sfu's Profile

今日去咗北角做嘢，食飯時間食啲好嘢，記得呢頭附近有間魚眾不同，知道佢哋嘅酸菜魚係整得唔錯，一諗到就即刻想去食。我11:30左右去到，未到正式午飯時間，所以好快就有位坐啦。我本身係鍾意食辣，但係又唔可以食得好辣。我睇咗佢哋個餐牌一陣，就揀咗佢哋嘅檸檬酸菜魚配小小辣。佢呢個檸檬酸菜魚係配鱸魚，另外仲可以加兩款配料，我就配咗黑木耳同埋豆腐皮。等咗一陣，我嘅檸檬鱸魚酸菜魚就送上嚟啦。聞落真係好香，我一嚟就飲咗佢啲湯，有檸檬香味加少少辣味，正。豆腐皮黑木耳好爽口，口感唔錯。米線都好滑，吸咗啲湯，好好味。下次做嘢經過呢頭會再嚟。…Read More

星期日去了荳子冰室食晚飯，今次係第一次嚟，見到佢餐牌上面有伯爵茶奶茶，佢話香港首創所以嗌咗嚟試。你有伯爵茶香味，但係就冇傳統奶茶及滑下次未必會再見。嗌咗個菜遠斑塊飯食。呢斑塊係有煎香港，所以都唔錯味道都幾香口，好易送飯。下次再嚟會叫其他食物試吓。…Read More

同屋企人今次去咗大埔三門仔食晚飯。記憶中三門仔係個有山有水嘅地方，細個嗰陣老竇帶過我來玩，有點懷舊的感覺。聽朋友講呢間皇朝明珠嘢食唔錯，所以今次決定同屋企人嚟試吓順便懷舊一下。第一個餸係招牌明路燒脆皮乳豬，呢個乳豬真係十分好食，佢應該係即刻喺廚房燒出嚟嘅。豬皮十分香脆，脂肪同肉嘅比例又啱啱好。平時去飲宴我都唔會食好多舊，今次忍唔住後食咗三四嚿。之後嘅就係鮑參翅肚羹，呢個更同外面去飲食嗰啲真係冇得比，呢個足料，而且鮑魚味好出。個碗底下面用個蠟燭燃燒來保溫，真係細心。再嚟就係紅燒乳鴿，呢隻乳鴿亦都相當有水準。乳鴿皮薄香脆，肉幼嫩，汁香。再嚟就係法式紅酒燴牛尾，個牛尾炆到好嫩而佢嘅紅酒汁十分之香。服務員話呢個汁係用X O去收出來嘅，所以零舍香甜。跟住就上咗個菜，上湯浸魚飄勝瓜。食完之前比較油膩嘅嘢，食返呢個菜同勝瓜十分清爽，感覺幫助消化。再嚟就係蝦仁櫻花蝦蝦醬炒飯，個飯炒得相當乾身好有水準。蝦仁蝦子同蝦醬嘅配合相當好，而且唔會太鹹。再嚟甜品十勝紅豆桂花糕，又好香嘅紅豆味，大人細路都好鍾意食。食完呢餐真係好滿足，而且餐廳環境相都唔錯，下次有啲慶祝都會再嚟。…Read More

將軍澳區的法國餐廳比較少有，臨近情人節，每一餐都來浪漫一下，特登同另一半去海旁的法國餐廳，特別有浪漫情調。🎈精選生蠔4隻法國生蠔，雖然細細隻，但飽滿甜味。🎈香煎三黃雞、薏米飯、黑松露泡沫三黃雞煎到油香咇晒出嚟，薏米飯🎈Tenderloin 牛柳成條牛柳慢慢切，5成熟，里面仲保存好多肉汁。🎈藍青口白汁煮藍青口，奶味香濃，青口細細隻都鮮甜飽滿。🎈Opera "Gâteau" Cake歌劇蛋糕、朱古力醬、雜莓、雪糕點少得食埋個甜品作結，甜甜蜜蜜就啱晒。仲有情人節套餐可以揀，餐廳好有情調，靜靜享受2人世界。…Read More

星期六的宏利廣場係假日特別寧靜，少咗繁忙嘅節奏，特登揀星期六來呢度食午餐。餐廳超大，落地窗採光足夠，坐落好舒服。Weekend Menu選擇好多➡️招牌和牛船麵船麵湯底超正呀，濃厚得來唔會咸 ，三大塊和牛放上滾湯上面慢慢等淥熟，食落湯都有牛味。➡️有營蔬菜香草醬長通粉呢款啱晒食素人士，香草醬味道非常清香易入口。➡️沙嗲串燒 （雞肉）$48有4串好厚肉嘅雞肉串燒，超抵食。➡️泰式奶茶招牌泰式奶茶好好飲，茶底香濃，奶泡濃稠，飲落又香又滑溜。➡️Latte外賣平一半，好吸引樓上Office嘅人。➡️椰汁西米糕泰式甜品之中，我最鍾意椰汁西米糕，椰汁味道清新香甜。好鍾意呢度假日休閑感覺，慢慢嘆杯泰式奶茶食下串燒，真係好舒適。…Read More

呢間西餐廳之前食過，覺得不錯，坐得舒服，食物好食，呢日同朋友再來食晚餐。通常叫set最抵，set入面已經好多款揀。餐湯同麵包🎈法國田螺 6件香草蒜香牛油香味超香，田螺肉已處理好，牛油香味已經滲透晒螺肉入邊。🎈烤牛骨髓烤出來仲滋滋聲冒油，牛骨髓獨有香味配蒜香調味料，塗上麵包店，滿口油香瀰漫整個口腔。🎈煎鴨肝，油封鴨腿意粉鍾意食油封鴨就唔好錯過呢一道菜，因為連意粉都滿佈鴨的油香味道。🎈原隻烤龍蝦整個龍蝦滿佈芝士的感覺真係好開心！用芝士同忌廉煮大蔥烤焗，配龍蝦蕃茄醬汁，伴碟仲有薯粒同酸種麵包。🎈Japanese Mule(氈酒，巨峰提子香甜酒，水蜜桃糖浆，紅茶)抱住一試無妨心態，點知好驚喜，甜甜地好好飲。🎈MARLBOROUGH, NEW-ZEALAND• Nuala, Malborough- Sauvignon BlancSet menu內多款酒都可以揀，呢款白酒最soft，少dry，配海鮮好啱。今日菜式全部好適合配麵包，最後是食晒所有麵包飽到好滿足。…Read More

好耐冇去過尖沙咀食晚飯了，今次我們揀咗一間上海菜食，就係呢間上海婆婆336。依間上海婆婆喺iSquare入邊，位於6樓，附近都有不少選擇，但我們一家大細都鍾意食上海嘢，所以好容易就決定咗食呢間。首先嚟嘅就係頭盤四小拼，入邊有小排骨，鎮江餚肉，小竹筍，肴肉，呢個冷盤相當醒胃，擺盤精美。之後嚟嘅就係砂鍋雲吞雞。雲吞大大粒，入邊嘅蝦夠爽口，而且味道唔錯。呢個餸入邊包含唔少蔬菜，而且個湯都幾好飲，雞肉滑溜，呢個餸好抵食。跟住至愛的上海小籠包來啦，小籠包皮薄餡靚，入邊的肉汁鮮甜，果然係唔錯嘅招牌菜。再嚟就係宮保雞丁，呢個宮保雞丁比較特別，佢係以花生配雞丁而唔係用腰果嘅。估唔到用花生配一樣咁香口好吃。而佢係小辣，啱晒我呢啲想食辣，但係又接受唔到大辣嘅人。再嚟就係黑醋排骨，甜甜酸酸，再配上菠蘿洋蔥，好味又好整胃。之後再嚟就係韶山剁椒魚片，味道都唔錯，小辣惹味又好食。我哋仲有上海菜飯食，飯外加咗蔬菜，有一種爽口嘅感覺，唔錯。呢餐飯四人食超滿足，每人大概$250食到好飽，好食下次會再嚟。…Read More

海旁餐廳食pizza通常我都會來呢間，地方夠大，約家人朋友一大班人去都坐得舒服。呢排慶祝聖誕節約埋屋企人一齊食pizza，一早book定位夠晒穩陣唔使等，好快已安排入座。✅ Tuna Tartare $148有吞拿魚他他、墨西哥辣椒、牛油果、通藕脆片，前菜食呢款好清新開胃。✅ BBQ Pork Ribs $288慢煮醬烧豬肋骨配有椰菜沙律、粟米同薯條，一大盤幾個人share食剛剛好。✅ Orecchiette Chicken $178香煎雞肉忌廉青醬貓耳朶粉，雞胸肉好嫩滑，青醬貓耳朵粉配忌廉奶香味，我好鍾意食。✅ Pizza-Piggie $198招牌鬼馬“豬”意薄餅，有招牌手撕豬手、意大利香草肉腸、辣肉腸、火腿、烤燈籠椒、紅洋葱、水牛芝士、蕃茄醬。果然係招牌，炸豬皮配pizza好有趣又好食。餐廳12月至1月有新出節慶餐牌，每位$328，有頭盤、主菜同甜品。主菜有4款，可以點8寸節慶pizza都得！…Read More

最鍾意約朋友喺油尖旺區區搵靚Cafe嘆啡，Owens喺太子站D出口右手邊，真係行1分鐘就到，非常方便。聽聞呢間係長期排隊嘅人氣Cafe，幸好一早訂位，到咗預訂時間去到就入得啦。前菜🎈沙律小食🎈意式白酒煮蜆🎈2蒜蓉2芝士雙蠔幾十蚊加個小食非常抵，特別係雙蠔，大大隻。🎈黃金蟹肉意大利飯係好好食，滿佈蟹肉，淡淡嘅奶香味，呢個係必點菜式。🎈紐西蘭頂級肉眼牛扒（飯/意粉/薯菜）牛扒都唔可以錯過，煎得唔錯七成熟，多汁肉香味濃。🎈紫薯芋泥麻糬卷蛋🎈開心果麻薯提拉米蘇呢間Cafe甜品絕對唔能夠錯過，非常出色。下午茶嗌個甜品加杯咖啡已經非常滿足。🎈Cappuccino🎈Latte非常高質嘅Cafe，無論小食、主食、甜品定係咖啡都係冇得頂。絕對會再encore。…Read More

觀塘日本晚飯🤤屋企人想食日本餐，想起觀塘呢間一杯，已經有一段時間冇嚟過，其實呢間舖頭幾好食，所以就訂咗位去。睇餐牌見到有個四人餐，見過內容都幾豐富，就決定嗌呢個餐。🩵豚肉沙律沙律肉份量都幾多，比例係一半沙律一半豚肉，配上日式芝麻醬好香，呢個沙律都佔據咗我個胃唔少位置。🩵刺身四品同海膽卷。刺身相當新鮮，鮮蝦刺身相當爽口及新鮮，非常鍾意。海膽卷我都係第一次食，鮮味香甜，感覺唔錯。🩵鹽燒牛舌&免治雞肉串燒牛舌夠厚，咬落去好煙韌，免治雞肉外脆內軟，係有水準嘅串燒。🩵鯛魚野菜石鍋湯有濃郁嘅鮮魚味道，估唔到呢個菜係咁好食，係我意料之外。🩵和牛薄燒和牛薄燒外皮燒到好香，和牛亦相當香口同有牛味。🩵蟹肉炒飯炒飯炒得好有水準，有唔少手拆蟹肉，估唔到炒飯都做得咁好。🩵雪葩雪糕雖然已經好飽，但係呢個雪糕非常香，我最後都食晒。總結係，餐廳有氣氛，每樣都好食有水準，會再嚟。…Read More

呢日同家人入西貢玩，家人推薦呢間餐廳好大，有好多玩樂設施，仲有四色芝士pizza好好食。➖Four Cheese Pizza 四色芝士 有burrata, gorgonzola, mozzarellia, mascarpone, 四種芝士出奇地夾，有齊芝士香味同口感，真係好好食。➖Calamari Squid Ink Pasta彈牙的魷魚配墨汁意粉，有花款之餘亦都好味。➖Pulled Pork Lasagna千層麵夾着手撕豬肉，酸椰菜再配上芝士，蕃茄醬及香草醬，夠晒層次豐富的味道。➖Grilled Salmon & Onsen Egg Risotto 三文魚皮好脆好香口，再伴上溫泉蛋，甘藍葉和燒南瓜，令到三文魚risotto錦上添花。➖甜品係Honeycomb Pancake 個pancake厚身又夠鬆軟，一食落口即溶。仲有糖漿忌廉同水果，滿足晒。好食又靚的餐廳，萬聖節特別裝飾好有氣氛，會再嚟。…Read More

呢日朋友帶我去鯉魚門食海鮮，餐廳近三家村碼頭，鯉魚門最出名就係海鮮，所以有好高期望，最後絕對冇令我哋失望，食得好開心又飽。我哋揀咗特價$449/位的套餐。套餐有野生奄仔蟹、韓國釜山鰻魚、澳洲龍蝦、台灣九孔鮑魚、大西洋野生青口、加拿大野生海虎蝦、韓國斧山珍珠蠔、黃金翡翠螺、蟹皇大元貝、有機蔬菜籃，一共十款。想食更加多靚海鮮可以選擇$768刁鑽套餐。海鮮食得出好新鮮，職員有介紹老闆有自己嘅漁船，所以有最新鮮嘅靚貨。好欣賞餐廳用餐之前會開蒸氣爐，消毒所有餐具，客人真係食得開心又放心。…Read More

早幾日咁啱喺銅鑼灣做完嘢，就約咗老婆去附近搵嘢食。跟住就搵咗呢間小籠包有名嘅舖頭，因為我哋全家都鍾意食小籠包。呢間分店好似開咗冇幾耐，裝修同各樣都好新淨。感覺好清潔整齊同乾淨。我哋一坐低就嗌咗一客招牌小籠包同鮮肉鍋貼，之後就叫埋其他嘢。首先嚟嘅就係頭盤酸醬海蜇頭，海蜇好爽口配上酸醬好開胃，唔錯。另外仲上咗肉碎南菜乾煸四季豆，呢個餸有少少辣，啱我呢啲想食辣，但係又唔係食得好辣嘅人。之後就上咗我哋最期待嘅小籠包同鮮肉鍋貼。小籠包保持一貫水準，啲湯汁好鮮味，皮薄餡靚。鍋貼就外脆內熱，同樣有少少肉汁喺裏面，香口好吃。之後就到雲吞雞，雖然係半隻，但我覺得好足料，另外配上雲吞，呢個真係幾抵食，因為佢仲配咗湯。感覺上呢個等於1湯+1餸。享用完以上菜式之後，我哋仲叫咗個桃膠紅棗桂圓湯，呢個湯好清潤，唔會太甜太膩，雖然之前食到好飽，加上呢個糖水唔會覺得好Heavy。好豐富的一餐，雖然唔係嗌咗好多個菜，但都食盡佢哋嘅招牌，覺得係好美滿嘅一餐。…Read More

好耐冇同老婆夜晚出去食好嘢，有朋友介紹話呢間嘅Omakase唔錯，所以就決定同老婆去試吓。呢間餐廳位於銅鑼灣，都好近大街，以前都有經過呢度，不過就冇留意呢間嘢。入到去感覺上都唔錯，好有日式氣氛。我哋一坐低就叫咗兩杯梅酒飲，杯梅酒味香味相當唔錯，又唔會太甜，我非常喜歡。前菜有北海道粟米配獎南瓜，粟米非常清甜。北海道紫針海膽，賣相非常好，海膽鮮甜味鮮，相當唔錯。日本生蠔配三文魚子，生蠔非常肥美，同三文魚子亦都好夾，相當滿足。西班牙紅蝦，花生刺身蝦頭天婦羅，一隻蝦釋出兩種味道。食咗咁多海鮮，佢跟住俾咗個池魚卷物來清一清口腔。再嚟就係拖羅及腦天，魚油相當香，在口中留下美好的魚油香。接住再有刺身，九州真鯛配柚子酸汁 ，帶出魚嘅鮮味，好食。之後係磯煮鮑魚，配鮑魚肝醬。鮑魚煙靭又爽口，配上醬汁非常美味。然後再有吞拿魚下巴，師傅將魚皮烤自卜卜脆，魚皮包住嘅魚肉份量亦相當多，外脆內軟非常滿足。之後吞拿魚繼續嚟，俾咗拖羅壽司，非常美味，真係想要多一件。跟住就係今晚令我最難忘嘅馬糞海膽配鱈魚乾片。海膽非常Creamy，可以話係我食過嘅海膽之中數一數二的味道。佢同鱈魚乾味道亦非常配合，食完呢個真係非常回味。之後再上魚湯及甜品，為呢一餐帶出完美落幕。…Read More

一到星期五就梗係同同事出去食吓午餐啦，唔通仲留喺寫字樓食咩。呢間係零碳天地嘅餐廳，搭巴士細嘅經過見佢裝修唔錯，終於有機會食啦。我哋兩個人分別叫咗兩個主菜，一個包糖兩杯抵飲試吓。我就叫咗個松露蘑菇忌廉意粉，因為我本身幾鍾意黑松露嘅味道。個松露意粉屬於素食配蘑菇，啲意粉唔會太遠唔會太晏，味道配埋松露汁好吃。我朋友就叫咗個蒜香辣蝦意粉。呢個係新菜式，我朋友話個辣蝦意粉係有啲辣，不過辣得幾過癮，蝦都好爽口，佢叫我下次都要試吓。我哋仲叫咗個照燒焦糖洋蔥牛肉包share食，啲牛肉味道大少少甜，因為加咗焦糖及洋蔥，我覺得咁樣更會帶出牛肉的味道。我哋大家都叫咗杯特飲，我就叫咗佢哋嘅招牌嘢飲Green Tangerine Americano杯嘢飲苦中帶酸，酸中帶甜，味道好特別好香口好消暑。我朋友就嗌咗個薄荷朱古力咖啡，佢話杯嘢份量好足，薄荷亦都好香，佢成杯飲晒一滴都冇剩。另外都值得講吓佢周圍嘅環境，周圍係好多綠色盆栽及綠色植物，感覺非常青綠，好似去咗郊外地方咁，感覺唔錯。我期待下一次再嚟試吓佢唔同嘅食物同特飲。…Read More