k.karis's Profile

之前一直都想試呢間但總係的唔起心肝去排隊今日終於冒死去拜會我哋 2 個人 平日夜晚 8 點左右到拎完飛大約喺門口排咗 45 分鐘環境 🟨🟨🟨⬜️⬜️有少少迫 而且唔算話好乾淨不過我哋覺得 ok 始終環境上冇 expect too much整體食物 🟦🟦🟦🟦⬜️因為我哋都差唔多 9 點可以入座有幾款餃子已經賣晒 / 唔夠 10 隻所以落單前要聽清楚店員嘅指示喔• 韮菜鮮肉餃 + 麻辣白菜鮮肉餃 • $54 雙拼十隻兩款都係店鋪招牌 我哋要咗湯餃餃子粒粒都超大超飽滿 好足餡(忍唔住隨手拎咗個樽蓋影咗下面張相做對比😂)個皮都算幾薄同滑韮菜同白菜完全唔老菜同肉嘅比例亦都唔錯麻辣唔算太辣 係 10 少辣 level湯係新鮮椰子鮮雞豬骨濃湯清清哋 唔會話好油飲得出真係新鮮煲 唔係味精嘢椰子味好出 不過就冇乜雞味配埋餃子 飲吓飲吓都差唔多飲哂• 芝士粟米鮮肉餃 + 香菇鮮肉餃 • $59 雙拼十隻呢兩款就要咗煎嘅因為皮薄 煎完個皮都唔會硬個芝士粟米鮮肉餃勁嘢堅有拉絲 加埋粟米幾有口感個人認為煎餃會好食過湯餃香菇鮮肉餃就 ok 啦 正常發揮小貼士: 店舖係可以網上平台先拎飛㗎可以早少少喺 app 度喺定飛就唔駛喺門口排咁耐…Read More

之前去開石塘咀經過頑石見到個 menu 好似幾正 價錢又合理就 bookmark 咗想嚟試吓今日即日 book 都 book 到環境 🟨🟨🟨⬜️⬜️小店唔係話好多枱個人覺得張枱坐得唔太舒服對腳會俾枱底果碌鐵柱頂住🫠環境乾淨 通風ok食完唔算話好臭整體食物 🟦🟦🟦🟦⬜️叫咗一個澳洲 M9 一個 A4和牛試吓有咩分別兩份都係石板燒溫度保持得好穩定又可以自己控制牛嘅生熟度• 澳洲 M9 和牛牛臀肉蓋 • $188牛臀肉一向好適合用嚟燒 所以想試睇落唔算話好多油脂但係燒起嚟會迫咗d油出嚟 好 juicy• A4 黑毛和牛厚切三角腩片 • $168油脂分佈好均衡 色澤較上面澳洲果款紅嫩我哋鐘意燒到大約5成熟肉質好嫩滑• 溫泉蛋紫菜飯 • +$38 轉套餐再 +$10日本蛋就唔駛講啦配埋牛牛超夾 紫菜又好多呢個非常推薦 一定要加呀…Read More

第一次嚟可能因為閒日 再加上我哋8點半先到得到幸運之神眷顧 唔使排隊😛環境 🟨🟨🟨🟨⬜️話明小店 位係得好少嘅只有兩張4人枱 兩張2人枱side bet多兩個bar枱位今日只有2位店員執枱翻枱係有少少慢嘅 但都算合理的 而且乾淨餐廳擺咗好多卡通擺設尤其多蠟筆小新 有d幾cute😂整體食物 🟦🟦🟦🟦⬜️• 慢煮肉眼牛丼 大盛 • $135難得嚟到 直接叫個大盛！真係好多片牛呢個價錢真係算超高質重牛味 唔un好軟淋淋 個生熟度啱啱好個飯自帶日本生蛋🥚 卟一聲吉穿佢撈埋個有醬汁嘅飯再加埋有少少乳酪醬就算大盛咁多牛都唔會覺得lau好開胃好清新另外值得一提嘅係我俾個飯嘅翠玉瓜同粟米驚艷到超香牛油味 好好好好食！• 壽喜燒牛丼 • $50可能因為嚟嘅時候已經8點幾menu 上有幾款已經冇唒就叫咗個壽喜燒牛丼呢個就冇乜特別 冇乜驚喜會建議試其他飯🫢• 北海道牛乳蛋卷 • $14食到飽飽硬係要嚟個飯後甜品先完滿食得出好香北海道牛奶味 蛋糕質地濕潤 唔會好乾而且佢個size啱啱好細細個食完唔駛飽到嘔😂小貼士:小盛 並盛 大盛飯嘅份量是一樣的喲分別只係🐮嘅多少呢個 menu 都有寫㗎😌…Read More

會食呢間 純粹因為趕時間而呢間可以直入果然中伏😂環境 🟨🟨🟨⬜️⬜️to be fair 入面環境係唔差嘅唔會話好迫夾裝修都 ok櫈下面仲有籃仔可以擺袋整體食物 🟦🟦⬜️⬜️⬜️中伏純粹係因為食物同咖啡• Apple Crumble • $45正正常常囉不過 Apple Crumble 都好難整得難食啦係咪？問題係超細個 真係細得好過分絕對唔值 $45• 冧酒提子芝士蛋糕 • $68完全食唔到有冧酒味 同原味冇分別提子就成舊蛋糕先得兩粒冇錯 即係話佢比原味芝士蛋糕真係只係多咗兩粒提子咁大把咁點解我要因為果兩粒提子俾多$10? 🤨$68 仲要又係細細件都係絕對唔值(唔值因為真係唔好食…🙂‍↔️)• 咖啡 • $75見到大家之前都好多負評不過見餐廳叫得自己做 Coffee Matters都係想親身試試佢 俾個機會一嚟見到 menu 有 single origin就叫咗個 guatamala 手沖(心諗 guatamala 不嬲我都鐘意衰極應該有個譜吖)點知個咖啡嚟到咦 點解可以完全冇咖啡香味嘅得個酸字🤷🏿‍♀️🤷🏿‍♀️🤷🏿‍♀️(唔好介意d相全部都食咗幾啖先影因為本身其實唔記得影相係越食越覺得唔對路覺得要寫負評所以先補影🙇🏿‍♀️)其實我真係好少會俾負評呢間真係可一不可再🤦🏿‍♀️…Read More

位置 🟪🟪🟪🟪⬜️喺太安樓入面 第三街好易搵 一眼就 spot 到環境 🟨🟨🟨⬜️⬜️餐廳唔算大 門口有兩張用 skateboard 整嘅櫈 俾人等位有得坐入面4人長方枱 & 2人圓枱各4張4人枱還好 2人圓枱就稍為細咗d喇餐廳中間有個 area 寄賣寵物零食👍🏿整體食物 🟦🟦🟦🟦⬜️• 竹炭美國小牛柳吐司 • $128睇到餐廳d宣傳相已經好想食驚喜嘅係 真身同相完美還原沒！有！照！騙！個小牛柳好高質 舊舊煎到5成熟🥩中間仲係粒紅色 好juicy 好嫩加埋個酸酸地嘅bbq sauce令到個吐司就算啖啖肉都唔會好 lau / 好油個飽烘得乾身 脆脆地成個吐司好厚 (因為有小牛柳份量超多😎)但係出奇地唔會食到好論盡睇得出係5星嘅心機之作❗️• 蘋果木煙薰黃立䱽配薯條 • $108一上枱超香蘋果木味個魚炸得好嫩 唔重炸粉但係對比起個小牛柳吐司就冇乜驚喜了正常水平 合理薯條可以轉番薯條 脆 熱 (是基本😂)感覺呢個餐未必係餐廳嘅 best 如果唔係特別喜愛蘋果木煙薰嘅話不妨試試其他• vanilla milkshake • 跟餐 $45少少貴 因為唔算大杯係較甜嘅 milkshake不過我自己鐘意食甜 所以覺得 ok …Read More

當日7點左右到 唔駛等位就入到下晝有打過電話去餐廳諗住book枱但係店員話即日得返walk-in了再遲少少到應該就要等位位置 🟪🟪🟪🟪⬜️個人覺得大角咀本身就唔係一個非常方便嘅區不過餐廳轉角嘅埃華街就有一行咪錶位揸車算係幾方便(等唔等到錶位就靠彩數了畢竟果兩條街好多餐廳 好多人等錶位😮‍💨)環境 🟨🟨🟨🟨⬜️餐廳都算幾mimick到韓式大排檔嘅感覺座位係韓國果種鐵桶櫈可以打開擺袋擺褸 冇咁擔心吸味問題而且餐廳冷氣通風都幾唔錯食完都唔會話好臭整體食物 🟦🟦🟦🟦🟦• 招牌醬油蟹拼盤 配 紫菜拌飯 • $298拼盤有一隻醬油蟹 + 4隻醬油蝦非常新鮮！肥美！多膏！連蝦頭都好多膏(👇🏿見唔見到d橙紅色嘅膏喺個蝦頭嘅殼度有白裡透紅嘅感覺😂)而且醬油味夠濃得嚟 就咁食唔撈飯都唔會太咸係略嫌個紫菜拌飯可以再香口d• 鐵板燒濟洲黑毛豬配生菜 • $188店員會有小教學 話四邊燒到金黃就食得唔駛燒好耐㗎咋冇得較火侯 燒太耐好似燶呢個同樣好高質好推薦黑毛豬嘅肥瘦分配好適中唔會話放入口成口油 / 好重油味配埋生菜同醬汁好惹味個人喜愛加埋蒜片😌但係$188得7舊 略貴• 新沙洞炸雞半份 蒜蓉醬油味 • $95佢半份嘅份量比我想像中多 有8大舊兩個人食 好驚食唔唒炸起個皮仲好脆 醬料都好夠雞每舊都好大舊 但係唔太入味同埋都唔算嫩只可以俾 ok，唔係必食…Read More

今日試咗紅磡呢間 bagel 小店🥯位置 🟪🟪🟪⬜️⬜️其實都唔算難搵鋪頭喺一條小巷仔入面距離土瓜灣地鐵站大約 5-10 分鐘不過夏天行就有d攞你命3000尤其成段路都冇遮冇掩冇風😂環境 🟨🟨🟨🟨⬜️室內只有兩張4人枱 + 兩個bar枱位夏天要坐室內就真係睇你好唔好彩喇我哋係星期日下晝去坐咗45分鐘左右 都keep住有人入嚟而室外就有兩張4人枱配露營櫈可以帶埋毛孩嚟 chill chill 🐶美中不足嘅係店舖室外種咗好多唔同植物不過可能冇乜點打理做唔到巷仔內世外桃源嘅感覺食物 🟦🟦🟦🟦⬜️bagel 嘅選擇多到令人揀唔到！menu 密密麻麻寫唒喺牆要讚嘅係每款 bagel 有咩餡同配料都寫唒出嚟偏食寶寶可以望住揀如果有咩要走 都可以話俾店員知(例如洋蔥 火箭菜)除咗要揀咩餡嘅 bagel仲要揀包包bagel 包係鋪頭自家製作 有唔同款我哋今次揀咗一個酸種 一個酸種全麥(其實焙茶味都好想試😛)• 芋泥肉鬆麻糬 bagel •好！足！料！好多芋泥同肉鬆肉鬆多到會跌唒出嚟😂連麻糬都超過 1cm 厚仲有得拉絲口感極好！• 泡菜肥牛芝士 bagel •同樣好足料 好多牛肉芝士係 cheddar cheese + cream cheese流流哋嘅質感(絕對唔係麥當當漢堡包果d就咁一塊)個芝士配埋果層滑蛋 好正😌泡菜 牛肉 芝士 滑蛋呢個組合冇得輸• 桂花酒釀 latte •幾特別 唔係周圍都有飲落去啖啖都有料酒釀味好足桂花味就唔算好重都 ok 值得一試嘅(左邊果杯)小貼士: 店員會將每個 bagel 切開一半有選擇困難症嘅記住同 friend 子 share 食喔☺️…Read More

收工想搵d嘢食完先返屋企本身見到門面好似要坐街邊又好似冇乜人咁對呢間都冇乜太大期望估唔到有驚喜❗️環境 🟨🟨🟨⬜️⬜️7點左右嚟到 得一枱有人望到好似要街邊咁原來入面有室內冷氣房一坐低咗冇耐就開始陸續有人喇多人嘅話係有d嘈嘅 整體食物 🟦🟦🟦🟦⬜️• 牛油蒜香雞翼 • (🤩)呢碟我會形容為今餐嘅重點一上枱已經超級香咬落去好熱好熱明顯係新鮮炸超！級！鬆！脆！唔似一般炸雞翼咁多粉咁硬真心係必點之選！小貼士: menu 上面寫$78/8隻不過如果食唔晒係可以嗌半份 4 隻嘅😎• 涼拌牛肉 • (😌)牛肉好嫩身 都好足料有少少似泰式鳳爪果個汁不過再杰少少酸酸辣辣 又唔係話太辣好醒胃• 馬拉盞鐵板通菜 • (😶)與其話係鐵板 話係一個大鐵碗好似啱d成餐飯個菜都keep到個溫度 熱辣辣不過馬拉盞味唔算話好出 不過不失• 香葉肉碎炒飯 • (🤨)呢個唔係好啱我哋口味同出面食開嘅香葉肉碎炒飯唔一樣唔算香 而且冇乜見過有肉碎同香葉程度係直頭要同餐廳確認有冇上錯菜只可以形容佢為: 一個炒飯🤷🏿‍♀️• 菠蘿蜜冰 •以為係普通菠蘿點知原來係大樹菠蘿甜甜哋 幾好飲其實 menu 仲有好多嘢都想試明爐烏頭啦，串串啦，燒蝦啦，咖哩炒蜆啦…下次可以再嚟試 (⁎⁍̴̛ᴗ⁍̴̛⁎)…Read More