dizzysoap's Profile

成日想食素都好難搵到平靚正素食路過都會置富canteen 有全素餐廳即刻想試試叫三送靚女職員自動已經送多個餸最後好多野食重點 味道岩岩好 唔油膩 送果個例湯好好飲 （酸齋甜齋南瓜素菜粉絲）…Read More

作為一個月巴好，晚上要戒飯，戒絕一齊邪惡澱粉質。行左成個路德圍都無野啱食(淨係得扒扒扒)，差啲心灰意冷，想買餸食自己。見到焗廚有得食沙律，二話不說就搵位。38蚊泰式沙律+每加8蚊可加一餸(雞扒，雞翼或煙鴨胸)。我為求有得食，無咩期望，點知佢好好食。甜甜既泰式醋，加好多切到細細粒脆口既蔬菜(蕃茄，洋蔥，紫椰菜，生菜絲，洋蔥粒，蘿蔔粒等等)，大大件香煎既雞扒鴨胸。咁既價錢，咁既水準，收貨。…Read More

為左食，你可以去到幾盡？話說，係好耐好耐以前，每日放學，我都會係牛下的食肆打躉，等爸媽收工回家。粥鋪，何興記，沙爹牛面，真知味鹵水腸頭，仲有佢。。。源發。源發，出名蝴蝶腩，即係唔咪牛，但係又好好味既豬肉。以前係源發的牆壁餐牌，你唔會見到有牛字。而家，以前佢只係賣粉面，而家有賣埋飯，唔知有無堅持唔賣牛呢～言歸正傳，我仍然堅持我的至愛-魚餃河。先講河粉，仍然是香滑可口，湯頭唔淡，但係當然要加我的調味三寶:魚露，醋，同辣椒油。比例，1:3:著量。魚餃，應該係全港最好味既魚餃，有五大隻，皮薄餡靚。盛惠23蚊。唔記得講，湯入面係有好多芽菜，perfect。佢地既唯一缺點，就係我既第一句。位置好遠，好格涉。大熱天時，我由公司行左兩個字先去到，為左食，你可以去到幾盡？講個秘密俾你知，何興記，牛下真滋味，源發，是同一家族出品。…Read More