其實唔係第一次買，每次服務員態度都係咁差，唔係一個，個個都係咁臭串，尤其是長頭髮束辮嗰個，買兩盒淨餸，比得少唔在講，仲要比埋頭頭尾尾，碎濕濕啲餸頭餸尾，出聲同佢講可唔可以比好少少，一嘢挾咗好多出嚟，就冇再換番比我。跟住話係咁㗎啦！完全係搗老闆米，不停咁趕客，唔明老闆點解要請呢啲伙計。想打電話投訴，但搵唔到電話，終於要用OpenRice 寫食評，一睇先知原來有咁多人不滿。其實附近都有好幾間三餸飯，唔係因為順路，真係唔會再幫襯，買飯買得咁勞氣，都唔知為乜！香港消費，真係越嚟越谷氣，怪不得啲人話要食嘢，返大陸好過，起碼有被尊重的感覺，服務態度好好。忠告老闆，唔該你認真唸下你啲員工服務質素，好似唔係一間，有好幾個店都有咁樣投訴！…Read More
The above review is the personal opinion of a user which does not represent OpenRice's point of view.
1
Dining Method
TakeAway
