zzy93120's Profile

大失所望的餐廳首先食物質素差劣。我們一行10人點了幾乎餐牌上所有的食物一開始上嘅幾款還正常，但去到後來六至七款食物十分重口味，鹹到不得了，特別係水牛城藍芝士雞翼完全係食一淡落去就係一啖鹽嘅感覺，其餘嘅菜式，例如牛頰意粉或者係龍蝦汁飯一樣有咁嘅感覺。其次餐廳嘅侍應十分冷漠。我們一行10人但只得一支又細又長嘅玻璃水樽水自行斟水、因為食到食物過鹹而需要大量飲水，但枝水五個人就已經斟晒，多次要求兩位侍應加水或者比多一支水我哋枱。但係待應黑晒面寸嘴咁講一張枱只可以有一支水，仲要呢間鋪係收10%嘅服務費，去到後來食物已經上枱，因為我哋位處2樓完全係冇任何嘅服務。返到屋企睇到open rice, 講到食物好坐得舒服純白裝修復古又岩打卡之類，其實都係水泥地，上層白油，樓梯窄又擺雜物，放幾個cushion 係到，希望大家唔好中伏…Read More

之前試過中環一起食堂嘅醉雞麵覺得好唔錯，係觀塘返工之後發現原來呢頭都有一間，打算再試下其他菜式。呢日中午點咗冬季限定嘅三杯雞飯，點知大失所望。成個餐份量正常，最大敗筆係調味。雞肉只有鹹味，麻油米酒嘅味道全無，連九層塔都係放係雞肉上面點綴用，雞肉完全無半點香味。成餐唯有不停飲水，撈埋白飯食完咗。而白飯亦都偏軟爛，無咩口感。觀塘分店比較大，坐嘅位置比較多比較闊落，午飯時間都幾多人嘈吵，上餐算幾快，人手夠，服務都唔錯。總括來說都會再比機會佢嘅，希望下次試吓其他菜式唔會伏啦。…Read More

東廣場內食肆選擇多，豐儉由人。我每周一都會選擇幫襯素食譜，腸胃負擔輕鬆啲又健康啲。幾乎每次都會選擇三餸車仔麵，可以選擇湯底（冬陰功加6蚊），麵底（菠菜麵，太陽麵，淮山麵等），同十幾款餸菜。份量唔算多，細食女仔應該啱啱好。車仔麵普通湯底你味噌湯，相當唔錯，唔會有太濃豆澀味，亦唔會太鹹，通常一上菜我都會先飲一啖湯，潤潤喉。麵我通常揀菠菜麵，見到舖頭嘅淮山麵選用壽桃牌，下次可以一試。餸菜方面我十分推薦紫豆卷，剛上菜時，有少少脆，豆皮包裹住紫菜，十分香口；浸透咗湯汁嘅時候口感亦十分飽滿濃郁。至於其他餸菜，我會隨機選擇蓮藕，秋葵，蘿蔔等等，味道正常，唯獨有時每件份量切得太大，唔方便食用。午餐仲有其他飯餐選擇，素叉燒南瓜飯，五行飯等等，味道都唔錯，仲包埋一碗熱湯，比較飽肚。整體來講，小店質素唔錯，如果想食得清新，不妨一試。…Read More

周末與友人在K11 Musea 看完電影，兩人饑腸轆轆決定在商場內解決。每次在超市見到Kiki 麵要價不菲，每包麵5個麵底盛惠$68，我就不禁想到底這台灣來的麵有甚麼過人之處呢，今日經過且來一試。Kiki 麵的菜單品項豐富，既可單叫特色飯或麵，亦可選套餐，當中包括一主食一小食和一指定飲品。友人單叫一炸雞扒飯，而我則點了一湯麵麵套餐（$148 + $18 特飲）。- 黑白麻油雞湯麵點餐時以為像上海嫩雞煨麵那樣只有雞肉粒，誰是上餐時有整整一隻雞髀，十分驚喜。湯底麻香四溢卻不會太油膩，雞髀十分嫩滑，反倒是麵底吃不出甚麼特別，整體而言已是相當滿意了。- 蒜片台式腸味道無甚特別，分量略少- 檸檬愛玉冬瓜茶叫了少甜少冰，味道剛剛好，檸檬的酸和冬瓜茶的甜結合，相當清新，愛玉分量略少推薦指數：⭐️⭐️⭐️⭐️…Read More

位於中環威靈頓街的立体派拉麵，位置有別於一般地舖，需在大廈旁的樓梯向下望才見到燈牌，樓梯還立著私人地方閒人免進的牌牌，為這間日本拉麵店增添一分神秘感。周未的下午5點，店內只有三名孤獨的客人。店內播著抒情的日文歌，一名店員輕聲地招待客人，另一名則在角落的桌子處理文件。店內清一色白楊木桌椅，配以灰色水泥牆和黑色的框架線條。明亮的黃色燈泡全都亮著，照著牆上色彩分明的幾何圖案畫，整體風格溫馨又不失個性。- [ ] 醬油清湯拉麵($88)湯頭味道不會過濃過鹹，反而有一絲清甜配上拉麵剛剛好。叉燒薄薄一大片，無甚特別，最讓人驚喜的是荀，柔軟鹹香，十分開胃。- [ ] 名古屋風雞翼($48)雞翼新鮮炸起，上面灑了彩色芝麻十分誘人，一口咬下去肉質嫩滑，然而味道過鹹，雖只有四隻，仍讓人吃完大喝清水。…Read More

好耐之前食過覺得都ok係份量少啲，但最近再食真係唔會再想黎。中午時分一個人叫咗lunch set 炸雞髀粿條套餐，好快上餐而且份量唔細，有湯有小菜，以為有驚喜。點知成個餐都係死鹹，炸雞髀鹹啲都情有可原，加咗肉燥嘅粿條湯底完完只得鹹味，一啲其他高湯嘅鮮甜都冇。小菜一樣，食完滿口大蒜味。食完成個晏晝狂飲水，真係唔推薦。午飯時間仲好多人係出面等，環境好逼好嘈，手機點餐只係有lunch set ，整體來講十分失望。…Read More