童羚's Profile

從十多年前已開始在Onda訂購立體蛋糕，不單外觀亮麗、很多時都能按指定要求製作成精美蛋糕，而且蛋糕味道款式推陳出新，甜度適中，非常美味。一共有39款味道：1 Banana Mousse Cake香蕉忌廉蛋糕👍🏻👍🏻👍🏻👍🏻👍🏻2 Black Forest Cake黑森林蛋糕4 Chestnut Deluxe Cake粗粒粒栗子忌廉蛋糕5 Chocolate Banana Custard Cake❤️❤️❤️（極推介，超好味）朱古力香蕉吉士蛋糕6 Chocolate cream Cake朱古力忌廉蛋糕7 Chocolate Oreo Mousse Cake朱古力Oreo忌廉蛋糕 較甜🤭8 Crispy Chocolate Cake 朱古力脆米蛋糕 較甜10 Hazelnut Chocolate Soft cream cake榛子朱古力軟忌廉蛋糕11 Lemon Cream cake檸檬忌廉蛋糕12 Mango Black Forest Cake芒果黑森林蛋糕👍🏻👍🏻14 Mango Pineapple Cake 芒果菠蘿蛋糕👍🏻👍🏻👍🏻16 Mocha cream Cake朱古力咖啡忌廉蛋糕👍🏻👍🏻👍🏻👍🏻17 Peach Custard Cake白桃吉士蛋糕👍🏻👍🏻👍🏻👍🏻18 Vanilla Oreo cream Cake雲呢拿Oreo忌廉蛋糕 較甜🤭19 Pineapple and Coconut Cake椰子菠蘿蛋糕👍🏻20 Pandan Cake 班蘭蛋糕👍🏻👍🏻👍🏻21 Black forest with Strawberry Cake士多啤梨黑森林蛋糕👍🏻👍🏻22 Sesame Cream Cake Japanese style日式芝麻忌廉蛋糕👍🏻👍🏻👍🏻23 Ovaltine Chocolate Cream Cake柯華田忌廉蛋糕👍🏻👍🏻25 Earl Grey Tea Cake伯爵紅茶蛋糕👍🏻👍🏻👍🏻👍🏻（伯爵茶味濃郁）26 Horlick Cream Cake好立克忌廉蛋糕👍🏻👍🏻👍🏻👍🏻27 Mocha Coffee Crispy popcorn Cake莫咖咖啡脆米蛋糕👍🏻👍🏻👍🏻28 Rainbow Cake七彩彩虹夾心蛋糕👍🏻👍🏻👍🏻👍🏻👍🏻👍🏻（這款要做七層，需要磅數足夠才考慮訂）29 Chocolate & Vanilla cream Cake黑白間 朱古力 & 雲呢拿夾心蛋糕👍🏻👍🏻👍🏻👍🏻👍🏻👍🏻30 Chocolate, Vanilla & Coffee Cake (3 layers)三色間 朱古力 / 雲呢拿 / 咖啡蛋糕，三層夾心👍🏻👍🏻👍🏻👍🏻👍🏻31 Chocolate & Orange Cake (2 layers)朱古力香橙蛋糕，兩層夾心👍🏻👍🏻👍🏻👍🏻👍🏻32 Vanilla Saffron cake with Milk Custard雲呢拿雪芳蛋糕配牛奶吉士夾心👍🏻👍🏻👍🏻👍🏻👍🏻👍🏻33 Red/Orange/Yellow 3 layers cake (Strawberry, Orange & Lemon)紅，橙，黄，三色夾心蛋糕 (士多啤梨/香橙/檸檬)👍🏻👍🏻👍🏻👍🏻👍🏻34 Chocolate Saffron Cake with Chocolate Milk Custard朱古力雪芳蛋糕配朱古力牛奶吉士夾心👍🏻👍🏻👍🏻👍🏻👍🏻All cakes are less sugar less sweet全部蛋糕都是少糖，少甜🥰35 Mango Vanilla Cream Cake芒果雲呢拿忌廉蛋糕 👍🏻👍🏻👍🏻36 Pineapple Vanilla Cream Cake菠蘿雲呢拿忌廉蛋糕👍🏻👍🏻👍🏻👍🏻37 Strawberry Vanilla Cream Cake士多啤梨果醬粒雲呢拿忌廉蛋糕👍🏻👍🏻👍🏻38 Blueberry Vanilla Cream Cake藍莓雲呢拿忌廉蛋糕 👍🏻👍🏻39 White Peach Vanilla Cream Cake白蜜桃雲呢拿忌廉蛋糕 👍🏻👍🏻👍🏻👍🏻👍🏻還有很多味道都想試，慢慢試齊吧！現在來回顧一下所訂的蛋糕吧！其實有些蛋糕款式忘了拍照，所以未能包括在這食評中。…Read More

在附近上堂前總得填飽肚子，這幾條街佈滿不同的小店。一眼望向店內雖不至於大排長龍，但目測入座率約有8成，食物水準應該不太差吧。入座後每位會付上一杯印尼蝦片，可以慢慢邊食邊等上菜。枱面上附有自家調製的醬料，有特調送飯豉油及辣椒醬。不過辣椒醬不是紅紅滿是油的辣椒醬，卻是青青黃黃帶有點點酸的辣椒醬，有一點點開胃的感覺。因為一人的關係未能嚐遍小食，只可集中一款有幾種食物的一人食品。所以點了「嚦咕嚦咕」，這款可一併嚐試玫瑰雞鎚、雞叉燒及粉絲拼米粉。湯底很鮮甜，原來碗中有數塊類似腸粉的卷卷，放湯口感都不錯。玫瑰雞鎚炸得金黃香脆，恨不得連骨頭一併吞落肚；雞叉燒很滑，相比起日本叉燒少了粗糙感，喜歡滑溜口感的會很喜愛。平時已很喜歡吃米粉及粉絲，這碗「嚦咕嚦咕」簡直將我簡單晚餐夢𥧌以求的食物全都放在一起品嚐，配上香濃湯底，差點連湯也喝得一點不剩。因為聞起來有些藥膳的香味，入口濃郁，差點誤以為媽媽煲的老火湯。這一餐單人餐口感大滿足，下次一定會試其他東西。…Read More

昨天途經灣仔，發現囍帖街旁小路的小店又換了一圈。在等待上課期間揀了一間台式小店來作晚餐。台式藥膳排骨是台灣的夜市名菜，來到香港都有五花八門的店子，要試實力莫過於試一試店裡的藥膳排骨湯麵了。事實湯底美味非常，排骨亦份量頗多，足足有六條排骨，性價比是很好的。美中不足的是排骨味道偏淡，有點食之無味，棄之可惜之感。:)…Read More

限聚令下與朋友飯局都買少見少。這一日一行三人到達卅二公館，其裝潢格局與海港城的六公館有點相似，但細問卻原來不是同一集團。而店內燈光較為昏暗，情調十足，但喜愛光亮的朋友可能未必接受。打開餐牌，菜式新穎而大部份使用高級食材，想試新派中菜的朋友也許會很喜歡。要留意，如想招牌菜試片皮鴨則需要預早預訂，而預訂份量需要最少訂全隻。而大我們三人怕一隻鴨太飽，所以放棄鴨而嚐試其他菜式。我們試了賽螃蟹兩面黃、上湯時蔬、黑毛豬蜜汁叉燒，而甜品則是朱古力小籠包及雪糕龍鬚糖。賽螃蟹兩面黃不常見於餐廳菜牌，但這個配搭出奇地配。蛋白遊走於麵條中間，一口咬下去，脆卜卜的兩面黃夾雜著又脆又軟的麵條，口感豐富。黑毛豬蜜汁叉燒選用的豬肉脂肪比例剛剛好，賣相晶凝通透，油脂入口溶化又不覺膩，配上甜度剛好的蜜汁，簡直是味覺的層次交流。朱古力小籠包賣相已是一絕，出場時蒸籠內的乾冰飄出輕煙裊裊已經吸引了眼球。每一個都由小手挽設置易於取出。砌開見到朱古力內餡和白色的外皮，入口朱古力味不太濃而甜度不高，很容易捨不得多吃一個。雪糕龍鬚糖外表和一般龍鬚糖無異，但咬開才發現冰凍的雪糕已經將龍鬚糖雪得香脆。感覺不是平常龍鬚糖質感，反而似冰糖胡蘆包裹著雪糕一樣。總結食物品質是不錯的，而配搭味道亦得宜。但甜品賣相更為精緻。大緻各菜式都能做到色、香、味俱全。…Read More

大年初二，梗係要食開年飯！朋友帶我黎到澳門食好嘢，打邊爐不特止，有新鮮象拔蚌刺身、龍蝦炒公仔麵、仲有脆口煲仔飯。未開始打邊爐一黎就有新鮮象拔蚌刺身，新鮮不特止，入口爽脆嘅象拔蚌，夾雜住鮮甜嘅味道，令人愛不惜手，一吃再吃。跟住一碟龍蝦炒公仔麵，Creamy嘅芝士伴隨龍蝦，而公仔麵又炒得彈牙，小朋友一窩蜂便將公仔麵一掃而空。新鮮嘅龍蝦肉質新鮮，就算炒完都充滿鮮味。打邊爐湯底梗係揀下火之選，皮蛋芫荽湯底，食完都唔怕熱氣。每一款打邊爐材料都很新鮮，牛肉非常靚，軟稔稔又有牛肉香。沒有攝入鏡頭的邊爐料還有水餃、芝心丸、新鮮牛柏葉等，全部都非常新鮮好味。想食鮮味邊爐，這裡真是不二之選！…Read More

這間彩福開張了好一陣子，未有機會一嚐，今晚終於來一趟。一家四口來試試家常便飯，點的都不是名貴菜，當可試試廚房功力。菜牌內有三寶有孖寶，想飲湯食海鮮有湯+扇貝組合；想食海鮮有薑蔥蟹+燒味拼盤組合；想食有魚有肉有菜又有老虎斑仔+菜+叉燒組合。形形式式總有一款啱你。我哋揀咗有魚、有肉、有菜，另外雞做特價，半隻只係$58，咁就有4個餸啦。特價半隻雞，賣相不俗，味道亦好，味道好像豉油雞。叉燒拼海蜇野菌浸菜苗最後再叫咗半打饅頭仔，很飽足！最後條斑仔都唔記得影相，俾我哋食晒。環境很舒適，樓底較其他酒樓高，枱與枱之間有適當的距離，不會背貼著背。…Read More

經過樓下很多次都想試試這裡的食物，今日有幸可以一試。環境不錯，是和朋友閒聚的好地方。食品食香味供俱全，甜品也一絲不苟。慢煮牛脷配紅糙米飯，有薯仔、紅蘿蔔、紅腰豆作配菜，牛脷酥軟入味，紅糙米飯煮得軟軟的，入口沒有糙造的感覺。慢煮雞扒配柚子蜜醬，柚子蜜醬甜甜的透出淡淡的柚子味，開胃首選。配上蕃茄意粉，各種食材都恰如其份。在House made dessert是紫薯蓉配雲呢嗱雪糕，兩樣食材配在一起，賣相精緻，入口亦很匹配。…Read More

小店開了好一陣子。之前嚐了它的蛋包飯，美味，再來早餐。一試響往已久的「招牌蛋牛治」。這裡的牛肉用的是新鮮牛肉並不是一般的罐頭咸牛肉。加上蛋漿包著碎牛煎香，夾在烘得均勻的麵包裡。一口咬下，肉汁夾雜著蛋漿在嘴裡流轉。非常飽滿。但因店面細小，坐位較為擠逼，亦可考慮外賣。其實蛋包飯都好吃，但個人較為喜歡它的蛋牛治，令我每天都想來早餐。…Read More

見完客飢腸轆轆，走到了大元村的美食平台，早上10:45，來一客早餐吧。這小店名符其實的屋邨茶記，但舊舊的格局卻傳來陣陣茶記獨有的食物香味，就像奶茶夾雜著多士的香氣，又隱隱透著煎蛋腸仔的氣味。點了一客腸仔煎蛋麥皮早餐。多士烘得剛剛好，少少燶，脆脆的，做到這個效果的茶記現在已所餘無幾。麥皮好像是加了淡奶而不是普通牛奶，把鼻子湊近，聞到淡奶的香味。熱奶茶香氣撲鼻，雖談不上比絲般滑，但仍是一杯濃香的奶茶。這個餐，承惠$22.00，到市區怎能找到?…Read More

見完客又到Tea Time，新蒲崗附近都是千篇一律的茶餐廳，在毅力附近見有車仔麵，便入內一試。小店坐位不多，但樓面企企理理。車仔麵餸選擇亦很多，不過這裡特別在有冬陰功湯底，仲可以擇小辣、中辣同大辣。與其他車仔麵比較，又多一個選擇。愛車仔麵就是可以食用不同的餸料，連湯底都跟平常的清湯/沙爹/腩汁底多一樣，很窩心呢。店主自製菜圃，可以加一蚊菜圃佐食，菜圃用辣椒炒過，很惹味香口。下午茶時間有Set，$30有找有車仔麵加一杯野飲，抵到爛。冬陰功湯底好香，選了小辣，湯底有淡淡椰香味，剛剛好。帶少少冬陰功的酸味，可口的湯底令我忍不住食完河粉後將湯底一飲而盡。蘿蔔及牛腩都很稔，下次再惠顧要再點其他試下。小小店，食出用心滋味。…Read More

星期六行經朗豪坊，下午茶時間見呢間係Italian Tomato集團諗住一試，三大人一細路係門口等一張4人枱。20分鐘期間，不少較我們遲等位的已相繼入座，可能因為我們要的是4人枱。但令我氣憤的事情發生了。門外有數張4人枱，而有一張枱已清潔妥當，心想：應該下一張枱是我們入座了，因為4人枱我們是第一張籌。因我手持102號籌，但領位的郤叫了103號籌，而103號籌的是等3人枱。殊不知，因為103號籌的人或者等久了離開，領位的便再叫102號籌，即是剛才原本安排給103號籌的枱現在便安排給我入座。在我而言，心裡痛駡他們的安排不公，明明持有的是較先的籌號郤要多等一張枱，令人百思不得其解:(。入座後，三個大人各自點了三份下午茶餐。入座後沒有招呼，連水都沒有安排，要跟Waiter講2-3次才給我們端上水，但我要求的是暖水，但端上的卻是滾熱辣的滾水。而我們還有一位2歲的小朋友，而waiter端上水後卻叫我們不要將熱水放近小朋友，事實上我要求的是暖水啊。三份下午茶餐如下:1) 三文魚磨菇意粉意粉味道一般，但三文魚超咸，不能入口。2) 巴馬火腿Pizza巴馬火腿只有數片，並沒有其他配料，如之前有朋友的食評一樣，Pizza邊很硬，但談不上脆，中間是黏黏的薄餅，沒太多味道。3) 吞拿魚三文治不過不失整體而言，食物無甚驚喜而服務態度如此，在朗豪坊可選擇的多得很，不一定要試這一家。…Read More

買咗飛睇戲慶祝老公生日，係又一城唔知食乜好，去到先知又一城Cova只係提供三文治同埋甜品，唔係好適合晚飯。去到Agnes B唔駛等位，諗都無諗就入咗去。老公未黎同Waitress講點咗一件餅當Birthday Cake (Caroline)，始終得2個人，就算係Mini-Cake都未必食得晒。因為有VIP咭，所以有10% discount。當晚有Set，但係唔啱食，所以都係散叫。1) 洋蔥湯 & 菠菜忌廉湯 (是日餐湯)2) 煎鵝肝 & 法式焗蝸牛3) 肉眼扒 & 羊架先講講個湯，其實我鍾意洋蔥湯多d，有濃濃0既洋蔥味，但相比四季Lounge，較喜歡四季的味道，因為稍為甜一點點。菠菜忌廉湯較為普通一點。前菜點了煎鵝肝及焗蝸牛。鵝肝可以再煎香少少，但外脆內緊緊熟的配搭令鵝肝的甘香在咀裡徘徊，久久不散。焗田螺並不是一般餐廳用薯蓉墊底，而是用海鹽墊底，帶出蝸牛的鮮味。主菜點了肉眼扒及羊架，肉眼扒是合格的，但羊架真的有些驚喜。跟Waitress要Well Done，出來的羊架切開是全粉紅色的，熟透但不老，還有點肉汁流出。羊羶味沒有太多，真的把肉眼扒比下去了。最後是甜品又是生日蛋糕的Caroline，賣相很美，但我覺得稍甜，如甜度輕小小，就 Perfect勒。…Read More

記得寶島初開的時候經常來飲野食野，之後食物質素每況愈下才漸漸少了到訪。上月行過旺角，心想很久沒有來了，會否有改變呢? 誰知真的沒有進步還退步了呢。肉躁飯的芡多過乜，寮寮可數的肉躁併冬菰粒+一大PAT芡，大倒胃口。最後我只淨吃了白飯便放棄了。炸玉子豆腐更加離譜，並不是熱的，送上時見到外皮滲出油，明顯未炸熟透便拿出來，那些油好像還未熟，咬一口活像是飲生油。無怪乎坐落在鬧市中心，繁忙時間仍然有空坐位。飲品並不見得特別出色，相比起食物，至少可以放入口。周遭競爭對手很多，如仍不改進食物及飲品的質素，恐怕在汰弱留強的社會裡，能留低的日子不會太長。…Read More

第一次行K11，唔知有咩食，但早前睇過有帕莎，所以諗住試下。搭Lift去到4樓，一開Lift門好暗，因為係Dinning & Bar，初初都驚有BB唔係好適合。好彩侍應們都很體貼的將我們安排在門口位，以免店內每節的肚皮舞音樂會嘈到BB。剛巧是元宵佳節，店內推出元宵套餐For 2位，還有禮物及合照一張。 手撕雞：麻辣味，但不算很辣，配青瓜絲及辣椒絲尚算清新。 酥皮精選 ： 長條型內包羊肉餡，其餘的是菜餡及牛肉，味道不錯。 南瓜魚翅湯：南瓜味好濃，好好飲，無諗過南瓜湯+魚翅都幾好味。 牛肉及牛舌串燒：牛舌好厚身，但牛肉我食到有羶味，唔知係咪個爐燒得羊肉多呢? 本身d肉只係落咗鹽去燒，可以沾枱面提供的調味粉食。 牛油香料焗扇貝：隻扇貝好大隻，味道都尚可。 烤小羊腿拼香酥羊排骨：其實食完以上咁多味已經飽咗8成，勉勉強強食咗一件羊排骨，味道唔錯，但小羊腿真係食唔落，同老公Share咗一隻，試咗個味。都ok 七彩麻辣粉：呢個粉，辣到我食唔到，我唔知係我渣定廚師重手咗。 豆沙軟餅拼石榴雪糕：豆沙軟餅偏油，但石榴雪糕則很清新。呢間餐廳其實只適合一班朋友飲酒食飯，其實就唔係好啱有小朋友，因為佢佈置得好暗，有小朋友就唔係咁方便，同埋每一節肚皮舞0既音樂都好強勁，小朋友未必適應到。而食物質素係唔錯0既，如果喜歡食羊0既朋友就更加0岩，因為真係有好多食品都係用羊整。而我見到Menu有兔肉同駝峰食，下次有機會會試下0既。…Read More

放假閒逛到圓方，要醫肚的時候已經是下午2點多，到達平台，有多間酒吧提供Sunday Brunch或者All Day Breakfast。我和老公揀了最多人的Stormies，想應該差不到哪裡吧。老公揀了S&S Meals，即係可以選Soup & Salad或者Soup & Sandwichs or Burger。Daily Soup係Tomato Soup，濃濃的蕃茄味，這是我最欣賞的了。另外再點了Stormy Burger，我本人覺得太多油了，咬入口吃不到肉汁的流竄郤滿嘴都是油。All Day Breakfast有蛋、Hash Brown、腸、茄汁豆、煙肉、磨菇片及一片多士，但整體來說都是很多油，而Hash Brown炸到很散，不太欣賞。總的來說是ok吧，可能因為這店子主力是酒吧，食品質素不能要求太多吧!…Read More