xsuet's Profile

本身見到咁多好評，諗住想上去食餐好既，見到關東煮寫有年糕福袋葛粉嗰啲，雖則188但都照去啦，結果個鍋上到黎真係得一個福袋，其他全部雜丸魚餅切半，我本身就唔多鐘意食丸，但唔想浪費食物，最後剩低啲丸打包晒番去⋯⋯😓另外叫咗個pancake，叫做不過不失，但個麻糬同個cake本身唔係好夾，一切開叉起，舊麻糬就會跣走，結果剩低晒啲cake係度啲生果同個Earl grey pancake仲有啲醬打晒交，食落口只覺得所有材料互相搶緊味，如果係原味底Pancake咁樣既配搭會合理啲，有一說一，環境的確唔錯，只係性價比唔高，應該都唔會再回頭。…Read More

咁岩喺openrice見到長洲都有粒粒雪糕，雖則市區都有，但全部都離我好遠，最尾決定要行就行遠啲入長洲食🤪但落船後搵咗好耐，原來地圖指既位置係錯既，問番附近既檔話其實呢邊都係亂數號碼，所以最好就沿碼頭邊既路，行過一堆手作店，見到福井真珠沿斜路上就係了，鄰近垃圾收集站（非常顯眼），千祈唔好好似我咁跟地圖搵咗半個鐘都搵唔到🤣真係童年既味道，雖則變成人手拎俾你，但一樣咁有回憶既味道，話俾朋友聽以前細個係用機器吸俾你，朋友話第一次喺我口中聽講，同第一次試粒粒雪糕🤣最尾仲要enocre多1 Round🤣🤣店主非常好人，但宜家夜晚冇得堂食，下次會去試下其他野食😝…Read More

沙田區深夜一向少甜食，多數人都會選擇走出大圍食，然而最近在社運中卻意外認識了這家店。雖然位置略嫌偏僻，但水準卻不偏不倚，窩夫外脆內軟，即使平時吃不了多少，亦忍不住點了一客榛子朱古力窩夫。第二次光顧又試了紅豆煉奶窩夫，雖美味，但榛子朱古力絕對是首選。喜歡煙韌或有咬口的糖水，更不能缺少小丸子、珍珠或芋圓，偏偏店裡三款俱備，每次光顧都是意猶未盡，恨不得自己有四個胃，更重要的是，這家店有香港人的良心。…Read More

去年於旺角吃過八色小籠包覺得驚為天人，最近心血來潮，偶爾見到尖沙咀亦有分店，便在下班後一探究竟。坐下不久便被告知七折優惠只適用於兩位以上，後來便用照收兩位茶芥換取優惠，okay，合理。（單身狗付兩份錢也習慣了，但不知是特殊處理還是一概而論，一位還是先問清楚，免得發生同類情況）扯遠了，由於最近很想吃小籠包，點了兩籠八色小籠包，一上桌燙嘴多汁，但不知是否豬肉漲價，即使熱得燙嘴，卻沒了肉香，比去年記憶中的香味不相符，幸好尚算皮薄，但實在沒了材料的香味，只能硬著頭皮吃完兩籠。之後就是我最愛的蒜泥白肉，但不知是辣油太淡還是其他原因，即使全塊沾滿辣油，還是只吃得出水焯白肉。最後便是常規的擔擔面，全晚味道最佳的一碗麵，又辣又香，可惜已被前面無味的菜色填飽，草草吃了半碗便離席。整體上不能算是差，中上等級，但實在遜於以前，大概要到下年才會再想吃小籠包了。…Read More