食過更惹味的，所以唔算好impressed 😅乾蒸燒賣啲餡屬新鮮，牛肉球倒是令我有點想不到，因為牛肉球唔同燒賣蝦餃普遍人都會食，牛肉球有好多人都唔好，所以包响商務套餐有啲奇怪，但係其實佢哋嘅牛肉球幾好食㗎😉👌🏼燒味拼盤係燒腩的同豉油雞，燒腩仔好食，皮確係脆，肉又唔會死鹹又唔會肥。豉油雞中規中矩啦⋯⋯由於套餐本身已夠食，無另外試佢哋嘅叉燒🥹套餐包咕嚕肉，睇個外表以為好厚粉，又唔係噃！而且啲肉亦爽脆，無醃到化晒嘅感覺，而佢用嘅係蜜桃🍑，唔係菠蘿🍍。另一道菜係馬友蒸陳村粉，豉油另上，味道其實算配合得幾好，但馬友同陳村粉都屬油膩嘢，馬友雖然未夠清甜，但蒸得剛剛好。最出色嘅係個炒飯，個飯底炒得好香，淋完個獻汁同啲雞粒菜粒同菰粒，都仲係一粒粒，吃嘅時候雞粒有一陣陣煎香嘅味道，確實係好好味嘅。尚有個金銀蛋浸娃娃菜，味道沒有過鹹👍🏻菜無煮得過焾。甜品係令人非常期待的懷舊金薄芝麻卷，真係👨🏻‍🍳推介，好好味。今日嚟食午飯，係第一次幫襯，地方唔錯，食物都唔差，但係招呼總係覺得唔夠週到，一坐低，開完茶，應自動波攞餐牌嚟啦⋯⋯但係個哥哥仔無咁做，上菜有點慢，叫個哥哥仔跟吓，但又無返嚟同我哋講喎，最終係有同行人只能吃到一半。埋單走人，侍應支客面撞面都唔會多謝拜拜👋🏻，🤔⋯⋯我只係覺得，硬件咁好，啲軟件要改善一下，但整體而言，我都仲係覺得係一個好地方。…Read More

再來，依然係食羊肉湯拉麵同小籠包，羊肉湯拉麵個湯底好似唔同上次，上次濃郁好多，但今次帶點辣，都幾惹味，配新鮮唐芹，好夾，啲羊肉出奇地厚，印象中上次薄身碎啲，個麵由於係人手拉，確實係好有質感的。小籠包充滿湯汁，皮薄，但啲肉餡感覺有啲散散碎，但整體而言，兩個都係好味。是次用餐合共消費$110🙂…Read More

來這裡，真係冇特別預期的，純粹係打完風，想外出走走，就回去我成長的地區—新蒲崗。原本係想去幫襯吓同一區嘅豬油雲吞的，奈何打半日風，唔開，老公興緻盎然提議去呢度。兩個人唔覺唔覺叫咗七樣嘢🥹(排位絶對跟先後😆)1.蠔餅2.滷水鵝片3.普寧浮豆腐4.烏頭5.潮州炒麵線6.滷水拼盤7.百花炸大腸8.可樂這裡食物其實不錯，其中特別係蠔餅，正宗唔hea ，有蠔雖然唔算多，但無被欺騙嘅感覺，最重要係新鮮熱辣炸出嚟，脆口得嚟唔油膩🫶🏼。嗰個普寧浮豆腐，炸出嚟外脆內滑，浸韮菜鹽水，名符其實浮豆腐😙滷水鵝片焾滑，無羶味☺️🫰🏼(開心)另外滷水拼盤嘅生腸同豆腐都好好味，生腸脆，真係堅係爽脆無怪味(這個很重要),墊底豆腐滑一啲都唔老，不過滷水就係滷水，唔會特別好impressed 。條烏頭新鮮，烏頭呢種魚本身肉質唔屬滑嘟嘟，呢度整得唔會死實實，暗藏黃油但又唔會好肥，可能大小適中容易掌握得到火喉，夠味，唔沾普寧豆醬都👌🏼。炒麵線恰味道到好處，麵線本身好食，不論質地定係味道都係好味嘅。試過响其他地方食過太咸，原來麵線本身搓嘅時候已調好了麵線本身味道。但係呢度就無乜配菜，佢哋只係得炒蛋同啲啲🤏🏼芹菜😑，其他地方係有加咸肉切絲，有啲多魷魚之類，呢度嘅好齋囉，不過個人覺得都係好味嘅，但可以多啲配料就更加好🥹個百花炸大腸就無預期咁好食，其實兩者質感唔係咁夾嘅，但處理大腸都好乾淨。樓面姐姐好友善，好有人情味，有禮得嚟又風趣，整體來講好愉快，最重要係佢記得人客嘅小要求，例如係我點嘅麵線要走芝麻，到另一個樓面上菜時候，佢都唸唸有詞話走芝麻嘅🤨☝🏼；另一枱客人點蠔餅話要少油，🙄🤔阿姐話炸嘢都好難叫人少油㗎噃，但佢就好醒叫㕑房晾乾身啲先上碟，我regard呢啲叫有heart囉😄我叫可樂時就問我要罐定要樽裝，我眼碌碌look住佢⏳佢就講咗一句罐裝多過樽裝少少🤏🏼⋯⋯🫣好，罐裝啦😅你話呢位有點年紀嘅姐姐係咪冰雪聰明，善解人意😘…Read More

我响社交平台一個private group度見到有人post响呢度食嘅小籠包，好趣緻，每一隻有個小吊籠載住，於是問吓响邊度飲茶，原來就响荃灣區嘅泓景。咁啱今日拎架車去荃灣檢查，就响呢頭附近，所以預先上OpenRice 睇吓食評，睇吓啲相咁啦⋯⋯見到有彈有讚，抱着一試無妨嘅心態，於是就一試。Group友推介早茶同下午茶係超抵的，所以一坐低，就摷張早茶點心紙嚟睇，果然經濟。Group友又推薦鮮蝦腸粉同早茶碗粥，但因為得兩個人，所以二擇其一，揀咗鮮蝦腸粉，牛柏葉，綿花雞，老公想點燒賣，誤撞點咗乾蒸牛肉燒賣，仲有叉燒酥。我本身唔食酥皮嘢，點知叉燒酥竟然係第一碟送上來的，餓起上嚟乜都試，嗯⋯⋯一啖就停不了，佢好有heart，落單先焗，好新鮮鬆脆。接着是我期待嘅鮮蝦腸粉，皮薄又滑，蝦大大隻又爽口，豉油又自動default 咗係另上嘅，最啱一啲奄尖人，例如我老公😅其餘幾個點心，乾蒸牛肉燒賣，好香莞茜味，淮山綿花雞無特別，七彩牛柏葉就平平無奇，但值得一讚嘅係，不管綿花定係牛柏葉，都係切得企企理理大大件，無話係碎碎濕濕油膩膩咁嘅。至於侍應招呼，因第一次到，唔知邊個位大風，所以有走位，個侍應姐姐無話嫌煩，未坐定，已先後兩三個姐姐哥哥問開乜茶，又將啲食完嘅碗碟撤走，走時又講拜拜⋯⋯算係咁啦⋯⋯所以總括嚟講，呢餐茶係飲得愉快的。…Read More

驚喜食 - 平日去食係因為近，費事諗費事行就會去呢度食，尋晚唔知點解咁好食。第一次响呢度食北菇花膠扣鵝掌，花膠雖係碎膠咋咋地貨色，但焾得嚟不失少少爽脆口感，最重要佢掛到汁，鵝掌焾得嚟無茸茸爛爛，連底下埶煲嘅唐生菜🥬都係脆㗎。片皮鴨一向有食，今晚熱騰騰，留兩髀免斬，皮脆肉瘦，手揸住噬落去，好正喔🤤瘦叉瀨更不得了，啲瀨粉係透明噶，滑嘟嘟又無斷開一截截，放耐咗都唔會索晒啲湯焾晒，單食齋瀨我都開心😃呀⋯⋯仲有係叉燒瘦得嚟都無柴口，不過我下次都係叫番齋瀨，大碗啲😝…Read More

我個人寫食評的原則，是盡量值得讚方去寫，到了一些中伏的食店，我是不會花心思去寫篇劣評的，因為生意難做喔⋯⋯今天寫這篇，不盡都是讚，而是覺得如果可以某程度上改善一下，食品就更上一層樓了。如果店主不知道這些可以改進就太可惜。名符其實，此店主打鯛魚湯底食品，今次我點的是湯烏冬 - 蕃薯蚌虎蝦烏冬。買相不錯的(見圖)，和 Menu 中照片相比，真的很對版喔(少有的，一般標明相片只供作參考)。逐一評一評:1. 湯 - 👍🏻⭐️⭐️⭐️真的有魚味的 2. 烏冬 - 👍🏻⭐️⭐️⭐️質地和味道都是好的 ，份量足不欺場，配以青菜和木耳絲，兩者都很足料外，並無一般hea煮配菜的問題，平時最常見就是，菜不是太焾就是煮未透，這裏是煮得剛好的。以上兩點足以令$88的價錢已有回本的感覺，接著是要評一下配料，感到有點不足的。1. 那個蕃薯蚌，肉是肥美的，味道也鮮啊，但好可惜的是，有沙啊😖。每隻都已張開口，蚌肉下藏着可見的沙，很剎風景，喜歡吃貝殼類的人可以想像到那種失望。2. 至於那兩隻蝦，嗯，我不評分，只形容 - 蝦頭離身，黑黑的，殼是軟身黏肉，沒咱味道。結論是 : 烏冬和湯底都很不錯，配料留意改進一下，加上很有心機的外型，願意花這價錢吃的人一定排長龍喔。另有點了兩個小食，吉列蝦和米紙蟹箝，兩款都是炸物。吉列蝦 - 粉漿太厚，外面炸透決有燶，但粉漿內層仍是濕濕的，我對炸物沒太多硏究，但感覺不太對勁。米紙蟹箝 - 可能怕搶火易燶，起撈前沒用大火炸把油迫出來吧，有點油膩膩的感覺。環境方面是不錯的，那一區都是細間的式舖，根本不應該存有好寬敞舒適的寄望，但是地方是清潔骨子的，連洗手間我都探訪了，很乾淨，清潔姐姐👍🏻。…Read More