S Y C's Profile

一直都好期待牧羊少年喺機場開業，因為機場的非禁區實在太少餐廳，而且沒有那幾間是美味的。這間分店的室內設計用心，極具風格，它的色調是參考香港舊電車，座位寬敞，走廊也寬闊，方便旅客把行李放在身邊，令人安心原本打算去吃早餐，怎料他們的早餐時間至到11點，所以唯有點午餐。看實體menu 時，怎樣都找不到all day breakfast, 只有QR Code 內才有，所以大家要留意啊。我和老公選了All day breakfast, 見到menu 寫明是選用bakehouse的focaccia, 我本來都喜愛食bakehouse 的麵包，所以十分驚喜！我老公也是見到是bakehouse 的麵包，所以沒有選丹麥吐司。送到上枱時，有wow的感覺，因為好大份！胃口不大的兩個女仔可以share 食。西蘭花如menu 所寫，似是澳洲的，爽脆新鮮。其他配菜都正常發揮。最可惜的是，那片麵包並不是focaccia! 而是一個平平無奇的豬仔包從張相見到，一份是豬仔包嘅上半部分，另一份是豬仔包的下半部分。我以為只是外型不似focaccia, 怎料吃下去一丁點focaccia 應有的香草和橄欖油都沒有！十分失望！其實餐廳如果當日缺貨，應該預早告訴客人，bakehouse 麵包是一個吸引點，也是我們不滿意的原因。由於不是套餐，咖啡要用原價買，還要收加一，所以每人都要$185，不算平宜。希望餐廳以後有什麼缺貨可以在客人點餐後立即提出，以免客人失望。…Read More

呢個雪糕只係東涌同沙田至有，作為東涌居民，當然第一時間試吓啦！原來開心果醬並不是只係面頭嗰層，而係中間都會唧一層！所以開心果味幾濃！底層有驚喜，係千層酥，帶來脆脆嘅口感。:)由於千層酥本身係甜，所以食到最後會覺得太甜，好想飲水嘅感覺。總括嚟講係幾值得一試，開心果控更加唔好錯過！…Read More

點左車仔麵，要油麵，湯底揀咗泰式船麵湯底。等左十幾分鐘，侍應上菜時先至同我哋講話冇油麵所以俾咗公仔麵我話點解唔問下我哋想改咩嘢麵先至去煮？ 由於我老公已經好肚餓，所以廢事換。然後我老公發現，原本佢要求嘅湯底變咗普通清湯底:(！ 一睇湯底顔色就知好明顯並非船麵湯底出餐速度亦較慢，我哋星期日下午茶時段去，只有一成枱有客，但我哋等左十幾分鐘至有野食。服務方面ok, 都算有禮貌。…Read More

之前食過好多次佢嘅蛋撻，今次食早餐想食咸野，所以揀咗巴東牛肉批，結果有驚喜！熱辣辣，入面嘅牛肉係好似牛腩咁大舊！而且好夠淋夠未！最緊要唔係好辣，不過如果想食辣嘅朋友會有啲失望。如果多返少少汁就更惹味！牛肉份量好多，直頭好似食咗碗牛腩麵咁！推介👍🏻👍🏻👍🏻之後我仲試埋佢個馬沙文雞批，都係咁多餡，汁亦都係較少，雞肉冇皮但都唔鞋，值得一試…Read More

嚟開朗屏探阿媽，老公突然話想食pancake, 網上揾到Find the way, 雖然唔係喺我bucket list入面，但係見食評不俗，所以嚟試吓。一打開門，先至知原來咁細間，好好彩我哋即刻有位。我哋個座位對正男店員（老闆？）沖咖啡個吧位，一路等一路欣賞老闆沖咖啡，賞心樂事。 見到佢每個步驟都好細心好專業我要latte, 外面cafe嘅latte 一般都係好淡，甚至似水(連鎖店通常都係咁），但係佢哋呢杯，飲第一啖已經有香濃咖啡味:)，一d都唔苦澀，我老公都話佢杯dirty都夠濃，而且飲到尾都有啡味，呢一點出面大部分cafe 都做唔到！有飲開dirty 嘅朋友一定明白呢點。Pancake 一食就覺得好香蛋味！因為我怕肥，一開始撥開左舊牛油去一邊，食食吓發覺原來舊牛油係咸牛油，配搭甜甜地嘅pancake 又幾好味！所以最後都搽曬舊牛油！由於全店得八個位，好快滿坐。我哋期間都有四個人要排隊，不過等一陣就有位。臨走時，老闆幫我哋拉門，仲傾左一兩句，好nice :)呢啲用心小店喺香港好少見，希望佢哋繼續努力做落去，我哋就可以嚟享受下有質素有heart 嘅咖啡同食物。…Read More

一條友入去即刻有位。魚腩粥有三舊魚腩，但冇乜味，薑絲只得三條，唔及得油麻地一間專食魚粥嘅粥店。粥底起初係綿，食到一半就變稀。炸両更加失望，一D都唔脆，唔明點解咁多人幫襯。食到一半有一家三口坐落嚟搭枱，我都算我知一個人冇理由坐四人枱。但係個對父母未叫野食已經除咗口罩因為張枱好細加上有隔板，佢坐咗喺我碟炸兩面前！仲不斷講嘢噴口水，OMG! 我唯有快口扒埋兩啖粥就走…Read More

第一次幫襯，之後隔兩日又嚟，因為老公嚟完第一次已經愛上。第一次係食brunch , 老公叫左個all day breakfast 同 mocha , 我個係Warm Green Brunch $ Flat White. All day 份量超大，兩個女仔可以share 食 , 香腸食得出係鮮肉整，唔係雪藏貨，茄汁豆比一般嘅大粒。Warm Green Brunch , 意想不到嘅係菠菜同羽衣金藍係炒熟左，好有「咬口」，入面mix 埋藜麥同杏仁片，旁邊有塊芝士，咸咸地。老公大讚杯Mocha 好飲，咖啡同朱古力味好平衡，外面好難整到兩種味都有。我杯Flat white都幾好，個foam 打得好企，亦有咖啡味，唔會好似d咖啡連鎖店好似水咁。第二次嚟就有啲失望。Classic Raspberry Smoothie 好失望，好大陣粉味，berry味完全飲唔出，只有berry 嘅籽同粉味，smoothie 點解會係咁嘅色？落咗奶？要$78杯，超唔值！Ice Mocha 就同第一次飲熱嘅一樣，好味。本來想食隔離枱類似taco 嘅輕食，但唔小心叫左個鐵板牛+雞（Fajitas），配tortilla。個牛冇驚喜，雞反而比想像中滑，應該係慢煮，個tortilla 就一般，放涼左個邊變咗乾乾地。甜品叫左個french toast , 又一失望！toast 好乾:(，相信煎之前浸蛋汁浸唔夠，上面加一舊應該係butter cream, 但對口感及味道都冇幫作，如果係雪糕會好好多，碟上只有少量糖漿似係裝飾，$150，下次唔會再叫。雖然今次有啲失望，不過見到隔離枱啲pizza 同有個貌似豬腩都幾吸引，又唔會限時交枱，會俾多一次機會佢嘅。…Read More

被一位好有passion嘅男侍應所感動，不得不寫這篇食評表揚一下😊用OpenRice book 了晚餐，留言想坐指定一張枱，趕不到巴士驚遲到，於是打電話去叫餐廳留枱，接聽的工作人員很友善地説沒問題，放心了。到達後，我發現佢認真地hold 起咗我OpenRice 指定果張枱！😀就算有客唔小心坐左都會有禮貌咁扞衛住我張枱👍🏻我哋研究餐牌時，有位口音「鬼鬼地」嘅侍應走嚟推介二人餐話好抵，最後，我哋冇點到二人餐。我哋落咗單一陣，佢又再走嚟，話佢幫我哋計過數真係二人餐著數好多，最後我哋都係維持原判😆 但係好appreciate 呢個侍應咁有心為客人著想🥰開餐冇耐，佢走黎問我哋覺得食物如何，我哋話全部都幾好味，唯一係有一碟主菜嘅薯條似係番炸，另一碟就好新鮮，我強調我哋唔介意反正會食唔晒。點知過咗一陣，佢拎左一碗新鮮炸嘅薯條過嚟😱 我哋真係唔係幾好意思，因為本身唔係想佢補番d薯條俾我哋。最後我哋唔好意思之下，唯有冒著增脂嘅危險食晒佢！😆😆無論食物及服務都好滿意，環境又舒服，d枱唔會set 到密麻麻，特別係招呼我哋個侍應，feel 到佢對工作同客人都有passion，細心友善，值得一讚👍🏻👍🏻👍🏻…Read More

好耐冇寫食評，估唔到一寫就係因為一肚氣！😤😡我行埋去問個女仔有冇半底賣，佢話冇，然後行開咗，我望個menu 揀咩味，然後同個阿叔（應該係老闆）講想要一底原味格仔餅，佢誨誨氣氣話等一陣先，錢都唔收住，繼續整野。於是我唯有繼續等。😓😓一陣間佢過嚟收錢，我正想話比佢知我想要一半搽醬一半唔要醬，但我個「一」字都未講完，佢就話：陣間至講啦！未輪到你！🥺 我無言，企埋一邊等。😓又過咗一陣，佢好大聲問「格仔餅」眼望住一對情侶以為佢哋等緊格仔餅，對情侶話：我哋要雞蛋仔嘅。😦我見冇其他人應佢，於是上前話我係格仔餅，個「餅」字都未講完，佢又話我：唔係你呀～ ⋯⋯😳😓所有人走晒，最於輪到我😭 佢問我要唔要醬了😭 我企左響舖頭側邊等攞，又俾佢話我：行番去前面攞啦！😓我排隊買時都見到有人企響側邊等，點解又冇話佢哋？？？😫😤😡睇到食評寫得咁好，懷住滿分期待去對面公園仔享受。。。結果。。。好一般！個餅皮只係微脆，花生醬味亦唔濃，亦唔係粗粒花生醬，整體只係得個甜字！😞加埋如此囂張趕客惡劣嘅態度，本人絶不推介👎🏻👎🏻👎🏻 佢唔夠人手，亦冇一個有系統嘅方法去接單，收左錢又唔知邊個客先邊客後，D客又冇飛仔唔知自己排第幾，阿叔自己又燥底又耐性，唔覺得佢好鍾意自己嘅生意，受罪嘅就係d客！😭😌💣💥💥💥…Read More

聖誕佳節周圍都難book 位，要不是就是包場！在openrice 不斷search 之下，搵到呢間私房菜，最開心係我之前一晚book之後一晚仍然有位，而且可以點定菜！太幸運了！Menu 選擇很多，不是一般私房菜廚師煮什麼客便吃什麼沒有選擇。:)除了我們所選的菜色外，餐廳還送了藍青口作頭盤。雖然是送的，但十分美味嫩滑，完全無渣，剩下的汁還可以點麵包食無論電話點餐或是用餐時服務都很好，絶對會推介給朋友！…Read More

上次試過菁森有信心，今次試鮨森嘅lunch定食！(仲食左兩次添！)佢定食有好多選擇，由一百幾至四百幾元都有，豐儉由人。定食包括有前菜、主食、麵豉湯或烏冬或蕎麥麵、仲有咖啡，好豐富！…Read More

得知有日本居酒屋新開, 愛試新店的我即刻組隊探訪 !菁森位於時代廣場附近的商廈中, 街外已看到大大個的招牌, 很易找! 菁森有個孖生姊妹叫鮨森, 位於樓上(16樓), 是主打日本料理. 雖然我們是坐在菁森, 但是也可以點鮨森的壽司, 很flexible! 菁森環境很有傳統日本居酒屋的特色, 想欣賞廚師的工架的有bar檯; 想有私人空間的可以選卡位; 大伙兒的可以坐大廳. 先說串燒:在雜誌上看過, 鮨森的壽司飯是與別不同的, 它的飯是以日本皇室專用的陳醋調味, 而非一般的白醋, 所以它的飯是有淡淡的啡色, 而且能帶出魚的鮮味. 一場來到, 當然不能錯過啦!除了相片中的食物外, 我們還試了如下: 海膽壽司:): 這裡的壽司是小飯版本, 所以海膽的份量也就比坊間的多了! 至於質素, 當然沒有令我們失望啦!燒玉子壽司: 平時我一定不會吃甜蛋的, 但這裡卻是必點, 原因就是, 它是釀了蝦膠的呀! 甜品是tiramisu, 本來對贈送的甜品沒甚期望, 但原來都沒令人失望, 有酒味也有marscaphone味, 不似有些地方只有cream味. 可能我們當日是剛剛正式開業的第一天, 上菜的時間比較長一點, 不過以食物質素和服務而言, 是值得再來的! 據說鮨森的壽司師傅是來自壽x廣, 難怪其壽司刺身皆令人喜出望外, 下次一定要會一會它!…Read More

一直對呢間成日大排長龍嘅車仔麵都有好大好奇, 不過由於bf 唔嗜車仔麵同埋最唔鍾意等位又坐得"迫夾夾”, 所以一直都冇去食.尋日響附近做完野, 六點去到, 大把位. 腩汁湯底惹味而不會太咸, 我食完後冇飲野都唔覺得口喝! 牛腩夠淋, 就算係好瘦嘅都好夠淋. :) 蘿蔔鮮甜, 只係略嫌淋左d, 同太細舊, 我鍾意有d咬口嘅. 冬菇厚肉而入味:), 墨魚咀(其實墨魚鬚)好爽口, :)讚! 但係可惜個麵底(我要米粉) 太少, 食完都唔覺飽! :(…Read More

我一向都是不會, 也不敢跟人家吵架的人, 在很多情況下都“退一步海闊天空”。但是, 今次真是忍無可忍! 前天去灣仔開會, 特地去openrice 瀏覽找找有什麼好食肆。:)最後懷著期望去試這間以竹升打麵的老麵家。點了雲吞麵 和 芥蘭全走 (不要蠔油和油).。 雲吞麵的麵, :)真的名不虛傳, 麵質爽滑幼細, 別處難找。雲吞細細粒, 一共5粒, 不用上肥豬肉而用較瘦的豬肉, 適合追求健康人士。 份量略嫌小, 約比一般食飯碗大一點而已。 芥蘭全走, 沒什麼好描述, 各處的都是差不多, 只是略為灼得稔一點, 黃了。埋單時才發現, 芥蘭全走竟然索價$30 大元!!! 問樓面的大嬸, 她說他們所有芥蘭都是$30。 於是, 我走到櫃面, 跟女掌櫃理論, 她也是同一的答案。我說餐牌上$30 的是『蠔油蝦子芥蘭』, 我的芥蘭是什麼也沒有的, 都要我$30大元!!!??? 而且, 餐牌上的『蠔油西生菜』都只是$22, 為什麼要收我$30???!! 櫃面旁坐了幾位長者, 他們都是此店的常客, 他們“幫口”說這店開了幾十年, 一向都是這樣的了, 個個客都知是這個價錢。但是, 我說, 我是第一次來吃的, 他們雖然是老子號, 但怎可以當個個食客都是熟客?! 而且, 我說, 樓面落單時為什麼不提一提芥蘭全走是$30呢?? (因為絕大部份的麵店的油菜, 無論是什麼菜, 包括芥蘭, 都是均一價錢的!) 當時, 我真的 “抓爛塊面" , 店子客人伙記都望著我在理論, 坦白說, 感覺真的不好受:(, 但我認為這是原則問題, 所以才敢當“眾矢之的”! 最後, 我望一望那個女掌櫃, 她說 : “冇辦法”。 卒之, 我唯有死死地氣比足$57! (雲吞麵$27, 芥蘭全走$30) 在此忠告各食肆, 雖是老店, 也要與時並進。今時今日咁嘅服務態度 (或制度), 真的要改! …Read More

一直以來都很想吃, 但每次都很多人排隊!那兩次都是剛巧路經而又少人, 所以有幸嚐試! 不用五分鐘熱騰騰的雞蛋仔已送上了! <-- 這就是我當時的反應了! 我本身不是嗜街頭小食的人, 但一吃, 真的驚為天人! 它不但熱騰騰, 而且還脆卜卜, 充滿蛋香! 最最最與眾不同的是, 雞蛋仔的邊緣位置都是脆卜卜的! 我跟bf 一起爭吃, 不用五分鐘已把它消滅了! 如果要找不好之處的話, 相信就是它太脆了, 令人上火, 要是你是熱底的人, 一定一面吃一面喝水, 否則像我一樣即時感牙肉脹了~ . …Read More