Wtp au's Profile

收工同朋友諗住去尖沙咀飲番杯,，於是好友介紹去食番個雞煲。入座後再就選擇海鮮雞煲任食放題..首先來左個刺身拼盤，刺身拼盤用料上乘，大大隻甜蝦同帶子鮮甜味美，北寄貝新鮮肉厚彈牙..三文魚肥美甘香，佢地既刺身拼盤有鮑魚口感新鮮有咬口，而套餐有5款左酒小食，當中蝦多士炸得可口又唔油膩。之後就麻辣雞煲出場，雞煲配料十足而店員再加上油炸鬼炒伴顯得雞煲更加份外野味，雞煲內雞肉鮮嫩麻香十足非常好食。食完雞煲後就另撰湯底打邊爐，為左配合海鲜餐我地就揀左蟲草花耶子花膠湯，跟餐既手切本地牛頸脊肉質新鮮肥美入口有牛香。而海鲜拼盤食材相當有份量及質素新鮮唔係一搬貨色，青口烚熟後都唔會有韌既感覺，龍蝦新鮮美味，蠔同帶子仲有魚片都非常鮮味，呢個套餐仲十幾款其他配料非常豐富。離開時候發現午市推介都抵食，仲有已約定好姊妹下次放工先shopping再來食，因為呢度有貓頭鷹時間9:30後入座啱啱好又免加一，比晚市再平d好啱夜之一族黎食。…Read More

又嚟到差不多秋冬打邊爐的季節了，今日一於約埋三個閨蜜一齊去太子＜蚊蚊豬老火鍋＞打邊爐過下邊爐癮，套餐任食兩小時放題，包了安格斯肥牛和麻辣雞煲，還有過多種配料飲品任飲任食 麻辣雞煲選用新鮮活雞，雞肉鮮嫩，調味亦不會過濃蓋過雞肉鮮味，我們選了小辣，香辣味滲出麻香剛剛好，非常惹味 安格斯肥牛非常新鮮，入口有點即溶的感覺 一點都不韌，肉質鮮嫩 各種配料的水準都非常高，刺身新鮮，魚皮爽脆，粟米白蘿蔔蓮藕爽甜，萵苣鮮淮山健康美味，皮蛋配上麻辣醬汁是絕配 大家都吃到捧腹離去，非常滿足，這裏總括 環境座位坐得舒適，共兩層有足夠空間，感覺不會太擠擁，室內調校溫度適中，食材質素 一點也不差，以經濟套餐價錢任點任食，性價比十分高…Read More

好耐都冇出去食飯，今日就約左朋友去旺角一間新開嘅火鍋店，上到去裡面好大好闊落，裝修得好有古式古香感覺，我地坐定之後，店員相當有礼貌行過黎，主動話我地知打左咭後就會有杞子圓肉菊花茶或洛神花茶送，非常親切我地點左個招牌湯底，尚膳養顏美人鍋，裡面有烏雞，桃膠，圓肉同其他藥才，呢個湯底果然係冇介紹錯，湯底好鮮甜，桃膠好軟身，圓肉好甜👍👍直得再試火鍋配料，我地點左，手切牛肉，一口牛，生蠔，蜆肉，牛骨髓同手打丸，2款牛肉口感一流，肉質好鬆軟，肥瘦色中，一D都唔硬，生蠔好大隻，估唔到有一隻手咁大，仲好有蠔嘅鮮甜味，蜆肉好爽，又大隻完全冇沙好甜，最有驚喜就係，估唔到可以食到咁新鮮嘅牛骨髓，正，最後就係個手打丸好彈牙，真心講句，呢間火鍋店所有食材真係好新鮮，完全冇雪藏味…Read More

冇得去日本旅行情況下，今晚係銅鑼灣揀咗一間富有日本feel既豚肉主題串燒店同好姊妹食飯，前菜係番茄沙律，原個日本番茄已經鮮甜多汁做法去皮及配上帶酸味醬汁後，作為開胃小食實在不錯。 先點了Maku Moku沙律內有我最喜歡既羽衣甘藍同面頭有大量黑毛豬火腿片，火腿咸香味夾埋羽衣甘藍令到本身菜既苦澀味減低，配上特制沙律汁更顯美味。 刺身盛有三文魚，油甘魚，牡丹蝦，帶子，當中三文魚同油甘魚，魚肉甘香肥美，而牡丹蝦肉鮮甜彈牙，帶子肉身肥厚冇醒味絕對係新鮮貨式。日本青椒仔燒熟後仍然脆身多汁是日式串燒必叫之撰。 西班牙黑豚肩肉串，肩肉油脂分布均勻，入口感覺較有咬口，屬於高評價部位，用來作串燒是保留肉汁最佳做法。 豬大腸燒得皮脆內軟非常惹味。 豬顎骨肉質爽口本身肉味較濃而且燒得不乾身及肉汁豐富。 日式燒豬皮串都係我第一次食。豬皮經過燒烤之後非常煙韌，食完之後感覺補充晒所有骨膠原是串燒好撰擇。 經店員推介下點左厚切白金豚肉果然名不虛傳，白金肉油脂比較高，燒完後肥肉更顯香脆入口即時溶化，質感柔軟肉香味濃。 蒜芯豬肉卷，薄薄豬腩片捲住蒜芯不單止唔會覺得油膩更是串燒另類好撰擇。…Read More

適逢老公放假接我放工，一於過吓二人世界，之前好友介紹過尼間西餐廳，就去試吓，餐廳氣氛浪漫，裝修有格調，打開餐牌很多選擇，最後都係揀了$1288的套餐，有一支小香檳，頭盤，三款前菜，二個分別不同的湯，二款主菜和自選甜品mini Moët champagne, 入口香滑，果然係最正的香檳頭盤6只生蠔，即叫即開，入口味重，肥美又厚肉，先將味蕾打開前菜先來個西瓜伴清酒啫喱及蕃茄，夏天吃西瓜就最適合不過，呢排天氣咁熱，用西瓜做前菜就最消暑解渴生牛肉他他，牛肉香滑可口，連不喜歡吃生嘢的老公也讚不絕口，放在乾麵包上，吃落更有層次感芝麻吞拿魚卷，入口肉質柔軟，淡淡的吞拿魚味加上芝麻微香，美味可口老公喝是馬賽海鮮湯，而我喝了北海道粟米濃湯，一入口一股濃郁的粟米味已充滿口腔，喜歡吃粟米的我， 十分喜愛這個湯主菜是炭燒澳洲M6牛柳，牛柳雖然厚身，但廚師拿捏的時間燒得剛剛好，切落肉質很軟，入口很嫩滑鬏軟，非常味美，連配菜的蘆筍也很好吃第二度主菜是龍蝦海鮮意大利飯，份量不算太大，兩人食剛剛好，龍蝦爽口彈牙，蜆同青口也很鮮味，意大利飯用的是正宗意大利米，粒粒飽滿甜品是自選的，選了金箔芒果栗子卷，芒果卷質地軟熟，底部鋪了雪芭，朱古力薄卷，令甜品更惹味…Read More

聽朋友話諾士彿臺有間新開型格西餐廳，今晚一於約兩個閨蜜去試下菜。餐廳位於樓上鋪，由踏入接待處一刻已經被優雅又型格田園風裝修吸引，用餐之餘可以影好多靚相打卡，侍應如果有空的話還會樂於充當攝影師，真是招呼周到。經過侍應好貼心推介後分別點了黑松露薯條，薯條即炸脆口，鹽味均勻剛好，點上我至愛嘅黑松露醬或傳統茄汁都好正。柚子蜜糖雞翼， 雞翼炸至金黃色，皮脆肉嫩， 再配上柚子蜜糖汁， 減掉了油膩感，酸酸甜甜非常開胃。芒果蟹肉牛油果他他，賣相層層分明，蟹肉面鋪上飛魚子作點綴， 配搭一起口感非常清新， 是一款健康的菜式。白酒煮青口， 青口新鮮 ，配以白酒減去了海水味令入口更鮮甜， 別忘記再將剩下的白酒汁浸軟麵包條來吃，把這度菜吃得淋漓盡致。西冷牛扒我地點了七成熟但仍保留肉汁，煎得香口，調味剛好，不點醬汁食亦原汁原味。甜品點了雪糕蘋果批，蘋果薄切入口不會太甜膩，果肉唔酸帶點清甜，配上雪糕感覺清新。另外值得推介特式cocktail，賣相非常吸睛，用黎影相打完卡都唔捨得飲呀。這裡裝修有特式，環境舒適，服務周到，食物有水準，非常值得推介…Read More

今日早了收工，於是落深水埗買點東西，一個人行到熱熱地周圍搵嘢食，見到門口下午茶餐全日供應，就入去試試行到熱熱地冇乜胃口，想吃一點湯的菜式，於是要了一碗輕盈清雞湯米線，賣相不錯，先呷一啖湯，先感受到清淡得來帶點香濃的雞湯，不是一般味精湯，而是用鮮雞熬製而成的湯，米線煮得剛剛好，軟硬適中，最怕吃淋啤啤的米線，米線加上雞湯， 十分惹味，雞肉嫩滑新鮮，不太肥膩，分量剛剛好，最啱輕食或喜歡清淡口味的人士台式濾掛古坑咖啡，自行加入熱水，濾過的咖啡香又濃，一點苦澀味也沒有，加入花奶更香滑$30多元食一個有水準的下午茶餐，真是用平靚正來形容就最貼切…Read More

喜歡行到邊食到邊嘅我，今日途經石硤尾邨當然要試佢地屋邨大排檔搵食，經過見到一間新開又係大排檔又可作私房菜餐廳就更係要試試。新鮮腩排鮮菠蘿生炒骨味道非常濃郁，而肉排炸得非常脆口不會過火變得好硬同沒有油膩感覺肉質彈牙再加上新鮮菠蘿肉甜甜酸酸份外好味。蒜椒洋蔥焗美國桶𧐢送到上枱時侍應細心地幫我們將桶𧐢炒均一下令到洋蔥同蒜椒香味更加撲鼻，大大隻桶𧐢脹卜卜入口肥美，特別一提洋蔥非常鮮甜味美蒜椒口感好有避風塘口味特色。面醬唐生菜入口味道感覺到濃濃麵豉醬味道但沒另到生菜油淋淋，反而炒得生菜脆口美味。一向喜歡食避風塘菜式，就當然要叫招牌菜避風塘豉蒜海中蝦，上枱時蒜香撲鼻，而大大隻海中蝦肉入口非常彈牙鮮甜絕對係新鮮貨式實在是必要之選。黃金脆魚皮賣相非常吸引見到薄薄嘅鹹蛋黃醬細緻地包着每片魚皮，不但另每塊魚皮充滿着鹹蛋香味，不油不膩口感非常脆口，特別作為左酒小食絕對是Encore 之作。…Read More

經朋友介紹 佢極力推薦我食一鍋堂 原因係食材夠新鮮 款式夠多 碟碟都會因應 人數安排適當嘅份量 唔會造成浪費食物 食客又可以試多幾款 絕對係性價比高的火鍋放題店火鍋湯底選擇非常多 真是讓人有些眼花繚亂 店員推介藥膳養生湯底，湯底用咗還原水，所以特別甜 又健康 湯底好清好鮮 並不油膩 仲有好多螺片係入面 確實真材實料用電話落單 既環保又快捷方便 食物好快就送上呢度嘅海鮮都係無限量供應 海蝦隻隻手板咁大 蝦肉爽脆彈牙 回本冇難度海蜆 時令當造 隻隻肥美又厚肉 最緊要係冇沙 吃過痛快個湯底咁正一定要叫返啲吸湯配料 炸響鈴/山根球 完完全全吸收曬湯底嘅鮮味 食落有爆汁效果蔬菜款式好多 全部分門別類擺放整齊 而且清洗乾淨 另外仲有瓜類 菌類提供 一應俱全打邊爐又點少得我最愛嘅午餐肉 是我每次必吃的真係要食呢到嘅墨魚丸 細細粒一啖一口 好鮮甜 而且彈牙牛肉片有好多選擇 色澤紅潤 肥瘦均稱厚薄適中 沒有雪藏味 灼一灼就食得 肉質夠淋叫到一枱都係嘢食 真係好豐富 最開心嘅係乜都可以試 分量每樣少少哋 唔夠再叫 真心鍾意呢個模式食到最後要留返少少位食甜品 呢度除咗有自家製嘅甜品之外 仲有乳酪雪糕提供 仲可以加自己喜歡的配料 例如棉花糖 朱古力碎等等朋友真心冇介紹錯 從此愛上一鍋堂…Read More

今日行經旺角途見一間韓燒坐滿人，好奇這段 期間很少人出街用膳，這間餐廳卻近乎爆滿， 剛巧肚子正響鑼響鼓便決定試一試。餐牌有很多菜式選擇，純正食肉獸的我叫了美國prime安格斯肉眼扒，加拿大無骨牛肋肉，神戶水飼黑毛豬，豬皮。準備落單時，被牆上“今日推介 - OPPA 4太子”嗰名吸引住，噢！原來係新鮮扇貝(帶子)，哈哈哈……好！等朕會一會呢4太子，哈哈哈………新鮮扇貝帶子 - 海鮮新鮮是基本！廚房已預先把帶子起了，只需要把帶子直接放上熱板，吱吱喳喳的聲音便把鄰枱的客人眼睛吸引過來，再將餐廳提供的鹹牛油一併放上，牛油帶子的香味就如跑車直奔進我的2條隧道。好香唷～～～(肯定其他食客都有同感)。不是自誇，真的煎得好好，牛油煎帶子本身就是完美的配搭，好味！安格斯肉眼扒 - 抵！抵！抵！真係抵食，所以要講三次！！！$168/250g，以為品質實揸流灘，非也非也！油脂分佈平均，一看便知肉質屬於中上，切的厚度也很適合燒烤。好的食材味道自然好，不需多說，下次再來也必點。無骨牛肋肉 - 這款切成薄片，所以燒一燒便即送入口中，嚼幾下便滲出好香的牛肉味了。黑毛豬 - 又一抵食之選，$138/150g 同屬中上品質，不止抵食仲要好食，燒香咗的黑毛豬又爽又夠香，下次再來都是必點。豬皮 - 喜歡燒豬皮的朋友，就是喜歡那種黏黏的口感，蠻有趣的！這裡任添的蛋漿，除了混了泡菜還加了墨魚碎粒，因為墨魚經過燒烤會有香味，混入蛋中好香好配好味！好飽，真的好飽，蛋都添了3次，怪不得座無虛設，食物份量足價錢又實惠，下次經過旺角再想食韓燒，會再來這一家。…Read More

為食的我終於按奈不住出外找美食，今次去了旺角吞pot雞，這家火鍋店已經食過很多次了，次次都要最少一星期前預約，相信因為呢排出街食飯的人實在少了很多，所以即場walk in都還有枱。為了保障客人和員工，這家火鍋店非常重視衛生，首先入去前的每位客人都要量度體溫，不超標才準許進入餐廳，而且免費提供清潔洗手液和清潔手機；甫坐下，侍應會在你面前再一次用滾水清潔食具才供客人使用。他們真的做得好好，值得讚許。話說回來，它們的響螺花膠雞煲從不令我失望，今次也不例外點了這個鍋底。濃郁的湯底，足料的花膠響螺，幾乎每啖湯都吃到這些湯料；而雞件又仍然能夠保留持嫩滑，每次我都飲2-3碗湯，再吃過所有湯料，都差不多5成飽了，好味好味。除此之外，還會再點其他配料：炸魚皮：這個又是必食佳品。即叫即炸：薄，脆，味夠，無得輸。不論泡湯或是當小吃食，都好好味。魚肚：叫得上面個湯底，就一定要叫埋魚肚，魚肚吸收了湯的精華，魚肚浸得滿滿，食落口好有滿足感。其實食到呢度，已經10成飽了。不過還是不要浪費食物，儘最後努力將菜藍的菜清除掉。可惜最後………還是剩下少少菜……不好意思。還有大大杯的鹹檸七也是必飲，它們的鹹檸檬不會死鹹，溝了七喜後，可以飲到鹹鹹地甜甜地香香地的檸檬味， 好和諧！…Read More

今日到旺角一田超市入貨，見到超市內有間石燒牛， 自己2點多還沒吃午餐，就決定坐下先填飽肚子再繼續購物。確實太肚餓，order最重分量400克是常識罷！所以決定要了200克牛肋間隔膜➕200克西冷😋牛肋間隔膜 - 剛剛好的牛肉香味，並不是濃烈的牛羶味。因為肉塊送到食客手中大約只有1成熟，由自己控制5成熟程度，肉質就剛剛好了，太熟肉質便會偏嚡，按個人喜好可以灑上少許鹽和黑胡椒粉調味。西冷 - 一如既往的軟腍，5成熟剛好帶出適量的肉汁，太熟便會較乾身偏靱了。價錢方面跟其他同類型餐廳差不多，按這個價位，提供的食材品質算中上，而且這間餐廳提供的選擇種類比同類型餐廳多，有些部位更為少見，例如翼板；牛肋隔間膜.......等等。下次再想食石燒牛，一定再來這一間，好想試翼板和黑毛豬呢！！…Read More

每月飯局正直新春期間友人提議食麻辣野慶賀一番，今次訂左尖沙咀麻辣派對試試，打開菜單真系覺得花多眼亂樣樣食物都想試，先點左麻辣仙掌作為開胃小食，仙掌是無骨雞腳口感非常爽脆特別是有軟骨位咬落脆卜卜非常有咬口，仙掌可選擇辣度這次選擇中辣，這個辣度入口感覺麻辣適中非常入味作為開胃小食是不錯的選擇，之後仲叫左水煮牛肉，牛肉咬落都富有彈性同鮮味！肉質鮮嫩絕對唔係冰鮮肉既味道，而煲內還有其他配料如芽菜金菇菜同水晶粉仲有蒟蒻都非常彈牙同入味一D都唔油膩非常美味。而佢地既青炒萵筍亦系一個清新既撰擇，而炒過既萵筍仍然保持到鮮甜爽口是全晚菜式一個點綴。…Read More

同老公尖沙咀行街順道搵食，老公突然話要食泰國菜就更係去就近既新泰，去到餐廳未到7點就差不多坐無虛席，入坐後就立即叫杯芒果沙冰解解渴，新鮮芒果肉加冰打成既沙冰，芒果好鮮甜好似食緊啖啖芒果感覺，生蝦賣相不錯望落新鮮有光澤，入口感覺肉質結實非常彈牙又有鮮甜味，再加上其辣中帶酸的生蝦汁，其辣味勁度十足這個菜式作為頭盤必定係開胃之撰。鹽焗烏頭魚，大大條魚上到枱既感覺已非常滿足，魚肉入口冇泥味仲有魚肉焗得剛剛好沒有過火再配上泰式海鮮汁份外鮮味。鐵板蠔仔炒蛋入口蛋香味濃而大大隻脹卜卜𧐢仔非常新鮮，再配上芽菜另到口感非常脆口份外美味，燒西冷牛扒肉質鮮嫩有牛味再配上帶酸味燒汁感覺不油膩是必叫之選。…Read More

見人排隊我又排，估計應該係一間不錯的餐廳，因為是一於上網睇下啲資料，原來主打健康食物，點左個期間限定，蕃茄牛肋野菜咖喱飯，睇埋相已經吸引，肉同蔬菜的比例恰到好處，蔬菜有很多種類，紅蘿蔔，蕃茄，薯仔，豆角，椰菜花，翠玉瓜，牛肋肉質有點韌，但牛味濃，咖喱汁做得出色，加上粟米飯，真係健康的一餐…Read More