anson.wsp's Profile

見番舊朋友，大力推薦呢間車仔麵，於是特地嚟試一試。真心唔失望！佢哋嘅湯底好濃郁，飲落暖胃又順喉。麵質彈牙，我揀咗三款餸：牛腩、牛筯同魚蛋，幾鍾意牛筯。$60三餸連一樽凍奶茶，價錢唔平但食落有驚喜！番到office打開個麵竟然有瑤柱，個湯仲要幾好飲唔係劣味精。凍奶茶香濃順滑，茶味夠重，唔會太甜。服務員態度親切，落單同上菜都好快。整體嚟講，呢間車仔麵真是一個唔錯嘅選擇，今時今日$60食個晏其實選擇都唔少，但好食用心制作真心唔多，值得一試！…Read More

款式多味道唔錯熟食嘅種類比較多，咖喱比較好食，黃咖喱同青咖喱都唔錯，青咖喱就甜咗少少，跟住水煮魚都唔錯。特別係甜品會比較多款式，都多種類好食既都算多。有Häagen-Dazs雪糕，四款可以揀。可能因為lunch buffet嘅關係刺身得四款三文魚，鯖魚包片仲有個唔知咩魚，我唔食嘅壽司。至於海鮮就得蝦青口同埋蜆全部都好淡，佢又好似唔算唔新鮮，但係唔知點解個味道就好淡，淡到好似無味咁樣連啲生蠔都係一樣。 因為慶祝父母嘅生日，而佢哋本身又係諗住大擦海鮮龍蝦長腳蟹麵包蟹，嗰啲唔單止冇，而且基本嘅蝦青口蜆都好淡味，所以佢哋食得唔happy。但我又唔係好好海鮮同生冷嘢，所以我覺得已熟食嚟計都好OK…Read More