梅利's Profile

星期二晚上約了很久沒見面的朋友希望選一家較高級的餐廳希望靜靜的聊天而且剛好我們都是頗喜歡吃蒜的人看到這家的名字和環境就決定了！！我們叫了四款 一款甜點第一道是墨西哥辣椒的意粉！
MFG 招牌蒜片黑西哥辣椒銀魚柳炒意粉喜歡吃辣的朋友！！十分推薦！！平常吃西餐都沒辦法吃到辣這裡居然吃到墨西哥辣椒的菜！而且味道真的不是一般的辣！加上這家店的招牌蒜片 和意粉非常撘配這個： ⭐⭐⭐⭐ (推薦）第二道是Garlic Steak 招牌肉眼扒配蒜頭山我們只叫了四成熟跟朋友也不太喜歡吃太熟的剛好這個非常淋身 肉質非常好也是與蒜片配撘得剛好！二百多元 是與質量相稱的價格這個： ⭐⭐⭐⭐第三道是 熱板澳洲牛肉炒韓國牛油飯 配太陽蛋及蕃茄莎莎牛肉可能是因為吃過了前一道菜 沒有覺得很特別但蛋漿是精粹！牛油味也很重！
店員還主動幫我們拌勻！加分！這個： ⭐⭐⭐飲品
Sun-gria White by Jar這個飲品料很足但是味道對於我來說還好不算太出色但也不是失色 可是因為自己不太能喝酒但以酒精飲品來說份量適合和3-4位朋友一起分享但對我們兩人就有點多甜點 蒜頭香蕉朱古力醬薄餅 配自家製雲呢拿雪糕 這個甜點是精選喜歡吃香蕉的朋友一定要試試這個甜點是香蕉，蒜頭，薄餅，雪糕的結合
香蕉和蒜頭的味道 沒想到是這樣的配合👍🏻👍🏻而且雪糕是因為意大利餐廳嗎 ? 味道很濃很好食回頭必試之選！！！！這個： ⭐⭐⭐⭐⭐ (推薦）總括而言，整餐飯都是高質素的
第一次吃整餐都是以蒜頭的料理蒜頭愛好者！！！！！服務一流 店員不停refill水而且中途還幫主動幫我們換碟上菜速度快 環境非常歐式的 地方舒適也偏闊落 沒有太多韓國餐廳的影子還有open kitchen 可以看到廚房乾淨整潔是節日慶祝和朋友相聚的好地方下次也會選擇這裡👍🏻👍🏻👍🏻👍🏻…Read More

前幾日同朋友搵到荃灣呢間日式料理餐廳，有驚喜有創意，性價比超高，值得推介一睇到個晚餐菜單就好興奮，因為啲菜式全部好吸引，宜家價錢抵過出面多多聲！我叫左 初見推介特上什錦壽司拼盤配埋套餐有沙律同餐湯個湯係番茄龍蝦湯，味道好濃，店員都特別推介，超級好飲！！另外個蟹子沙律都好好味個壽司拼盤一上到黎我都哇左一聲，個盤底有啲乾冰一直冒煙上黎，視覺效果好正呢一個壽司拼盤有足足10款唔同嘅壽司，啲海鮮都好新鮮， 尤其是嗰隻海蝦同埋海膽，鮮味十足，絕對值呢個價錢。由玉子開始食食到海膽，淡味到濃味，係味覺嘅享受。呢個拼盤一個人食絕對夠飽！套餐飲品有得揀波子汽水呢個係當日另外一位朋友叫嘅套餐，性價比都好高…Read More

今日去咗銅鑼灣築地食晚餐，地點好方便，好近地鐵站。我大慨夜晚七點去到，full full地但都即刻有位坐。Menu 見到刺身盛好豐富，不過今日想食啲熱野，所以無叫到。今次叫左樣經常食既牛油果軟殼蟹手卷，軟殼蟹炸得啱啱好，幾juicy，配埋牛油果一齊食，口感一流，唔錯之後有我經常食既鹽燒青魚，呢到整得幾好食，外皮燒到好脆，肉質都仲好多汁唔會乾柴柴！最後有呢個廣島蠔釜飯鍋，呢個飯絕對係今晚既驚喜，個飯嚟到之後要焗多一陣，焗幾耐就視乎你想啲飯濕身啲定係乾身啲。一打開飯蓋就聞到好香，撈一撈見到廣島蠔份量都好多！個飯本身已經焗到粒粒都被汁色住，充滿蠔香，正呀！絕對值得一試…Read More

今日放工後嚟到油麻地，呢度都開咗一間Plato，之前食過另外一間覺得質素唔錯所以決定食多一次。首先講吓dinner set, 佢有嘅選擇好多，沙律意粉飯肉都有。而且價錢唔貴，包埋餐湯同埋蒜蓉法包， 每個套餐價錢都係＄100左右。餐湯係南瓜湯，南瓜湯打得好濃郁好綿，但餐包略嫌烘得未夠。熱愛飲朱古力嘅我去到邊都會試吓佢哋嘅朱古力，而呢一杯我比嘅分數都幾高，因為朱古力味好濃郁唔會因為啲冰而沖淡口味。叫左個side dish fries。面頭個醬汁係有檸檬味嘅cream cheese加埋煙肉碎，個人認為你一個清爽的cream cheese配搭埋薯條係一個好清新的口味。就算食多啲都唔會覺得好油膩，不錯👍你一個係野菌意大利麵，我覺得呢一個醬汁真係非常之好食，調味10分恰當，蘑菇俾得好足， 幾乎每一啖都會食到， 10分推介！另外呢一份西冷牛扒都冇令我失望，我叫咗五成熟，切開睇吓果然煎得啱啱好，牛味幾重肉質亦都好好食另外就係佢嘅配菜一啲都冇手軟，有興趣同埋西蘭花，沙律等， 每一樣都好好食…Read More

上星期收工嚟咗呢一間Cafe食晚餐，大概七八點去到，門口都有少少人等緊位，不過等左一陣就入得啦。今次我叫咗個set dinner, 因為一個Set有餐湯同埋沙律，叫咗一份香脆豬手$168 幾抵食雖然個沙律普通，但我幾鍾意個餐湯，係南瓜湯，有好香濃南瓜味好滑！豬手好大份啊！上到嚟仲係熱辣辣，外皮好香脆，配菜有薯角蔬菜。講下隻豬手先，我覺得隻豬手調味做得幾好，肉質亦都好嫩，配埋香脆嘅外皮真係幾好食。因為豬手本身調味唔重，所以配埋佢嘅特製燒汁味道就啱啱好食落唔會有好heavy嘅感覺。另外值得一提嘅就係呢一杯Chocolate Paradise！提提大家飲之前記住攪勻個底， 因為下面有好多朱古力醬架，面頭個朱古力雪糕好好食，因為裏面仲有好多朱古力碎，值得一試…Read More

最近知道咗荔枝角工廈裏面有呢間餐廳，係d2place行完之後我就同朋友過咗嚟呢間餐廳食晚餐，雖然話係工廈，但行過嚟一啲都唔遠，幾就腳。Set dinner都有好多款選擇，今次我試咗set dinner既紐西蘭草飼肉眼扒。先來左餐包同埋餐湯，野菌湯嘅料好足，飲嘅時候都感覺到裏面有好多蘑菇仲有少少未打磨到溶嘅蘑菇粒喺裏面，口感十足另外呢個沙律都好特別，雖然係常見嘅ham and salad, 但沙律採用嘅巴馬臣mousse令整個沙律更有風味，mousse味道唔會太咸，配沙律菜食有淡淡嘅芝士香，感覺好清新。今日嘅主角係呢塊肉眼扒，配菜都處理得好好，菇菌類同埋蕃茄薯仔嘅調味都好好，佢買佢哋嘅特製燒醬汁食好match!肉眼扒我選擇咗五成熟，切開見到肉質依然好粉嫩好靚，充滿肉汁，肉質一流，個人覺得質素很高。甜品係朱古力蛋糕，幾好食，但送到上嚟我已經好飽啦…Read More

之前已經食過bari uma, 記得我果時係俾佢地既肉深深吸引，最近係中環行街經過見到開左新既舖頭，即刻要試下！環境格局同其他分店有少少分別，係一排排的。因為我真係好鐘意食肉，所以今次叫左特盛豚肉拉麵。湯底好濃厚，有筍同蔥花做配料，麵條係比較幼身果種。每一塊豚肉都好厚身，但好容易咬開好嫩，肥瘦比例岩岩好，超正面頭有少少辛味辣醬，好好味。整體感覺個水準同我之前食既一樣，保持得好好。今次我叫左一份煎餃試下，煎餃外層好香脆，個皮唔會太厚，咬落去仲有汁，唔錯呢個抹茶紅豆雪糕我上一次已經試過，抹茶雪糕好香濃軟滑，必試！…Read More

上星期放工後同朋友相約食呢間chef's stage kitchen，因為見價錢唔算好貴而且評價相當高。Dinner set menuSummer special drink我同朋友一齊order左一份肉眼牛扒dinner set，同埋另外叫咗一個意粉。店員可能知我肚餓，貼心送上麵包小食見套餐有得升級加配黑松露牛肝菌蘑菇湯，我就即刻加左。呢個湯打得好滑，松露香加上牛肝菌蘑菇你個湯非常之濃郁，調味亦都好好，一碗其實唔夠喉晚餐配嘅西柚橙沙律一啲都唔Hea,所有蔬菜生果都好新鮮，輕微嘅粗酸味十分之開胃。呢度係summer drink嘅其中兩杯飲品，我就試咗前面呢款水蜜桃蝶豆花特飲，賣相好吸引，唔會太甜好好飲！！主角係呢塊肉眼牛扒，食咗第一啖之後，就覺得呢塊牛扒絕對值呢個價錢，我叫左5成熟，肉質唔會煎到好老，牛味好重， 配店員所推薦嘅牛肝菌醬汁，好出色因為我係蘑菇愛好者，所以另外就叫左呢個燒烤大蘑菇意粉。醬汁好香好濃郁，意外嘅係我哋食晒成個都唔會覺得好膩，好高質啊！！下次想食西餐，我絕對會想再試多次，試下其他菜式…Read More

從未食過吉列牛既我今日滿懷期待既心去一試吉列牛七點鐘就到左未算好多人，店舖裝潢同擺設都好整齊舒適。我今次揀左安格斯牛的御膳定食，喺餐牌見到呢個定食份量好多，一份定食一定夠飽。另外仲有其他定食，亦有唔同等級嘅牛肉，例如和牛。一份御膳食有一大份吉列牛，一份漬物，一隻溫泉蛋，一碗赤味增湯，一份沙律同埋一大碗白飯。根據店員嘅指示，每塊牛每一邊笑大約20秒係最好食嘅，放咗牛肉上鐵板後燒到吱吱聲，20秒好快就過，燒完嘅吉列牛外脆內軟！揸過嘅吉列外層依然好鬆脆，但一啲都唔油膩，牛肉經過燒烤後，唔會成塊變熟，中間呈現着粉紅色，口感好豐富，真係第一次食嘅大驚喜個人好鍾意配小小岩鹽食，令牛味更出色，另外果三款醬汁每一款我都好鍾意，所以交替住咁試，好好食！漬物同沙律都同樣出色，全部都清晒。白飯雖然係配角，但加埋溫泉蛋後就變成一個好出色嘅拌飯，我個人嘅喜好係加埋醬油撈飯食，推薦大家都可以試吓…Read More

大喜屋其實都食過幾次，個人覺得性價比不錯。今次決定試一試極尚大喜屋！首先要讚美既係，今次叫乜有乜，無漏單情況出現，而且食物十分之快就送到，100分！！第一樣黎到既係呢碟蒜片牛柳粒。細細一碟有好多粒，牛柳粒牛味十足而且肉質唔會好難咬，連同蒜片食好香口所以之後又叫多碟 哈哈飲品選擇有好多，我就貪新鮮叫左雜果賓治，好飲放題主角係刺身同壽司，用料好新鮮。我係甜蝦愛好者，呢到啲甜蝦大大隻，好鮮甜，完全不負所望壽司比較細件，完全適合食放題每樣都想試的心情，刺身同飯比例岩岩好，一啖食落去好滿足！必食軟殼蟹手卷！啱啱炸好既軟殼蟹好大隻，炸到外皮好脆，正！燒物無叫好多，但特別一提就係串菇燒得好好，好juicy呢個係香辣炒蟹，蟹肉好結實，調味好足，唔會太過辣，值得一試！呢度一人可以揀一杯Haagen-Dazs或者movenpick雪糕，食完覺得抵返晒。另外甜品嘅選擇亦都有好多，我就揀咗個牛乳布丁同埋馬卡龍，分量啱啱好，布丁唔會太甜，食完飽到上心口…Read More

平時食燒烤食得多，今次試吓呢間烏龍燒，呢度嘅串燒串好一串串俾你，枱面有多種醬汁同埋調味粉，客人仲可以自己加選其他調味粉去試。首先串燒嘅選擇有好多，海鮮，肉類，丸類，應有盡有。調味粉我就加左惹味香菇粉去試，好多玩法👍🏻右下角呢幾件係海鹽牛肩胛，肉質好鮮嫩，面頭有海鹽，燒完之後唔需要加任何調味料已經好食😍另外仲有燒鹿兒島豚肉串，燒完之後加左少少沙嗲汁食，啖啖都係肉，好夾好惹味！另外值得一提嘅仲有海鹽青花魚，呢幾，本身已經熟同埋調味左，我哋擺上網燒左一陣之後，外皮好香脆，啲肉好嫩👍🏻本身我好鍾意食燒蔬菜，見到Menu上有大蘑菇同埋茄子韭菜，我就即刻叫左黎試吓。個人鍾意食燒蔬菜加好多嘅孜然粉，大蘑菇燒完之後好juicy，茄子同韭菜奉加上孜然粉好香好惹味，正呀！最後就係有呢一隻扇貝，扇貝陪埋蒜蓉俾你自己加，燒到扇貝收咗水之後就可以食架啦，燒完仲有大大啖肉，好新鮮，值得一試👍🏻…Read More

今日收工嚟咗呢一間荃灣嘅西餐廳，未入到去已經覺得氣氛幾好，裝修同埋燈光都好好feel❤我同朋友分別揀咗兩款set dinner，你一個餐包括沙律，餐湯，麵包，主菜同埋甜品，十分抵食！ 沙律好新鮮，有蜜桃加ham，好開胃👍🏻另外餐湯係羅宋湯，蕃茄味好濃，有微微既辣味，好飲啊！蒜蓉餐包熱辣辣，正！朋友揀咗德國鹹豬手做主菜，鹹豬手嘅外皮烤得好脆，肉質都夠嫩，夠咸夠香。鹹豬手配有三款醬，,分別係芥末，蜜糖同埋酸辣醬，個人最鍾意點蜜糖食，因為鹹豬手配蜜糖甜甜咸咸好好食😍至於我就揀咗西冷牛扒做主菜，西冷牛扒超大塊， 我揀咗三成熟，肉質好嫩，牛味重，加埋個燒汁十分出色，值得一試！另外一個一題嘅就係配菜薯蓉，蒜蓉有好香嘅牛油味，打得好滑，食完去成個口都留有牛油嘅香味，超正！👍🏻👍🏻　…Read More

今日同男朋友放工黎左長沙灣，搵到呢間食西餐既餐廳，係行遠少少，但食物質素確有驚喜☺️首先行到入黎已經覺得裝修同燈光都好靚，尤其係兩邊牆身既led display，店員介紹係老闆搭瑞士火車影既窗景！成件事即刻好浪漫😂睇睇menu，選擇都幾多，價錢合理，有分group tour, from the sea同from the land，每一樣其實都好吸引好想叫曬黎試下🙈飲品我地叫左一杯菠蘿汁同凍朱古力，然後等左一陣，首先上枱既係微辣白酒蜆意大利麵，呢到用嘅係比較扁身嘅意大利麵，白酒味好香再加少少嘅辣椒，立即令意粉更加開胃，你食少少就覺得好膩👍🏻脆皮豚肉配胡椒番茄汁呢道菜十分高質，豚肉嘅厚度大概有一cm，外皮好酥脆，肉嘅肥瘦分布好平均，加上胡椒番茄汁十分之開胃，醬汁仲有菇菌，配飯食真係一流。😍牛肩胛配蘆筍黑松露波特菇賣相好吸引，面頭嘅係用青醬造嘅牛油，一切開牛肩胛，色澤粉紅，蘆筍同埋青醬一齊嘅配搭十分之好，另外黑松露波特菇上有蒜片，黑松露味道唔會太重，咬落去好juicy👍🏻👍🏻…Read More

今日同朋友嚟咗荃灣呢間日式放題，一坐低有好多款唔同嘅食物已經好興奮，除咗平時一定會有嘅刺身，仲有比較少見嘅磯燒海鮮料理。飲品選擇都幾多！👍🏻一坐低就梗係叫刺身啦，呢度嘅選擇都算多，三文魚同埋甜蝦嘅質素都唔錯，仲有新鮮鱸魚同埋油甘魚，食落口都幾鮮甜，不過最鍾意都係甜蝦所以我叫左好多次😍雖然海鮮嘅選擇唔多，但都幾好食，個人最鍾意食嘅就係燒垷，放落報道燒到佢啱啱開口，再加少少清酒就食得啦👍🏻 另外我超鍾意食燒菠蘿，佢呢度啲菠蘿好大舊好甜，所以燒完咬去超多汁，放題食咁多野食到濟嗰陣食返幾件就岩！另外最驚喜嘅應該就係呢條鹽燒鯖魚，加少少檸檬汁，咬落去啖啖肉，都幾高質👍🏻另外叫咗啲小食例如一口牛，調味幾好，肉質都嫩，如果熱返少少就更加好🤤 總括來講，放題可以食到咁多野，質素又唔差，上菜又上得快，冇漏單，下次會再戰！…Read More

今日同朋友行完街見時間仲早，就去左呢間新開嘅韓燒店試下。一入去就見到有個大大嘅figure，應該係呢間店嘅吉祥物。餐廳周圍都有呢個吉祥物嘅poster, 再加上紅藍配色，整體風格一致。雖然店面唔係太大，但枱同枱之間都有足夠空間，坐得幾舒服。👍🏻叫左野食之後，侍應就送上前菜同埋幫我地落蛋漿。同其他韓燒店唔同，呢到唔再係由侍應幫你落泡菜同芝士粟米。而係可以根據自己個人口味自己落。因為呢間嘅泡菜對唔係好食得辣嘅我黎講都算係辣，所以我地就選擇落少啲。如果唔係，我諗我就食唔到泡菜蛋啦。順帶一提，前菜可以無限refill但係蛋漿係冇架。我地豬，牛同海鮮都有叫。侍應會提醒我地要燒左豬同海鮮先，原來係因為燒牛會換網板。由於我地唔係好識處理隻八爪魚，於是叫左侍應黎幫手。佢擺左隻八爪魚落板之後，就用一個熨斗形狀嘅鐵板壓住，令佢受熱平均啲，細心得黎玩味十足。😂到我最期待嘅牛肉，好新鮮同埋雪花分佈均勻，食落唔會好難咬開。而且均得較為厚身，大小適中，有咬口得黎仲可以一啖食曬。除左就咁食之外，仲可以用生菜包住黎食，又係另一番風味。飲品方面，我就叫左芒果橙沙冰。雖然唔係好大杯，但質素的確唔錯。唔會太甜，又有淡淡嘅果味，冰又夠綿密。食完燒肉飲番杯沙冰夠曬refreshing。😋…Read More