HK Foodie Life的個人專頁

小編早嗰排經過利東街發現原來嗰間玫瑰花雪糕店已經執咗，真係超唔開心呀，仲以為以後都冇機會再食到靚靚嘅意式玫瑰花雪糕。不過早兩日去開中環搭緊扶手電梯嘅時候先發現原來佢哋只係搬咗舖，所以小編就即刻買咗支意式玫瑰花雪糕品嚐下，因為花香味雪糕真係唔係度度都可以食得到。Barista by Givrés係2018年年中開業，係一間主打做意式玫瑰花雪糕、輕食同西式咖啡嘅店舖。店舖裏面最為人熟悉嘅一定係佢哋嘅玫瑰花雪糕，因為店員會將雪糕產成薄片，再一片一片咁砌成玫瑰花形狀，絕對係打卡必備啊！-🍴Everything Eggs BennyEverything Eggs Benny以天然酵母麵包為基底，表面放上菠菜同帕爾馬火腿，然後再放上牛油果同水波蛋，最後再淋上自家製嘅荷蘭醬同灑上少量Pistachio Dukkah香料粉作調味。呢一款Brunch嘅用料同賣相上都非常豐富，顏色色彩繽紛咁，齋睇外表已經覺得好吸引。入口味道方面，由於呢一款Brunch使用左天然酵母麵包做基底，所以入口味道香脆得來又帶有小小酸味，非常特別。配上菠菜同帕爾馬火腿一齊食，味道上都會分外多咗一種鹹香味。再配埋口感綿密既牛油果同口感滑溜嘅水波蛋一齊食，成個Brunch嘅口感都會變得更加豐富。而自家製嘅荷蘭醬同Pistachio Dukkah香料粉更加有畫龍點睛嘅效果，令成個Brunch嘅味道都更加豐富，有與別不同嘅感覺。整體來講，呢一個Everything Eggs Benny味道都相當唔錯，而且千祈唔好見佢細細份咁就以為一定唔飽肚，咁就真係俾佢呃左啦！-🍴Unicorn Tea呢一杯Unicorn Tea其實係一杯檸檬蝶豆花花茶，上枱嘅時候會分別比一杯蝶豆花花茶同兩片檸檬乾，然後將兩片檸檬放入到花茶裏面，非常夢幻嘅事情就發生啦！將檸檬乾放入蝶豆花花茶之後就可以見到花茶慢慢由藍色變為紫色，顏色非常夢幻。入口味道方面，由於蝶豆花花茶本身係冇乜味嘅，所以成個花茶最主要都係飲到有清新嘅檸檬香味，隻檸檬味飲落既味道天然，而且味道亦都唔會太酸，所以都非常易入口。不過檸檬蝶豆花花茶入口飲落竟然會帶有淡淡香甜嘅氣味，因此碟豆花花茶入口嘅味道都唔會太過單調。整體來講，雖然花茶喺味道上就冇乜驚喜，不過入口味道都算唔錯，而且最重要嘅係加入檸檬乾嗰一刻嘅顏色真係超夢幻呀！-🍴意式玫瑰花雪糕Givrés每日都會供應10款由意大利生產商喺香港新鮮製作不含人造色素嘅雪糕，而小編今次就揀咗白桃、薰衣草同開心果口味嘅雪糕，店員首先會將雪糕產成薄片，再放喺脆筒上，由內砌到外，製作出一朵又一朵精美嘅玫瑰花雪糕。玫瑰花雪糕嘅賣相真係超級靚，有漸變色嘅效果，少女心爆發啊！三款意式雪糕嘅質感非常綿滑，而且雪糕嘅冰粒亦都好幼細。入口味道方面， 白桃意式雪糕入口食落嘅味道非常清甜，而且帶有淡淡嘅桃香味，雪糕嘅味道亦十分天然；薰衣草意式雪糕入口食落會帶有清幽嘅薰衣草香味，而且雪糕味道天然，出嚟嘅味道完全唔似落咗香精，再者雪糕入口嘅味道亦都唔會太甜；開心果意式雪糕入口食落會帶有淡淡嘅開心果香味，而且雪糕本身亦都唔係太甜，所以味道亦都會偏向比較清新少少。整體來講，意式玫瑰花雪糕驚買真係超級靚，而且本身店舖嘅雪糕亦偏向係比較少甜嗰款，所以亦都可以較食得出用料本身嗰種天然嘅香味，真係超好味呀！…查看更多

小編近呢半年真係超級鍾意去呢一間位於西環嘅Café🤗坐喺窗邊位一路望住個街外嘅風景一路食住件靚靚蛋糕，真係休閒到爆炸😳次次去親閑閑哋都可以坐到3-4個鐘🤫Infiniti C係一間主打做無麩質素食既店舖，店舖提供各種自家製無麩質蛋糕、生酮食品、素食食品同精品咖啡😚絕對係休閒健康生活😆-🍴牛油果班戟 Avocado PancakePancake選用左美國認證嘅有機粘米粉，每一層中間再分別放上牛油果🥑同香蕉片🍌，旁邊再以自家製嘅手工藍莓果醬作裝飾，製作出呢一款Dairy Free、Egg Free、Nut Free同Refined Sugar Free既純素Pancake😝Pancake嘅質感厚實，表面亦煎到略帶有少少香脆嘅感覺😜而且每一層Pancake嘅中間亦都夾住口感綿蜜既牛油果同味道香甜嘅香蕉，所以成個Pancake入口嘅味道都非常豐富😚配埋旁邊嘅藍莓果醬一齊食，味道酸酸甜甜咁，味道非常清新，亦都豐富左成個Pancake嘅味道😊令Pancake整體嘅感覺都變得冇咁單調。另外，千祈唔好見呢一個Pancake得嗰幾層以為冇乜料到😏其實佢飽肚感十足，真係唔好俾佢呃左，分分鐘食完之後連下一餐都唔使食啊🤫-🍴無麩質彩虹蛋糕 Rainbow Unicorn Cake蛋糕🍰根據傳統美式彩虹蛋糕製作，兩層蛋糕之間會抹上混合左新鮮雲呢拿籽嘅忌廉，而且成個蛋糕嘅製作都係無添加精製糖同香精😯所以同時亦都係一款Gluten Free，Nut Free & Refined Sugar Free既彩虹蛋糕🥳彩虹蛋糕嘅賣相真係超級靚呀，非常吸睛😚蛋糕入口味道方面，雖然個彩虹蛋糕體入口食落有啲乾身，不過就非常鬆軟🤪配埋表面打得非常輕盈嘅雲呢拿忌廉一齊食味道啱啱好，所以蛋糕入口整體感覺都唔會太過乾身😘另外，蛋糕表面嘅忌廉只要仔細啲睇已經可以見到有好多雲呢拿籽係入面，所以忌廉入口食落嘅雲呢拿味真係非常天然😉而且香氣十足，蛋糕入口食落嘅味道亦都唔會太甜，感覺上亦都非常健康😙整體來講，呢一款彩虹蛋糕除咗睇得之外，味道亦都相當唔錯，絕對係打卡必備啊😎-🍴Tropical Ananas飲品以自家製嘅菠蘿熱情果果醬🍍混合椰奶同椰子忌廉🥥調配而成，表面再放上店舖自家製嘅菠蘿乾作裝飾😉飲品入口嘅菠蘿熱情果味都好突出，味道酸酸甜甜咁，非常清新😋配上椰奶嘅香味，呢成杯飲品都變得更加有層次。而表面嘅椰子忌廉入口嘅質感都非常細膩😳另外，飲品表面嘅菠蘿乾亦都非常香甜，拎成杯飲品嘅菠蘿味都變得更加突出🤔同時亦都豐富左飲品整體嘅口感。整體來講，飲品入口嘅味道真係非常清爽，唔好見佢落咗椰奶就會覺得好膩😜其實椰奶同熱情果嘅配搭真係啱啱好，而且整體嘅味道都唔會太甜，小編仲越飲越開胃添😙-🍴藍寶石拿鐵 Blue Sapphire LatteSapphire Latte以印度嘅Moon Milk概念製作而成😝當中加入左巴西莓、楓糖漿、葵花籽混合虎堅果素奶調配而成😏表面再放上少量蝶豆花作裝飾😌呢一杯拿鐵嘅顏色真係超級靚，紫藍色嘅顏色真係非常夢幻🥰表面仲要配埋個拉花，真係唔捨得飲呀☺️入口味道方面，拿鐵帶有好香嘅果仁香味，中間又好似夾雜着有少少香甜嘅香蕉味，非常獨特😁而且拿鐵又加入左葵花籽落去製作，所以拿鐵入口間中都會食到有一粒粒果仁嘅質感😋成杯拿鐵嘅口感都非常豐富，而且仲好飽肚添。整體來講，呢一杯Sapphire Latte入口不論味道定係口感都非常豐富😙而且拿鐵嘅甜度適中，所以感覺上都非常健康😎價格：HKD $58…查看更多

雖然呢間小店已經開咗一年幾有多，但其實小編都係啱啱先認識🤫認識佢哋嘅主要原因係因為見到有人介紹佢哋嘅疏乎厘班戟，齋睇相都已經覺得空氣咁十足😜超吸引啊！雙生館係一間主打做無添加既家常手工菜Café😜中西日式乜都有。而店舖所有嘅菜式都係由一對80後孖生姊妹同媽媽炮製😌-🍴蝶豆咖喱雞扒飯評分：7/10咖喱雞扒飯🍛嘅顏色非常豐富，五顏六色咁，真係超靚呀！入口味道方面，雞扒表面本身有輕微煎過，所以雞排入口表面香脆😝而內裏肉質嫩滑，同時亦非常Juicy🤤至於個蝶豆咖喱汁方面，咖喱汁嘅顏色真係非常之靚🥰係帶有淺紫藍嘅顏色，咖喱汁入口食落有好香嘅椰漿味，中間亦夾雜着有淡淡味道香甜嘅獨特花香味😉不過其實呢一款咖喱汁係唔會食得出有咖喱嘅香味架！配埋個紅米飯一齊食，整款咖喱飯健康得來，口感亦比較豐富😉入口食落嘅口感亦都唔會太過單調。-🍴牛油果車厘茄·雜莓蘋果乳酪手工歐式多士多士選用左店舖自家製嘅法式鄉村麵包🥖烤製而成，麵包以法國麵粉加入老麵以低溫長時間發酵製成。然後喺多士多士表面塗上一層乳酪，再分別放上牛油果🥑、車厘茄🍅同黑椒作調味，而另一塊多士表面就放上火龍果粒、藍莓同薄荷葉作裝飾🤗牛油果車厘茄乳酪手工歐式多士入口食落嘅味道非常豐富😋由於多士表面有啲黑椒粒喺度，所以入口食落味道都唔會太過單調🤪表面一粒粒Creamy嘅牛油果粒同爽脆嘅車厘茄亦都令成件多士嘅整體感覺更加圓滿同豐富😄至於底部嘅多士入口食落同樣非常有驚喜，多士入口食落外脆內軟，中間嘅麵包都非常軟熟🥰而且多士本身嘅麵包味亦都好香，成個配搭都超級正呀！雜莓蘋果乳酪手工歐式多士嘅顏色都非常搶眼突出😘不過小編去當日就好似冇蘋果，所以店主就轉咗用火龍果😂多士嘅味道清新，入口食落酸酸甜甜咁🤫越食越開胃。而且表面都加入左火龍果粒係表面，所以成個多士嘅味道都唔會過於單一😉而且當時表面有啲乳酩喺度，所以入口食落嘅質感亦都唔會太乾身😳整體來講，雖然呢一款多士入口食落嘅感覺冇咁驚艷，但整體味道同樣係相當唔錯😝-🍴鮮雜果疏乎厘班戟疏乎厘班戟既賣相雖然就比較一般，但就勝在大件夾抵食😳疏乎厘班戟嘅Size係平時嘅1.5倍😎入口食落蛋香味重，味道又唔會太甜，而且空氣感十足☺️即使配埋旁邊既蜜糖一齊食，味道香甜但又唔會太單調。而且疏乎厘班戟表面既鮮忌廉打得輕盈🤗唔會好Heavy。而小編當日去食嘅鮮雜果分別係香橙同火龍果，香橙片入口味道酸酸甜甜，非常清新；火龍果片就入口味道香甜🤓成個疏乎厘班戟嘅配搭都好創新，咁嘅配搭真係超級少見，而且班戟本身真係做得好好味，加分🤪-🍴紅棗蘭貴人紅棗蘭貴人以桂花烏龍茶☕️做茶底，裏面再放入兩粒紅棗於茶壺之中浸泡😁紅棗蘭貴人茶入口會帶有比較重嘅烏龍茶茶香味，成壺茶既味道都唔會太甜🤔而且烏龍茶中間夾雜着清香嘅桂花味，成杯茶嘅味道都唔會太過單調🤭而紅棗嘅香味亦都會慢慢浸出黎，所以個紅棗味其實會越飲越突出，成壺茶既味道都非常有層次😆-🍴洛神花茉莉蜜花茶花茶嘅顏色非常之靚，呈現比較深嘅粉紅色🥰少女心爆發啊，而且表面亦都有好多茉莉花喺度，真係會心心眼架😍唔好見到花蜜茶呢三個字就以為呢一杯花茶好甜，其實佢入口味道酸酸甜甜咁😋而且個洛神花花香味亦都好突出，非常開胃。配埋歌茉莉花蜜味道都唔會太甜😌反而帶有一種清香嘅茉莉花花香味，成杯飲品嘅味道都非常豐富，而且味道都唔會太甜膩🥳味道清新。…查看更多

小編對於上次去Tea Hub食唔到伯爵茶戚風蛋糕一直都耿耿於懷🤷‍♀️所以上個禮拜就約埋朋友一齊去多次，好好彩今次終於食到喇👏-🍴茶食套餐今次茶食套餐嘅前菜小編就揀咗柚子汁豆腐，茶湯冷麵配柚子蜜漬蝦仁🍤同百香果雞翼。店舖嘅茶湯冷麵其實係以素麵配昆布烏龍茶湯☺️柚子汁豆腐嘅味道入口食落有少少微酸，都幾開胃😯而且本身個豆腐味都幾突出，成個配搭啱啱好🤪至於個茶湯冷麵方面，天時暑熱食冷麵真係超正呀🤭麵條嘅軟硬度適中，仍然帶有少少爽滑嘅感覺☺️而且個茶湯本身帶有好重嘅昆布香味，所以整個冷麵入口嘅味道都唔會太過單調🤔而個柚子蜜漬蝦仁同百香果雞翼方面，柚子蜜漬蝦仁入口食落爽口，而且味道唔會太甜🤗帶有陣陣清香嘅柚子香味，同時蝦仁入口食落亦都有種柚子胡椒嘅香味😌所以成個蝦仁嘅味道都非常有層次🤫；百香果雞翼入口味道香甜，百香果味唔算太重反而食到有陣陣果味😅香濃嘅香橙味，令成個雞翼嘅味道都非常清新😆-🍴蝶豆花芝士醬雲蛋多士多士表面塗上左加入蝶豆花製作嘅芝士醬🧀，表面放上以蛋白雲蛋同蛋黃🥚然後再放入焗爐，最後再喺多士嘅旁邊放上沙律菜🥬。雲蛋多士個樣真係超級靚呀，藍色嘅芝士醬🥰表面仲要放上雲蛋，影相打卡真係超級靚啦😉入口味道方面，多士本身嘅麵包落外脆內軟，而且麵包入口食落嘅質感略帶煙韌😝配上帶有淡淡鹹香味嘅芝士醬，同香濃嘅蛋黃味，成件多士入口嘅口感味道都非常豐富😚另外，多士旁邊仲放咗少少沙律菜喺度，所以入口食落健康之餘，亦都非常飽肚，作為一個下午茶來講真係啱啱好😏-🍴柚子戚風蛋糕原味戚風蛋糕嘅中間唧入左滿滿嘅牛乳忌廉🥛，蛋糕表面再放上加入左柚子醬製成嘅柚子忌廉，最後再喺蛋糕表面放上薄荷葉同果仁碎作裝飾🤪蛋糕入口食落口感鬆軟而且濕潤，同時蛋糕亦都帶有香濃嘅雞蛋味🤗配上中間質感幼滑同大有香濃牛奶味嘅牛乳忌廉一齊食，兩者嘅味道互相輝映配合得天衣無縫😝而係戚風蛋糕表面嘅柚子忌廉中間夾雜着一粒粒嘅柚子係入面，所以成個忌廉嘅口感都會比較豐富😉而且味道亦都會比較清新，忌廉嘅味道亦都唔會太甜。整體來講，雖然蛋糕入面嘅柚子味唔算太重🤔有少少失望，不過單以味道來講已經算係相當唔錯。-🍴伯爵茶戚風蛋糕伯爵茶戚風蛋糕中間同樣係唧入咗牛乳忌廉🥛，表面再放上加入左伯爵茶茶葉製作嘅伯爵茶忌廉🥰最後就係蛋糕表面放上車矢菊、果仁碎同薄荷葉作裝飾😝呢一款戚風蛋糕小編上次已經超級想試㗎啦，不過當時去到就賣晒😔所以今次去到仲有喎，就梗係即刻叫個啦！戚風蛋糕入口食落口感鬆軟，而且中間有大量嘅伯爵茶茶葉碎喺度😜所以連蛋糕入口食物都有淡淡的伯爵茶香味。配上牛乳忌廉一齊食，牛乳同伯爵茶兩隻嘅味道比例調配得啱啱好😚所以成個蛋糕入口食落嘅味道都唔會過於單一。連埋蛋糕表面嘅伯爵茶忌廉一齊食，整個蛋糕嘅伯爵茶味就會更加突出😋的確係相當唔錯，難怪會成為搶手貨😳-🍴大紅袍雪糕大紅袍雪糕入口食落茶香味濃😘而且雪糕嘅甜度比較低，大紅袍嘅茶香味突出，雪糕入口食落都唔會食到有一粒粒嘅冰粒，冰感唔算太重🤔而且雪糕嘅質感都尚算幼滑。另外，喺雪糕球底下有啲粟米片喺度，所以入口口感都非常豐富😏-🍴DIY抹茶鮮奶呢一杯抹茶鮮奶要自己落手落腳整㗎😌首先要用茶筅將宇治抹茶🍵刷攪至形成濃厚泡沫，然後再倒入鮮奶🥛裏面，製作出呢一杯抹茶鮮奶😏你一杯抹茶鮮奶真係玩味十足，飲得又玩得😎小編係將抹茶倒入鮮奶之前就試咗抹茶本身個味道，抹茶入口飲落有回甘，而且略帶有少少苦澀味☺️仔細品嚐下就覺得有啲似Kitkat抹茶朱古力嘅香味😂抹茶鮮奶入口嘅抹茶味仍然非常香濃，不過就冇咗回甘嗰種香味🤔但就仍然會帶有少少苦澀味，而且抹茶鮮奶入口嘅味道亦都唔會太甜，質感亦非常幼滑😋-🍴玫瑰阿薩姆奶茶呢一杯奶茶以阿薩姆紅茶☕️配上鮮奶🥛，混合玫瑰糖漿🌹調配而成。奶茶入口嘅茶香味雖然唔算太重，但隱約仍然可以飲到有阿薩姆紅茶嘅香味😚而且當中又會夾雜着淡淡嘅鮮奶香味，所以兩者嘅味道都平衡得啱啱好😜再者，奶茶入口亦都會飲都有香甜嘅玫瑰香味，而且奶茶嘅味道亦都唔會太甜🤗…查看更多

上個月店舖未開業嘅時候，小編經過已經超級想試😳不過之後小編一直都未有時間🤫所以就一直拖到而家先去試😎勝面係一間喺2006年開業，賣牛肉麵、滷肉飯同台式小食為主嘅店舖😋而佢哋嘅牛肉麵更加曾經榮獲2018犇Fun嘉年華台北國際牛肉麵大奬😯絕對係大有來頭😏-🍴涼拌手撕無骨鹽水雞每一份嘅鹽水雞🐓都有¼隻全人手拆絲雞肉，再加入經過多次特調製成嘅秘製台式鹽水雞醬汁😳鹽水雞入口嘅肉質鮮嫩，而且入口食落會帶有淡淡嘅鹹香味😉當中嘅麻油同蒜香味都比較重，唔會淡茂茂🥰而且仍然可以食得出雞肉本身嘅香味。整體來講，雖然鹽水雞嘅份量比較少🤔但就勝在入口食落唔會太鹹，而且食完之後亦都唔會超級口渴，味道亦偏向比較清爽😝-🍴招牌麻辣·牛三寶［小辣］師傅會將手工刀削麵放底，再喺表面放上牛三寶🐂、鴨血同滷水豆腐，而牛三寶其實即係牛頸脊肉、牛頰肉同牛腱心，再放入以美國牛肉、牛骨文火慢燉72小時嘅湯底同以加入花椒、八角、辣椒🌶️等製作嘅秘製台灣麻辣醬料製成麻辣湯底🥵呢一碗招牌牛肉麵一上枱嘅時候都有少少嚇親小編，雖然係叫咗小辣，但表面嘅辣油都好似幾多下😂不過原來入口食落又唔係好辣喎，即使小編呢啲平時唔好辣嘅人都食到😊而且佢係辣得來又好香嗰種，非常唔錯😚而小編今次就揀咗刀削麵麵底，刀削麵嘅麵條比較闊身少少，相對亦都比較掛湯🤪而刀削麵嘅麵質本身比較滑身，不過入口食落嘅質感就較淋，所以都扣左少少分😔至於個牛三寶方面，牛頸脊肉入口嫩滑；牛頰肉入口牛味香濃，而且口感彈牙；牛腱心就入口軟淋🤤所以整體來講，成碗面嘅口感都非常豐富，而且份量上亦都非常充足，配上少少香辣嘅味道令人食唔停口😋-🍴百香果透心涼愛玉餐廳以自家製作嘅愛玉配上新鮮百香果🤪旁邊再放上兩片青檸，製作出呢一款非常消暑嘅甜品☀️。愛玉入口冰涼，而且口感亦非常滑溜，愛玉嘅份量亦都超級多😉以一個甜品來講都幾抵食😎而且喺愛玉表面亦都有大量嘅百香果，所以成個甜品入口味道都會酸酸甜甜咁，非常開胃🥰如果覺得甜品唔夠清新仲可以唧入小小青檸汁調味令成個甜品嘅味道都變得更加Fresh☺️入口食落就更加開胃😚-🍴招牌仙草凍餐廳嘅凍仙草會配以自家製芋泥、芋圓、紫薯圓、地瓜圓同珍珠😏另外會附上一小杯台式奶茶俾客人加入去仙草凍入面一齊食☺️仙草凍嘅份量其實都幾多下，而且入口食落仙草味道非常重，味道亦都比較香甜😝至於表面嘅其他配料包括三色芋圓、芋泥同珍珠嘅份量都偏少😅入口味道方面，三款芋圓同珍珠入口嘅口感都非常煙韌，而芋圓嘅芋頭、紫薯同地瓜味道非常突出😋仙草凍混合芋泥一齊食，成本仙草凍嘅口感都會變得更加豐富🤪而且加入個一小杯嘅台式奶茶，入口更加會食到有淡淡的紅茶香味，但加得太多的話小編就覺得有少少膩🤔-🍴南方小島茶飲以綠茶🍵做底，再加入鳳梨粒🍍同薄荷葉，成樽嘢飲嘅顏色都非常靚。而且小編今次亦都加錢轉咗做外賣樽，可以重用夠晒環保♻️。飲品入口味道香甜，中間夾雜着帶有淡淡清新嘅薄荷香味🥰最後先飲到有少少茶香味，整杯飲品嘅味道層次都非常豐富😎另外，飲品入面亦都有適量嘅鳳梨粒，鳳梨粒入口味道唔會太甜，而且鳳梨粒吸左少少茶底嘅味道，所以入口食落到非常香😚…查看更多

其實小編Bookmark左呢間餐廳好耐㗎啦☺️不過一直都唔係好敢去，N咁多樣嘢想試😏絕對冇可能食得晒😳但係近日小編終於夾到時間拉大隊去試啦👏Tea Hub係一間以茶做主題嘅餐廳，小店所有嘅食物都以茶入饌☕️，而且飲品亦都有好多唔同嘅茶類選擇。另外，小店嘅裝潢簡約🥰以白色配淺木色，有啲小清新，同時亦充滿文清風😜-🍴燒雜菜咖喱蛋包飯蛋包飯以滑蛋蓋上白飯🍚，旁邊再淋上咖喱汁🥘，同放上以薯仔🥔、蘿蔔🥕、黃椒、紅椒、洋蔥同茄子🍆配上茶葉調味炒制而成嘅燒雜菜。蛋包飯入口食落有非常重嘅蛋香味🤤而且滑蛋煮到半熟嘅質感非常嫩滑，配埋個日式咖喱汁🍛一齊食非常有日式風味，而且咖喱汁本身質感比較稀，味道好香但係唔辣😜所以同蛋包飯本身嘅味道都非常夾😳至於個燒雜菜方面，雜菜粒口感軟淋，而且亦都非常入味，但食落真係唔係太食得出有茶香味😂不過入口食物就非常惹味😜整體來講，呢一碟蛋包飯嘅味道都相當唔錯，雖然只有雜菜，但亦相當好味😆-🍴黑芝麻戚風蛋糕黑漆漆嘅蛋糕加入左日本芝麻醬製作🤫而且當中嘅忌廉亦都加入左磨碎嘅黑芝麻，絕對係芝味十足😉小編試唔到佢哋嘅招牌茶味戚風蛋糕確實有少少失望😔不過好彩呢一個黑芝麻戚風蛋糕即係相當唔錯🤪蛋糕足足有成3.5吋，絕對夠兩個人食🤔而且入口有好香嘅黑芝麻香味，但又唔會好甜同有浸焦味，而且蛋糕入口口感鬆軟😋雖然就唔算太濕潤，不過中間有啲牛乳忌廉同黑芝麻忌廉，所以入口亦唔會太乾身😝牛乳忌廉方面，入口有好重嘅奶香味，質感亦非常幼滑，而且甜度亦比較低🤭至於個黑芝麻忌廉方面，入口會食到有類似芝麻碎嘅口感，所以入口亦會有比較香嘅芝麻味😏而且亦都會令成件蛋糕嘅口感更加豐富🤓-🍴桂花豆腐芝士蛋糕🍰蛋糕以豆腐芝士蛋糕🧀配搭桂花啫喱🌼，表面再淋上少少桂花蜜製成，蛋糕感覺上都比較清新🤗蛋糕一入口由於表面嘅桂花啫喱影響，所以入口會食到有好重嘅桂花香味😝跟住就會有少少芝士味走出嚟，最後先會食到有豆腐嘅香味😯成件蛋糕整體嘅味道都比較香甜而且清淡🥰芝士蛋糕嘅質感並唔係好結實嗰種，反而帶有少少軟身，有些少似食緊慕絲嘅質感🤔都幾特別。餅底亦都屬於比較結實嗰種，所以入口口感會比較鬆脆😎而且芝士蛋糕表面仲有一層桂花啫喱喺度，爽滑嘅啫喱亦都豐富左成件蛋糕嘅口感😆-🍴伯爵茶蝶豆花卷蛋卷蛋嘅蛋糕本身加入左蝶豆花入去製作🤗製作出藍色嘅蛋糕睇。而中間就係混合左伯爵茶嘅忌廉，卷蛋表面再以矢車菊作裝飾☺️藍色嘅蝶豆花卷蛋真係非常搶眼😍雖然旁邊嘅伴碟簡單，但亦都係非常之靚，有種簡約美嘅感覺🤫卷蛋入口口感鬆軟濕潤，而且甜度亦比較低😚同時因為蝶豆花入口都無味嘅，所以食落有淡淡的蛋香味。至於中間嘅伯爵茶忌廉方面，忌廉入口口感軟滑🤗而且食落亦有比較重嘅奶香味，隱約間亦都可以食到有少少伯爵茶獨有嘅佛手柑香味，但本身伯爵茶嘅茶香味唔算太重🤫只係淡淡地咁樣，所以卷蛋整體嘅味道亦都屬於比較清新，相信即使唔係伯爵茶愛好者但應該都可以接受到嗰種香味🥰-🍴冷泡玫瑰祈門紅茶冷泡茶入口紅茶味香濃，隱約飲到帶有少少玫瑰花香味😳而且冷泡茶入口味道完全一啲都唔甜，以餐飲來講仲要唔使加錢真係超級抵☺️不過茶飲入面嘅冰涼有少少多，就算杯飲品飲晒都仲有冰喺度，真係超級誇張🤣不過就冇話飲到有頭痛嘅情況出現，所以都算係咁啦😁-🍴櫻花奶茶櫻花奶茶以櫻花泥🌸、黑茶☕️同鮮奶🥛調配而成，成杯飲品嘅感覺都非常春日😜奶茶入口嘅奶香味都幾重，喺好重嘅白豆蓉香味當中隱約飲到有少少黑茶嘅茶香味🤭但個櫻花味依然都係幾香，並唔係臭怪味嘅櫻花味😝不過奶茶整體入口嘅味道有少少偏甜🤔可能係因為個白豆蓉本身都自帶甜味嘅影響。另外，奶茶入口嘅口感都尚算細膩，所以總括來講都算係唔錯😳-🍴蘋果花紅茶茶飲本身嘅紅茶味比較重😏隱約間會飲到有少少花香味，仲帶有少少甜甜地嘅蘋果果香味添😋所以茶飲飲起嚟亦好順喉，唔會太濃味😘而且茶飲入口嘅味道亦非常有層次。再者，茶飲聞落亦有輕微嘅蘋果香味😆…查看更多

其實小編一直都好想去阿久根和牛燒肉店試吓🤤佢哋嘅A5和牛真係好吸引呀，不過食燒肉真係好熱氣🤫所以小編一直遲遲都未去試😁近排知道佢哋開咗一間拉麵店，都有和牛食，所以就走出去試咗先，遲啲先再去食燒肉😌阿久根和牛拉麵屋係一間提供拉麵同沾麵嘅拉麵店🍜。而店舖有三款湯底選擇，分別係濃蝦湯🦐、雞白湯🐓同豚骨湯🐖。另外，店舖亦都以A4和牛西冷同薩摩雞取代一般嘅叉燒，非常特別😳-🍴慢煮薩摩雞·雞白湯拉麵雞白湯就用日本鹿兒島走地薩摩雞🐓加少量豬骨熬製20小時。再配上慢煮薩摩雞🐓，店舖選用左薩摩雞雞胸肉以慢煮嘅方式處理🤗拉麵入口嘅質感偏向比較軟身，但就非常掛湯🤭每一啖入口都可以食到有香濃嘅雞湯味😚雞白湯嘅質感非常濃厚，入口飲落亦都有好重嘅雞味，有驚喜😜至於個慢煮薩摩雞肉入口口感都非常嫩滑，而且咬落有少少彈牙嘅感覺🤔好特別。另外係雞肉嘅表面本身都有啲黑椒喺度，所以入口都會帶有少少黑椒味😝味道上都唔會太過單調🤤-🍴慢煮A4和牛叉燒灸燒豚肉·濃蝦湯拉麵蝦湯用咗秘製蝦油加兩款唔同嘅蝦🦐熬足9個鐘，而且蝦先要炒過帶出味道。再配上灸燒豚肉叉燒🐖，叉燒以日本五花腩肉製作，放入拉麵前會以火槍加以炙燒，油香味十足😋另外，小編今次亦都加配左A4和牛西冷🥩，和牛醃製後低溫慢煮八小時，約兩至三成熟後封四面肉汁再以煨日式叉燒汁😎拉麵入口嘅口感同人比較軟身，不過入口食物就會帶有香濃嘅蝦味🤗重口味人士必叫🤫至於個蝦湯方面，入口有好重一蝦味，而且鮮味十足😳而且蝦湯入面亦都有啲蝦粒喺度，夾拉麵嘅時候有機會會黏咗係拉麵上面，所以入口口感亦相對比較豐富🤪至於個灸燒豚肉方面，由於豚肉係灸燒過後多咗一份火灸香味😎所以豚肉入口既油脂味亦都會比較香，而且豚肉既肉質雖然偏瘦但亦唔嚡口😁而慢煮A4和牛叉燒方面，和牛叉燒入口有少少入口即溶嘅感覺，而且肉味濃郁，入口嘅質感亦非常嫩滑Juicy🤤-🍴沖繩苦瓜餃子餃子🥟入口口感唔會太油膩，而且餃子入口都有帶少少脆口嘅感覺☺️入口味道方面，餃子嘅豬肉味其實都幾重，隱約先食到有少少苦瓜嘅香味🤔但係本身苦瓜嗰種苦味其實唔算太重，所以亦都相對會比較易入口😌…查看更多

麺屋武一係一間源於東京新橋以濃厚雞湯拉麵作招徠嘅拉麵店，喺世界各地都有分店🤫店舖裝修充滿日式居酒屋風格，日式風味十足😝-🍴濃厚醬油拉麵拉麵🍜湯底以醬油同雞湯混合而成，當中既雞湯更以新鮮雞隻🐓熬煮13小時，再配上雞骨、洋蔥、蒜頭、昆布等材料製成。再配上選用日本小麥製成嘅直麵、日本直送雞肉丸同以雞腿肉製成嘅低溫炆煮叉燒☺️拉麵本身比較幼細，但入口食落嘅質感亦唔會太過軟淋，入口嘅軟硬度適中😊反而仍然帶有少少爽口嘅口感😋同時亦都非常掛湯，所以入口食落有好重嘅雞味😯而重點嘅醬油雞湯方面，湯底入口有好重鮮甜嘅雞味，雖然雞湯配上左醬油，但雞湯嘅鮮味不減反增🤗至於個雞腿肉叉燒方面，叉燒入口口感非常嫩滑，而且帶有陣陣嘅雞味😚成個叉燒味道都同拉麵本身非常匹配🥰至於個雞肉丸方面，雞肉丸嘅肉質偏向比較鬆散，有別於平時食到嘅豬肉丸質感，而味道方面亦都帶有淡淡的雞味😉而額外加配嘅溏心蛋入口就有好香嘅醬油味，而且咬開中間確實係非常溏心，真係超級加分😍-🍴鹽味蔬菜清湯拉麵蔬菜清湯使用左多達13種新鮮蔬菜熬製而成，拉麵表面再放上香菇🍄、車厘茄🍅、洋蔥、菠菜、粟米芯🌽作配菜，即使係素食者都非常啱食😎蔬菜清湯入口有淡淡的蔬菜香味，雖然望落表面好似好油膩咁🤔不過入口完全冇呢個感覺，反而會覺得比較清新😂即使係叫鹽味湯底，但入口味道都唔會太鹹😙而個拉麵入口同樣帶有少少彈牙，同時亦非常掛湯🥰所以入口會食到有淡淡的蔬菜香味，成個感覺都非常特別。而表面嘅配菜雖然就冇乜特別😌不過車厘茄就值得一讚，竟然係去咗皮架！至於個溏心蛋方面，入口同樣係非常溏心😉-🍴雞腿肉串雞腿肉串入口肉質唔會太過乾身，入口食落尚算嫩滑☺️而且亦帶有淡淡的雞肉香味。雖然喺雞腿肉表面嘅醬汁驟眼睇就有啲多🤔不過由於醬汁入口食落唔會太鹹，而且都有淡淡香甜嘅氣味🤭所以入口食落都唔會覺得太Over。整體來講，雞腿肉入口唔會太乾身☺️而且有淡淡的焦香味，加分。-🍴煎餃子煎餃子🥟一碟雖然只有五隻，但入口食落香脆😳而且唔會太油膩。中間嘅肉餡亦都唔係包得太飽滿，但入口食落依然食到有好重嘅青菜味🥬，所以入口食落感覺都幾健康，而且煎餃子入口食落都唔會覺得無味無道😌…查看更多

早排碌IG嘅時候成日都見到個好澎湃嘅海膽紫菜杯出現🤤小編一直都好想去試吓，而且上網睇吓原來價錢亦都唔算太貴😚所以都一直期待左好耐😝246食堂係一間以日本的大眾酒場及平民食堂為概念😯料理價錢均一劃分為$20、$40、$60😱而且店內大部份嘅食材都係黎至豊洲市場內的豊洲水産，絕對有保證😏-🍴海膽富士山海膽富士山以紫菜杯做底😌中間放上一小舊醋飯，最後就堆上滿滿嘅韓國海膽係紫菜杯上面😎呢個海膽杯真係非常壯觀🥰啲海膽真係對到好似成咗富士山咁。海膽入口味道鮮甜，海膽味重😉而且口感Creamy。雖然表面嗰層紫菜好快就淋左，但因為海膽底下都有啲醋飯喺度🤔所以入口食落口感亦都唔會太過單調，亦都唔會有膩既感覺😜整體來講，呢一個海膽杯真係超級有滿足感，而且海膽質素都唔算太差，抵食👍-🍴特大海鰻壽司海鰻壽司以蒲燒方式製作，一大條鰻魚鋪在壽司飯上面🤭海鰻有接近25cm長，真係超級大條，勁誇張😏鰻魚入口完全冇細骨，不過食落就唔算好肥美🤫偏向比較薄身，都算係相當唔錯😌而且鰻魚表面亦都有非常多醬汁，所以入口食落感覺亦唔會太乾身，不過整體嘅味道就略為甜左少少😅整體來講，個人覺得呢一款海鰻壽司都算係幾抵食，而且完全冇骨果下真係超級加分😁-🍴芝士天蝦卷卷物入面有香脆炸蝦🍤同青瓜條🥒，表面再加上一層炙燒芝士🧀，成個配搭都非常豐富。卷物因為表面有層芝士喺度，所以入口都會有少少黏黏地嘅感覺🤔不過同時口感亦相對比較豐富，香脆嘅炸蝦配上爽口味道清新嘅青瓜條一齊食，成個配搭都有少少清新嘅感覺😉而且配上本身入口比較膩嘅芝士一齊食，反而中和左芝士本身嗰種膩嘅感覺😯所以整體來講入口都算有驚喜。-🍴大三元壽司呢一舊壽司🍣以黑鮪赤身、黑鮪腹身同蔥花黑鮪腹身魚腩蓉組成，今次真係一次過滿足晒三個願望🤗呢一件壽司就好似鮪魚丼嘅濃縮版咁😉一件壽司裏面集齊有肥有瘦既鮪魚。配上有少少蔥花嘅香味，而成件壽司嘅味道都變得冇咁單調😌而且壽司入口食落都唔會話食到有一條條筋喺度。一啖可以食到三款鮪魚嘅口感同味道真係非常豐富，非常滿足😋-🍴赤牡丹蝦壽司赤牡丹蝦🦐入口口感爽滑，而且味道鮮甜，都算係相當唔錯😏配上醋飯，本身醋飯入口仲有少少暖暖地嘅感覺😆而且入口亦可以食得出有淡淡的白醋味，都算係相當唔錯。不過以呢個價錢來講就有少少貴😳冇乜亮點，唔多抵食，所以都唔太推薦大家叫呢一個🤫-🍴清酒煮藍青口小食選用左來自加拿大嘅藍青口，配上清酒🍶烹調而成。藍青口雖然就唔算好大隻，不過就勝在隻隻都好肥美脹卜卜咁😜而且分量亦都算適中。入口味道方面，藍青口入口味道鮮甜😚帶有陣陣嘅青口香味。另外，藍青口入口帶有好重嘅清酒味😏絕對係意料之外。不過酒味重又衍生左另一個問題就係藍青口入口會多咗一種苦澀味😎對於小編呢一種唔係太好酒味嘅人來講，呢款小食會有啲難入口🤫-🍴炸蝦天婦羅 / 日本產番薯天婦羅炸蝦天婦羅🍤足足有小編成隻手掌咁長，非常大隻🤭而且天婦羅本身做得非常乾身，入口食落口感香脆唔油膩😍亦都唔會食到成口炸漿😳而且中間嘅大蝦入口口感爽嫩，而且入口食落唔會有好重嘅梳打粉味，亦係加分位😆番薯天婦羅🍠雖然一份只有三件，但質素絕對比平時食到嘅番薯天婦羅好😏天婦羅本身做得亦係比較乾身，入口食來都唔油膩，而中間嘅番薯入口有好香嘅地瓜香味😚甜甜地粉粉地嘅口感，都算係唔錯，唯一缺點就係番薯切得比較薄身😅唔係好夠過口癮。-🍴錫紙牛油焗鮮雜菇唔好見啲鮮雜菇🍄好似乾爭爭，冇乜色水咁，其實聞落亦有好香嘅牛油味🤗而且啲雜菇入口亦有好香嘅牛油味，隱約會食到有少少香甜嘅雜菇味😝而且當中嘅雜菇已經整得非常淋身，所以入口食落個牛油味都算係突出☺️-🍴A4和牛壽喜燒鍋和牛壽喜燒鍋選用日本鹿兒島A4和牛🐪，配搭大蔥、娃娃菜🥬、冬菇🍄、豆腐同葛絲製成。和牛嘅份量雖然就唔算好多，只有四塊左右👉👈不過入口塊塊都好有牛肉香味，而且食落亦有少少入口即溶嘅感覺😋真心非常高質。而個壽喜燒湯底方面，壽喜燒湯入口味道香甜😌而且同個和牛味道亦非常之夾，香甜嘅味道當中有夾雜着淡淡的牛肉香味😚配上其他配菜一齊食，其實份量都非常充足，所以以呢個價錢來講真心絕對係好抵食👍…查看更多

小編一直都好想試佢哋嘅花色水餃🥟，不過就真係冇乜動力走出去灣仔特登食水餃🤭但早兩日喺嗰頭遊蕩嘅時候咁岩喺門口經過，正所謂擇日不如撞日，所以就撞咗入去試吓😚西塘花記一間黎自大陸主打做蔬菜汁花色水餃嘅山東餃子店😳店舖嘅七彩手工餃皮標榜以100%天然蔬菜汁製作，唔加入任何色素🤔-🍴招牌五福水餃呢一款五福水餃可以一次過試齊晒店舖五款招牌嘅水餃🤗包括：蕃茄牛肉餃、冬菇豬肉餃、翡翠三鮮水餃、剁椒魚水餃同海三鮮水餃🤤蕃茄牛肉餃嘅水餃皮加入左紅莧菜火龍果汁製作，中間嘅餡料就加入左蕃茄🍅同牛肉粒🐂。水餃入口有清新嘅蕃茄香味，酸酸甜甜咁，非常開胃😜而且水餃入口亦都有淡淡的牛肉香味，不過當中嘅芫荽味會更為得出😋冬菇豬肉餃嘅水餃皮加入左南瓜汁，而中間嘅餡料就以冬菇🍄同豬肉🐖製作。豬肉餃本身包得亦算幾飽滿😌而且入口咬落豬肉嘅份量比例都偏多，但唔會有油膩嘅感覺😳同時都會食到有比較香嘅冬菇味。翡翠三鮮水餃採用左菠菜汁去製作水餃皮，餡料就加入左蝦仁🦐、雞蛋🥚同韭菜。水餃入口有好香嘅韭菜香味😚而且一咬開入面全部都係翠綠色嘅韭菜粒又夾雜着少少金黃色嘅雞蛋，不過入口就唔係太食得出有蛋香味🤫但個蝦仁味都幾香，而且入口食落亦比較爽口😋剁椒魚水餃使用左新鮮淡水魚🐟製作餡料，再加入秘製辣椒醬🌶。水餃入口口感特別，略帶有少少彈牙嘅感覺🤔不過魚肉入口就唔太食得出有鮮味。但底部嘅辣椒醬令成個水餃嘅味道都更加豐富☺️水餃入口嘅味道其實唔算太辣，不過就帶有泡椒嘅鮮酸味，有驚喜🤫海三鮮水餃蝦餃皮採用墨魚汁🐙製作，然後再以蟹肉🦀、元貝同蝦仁🦐製作餡料。水餃入口鮮味十足😋而且口感亦相對比較豐富，絕對係五款水餃入面最有驚喜嘅一款👍-🍴雨花石水餃三色水餃皮用咗紅莧菜火龍果汁、菠菜汁同南瓜汁製成，中間再包入馬蹄豬肉餡料🐖。雨花石水餃表面嗰層水餃皮嘅顏色真係非常吸引，超級靚，仲好夢幻添🥰水餃中間嘅餡料其實本身包得唔算太飽滿🤫不過水餃入口咬落有肉汁，而且當中亦都加入左馬蹄粒，所以水餃入口亦都會帶有爽脆嘅口感🤭唔會太過單調。而且水餃入口食落有淡淡的豬肉香味😚所以亦會比較有鮮味😝-🍴四小福水餃其實店舖有成九款唔同嘅水餃供應，上面介紹嘅五福水餃只係可以試到其中五款🤭而呢一個四小福水餃就可以試埋其餘四款😆分別有泡菜豬肉餃、紫菜豬肉餃、素三鮮水餃同南瓜蝦肉餃😜泡菜豬肉餃嘅水餃皮用咗紅莧菜火龍果汁製作，中間再包入泡菜豬肉餡料🐖。豬肉餃入口食落辣辣地咁，伴隨有少少豬肉嘅鮮味，非常惹味😚而且豬肉餃入口食落有爆多肉汁，所以亦唔會太過乾身😳都算有驚喜。紫菜豬肉餃用咗墨魚汁🐙製作水餃皮，再包入以紫菜、豬肉🐖、蝦皮製成嘅餡料。水餃入口會食到有大量嘅紫菜😂配上豬肉同蝦皮，口感亦相對比較豐富😜而且水餃入口都有好重嘅紫菜味🤤素三鮮水餃嘅水餃皮加入左菠菜汁製作，中間就包入咗菠菜、豆腐乾同冬菇🍄。水餃入口有好重嘅菠菜香味😚隱約有帶有少少冬菇嘅味道🥰而且水餃嘅口感係相當豐富，因為菠菜、豆腐乾同冬菇三種食材嘅口感都係截然不同，鍾意菠菜嘅可以單叫呢一款，真心絕對唔可以錯過🤫南瓜蝦肉餃就用左南瓜汁水餃皮包住南瓜、蝦仁🦐同雞蛋🥚製成。蝦肉餃入口其實個蝦肉味都幾突出🤔配搭味道香甜嘅南瓜，成個配搭非常創新😝而且水餃入面嘅南瓜絲同雞蛋絲配上爽口嘅蝦仁整體嘅口感都非常豐富🤭-🍴紅棗雪耳燉雞湯評分：7.5/10燉雞湯入口味道清甜，但有少少紅棗嘅香味😋不過雞湯入口就油膩左少少😎但整體嘅味道都相當唔錯。而且個湯入口亦都有淡淡的雞味🤭另外，喺雞湯入面亦都有幾舊雪耳喺度，雪耳本身已經煲得非常軟淋，非常入味🤗-🍴鮮榨紫薯露紫薯露係用新鮮紫薯放入攪拌機入面打成☺️完全無添加糖，味道非常天然😏紫薯露入口飲落其實唔算太杰身🤔而且入口味道亦都唔算太甜，係天然嘅紫薯味，而且聞落亦都帶有少少花青素嘅香味🤣不過，就因為由於飲品係用紫薯製作，所以成杯飲晒其實都幾飽肚😌如果叫得多嘢食嘅話可能就要考慮下share一齊飲啦😁-🍴百香果梳打百香果梳打入口非常夠氣😚而且帶有好重味道酸酸甜甜嘅百香果香味。不過百香果果醬同梳打嘅比例調配得唔係太好😅所以入口味道有少少偏甜🤫希望日後會有改善但同時梳打亦非常解辣，因此若果大家真係怕好甜的話，建議大家都係唔好嗌呢杯飲品啦😳…查看更多

呢一間台式糖水店開咗嚟香港其實都已經有兩個月，不過每次經過都見到有勁多人排隊😂真係即刻放棄左🤫所以小編今日特登一早起身走去食，晨早流流食芋圓真係有啲癲😳不過都係值得嘅，出品絕對冇網上面講得咁差，但要排隊嘅話真係要諗諗🤭而且仲可以試埋佢哋啱啱新出嘅新品添🤗鮮芋仙Meet Fresh係一間做地道台式糖水嘅店舖😆產品承襲傳統台灣味嘅製作工法，而且店舖堅持使用台灣天然原材料食材現煮現賣😊-🍴凍芋圓6號芋圓6號以刨冰🍧為基底，表面再放上芋圓、粉粿、粉條同珍珠😜刨冰入口嘅味道啱啱好，唔會太甜，但又唔會淡茂茂😏而且刨冰底部加入左冬瓜糖水，所以入口味道清甜🤗配上芋圓同珍珠一齊食，口感非常煙韌🥰而且芋圓入口大有淡淡芋頭香味，中間亦都有啲芋頭粒喺度☺️口感亦係比較豐富；至於個地瓜圓方面，地瓜圓入口有好重香甜嘅地瓜香味，而且當中亦都係有一粒粒嘅地瓜粒喺度😯所以入口食落都唔會太過單掛😁至於個粉粿同粉條方面，兩者嘅質感都比較爽滑，而且冰凍嘅刨冰亦都令兩者嘅口感變得更加煙韌😝另外，粉粿同粉條入口食落本身都自帶有少少天然嘅香甜氣味，配上味道比較清淡嘅刨冰簡直係絕配😋-🍴熱芋圓6號芋圓6號以紅豆湯做底😉裏面再放入芋圓、粉粿、粉條同珍珠😌紅豆湯入口暖暖地咁，而且飲落有淡淡的紅豆香味🤪甜度亦都唔算太高，亦都比較暖胃。不過由於個紅豆湯本身係暖暖地嘅關係，所以入面嘅配料都會變得比較軟身🤔口感亦都會變得比較軟糯😎另外，當中嘅芋圓同地瓜圓嘅味道都會變得更加突出😌芋頭同地瓜嘅香味都會越咬越出。而粉粿同粉條嘅質感亦都會變得更加軟滑，熱食反而有另一種與別不同嘅感覺🤪-🍴仙草6號糖水以仙草同蜜糖🍯製成嘅仙草冰沙為底，上面再舖滿仙草凍，另外再配上珍珠、粉粿同粉條😍而且仲會另外附上一球奶油球添！仙草沙冰入口非常冰冷，而且仙草味突出🤤甜度亦都唔算太高，冰沙嘅質感本身亦都打得非常smoothie🤗配埋仙草凍一齊食，仙草嘅香味倍增😳而且仙草凍本身滑溜冰涼嘅質感亦都同個仙草冰沙造成強烈嘅對比。而個粉粿同粉條由於個仙草冰沙嘅影響，所以入口嘅口感都會變得更加煙韌，有𡁻口😏估唔到呢一個滑嫩仙草系列更加有驚喜，瞬間俘虜左小編嘅心🤫-🍴Q麻糬雞蛋布丁拼盤雞蛋布丁🍮入口口感非常滑溜，而且帶有好香嘅雞蛋香味🤤表面配上黑糖同珍珠，珍珠煙煙韌韌嘅口感亦都令布丁入口嘅口感更加豐富😉而且表面配上左黑糖，入口味道都變得冇咁單調，會比較有層次😁Q麻糬方面，麻糬本身就分咗有原味同黑糖味，不過由於麻糬表面本身都淋上咗少少黑糖漿喺度，所以入口兩者都有好香嘅黑糖香味😎另外，Q麻糬入口感非常煙韌😝而且帶有少少軟糯嘅質感，煙韌控絕對不能錯過🤗…查看更多

辛苦左一排終於放Sembreak😢又係時候要放鬆下，而且近排有舖食Tea癮，千挑細選之下就同朋友一齊揀咗呢一間😳因為佢哋竟然有鱘魚子醬食丫🤫-🍴夢幻粉嫩下午茶下午茶以粉紅色做主題，並且部份食物以南瓜車同玻璃鞋裝住🤭非常夢幻，真係會少女心大爆發🥰～四款鹹食：迷你烤豬肉牛角酥🥐、蝦肉沙律曲奇、西伯利亞鱘魚子醬、紅菜頭酥皮盒🥧迷你烤豬肉牛角酥入口帶有陣陣嘅牛油香味😋而且口感鬆脆，中間嘅豬肉入口口感爽嫩，咬落有少少肉汁，配上味道清新嘅蕃茄片🍅，整體嘅味道清新唔油膩☺️蝦肉沙律曲奇入口口感非常豐富😜爽口嘅蝦肉配上鬆脆嘅牛油曲奇，竟然有意外驚喜🤗而且曲奇表面有啲沙律醬喺度，所以入口亦唔會太過乾身。西伯利亞鱘魚子醬配上多士同碎蛋一齊食用味道啱啱好😋入口暨不失魚子醬嘅鹹香味，但食落又唔會覺得太鹹😝而且配上香脆嘅多士，整體口感亦都會比較豐富😳紅菜頭酥皮盒入口口感酥脆😌而且帶有好香嘅牛油香味，入口完全唔覺得有油膩嘅感覺。另外，酥皮盒食落嘅紅菜頭味都唔算太重🤫所以出嚟個味道都幾夾😄～七款甜點：咖啡味軟糕☕️、草莓醬芝麻蝴蝶酥、玫瑰杏仁小甜餅、紅粉荔枝果凍、粉紅石榴忌廉卷、玫瑰香蕉蛋糕花盆🍰、鮮草莓朱古力🍓咖啡味軟糕以南瓜車裝住，上枱時更加會倒入乾冰🤗非常夢幻。入口味道方面，軟糕嘅質感軟糯煙韌😏有啲似Mochi咁🤔而中間就包住個咖啡慕絲，慕絲食落有好重好香嘅咖啡味😯質感亦非常幼滑，有驚喜。草莓醬芝麻蝴蝶酥入口食落口感酥脆😋而且有好香嘅芝麻香味，即使配上左草莓朱古力，但味道亦都唔算太甜☺️反而酸酸甜甜嘅感覺令蝴蝶酥嘅味道更加豐富🤤玫瑰杏仁小甜餅入口嘅味道就比較甜🤔但帶有好香嘅玫瑰香味，隱約都食到有少少杏仁嘅味道😚而口感方面，小甜餅入口食落微脆，唔會太過硬身😗紅粉荔枝果凍望落有種簡約美，而果凍入口食落帶有好香嘅玫瑰味😍隱伴隨着有少少香甜嘅荔枝味，而且表面有層奶凍喺度😎入口帶有淡淡奶香味，同時亦多左一份幼滑既質感😁粉紅石榴忌廉卷入口有好重嘅石榴香味，而且味道酸酸甜甜咁，非常開胃😋忌廉卷入口口感濕潤，而且鬆軟😚表面嘅石榴籽亦都豐富左成件忌廉卷嘅口感😌玫瑰香蕉蛋糕花盆入口有淡淡的香蕉味🍌，表面嘅忌廉亦都做得非常輕盈幼滑，中間嘅蛋糕睇有啲似Cupcake嘅質感🤔所以整體入口感覺亦都唔會太濕😆鮮草莓朱古力用玻璃鞋載着，非常夢幻😍而且入口食落整體感覺都非常清新，偏酸嘅草莓配上味道香甜嘅白朱古力，絕對係一絕😋～飲品：玫瑰洛神花茶、百合茉莉花茶玫瑰洛神花茶入口有好香嘅玫瑰香味😊配上味道酸酸甜甜嘅洛神花，整體嘅味道都非常豐富😋而且仲可以根據個人喜好加入蜜糖去調味😎百合茉莉花茶聞落有比較重嘅茉莉花香味☺️不過入口飲落就帶有清幽嘅茶香味😌味道比較複雜，有少少難形容😳但一樣好飲🤗…查看更多

其實小編一直都好想去試佢哋嘅壽喜燒鍋，所以近排見佢哋推出左個午市套餐就走咗出去銅鑼灣試吓，而個午市套餐包括左季節小缽、和風沙律🥗、漬物二點、蒸蛋🥚、日本米白飯🍚、味噌湯、甜品🍮同餐飲☕️，都非常豐富。-🍴日本A3和牛壽喜燒鍋師傅會將熱好的壽喜鍋內塗上牛脂後，加入秘制醬汁同純米吟釀🍶，配上特選產地直送牛肉🐂同沾上來自日本的生吃用蛋🥚。雖然和牛本身一早就已經放咗入鍋入面，不過好彩啲和牛都未完全熟透😳所以和牛入口食落肉質依然滑溜軟腍和牛嘅油脂分布適中，入口食落亦有好香嘅牛肉味。🤤沾上雞蛋一齊食，和牛入口食落嘅味道會更為豐富，而且感覺上亦都會再滑溜咗少少😘至於其他嘅配料方面，豆腐入口有好重嘅豆香味，而且豆腐可以輕易夾起身☺️唔會一夾就散；芋絲方面，由於本身嘅口感都比較爽滑，所以亦都令成個壽喜燒鍋嘅口感更加豐富😚而個壽喜燒湯底方面，壽喜燒入口嘅醬油味都幾香，而且味道亦都唔算特別甜，所以佢哋呢一個湯底都比較適合小編嘅口味😜-🍴銀鱈西京味噌燒御膳銀鱈魚嘅顏色燒到金黃色咁，真係非常誘人🤤而兩件銀鱈魚都算大件，亦非常厚肉😍至於入口味道方面，銀鱈魚嘅肉質非常嫩滑，而且入口食落亦都有啲肉汁😎白身魚嘅魚香味都幾重。再者，銀鱈魚用上西京味噌燒製，所以銀鱈魚入口食落亦都會分外多咗一種香甜嘅味道😋配上沙律醬一齊食，銀鱈魚入口食落嘅味道都會更加豐富🤫整體來講，小編都幾推介大家可以試吓呢一個午市套餐，入口不論口感定係味道都相當有驚喜，非常值得一試🤗…查看更多

車品品係網上宣佈門市做到31號就唔做啦😩雖然大角咀對於小編來講真係超級遠，不過都為咗佢特登走咗出去食一餐😎仲要係佢未開門之前就去排定隊，真係好耐未試過咁神心😳車品品小食係一間平民富貴小食店😋同時亦都係一間車仔麵店。店舖嘅用料高級😏絕對唔係揸流攤，堅持慢工出細貨😝而且仲要冇得搭枱架！-🍴淨魯肉餃魯肉餃表面嘅蝦籽用上左頂級斗門河蝦籽😝而且蝦籽會放入生鐵鑊炒香先用。而中間既魯肉就以半肥瘦豬肉🐖製作，再一隻隻人手包製😚魯肉餃嘅大細啱啱好一啖一隻，食得非常方便🥰而魯肉餃入口食落非常多汁，而且味道亦都同台式魯肉一樣咁香甜😉中間咬開既肉量都算幾多，而且入口食落完全唔覺得油膩。另外，魯肉餃表面仲有大量嘅蝦籽🤤所以入口除咗會食到有好香嘅台式魯肉味之外，每一啖都會有蝦籽嘅香味走出嚟，提升成碗魯肉餃嘅香味😆真係超級好食。魯肉餃下面仲有大量嘅生菜，好味又健康😋-🍴溏心皮蛋皮蛋切開中間真係超級溏心🥰而且中間嘅溏心入口食落黏滑，味道甘香☺️配上老闆娘自家製嘅糖醋一齊食，除咗可以去咗皮蛋本身嗰種鹼水味之外😆皮蛋入口食落嘅味道亦都會比較豐富😏-🍴黑糯米花雕酒花膠汁豬手豬手本身已經燜得非常軟腍，入口亦都比較黏口😘膠質非常重😉而且入口食落調味適中，但又好重好香嘅酒香味，醬汁嘅香味都非常濃郁😁豬手本身亦都做得非常入味。整體來講，雖然小編平時唔係太好豬手🤫不過呢一碟豬手確實令人眼前一亮，非常高質🤗-🍴紅燒吉品鮑紅燒吉品鮑以國酒茅台迎賓50°C同花膠熬茨燜煮而成😳鮑魚本身做到有少少溏心嘅效果🤭入口軟滑得來帶有少少黏牙嘅感覺，配上自家製嘅醬汁，味道非常香濃😋但又唔會蓋過咗鮑魚本身個種嘅香味。但係鮑魚入口食落確實唔係太食得出有酒香味😆有少少失望，但整體來講都係好味嘅😘-🍴自製廣島蠔皇醬撈麵廣島蠔皇醬以日式嘅做法將廣島蠔煮成😎再加入鵝肝油製成嘅廣島蠔皇醬😁再放係麵底上面，製成撈麵。唔好見佢個樣好似普普通通咁冇乜特別，但入口食落確實有驚喜😂撈麵本身嘅軟硬度適中，唔會煮得太過淋身🤔拌上廣島蠔皇醬一齊食，撈麵嘅質感唔會太過乾身，入口亦都會有好重嘅蠔味😳好似將好多隻蠔食咗入口咁🤤非常特別，而且本身撈麵嘅調味適中唔會太鹹，但又唔會太過淡味😉所以整體來講會算係比較有驚喜嘅一款，不過就比較建議兩個人share食，怕膩🤫…查看更多

深水埗呢一檔大排檔超級有人氣🤗小編一直都好想試，不過萬年都勁多人等位😳所以一定要勁早去攞飛，如果唔係真係有排等😏愛文生係一間開業於1956年家庭式經營專賣小菜同海鮮小炒嘅鐵皮大排擋😎全靠兩個古董火水爐，喺街頭炒出鑊氣小炒，非常有風味🥳-🍴芫荽皮蛋魚片湯芫荽皮蛋魚片湯以芫荽、皮蛋、魚片同布包豆腐煲成🤫雖然配搭簡單，但就非常適合為呢一餐飯做一個開端☺️呢一煲湯一上枱嗰陣已經非常吸引，表面飄浮着大量嘅芫荽😳一潷起亦都有非常多嘅魚片，入面亦都加入左布包豆腐，皮蛋份量都算多😁魚片湯入口有好重嘅芫荽香味，入口亦都有少少辣辣地嘅感覺，味道非常清新🤪而且啲芫荽入口亦非常嫩身，一啲都唔老🤗至於個魚片方面，魚片入口都算嫰滑，完全唔嚡口，而且冇骨😆真係超級加分。整體來講，湯嘅味道雖然比較清淡，但味道亦都非常足夠，芫荽味重果下真係超級加分😌-🍴椒鹽九肚魚椒鹽九肚魚炸得外脆內軟，食落非常香口😙而且入口食落口感亦非常鬆化。中間嘅九肚魚雖然就唔算肥美大條🤔不過入口食落肉質一絲絲咁，但九肚魚亦非常嫩滑😝再者九肚魚入口食落嘅椒鹽味都幾重，但又唔會太過鹹，而且有啲辣辣地咁，真係會食唔停口😜而且沾埋個喼汁一齊食，入口酸酸地咁，成碟九肚魚嘅味道都會更加豐富😙-🍴豉椒炒蟶子蟶子入口味道鮮甜🥰雖然用嘅都係比較細隻嘅蟶子，但隻隻都算幾肥美，入口食落亦相當爽口彈牙😝而且蟶子入口辣辣地咁，非常惹味，而且嗰種辣係深入蟶子肉中間，所以都有少少辣🤤不過豆䜴味真係唔太食得出，但其實都已經好好味。重點係佢哋嘅蟶子真係洗得非常乾淨，入面一粒沙都冇👍-🍴豬膶啫啫雞煲雞煲一上枱嘅味道已經非常吸引，令人垂涎三尺🤤雞肉入口口感嫩滑，而且引入依家食到有少少雞嘅香味，唔會比醬汁完全蓋過左雞肉本身嘅味道🤭而豬膶方面，豬膶入口口感軟淋又帶有少少爽口咁，而且豬膶嘅份量都幾多，雖然只有幾舊，但舊舊都非常大件😄整體來講，呢一個雞煲味道真係超級惹味，令人食唔停口，不過同時亦都比較鹹，食完有啲口渴🤫-🍴家鄉小炒王小炒王以韮菜、腰果🥜混合魷魚🦑、蝦乾🦐同菜脯粒炒製而成，作為一個下酒菜來講絕對冇得彈😋小炒王一上枱嘅顏色已經非常吸引，而且啲韮菜仍然係非常翠綠😎入口食落亦都比較爽脆，都算係幾有鑊氣😋而且配埋口感比較香口嘅腰果，惹味嘅魷魚同蝦乾配上少少爽口嘅菜脯粒，整體嘅口感味道都非常豐富😚而且小炒王入口口感亦唔算十分油膩，調味亦適中，送飯一流😆-🍴金牌炸大腸炸大腸本身表面炸得比較乾身😜並唔係油淋淋嗰種，所以入口亦非常香脆。不過由於今次嘅大腸本身就比較瘦🤔所以入口食落口感會比較韌，亦會比較有𡁻口😅而入口食落亦都唔會係又硬又乾嗰種，咬落去都會有少少肉汁係到，配埋個糖醋醬一齊食就更加滋味😉不過其實呢一碟炸大腸並唔係太合小編心意，因為對於小編來講肥腸會更加好食😳…查看更多