大力士加冰's Profile

一向都鍾意食兩姊妹嘅擔擔麵，反而涼皮我就麻麻，一向都唔太鍾意爽滑嘅口感，涼粉啫喱通通怕怕。佢個擔擔麵味道係我食過數一數二，但始終喺太子果時得外賣，買到返屋企啲麵會變成一pat，企喺舖旁食又多車要食塵。搬咗嚟旺角舖之後，都起碼食咗六七次，每次都係食佢個擔擔麵，味道次次都一樣好味。有堂食之後，我覺得佢哋嘅擔擔麵再升咗lv，每次隻碗出到嚟都係辣手，食到尾果撮麵都仲係熱嘅，佢哋應該有慶過隻碗？🤯🤯平時食成百蚊碗拉麵，師傅烚過隻碗我覺得係理所當然，但哩度碗麵先賣梗三十幾蚊，店主都肯注重哩個些微細節，可見佢對出品都頗執著。個個都踩香港飲食業，話要北上消費，我偏偏鍾意留港繼續發掘小店，有心做嘅小店當然要多多支持。哩間嘢除咗食物好之後，店員都好熱心同有禮貌，見我有個背囊會主動俾張櫈我擺袋。今時今日，去邊度搵？…Read More

今晚喺外賣平台嗌咗4樣嘢：- 柚子沙律- 香葉牛肉炒河- 鹽烤烏頭- 芒果糯米飯先講柚子沙律，蝦、柚子正常，新鮮，但冇汁，食咁多次泰菜，從未試過冇汁嘅柚子沙律。哩道菜仲可以接受，因為柚子同沙律本先可以就咁食。然後到香葉牛肉炒河，見其他食評話炒河唔油，今晚又想食鑊氣嘢。點知個炒河鑊氣欠奉，但就超油。調味正常，但全兜嘢好似廚餘咁，河粉碎，紅蘿蔔唔新鮮有啲好似爛咗，一路食一路覺得噁心。烤烏頭，一揭開塊皮見到出晒煙，原本以為好好食，點知食落似煲湯瘦肉好柴，亦因為over-cooked，冇晒魚味，食食下發現內臟都冇清，真心好核突。 芒果糯米飯，乜味都冇，芒果淋到霉。全部食物食咗一半都冇，嘥錢之餘嘥埋等候時間。…Read More

住在附近，見這間家樂美有新老闆頂手，我懷著期盼心情嘗試，點知失望而回。午餐有咖喱牛腩飯、星洲炒米、蔥油豬扒飯，但我今天不想吃牛肉，看見餐牌寫著金牌咖喱，就試試吧！回到家吃才知出事！豬扒係大份嘅，飯係夠多嘅！但點解咖喱豬扒飯個飯會有咁多豉油呢？食食下，豬扒上面點解會有蔥🧐🧐，諗一諗，應該係整錯咗蔥油豬扒飯，再求其淋啲咖喱汁上面，係啲咖喱汁！因為真係得好少汁！疫情期間，飲食業都好難過，就係難過先更加要做好出品。我知，茶餐廳唔應該有咁多要求，唔好食一件事，但貨不對辦係另一件事。…Read More

早一兩個月，因為個石磨引發好奇，走埋去幫襯.. 嗌咗個叉燒腸粉，唔夠一分鐘就上菜.. 叉燒係叉燒碎，冇咩叉燒味.. 個腸粉皮好脆，好似食梗薄少少嘅大菜糕咁.. 絕對唔係我想像中嘅腸粉質感.. 仲有個䇜汁，難食之最！冇味，個杰度同個腸粉完全唔夾！仲有，真係非常唔環保！見到啲發泡膠碟真係好心痛！香港政府幾時先會立法唔再俾發泡膠出現？又或者至少立例堂食唔可以用即棄餐具呢？宜家深水埗越開越多哩啲石磨低質腸粉，冇眼睇！…Read More

先講環境，成間舖好暗，好污糟！除咗張枱、櫈、地下，周圍全部都係塵！電線係塵，喇叭係塵，總之見到嘅嘢都係塵！嗌咗個燒菠蘿雞腿漢堡，個醬嘅味道還牀，但塊雞扒炸到好燶！👉🏾👈🏼比深色手指更加深色，食落去每一啖都覺得會刮損個喉嚨咁！跟餐個薯條吸晒啲油益味，估計啲油好舊，好污糟！總括嚟講，好！污！糟！任何一間街邊小店都比佢乾淨！究竟店主同店員係幾無心機先會令一間原本咁出名嘅漢堡店攪到一塌糊塗呢？？？如果環境同衛可以俾負分，我一定俾-100000000分！…Read More

原本碗麵賣相極佳，但由於太肚餓關係，我決定自己食先，再俾部相機食... 常說簡單的菜式最難做得好，我理解為無遮無掩神仙都難變.. 陽春麵就是其中一道簡單菜式，只有湯、麵、菜，要做出來很容易，但要做得出色卻很難.. 所以一碗好陽春麵十分難求..看看這碗陽春麵的湯頭色澤，一上枱已感受到那份誠意.. 旁邊的糖醋排骨，炸得剛好，好吃的炸肉一定要入口爆肉汁.. 炸好的排骨再淋上糖醋.. 每一口我都在研究裏面除了糖和醋還有什麼，不敢肯定，但我估應該係山楂... 埋單時，我忍唔住講左句：'喂！好好食喎！' 阿姐話：'好食介紹俾多啲人食啦！'講真，哩個年代俾$49 ，食到一碗咁有誠意的糖醋排骨麵，去邊度搵？食麵時，見到對面的嫰雞餵麵奶白色湯頭，差點問她可不可以讓我試一口... 下次回來試這個！加油呀你們！…Read More

星期一下午二時的BRICKLANE GALLERY 很悠閒, 整家餐廳就只有我們.第二次光臨還是有點期待, 還記得上次食物很有質素, 對他們的hollandaise sauce 還念念不忘.我一向對all day breakfast 沒太大興趣, 即使以前在英國逗留了兩年多, 也只吃過兩三次all day breakfast.說真的, 煎蛋, 薯餅, 茄汁豆, 煎腸, 煙肉等等, 能有多好吃?說穿了all day breakfast 是一種生活品味, 感覺的享受多過美食的享受吧?Mango colada 跟berries smoothies: 先點飲品再慢慢想一下吃什麼, 兩杯味道都麻麻, 冰粒太多, 不夠甜, 味道的平衡不太好..Egg Benedict with Parma Ham:來到這個令我再回來的egg benedict, 今次的hollandaise sauce 有點太咸, 而且一點都不香, 整件東西都不夠熱, 有點失望. :(Cheesy fry: 薯條炸過頭了, 有一部份炸到像餅乾. 這道菜最好一上來便全部人搶來吃, 因為凍了之後, 芝士凝固成一塊塊, 不太過癮..Bruschetta: 這簡單的小食反而最出色, 法包多士上面放一塊火箭菜, 煙三文魚碎, 蕃茄粒, 紅洋蔥, 羅勒, 橄欖油.. 羅勒跟蕃茄是永遠的好朋友, 加少許橄欖油整塊多士味道提升了不少..!未試過BRICKLANE 的朋友可以一試. 短期內, 我未必會再幫襯了, 因為食物質素下降了不少, 但味道還是可以的, 未至於難吃..…Read More

由於工作關係, 常常會經過這家半新的拉麵屋，今天偷懶跟友人齊齊食個下午茶。甫一進去，店員便齊聲的說句歡迎光臨（當然是日文版）挺有士氣的。友人嗜辣，二話不說便點了個赤天王。而我便選了最基本的白天王，天口熱不想吃太濃。我們看著點餐紙以為蛋呀叉燒呀都要另外點, 所以我們便剔呀剔。幸好店員老實, 跟我們說基本的配料都包括在拉麵內。等了一會, 拉麵便送到。先嚐一口白天王的湯。唔。。。味道有點複雜, 我不會說這是很有層次, 反而覺得味道有點混濁。叉燒可以肥美一點更好, 當然啦, 這只是個人喜好。赤天王用的辣椒粉很香, 辣勁不錯, 值得一試。溏心蛋做得很不錯, 而且蛋的質素也不錯。今時今日, 一碗拉麵$80有找, 算抵食。拉麵FANS 不妨一試!…Read More

抱歉！honey granny, 我不得不給你們一個劣評！雪糕份量是小得很很很可憐，$35一杯雪糕連筒，雖說賣點和成本最高的都放在蜂巢，但我真的很不滿足。很可能店主覺得份量小，看起來會比較矜貴; 但雪糕真的很少, 脆筒很大, 看起來很小家,。吃的時候在盛夏，跑出店外，雪糕溶化速度比我的汗流得還快。縱使店家解釋說雪糕只由牛奶造成，沒有加入添加劑云云，所以溶得特別快。但我覺得只是你們的食譜不好，所以才有這種錯體雪糕出現。蜂巢便沒有什麼好評論，份量適中，吃蜂巢尤如嚼蠟這是意料中事，和店家無關。最近，其他地區開了很多特色雪糕店，這家不試也罷！而且紅磡還有很多其他美食，留肚吃其他東西好過！…Read More

很喜歡大澳這地方，在這裏，我們看不到連鎖店，有的就只有小店，每一間都各有特色。很多人都覺得大澳的食物不便宜，我也有同感，始終他們不用交貴租，也不用擔憂最低工資。不過人家好天斬埋落雨柴，打風落雨太熱太凍都沒有遊客，價錢貴一點是可以理解的。蘇蘆這家咖啡店很有特色，坐在它的"露台"就像身處武俠小說裏頭的江南河畔小棧，對面的水上屋加上漁家的小船相映成趣，在香港這石屎森林，這咖啡店簡直是瑰寶。當天我們order 了shakerato 和ice drop coffee, shakerato 很好喝，很易入口，驟眼看，像極黑啤。icedropcoffee, 店員吩咐先喝一啖水，清一下味蕾，喝完半杯很再加糖漬橙皮絲，加了橙皮絲後，整杯咖啡的層次提升不少，有點像雞尾酒的味道配搭。四十多元一杯咖啡當然不便宜，但手造咖啡加上這優美環境，四十多元換來一個悠閒下午其實物超所值。傍晚時份，我們驚見鄰枱的洋人在吃海鮮和炒飯，好奇心驅使下，我便問店員這些食物的來源。就是這份八卦讓她面有難色(不是黑面, 只是不知道怎樣回答我這八卦人)，也許這是商業秘密吧。細看餐牌下，不難發現菜色是附近某餐廳的食物，本來我們便想吃這家餐廳的食物。反正懶得動，又被這裏的優美風景和涼風吸引著，我們便留下來吃晚飯。大澳名物 --- 鹹香荷葉籠仔飯($118) ，蝦醬鹹魚蝦乾土魷蒸出來的飯加上荷葉墊底根本無得輸，本來一早跟店員說要預備飯盒打包，但實在好吃，我們兩個人三扒兩撥便吃清光。香煎墨魚餅($98) 很足料，啖啖墨魚肉，非常彈牙。總括來說, 蘇廬是一個好地方, 要酒有酒, 要咖啡有咖啡, 要蛋糕有蛋糕. 時下秋天, 絕對值得過來享受一下大澳的悠閒.…Read More

大澳舊警署文物酒店Tai O Lookout悠閒的下午茶早一天訂好酒店，遊歷一下龍咁威的拍攝地 lol.. 從東涌出發，坐50分鐘巴士便到達這碩果僅存的香港小漁村。資料顯示由巴士站步行20分鐘便到達酒店，但由於抵步時是下午一時多，太陽伯伯還在辛勞工作，所以我們決定坐船入去。Check-in 放低行李後，我們便到Lookout 吃個下午茶。環境的確很好，坐在窗邊，外面的風景讓我們忘記了自己身在香港。由於我們之後還有很多東西要吃，所以我們只點了蝦醬雞翼和公司三文治。女侍應很細心，她聽到我們想吃薯角，替我們落單後，她竟然跑回來問我們要不要將跟三文治的薯條轉為薯角，我們當然欣然接受啦！蝦醬雞翼 -- 很香，但有點油膩，可能炸雞翼的油不夠熱吧。。再加上蝦醬沙律醬，連我這雞翼狂迷也受不了，吃了兩隻後便覺得非常膩。公司三文治 -- 沒有什麼特別，但伴碟的薯角卻好好味。環境很很很不錯，海景加三角玻璃屋頂，讓人感覺懶洋洋很舒服，食物比較一般。總括而言，這裏還是值得到訪的。忘了記下價錢, 大澳的東西普遍比其他離島貴, 而LOOKOUT 的價位跟巿面酒店差不多, 食物的性價比見仁見智. 但這價錢可以換來寧靜下午茶加無敵大海景是絕對值得的.…Read More