allisontung's Profile

平日午飯時間嚟到 估唔到舖頭入面都差唔多滿座 因為唔係太肚餓嘅關係 兩個人share叫咗一個總匯吐司 一杯凍latte 月同埋熱cappucino吐司一上枱 我同朋友都忍唔住嘩一聲😂估唔到咁厚咁大塊 入面有三層三塊麵包 塊雞髀幾滑 唔會柴皮 炒滑蛋好厚 食落去質感好似食緊玉子燒咁👍有少少麻醬 唔錯熱咖啡個拉花好得意 飲落味道就正常呢度好處係冇時間限制 所以見到有幾張枱都係一個人拎住部電腦嚟 一邊飲住咖啡，慢慢做嘢 如果去大角咀諗唔到去邊 嚟呢度慢慢坐都係一個好選擇👍…Read More

搬咗新鋪之後第一次嚟 樓底高咗好多 環境靚咗好多 坐都寬躺咗好多 出邊係河畔公園 睇住人哋跑步踩單車都chill🤣下午茶時間嚟到 都坐滿晒人食物試咗慢煮牛丼配溫泉蛋 牛肉慢煮都幾juicy!肉質雖然未去到好林 不過都唔算柴皮 都唔差☺️☺️另一個午餐套餐，試咗A餐米形意粉 呢個食落就比較普通 口感似食緊飯多個意粉😂餐飲可以揀超大杯無限添飲嘅檸茶檸水😂見到個杯果下真係嚇親 係平時超大嗰隻啤酒杯 如果有時間坐喺度慢慢嘆飲杯茶其實都唔錯～小食另外仲加咗個明太子玉子燒 明太子沙律醬加咗喺面 味道不過不失…Read More

今次已經係第二次嚟 排隊嘅人少咗好多 食物同飲品質素，依然冇令我失望☺️吐司方面試咗期間限定嘅 鳳梨雞軟骨吐司盒子 開頭有啲擔心呢兩樣配搭會奇怪😂點知食落又幾好食 鳳梨酸甜再加啲芥末 超級開胃！雞軟骨，唔係剩係得舊骨 係連住少少肉嗰種雞軟骨 我平時唔係好鍾意食雞軟骨都覺得OK～另一個係好多人叫嘅招牌金沙軟殼蟹吐司 軟殼蟹有成隻 份量都多 外脆內軟 炸得好食👍番薯條都好甜嘢飲叫咗期間限定嘅開心果豆腐特調💚 開心果熊表示好鍾意飲！ 開心果味同豆腐味都好出 而且唔會太甜甜品叫咗栗子窩夫🧇 面頭啲栗子蓉好香好綿密 窩夫都唔差 所有嘢都滿意☺️☺️…Read More

雖然位置偏僻 但呢度環境都算靚 有分戶外同室內座位今次試咗小食拼盤 玄米茶卷蛋同埋三杯特飲小食拼盤，分開咗兩盤上 份量都算多 新鮮即炸 全部都幾脆口幾好食👍玄米茶卷蛋唔算太甜 味道都OK但三杯特飲就最令人失望🥲兩杯冰沙都太淡，冇乜水果味 得浸冰味 蝶豆花梳打算係最好飲 都係影完張相打左卡就冇乜特別😂…Read More

環境門口同入面都好靚 好值得打卡 白色簡約風為主 主食叫左一個蕃茄汁大蝦意粉 一個牛油果炒蛋吐司意粉醬汁味道質感正常 吐司都有烘過係脆底 啲料都算足夠 唔會話淨係得上邊有下邊冇甜品試左一個lotus焦糖croffle 有啲太多cream同埋唔夠脆個人覺得定價有點太高…Read More

係愉景新城諗坐求其搵餐廳 坐底左先發現個menu影相個背景好熟口熟面 好似以前有係觀塘工廠區食過同名既餐廳 印象中味道都係唔錯既！晚餐試左dinner set 前菜包一個龍蝦湯/沙律 簡左龍蝦湯 雖然湯底冇龍蝦肉 但味道賣相都相當唔錯👍 仲有杯welcome drink 茶嚟Main叫左 煙三文魚大啡菇菠菜意大利飯 味道都ok 不過咸左少少 醬汁唔算係好creamy果隻 冇咁heavy另一樣叫左 芝士漢堡配炸蕃薯條 配果個黑松露醬好出色👍👍蕃薯條都甜甜脆脆幾好味 塊肉叫左3成熟 唔靭但係都唔算好juicy甜品係梨味千層蛋糕 個質感其實幾好 可惜怕甜既我覺得有啲太甜👉🏻成餐飯最深刻係 個侍應服務態度好到覺得自己係酒店食緊野 坐得舒服 傾計一流…Read More

平日晚飯時間19:00去到餐廳竟然一個人都冇 可以直入 明明佢既質素絕對值得encore🥺1️⃣試左最多人叫既 麻香扁意粉🍝醬汁主要係pesto但帶有好香既麻味 但係唔辣既！ 所以同行一位唔食辣既朋友全程不斷大力讚佢好好食👍 意粉本身質地都好彈牙 唔會過淋2️⃣小食試左 墨西哥脆餅 中間有夾左一層肉碎 食落好惹味又不會太乾3️⃣第二個主食叫左 炒雞絲粉皮食落似薯粉多過粉皮😂都幾煙un 味道都唔差 不過比起上邊兩個就冇咁驚喜☕️野飲叫左杯special 成個渡假feel番哂嚟😂Espresso加coconut water&coconut milk foam 都幾襯😋…Read More

呢到主力做宵夜 冇得堂食 夜晚10點嚟到都排左20分鐘左右 店員哥哥咁忙嚟講都算好有禮貌 冇停過手個出前一丁超入味！索哂啲牛腩汁！牛肚好靚 好入味 係咬落去會泌番啲出汁嚟果種😂魷魚都好推薦！超大條 靚過自己街市買 都係爽既唯一美中不足係佢地冇辣椒油 如果唔係會更正～…Read More

為左試佢地既花椒拉麵而嚟 平日14:00左右嚟到冇乜人😂可以直入花椒拉麵🍜估唔到呢個配搭新奇得嚟又幾好食！個湯好似係醬油湯底咁既顏色 飲落清清地但又好香椒麻味 唔肥膩又幾新鮮👍 麵係偏幼果種 但唔會太淋 不過叉燒就薄左啲 冇咩口感果日仲見到有是日限定 紅辣椒腐乳拉味拉麵😂另外仲試左個小食 柚子炸雞 幾脆幾香口👍好食另一個main叫左卡邦尼意太麵本身唔知意太麵係咩質感 食落就係比意粉粗啲加Al dente質感既面 都唔錯👍野飲試左水蜜桃 同蕃石榴水果茶 唔會太甜 幾fresh👍…Read More

係香港食壽喜燒嚟講 呢間都算係好出名 所以專登打電話預訂定（想食既朋友記得要預早訂位！）今次試左$680既牛set 加左$100試牛舌（有4塊）前菜有三文魚子吞拿魚刺身 日本既甜蕃薯 同一碗菜 同埋一個紫菜茶碗蒸不過不失😂正常水準每人有4片肉 啲肉既雪花睇落都幾靚 多數食落都唔會話好膩 但又有牛味👍點埋雞蛋食幾滑 食哂啲肉同菜會有個 牛肉滑蛋飯 啲蛋好滑🤣都唔錯 最後甜品係日本啤梨整既糕 同牛奶凍 都幾fresh 個牛奶凍勁creamy😂…Read More

天后好多靚cafe 今次比ESC 個門口同落地玻璃吸引左入去 平日lunch時間入去 竟然完全冇人同朋友一齊試左lunch set既牛扒西冷with高纖食材：有牛油果 粟米芯 車厘茄 火箭沙律菜顏色都幾吸引👍塊牛扒雖然係全熟🥲（唔知係咪pre set左）但好彩唔會好un 都有啲肉味Lunch set$115免加一 包埋杯咖啡嚟講都算幾抵食！ 咖啡試左Cappucino 都唔錯🥳見到呢到有好多其他意粉同小食 相信會有下次再嚟👍…Read More

如果想搵一間有人情味 可以同師傅吹下水 慢慢enjoy既omakase 咁呢到就岩你啦👍呢到淨係做一輪生意 會等齊所有人一齊先開始食 大概2.5個鐘先會食完～今次試左午餐$880 15種食物既套餐由於太多張相放唔晒 所以淨係揀咗記憶比較深刻嘅出嚟😂前菜生蠔好大隻！仲有帶子仲有呢個日本新鮮象拔蚌 食落勁鮮甜👍👍印象深刻呢度比較多魚嘅內臟 算係呢度嘅特色呢個係魚肝 第一次試 估唔到識落又幾滑幾香野生既拖羅 食落去浸味同平時睇落去好肥美嗰啲陀螺真係唔同 香好多 就好似走地雞同冰鮮雞嘅分別😂😂池魚都唔錯👍嚟到重頭戲海膽 呢度好特別唔放喺隻碟度 係放喺食客隻手度😂可以順便打個卡師傅拎住條魚皮用火猛燒 提煉左啲魚油之後 撈左呢個吞拿魚溶手卷 師傅燒嗰陣我覺得自己好似睇緊表演咁😂😂滴咗好多魚油落去但係食落又唔係咁香魚油味 食落直頭係唔覺得肥食完咁多樣真係會超級飽😂$880都真係算抵食呢度由於場地太細訂位都比較困難 如果有興趣就要預早啲訂…Read More

以前佢地分店係圓方既時候已經聽聞過佢啲既梳乎厘pancake好出名 而家佢地搬到嚟旺角終於有機會試！星期六7點左右嚟到 好出奇竟然唔洗點等位😍試左原味pancake👍👍真係唔錯一定要叫 幾有蛋香 食落好鬆但又未去到空氣既質感 不過食到尾就會開始有啲膩第二樣野叫左另一個招牌 帶子海膽忌廉意粉呢個都唔錯☺️係好多忌廉得嚟又唔會好膩wor 食落好滑 帶子好大粒 意粉汁味道好味！仲叫左個慢煮鴨髀waffle反而最失望🙁窩夫好稔 同埋無可避免要同隻鴨髀分開食 咁就一啲味都冇🤦🏻‍♀️ 仲要等左勁耐🥲…Read More

經朋友介紹認識呢間壽喜燒 晚餐價錢都算合理 牛肉有$680和$980之分 牛肉係一樣 差在少左兩樣前菜 同埋釜飯有無限任添三魚魚籽👉🏻今次嚟到試左最貴既$980set前菜呢個燒鮑魚 幾好食 師傅話慢煮左兩日 超級入味同稔👍拖羅刺身好肥美 帶子鮮甜呢個墨汁茶碗蒸第一次試呢種combination 又幾襯幾有鮮味海膽和牛他他 反而覺得呢個冇咩特別驚喜😂第一幅圖個牛肉睇落唔係好多雪花 點知食落去又好稔幾好食👍嫩滑仲有兩款唔同雞蛋配唔同肉食兩款野菜 醬汁比較偏甜食到最後呢個黑松露三文魚籽飯已經超飽😂就算有得任添都食唔落-呢到係師傅幫客人燒好 逐樣逐樣上菜 師傅服務都幾好 會同客人吹下水但係略嫌上菜有啲趕急 好似想快快手煮好快啲serve第二個咁…Read More

呢頭有好多新裝修既cafe 今次嚟到呢間係用單車做主題 鋪頭入邊唔算好寬敞 不過有啲單車裝飾都算靚既可惜個人覺得食物質素麻麻 應該唔會再嚟1️⃣後邊係最多人叫既 阿拉絲加蟹肉粉紅汁手工意大利麵 個人覺得個汁有少少太膩 但係個意大利面食落個質感同油麵有9成相似🤦🏻‍♀️搞到成件事勁奇怪 我真係寧願佢係普通果隻意粉囉😩2️⃣炸雞牛角包窩夫好打卡able 有薯餅同煙肉係面 不過其實係冇可能一淡擺哂咁多野落口既😂😂炸雞有少少乾同偏咸 唯一值得讚既係窩夫都酥脆既☹️野飲都好麻麻 杯焙茶latte淨係飲到奶味 咖啡又淡…Read More