VCWC's Profile

今日又黎少食多餐，突然好食想饅頭豆漿，又驚唔夠飽叫多個煎餃子。佢地做嘅黑豆漿好滑隔曬渣，唔會飲到有粉粒。hot豆漿同饅頭真係好夾，如果佢做埋炸饅頭就好啦，即係上海舖嘅炸銀絲卷。煎餃子就無特別，好明顯係入貨，好似日本餃子味道。…Read More

舖頭細細只有外賣，做到非一般水準！惹味蕃茄咖哩好好送飯，雞扒都有兩塊。份量屬輕食餐，對女士黎講啱啱好！👍大愛佢嘅印度香草奶茶👍。但今次太多冰，可能重手左……杯內有5粒冰再加四粒一大舊冰，好在早發現，唔係淡曬。建議5粒正常冰夠曬。…Read More

率之第一次食，放工夜晚9點到唔洗等位。叫左原味少辣安東雞半隻$148，味濃一開始食好似鹵水汁越食越辣都幾好味，內有好索汁嘅青瓜、紅蘿蔔、薯仔、（河粉)。淨係碟雞值回票價。👍泡兵煱嘅泡菜湯同個麵好正，但唔值$88。個麵一個出前一丁分量都無，其他湯料如菜、菇、腸仔分量勁少。👎叫多個肉，燒肉菜包（唔記得個名)食時一定要+埋碟邊蒜、薑蓉、辣醬一齊食，如果唔係無乜味道👎。我將佢好似食韓燒咁用手食，但一路食一路滴汁好論盡，用筷子食算吧。好似$68。最後梗係飲返杯啦，黎兩杯Dry 啤梨&Dry啤柚子，一路食一路飲，只飲到啤酒同冰水，攪到一肚冰水頂住個胃，慘😢。無生果味，飲到底才吸到無味生果渣。明明係用柚子茶嗰類果醬但唔明點解嗰d渣咁乾身無味。整體大約$50一杯，淨飲啤酒仲爽！👎相比red chicken嗰杯真係差得遠。總結：淨食雞ok…Read More

一直都食Mana! 做lunch，有時連放工都會同素食friend黎。但近排發現見開嗰班員工轉曬生面口，唔通連廚師都轉埋？！我食開small size salad 藜麥Quino, kale, 新mix green必食，另有個新mix spinach入面有我唔食嘅薄荷葉所以食過一次唔會再揀。但我至愛嘅roasted veggies 變左要+$12 😱， 加$無所謂但唔知係咪轉左廚師，賣相相當唔掂😠，食落更加唔得 😠翠玉瓜、矮瓜焗到林曬😨、南瓜唔知去左邊度😠，同之前有咬口嗰種焗法差太遠，唉……咁仲要+$ ?!另外嗰兜係+$ 嘅hummus & slow dried tomatoes，唉 slow dried tomatoes都出事 😨焗得乾過頭！變左乾果，之前係有汁好香……Mana! 攪乜呀？！…Read More

上星期六襯荔園開幕第二日即刻去買小忌廉杯。今日真係曬到溶左……😵😵暈陀陀問收銀個女仔三個紀念杯餐邊個最好食，佢話未食過，咁唯有叫左個最隱陣嘅薑汁牛肉飯餐$180 另+藍莓smoothies 。唔知點解睇住個好似係話事人嘅女人雞手鴨腳咁一邊睇住客人買左食物嘅飛一邊教旁邊又係雞手鴨腳嘅新人，佢地好似睇唔明張機單上面寫咩，我忍無可忍開口講我買左咩食……嗰刻我已經feel到唔對路，應該好食有限……好在我有帶風扇仔，企喺度望住佢地雞手鴨腳足足十分鐘。等到啦，揾個位映張映相先。嘩！！！ 薑汁牛肉飯真係難食到無得頂 😨😨😨牛肉齋滾鞋到爆，個薑汁好傑一pat嘢，完全唔match。睇住個製作過程，一包包急凍切片「肥牛」放左喺洗手盆邊，肥牛係平時超市買到打邊爐用嗰隻，滾完就直接倒落個膠飯兜 + 一pat傑達達「薑汁」，最後放白飯喺旁邊…………我當然明白快餐嘅意思就係-------快…………但諗都諗到嗰d肥牛齋滾熟+汁，煮得咁求其，牛肉係又鞋又雪味 😩😩 好在個飯係新鮮先爬到幾啖飯，其實我好肚餓😭😭個「藍莓smoothies」仲離譜，睇住佢將一pat 藍莓果醬+冰粒……就開攪拌機……因為天氣太熱，我一邊食飯一邊睇住杯「沙冰」個藍色向下跌……不出5分鐘上半杯全係冰……飲落只有冰凍糖水味，完全唔係smoothies應有嘅材料喎老闆😠😠！！！老闆，不如你改返個名叫「藍莓沙冰」算啦！唉，最後攬住個安慰獎杯離開餐廳😡…………好失望！呢間嘢真係唔應該叫小忌廉餐廳，咁馬虎嘅煮食都收咁貴，一來影衰曬之前喺九龍灣嘅小忌廉主題餐廳，二來影響曬一心黎荔園集體回憶嘅心情！！！…Read More

星期六返工前黎朝拜一下。好餓呀！12pm準時開門就即order今日memu內最飽肚嘅香草雞扒會意粉……好可惜太肚餓食完先記得未同佢留倩影 😂😂😂雞扒煎得啱啱夠、好香口又大舊，都有四件。意粉係我鍾意嘅幼身偏意粉加蕃茄醬，啱曬我口味 😊😊但意粉餐係無跟Drink其實係有d貴。Drink叫左小雨點&凍朱古力。杯藍色小雨點有一細杯啫喱狀(好似係西柚味唔記得左)可加入飲品內，但整杯小雨點味道好似汽水+梳打水，比較普通😕 。食完就快快完畫公仔返工。下次要再黎試下雲先生macaroon雪糕，好似好好味咁！…Read More