ndie's Profile

網上見到有泰兩餸飯，又好抵咁就諗住去試試，去到原來已經無咗兩餸飯😩，但睇睇價錢都真係幾抵食，咁就叫幾樣野試下。生菜🥬包生菜無問題，啲肉碎份量都ok嘅，香料都夠，但食落就係有啲水水地，有啲炒同蒸之間感覺，唔香口，怪怪地🥶青咖喱🍛雞比一般青咖喱個汁稀啲，料都足，但食落就係。。。淡。。。同有溝水感覺，無想追住食感覺🥶泰🇹🇭式炒通菜落order叫咗加辣，結果一食又係淡，無鑊氣仲要唔辣，係堅唔辣😮‍💨魚餅 - 一般正常貨色，無特別，乾咗少少青檸茶 - 飲唔慣。。。😵‍💫整體而言，可能網上評分太高，正所謂希望越大，反差感會更大，我就覺得似香港主婦啱啱學煮泰菜咁，食落無靈魂，即係一入口無泰Feel，而且有啲水水地咁，可能我唔好彩😩我真係唔泰鍾意，如果以今次表現，純計味道評分係ok同差中間🫣🫢不過我會試多次其他野，下次再係咁就真係唔留手🤯‼️原來OpenRice 外賣自取呢間有9折，蝕左添😂…Read More

餐廳前生係君好，以前間中都會光顧，服務好，食物保持水準，價錢又非常相宜，好可惜幾年前已結業，之後就冇再踏足呢間酒店，機緣巧合下，嚮網上睇到原址轉左做栢斯餐廳，就去試試。12點05分去到餐廳，發現裝修過，以前窗口梳化位同啲板全部拆晒，全部落地玻都睇得一清二楚，採光度高，變得明亮光猛。坐低後，感覺良好，雖然全部侍應生面且全非，但仍然keep到非常好嘅服務，之後去睇睇自助位拎食物，失望😮‍💨種類唔多，而且味道同食材令我大跌眼鏡。。。最好食係生果，其他就🫢，所以真係唔好意思，冇幫襯主菜就走。。。總結，價錢係平，但食物一般，選擇少，不過服務係好，評分ok係比啲侍應挽回，希望他朝一日可以見到晚餐走回君好路線，將會再光臨…Read More

又係同屋企人去飲茶系列，今次試呢間環境舒適食物以為係正正常常，點知有一個點心有驚喜，未講之前，話説我剛睇人哋幾個食評，我見茶壺🫖底係有個銀色容性熱住啲茶，當日係無，唔怪之得啲茶成日都keep住唔太熱😑再講講食物🥘點心一般係中上水平，有3個點心想評下1)西寧炸蝦卷 - 個皮係有啲實，唔鬆化，呢個咁多款嚟講比較失色2)時菜牛肉球 - 手功野，唔大粒，但質地係好有咬口，牛肉味濃，同其他酒樓完全唔同，好食，味道口感有驚喜，推！3) XO醬炒腸粉 - 味係唔錯而且夠熱，不過感覺係經過微波爐加熱果隻熱，所以腸粉比較乾身整體食物質素係唔錯嘅，環境地點都好，不過下次應該唔會飲茶，會試晚飯，我見Menu有啲餸幾吸引🤩…Read More

屋企人成日話飲茶，飲嚟飲去都係果幾間，我就索性去OpenRice 睇吓灣仔銅鑼灣有乜好野，比較過，呢間好似唔錯，但對年紀大咗或行動不便嘅人會遠咗少少上到去，比我相像中，環境好少少，最緊要係冷氣夠，同埋真心覺得啲姐姐都幾好禮貌。坐低，等母親大人自己慢慢揀😆佢見隔離有豬仔腳就點咗😂先嚟個？鵝翼？😂本身叫豬腳仔，咁諗住叫佢哋換番，佢地收番碟野放嚮出菜位，自己人擾攘一陣話賣晒，但比我感覺係佢哋盡量選擇出錯都想客人要，我心裡大概明白佢哋點解咁做，但係始終佢哋自己出錯，我見單係打鵝翼，佢哋仲要嗱嗱聲拎走左張單，差不多全程都冇比番我，咁樣有啲肉酸，而且當時係12點左右，得幾檯，咁快冇？感覺唔太好，不過最後我要咗，因為我見個樣都唔錯，結果都幾好味，夠濃又唔咸😌，難得老豆出聲話幾好食。之後就一堆點心，一般都唔錯，係個粉果蒸得太耐，啲皮一夾就爛；另外個千層糕就冇乜特別。差不多食晒點心，姐姐突然送上3碗綠豆沙😍其實都唔差，因為唔算甜話說我哋張枱隔離係出菜位，見到周圍啲人叫乜，佢哋啲出品真心幾靚仔，我已經bookmark咗啲下次試😂😂同埋下次記得要留咗豬仔腳先，原來母親大人念念不忘😂😂😂離開係13:05左右，起身已經見到全場full咗題外話 : 個辣子雞😂隔幾張枱都覺好la攻鼻囉，感覺有啲辛苦😆另外，啲姐姐有幾有禮貌，有問必答，冇問都答😂😂😂係豬仔腳事件果野有啲肉酸😎…Read More

外賣🥡！9點3，唔知幾點收，急急腳走左去買外賣嘩！咁夜都咁多人嘅😂全場爆滿，收銀姐姐唔知係咪老闆，其實真心講嘢幾nice態度幾好嘅。叫咗兩樣，柴魚花生粥同釀魚肉豆腐，等咗大約7分鐘就拎走左。返到屋企，嘩😂個粥三十蚊個粥咁細兜嘅，做人咁耐，真係未見過咁細個兜去裝粥🤣，似食燒賣魚旦果啲兜，算！諗住可能係精華會好正，點知係唔好食嘅，又淡又無料，如果半價都唔會反兜果隻🫢。釀魚肉豆腐，呢個正正常常，落果啲醬唔會好濃搶咗豆腐味，豆腐本身豆味唔濃，都叫ok正常，$24/4件如果想食豆腐都一試無妨😄…Read More

呢間餐廳成日經過都比佢扒餐張相吸引到我眼球👁️👁️，但從未光顧過。直至有一日夜晚8點，友人想食中餐🥢就嚮渣甸街隨意揀咗一間。。。食評全正數？真定假🥶叫左兩個餸，沙嗲肥牛粉絲煲同鹹魚雞粒豆腐煲，另加5蚊轉紅豆冰OMG！紅豆冰嚟到，感覺幾足料，但個味有啲怪，唔係飲開嘅味，紅豆🫘係煮咗好耐紅豆沙果隻紅豆，成個感覺有啲怪，唔太好飲😢OMG !!先嚟沙嗲肥牛粉絲煲，望個樣都覺有啲出事，煲仔嚟到通常都滾緊，但呢個係非常平靜，而且顏色似唔入味，點知一試。。。沙嗲味好淡，似翻熱再放入煲，味道唔太好，似溝稀落鹽嘅芡汁。。。OMG !!!再嚟缺鹹魚嘅豆腐雞粒煲，又係異常平靜😐，豆腐還可以，雞粒完全無味，食咗一半先發現！鹹魚呢？😑一粒細過鼻屎嘅鹹魚粒都揾唔到，係堅冇，嚮底有啲啲汁有極少類似鹹魚嘅味🫨，無錯，只係類似嘅味。餸份量足夠嘅，但味真係唔太好今餐係失望😞但比個機會試吓扒餐，因見到人哋叫扒餐，份量好多，個味都幾香，先比中評，如果下次。。。都唔知幾時😰其實呢，我煮餸已經唔叻，我覺得我整得好食啲😱…Read More

其實港島真係比較少有質數比較好嘅腸粉，通常想食唯有幫襯兩間大型連鎖便利店，但味道當然。。。昨天路經灣仔，專登去腸粉皇幫襯，賣10蚊腸粉有4條，外賣兜加你一蚊，即係11蚊，回家途中一直好想食😂返到屋企，9秒9開嚟食，omg….咁硬嘅？咁嚡嘅？啲醬料淡咗咁多嘅？我係咪買錯第二間？唔知係蒸唔透定轉左貨源，總之同之前好唔同🥲點解會咁🤦🏻‍♀️🤦🏻今次唔好意思，以事論事，直接負評，好多年冇食過咁嘅質素腸粉🥲…Read More

價錢係好抵，但質素好參差，先講海鮮，蠔🦪係鮮甜好食(唔係隻隻都係)，間中有一兩隻味道同品質有啲唔同，凍蝦🦐，螺，蜆正常。琵琶蝦好難食。長腳蟹尚可，但有黐殼，食起上嚟有啲煩，最好係鮑魚，爽彈。剌身得三款，放題貨式。三文魚酥皮，中間位好食，但酥皮唔酥，失望。燒肉皮脆，但肉好鞋冇乜味。豬鞍正常。燒鴨反而可以，食落有種擺酒炸子雞感覺，肉唔酥。熟食係扣分位，蝦係有少少梅，青口冇味，得個汁有味，感覺係烚完加汁，另外個炒飯冇味。龍蝦湯有啲稀，味道還可。沙律樣唔吸引選擇少冇試。芝士🧀️同ham叫做咁多樣嘢比較好。甜品又係扣分位，連鎖餅店好食過呢度😢，黑森林蛋糕可以係鞋口冇味，全部試過都係難食至普通。生果，蜜瓜🍈同哈密瓜可以係淡口唔好食，西瓜冇試因為冇refill，菠蘿試到一片幾好，但都係冇refill🤨。main course係牛，叫5成嚟到7成，質量感覺唔到5星出品，仲有，我行出去拎野，碟兩邊一左一右有放刀叉，牛仲有一半，仲乜成碟收咗我🤬，當時係8點左右，個場客唔多，好趕收工？因為我朋友生日同有少少唔舒服先冇當時同你哋反映。仲有上菜又係奇怪，我哋兩次唔嚮位，可以就咁放蒸蛋同牛扒嚮我哋張枱，我未去過5星酒店係咁，一定係客人嚮位先上菜。8點半後水都唔斟，乜嘢玩法？😤差不多9點，我出去抖氣未叫埋單，成張枱嘅野同你收晒😡點呀！既然係咁，我哋選擇離場。整體體驗差…Read More

補祝父親節飯，老人家行路唔太方便，所以選擇旺角分店。Book 7人，就6人卡位加張櫈嚮出面，搞到出面3個人好迫，枱面又冇乜位放野，有老人家唔太方便，安排唔太理想，我都知佢生意好好，但如果咁要訂位時同客人講聲。食物叫做快，點完5分鐘內到，有啲少於一分鐘極速，正常邊有可能咁快，快就換代價，9成食物嚟到係唔熱！🙄️！唔熱呀！微暖🤯，差到一個點，整定太多食物，求速度上枱，但我哋全家唔享受，我見隔離枱都話啲野食唔夠熱，過咗85分鐘用膳時間之後叫果啲就熱，但90分鐘截單，都冇時間再order，真心失望極至！剌身就一般，松葉蟹腳好唔掂！一枱蟹迷都停晒手🥶其實我食開銅鑼灣分店完全冇呢個情況出現，總之呢間就唔會再去…Read More

話說好日唔開電視，一開電視仲要已經冇乜睇嘅台見到灣仔區buffet有優惠，380蚊一個？有生蠔🦪食咁平？嘩嗱嗱臨叫個C9同事幫手買(我冇dl果個app)，其實都冇乜期待😂見平有生蠔試下晚餐當日行去，其實地鐵行去有啲遠😂有老人家唔太啱，除非call車。去到餐廳，唔洗等，直接入，餐廳唔算大，當日入座率目測約9成，而食物就真心普普通通，冇一樣特別好食，包括生蠔🦪，感覺唔算新鮮，不過冇乜野好食，所以食咗幾轉，連最穩陣凍海鮮都好一般，蝦🦐居然有沙😵‍💫，沙律區叫做多啲選擇，應該係咁多食物中叫好啲，熟食區揀唔落手，片皮鴨又一般，燉湯唔夠熱，有啲直頭係暖😵，鴨肝應改名叫鴨乾😑，有樣嘢叫做幾好，叫做部分食物一直有refill，甜品一般，最好係心型格仔餅🫣夠脆口開正我口味，花生醬夠濃，我自己加好多😂，overall，食物真係唔太吸引，不過餐廳大部分侍應都醒目有禮，真心加分唔少。如果做優惠一試無妨😃…Read More

小時候，每次跟媽媽到中環找父親放工時，每次我都會要跟媽媽說要吃炸雞🍗，當時只有中環一家，很記得從前的炸雞一試難忘，外皮酥脆，咬到肉時帶有肉汁，醃料不太濃而帶有點雞味，直至中環店結業後再沒有光顧。很多年沒吃了，懷念味道，但買了真的覺得好後悔，有時候有些東西在腦海裏永遠是最好，先說薯條🍟，其實是不錯，感覺不會很油，但炸雞。。。😞皮是硬脆，肉是沒味，而且有點乾，非常失望☹️50元吃了個失望要道別了如果要比較，我還是吃其他連鎖店炸雞比較親切…Read More

今天買了一個楊州炒飯，一個蒜蓉雞扒火腿意粉🍝，太肚餓，而且茶記冇影相習慣，所以冇影相，説真的，楊州炒飯材料是沒問題的，正正常常，但個炒飯真係好唔掂，一來個味好唔似楊州炒飯，二來個飯唔係一粒粒，三來唔夠熱，最後係個飯有陣好怪嘅味，好似放咗好耐咁。。。我知價錢好實惠，其實24小時惠X都有得買類似，都叫好一般，而且價錢平好多，但我寧願食佢，仲有對面間快餐我都試過，無論味道同熱度都係好好好好多，難怪食飯時間，人哋間野咁多人排隊，希望之後有機會再試時會好好改善，希望有機會。。。另外個意粉🍝就正正常常，偏重味，但可以接受，份量就比較少，男仔會唔夠飽。個例湯就好淡。。。又係唔夠熱。。。總括，暫時唔會再考慮😬給你們一個中評吸你們改善(本來想比😩)…Read More

記得第一次吃這間店是公司同事介紹，因為我不吃牛，所以一直放錯重點，以為牛是主角，一直沒有光顧，直到有一天滂沱大雨，又不想到處走，同事又提意這家，而且説出重點，台灣野，有其他野食(又不早點説)，那好吧，即管試試我第一次是吃鹽酥雞肉燥飯，當時感覺不錯👍🏻，比想像中好。第二次也點同一個餐，感覺有點點退步，還可以的。第三次，媽媽想吃台灣野，就帶父母星期六下午試一下。星期六下午是沒有下午茶餐，難怪人很少，只有3，4檯人，附近的餐廳是9成滿人，因母親想吃，就由她吧😂我們點了三樣加2杯珍🐷奶茶我又是點了鹽酥雞肉燥飯鹽酥雞中規中矩肉燥飯，慘了😭，很失望，味覺淡淡的，而且飯有點爛，不好吃👎🏻，必定是一生中最難吃的三甲肉燥飯之一，同之前兩次好唔同父親👨🏻好像是吃豬扒麵？唔太記得，佢評語就係咁嘅價錢，CP值很低老豆居然識CP值，我笑了一笑，他黑面🌚母親👩 牛根腩麵，初時大致感覺可以，母親飲食習慣是先苦後甜，所以先吃所有麵後才吃牛，但吃了牛根之後，又爆了一句，仲un過我條命😂，眼見咬了一分鐘都完全咬唔開，之後又講咗句，仲乜帶我食啲咁嘅嘢，我無言。。。。。。😬總括來說，暫時不會再光顧…Read More

話說飛士卜大神經常向我招手👋🏻，經常給我影片介紹一大堆食物給我，這次不例外，再看看食評，嘩，不得了，好評如潮，但我從未聽到此餐廳，既然如此就看看係真定伏。先説價錢，因為友人比較晚收工，所以我們是10點才到餐廳用餐，剛好用到優惠，以旺區來說，真是真心抵。因為第一次吃不敢upgrade海鮮套餐，而且一心是用優惠，所以先試一下。一上檯就是很大煲的蜆，估不到，但蜆是有點小，味道是有點濃的，但要留意一下，要快點吃，否則會越來越咸食物方面，味覺中規中矩，最好是水魷跟魷魚及韭菜餃還有鵪鶉蛋，入口溶化上菜速度都不錯👍🏻而且當晚沒有漏單問題(半場有人)最好是店員服務態度不錯，年青有活力💪🏻唯一美中不足是沒有甜品🍮，如果有跟一款甜品就真係perfect !!!題外話。建議吃完蜆清理下多餘醬汁才加湯，否則越吃越咸，真係咸到咀有啲澀澀哋，平時我只飲3-4罐飲品，但當晚，我飲了10罐。。。總括來說，這個價錢，這個地點，這個服務，我是會光顧的…Read More

人大了，總記得小時候的味道是美好的。現今香港標榜什麼懷舊美食，總是叫人失望，現在的，很多只是集團式賺錢機器，在出品上中規中矩，最好的不是味道，而是吃裝修。小學時候，屋企樓下有檔街邊專賣油炸鬼，沒有其他，街邊當然是無牌經營，地點也是不太就腳的，但很多人幫襯，他的每日經營時間是是早上5點半至8點，晚上8點至凌晨1點左右，每次他們炸油條的時候，我們一家都忍不住炸油條的香味，不分早晚總會幫襯，他的味道，可以説是我吃過最好的，但社會一直進步，這些小店隨著改革，一直被淘汰。這家小店，每天早上都會新鮮即炸油條，我吃過很多現今的大大小小的粥品店，我敢說，目前他的油條8成接近我以前吃過的，油條看似簡單，要好吃，當中也有學問，不是脆口就是好吃。油條要做到外脆内軟，鬆化，不會炸過火，火喉控制，麵粉，油溫度，時間，通通都要恰到好處。這間粥店的粥我沒有試過，我只外賣了3樣油條，真心唔錯，當然要新鮮即炸炒麵，配料比較少，味道可以，不會過鹹豆漿，不知道是否自家製，但有豆味，好喝Total : $27下次有機會再試一下粥及中式糖水…Read More