EmKong527的个人专页

提到極具特色的韓式燒肉，不得不介紹一下黃埔呢間地道韓國菜。前菜有好地道又超好食嘅泡菜、菠菜、薯仔，都係我超級鐘意嘅前菜韓式燒肉最重要就係食材本身的鮮美味道，優質的燒肉會散發出濃烈香氣和肉汁🤤呢個燒肉拼盤好有派頭，唔同平時嘅韓燒用網慢慢燒，宜係一次過的（牛肋骨最後先燒），個鐵板設計斜斜地，好貼心地流走多餘嘅油脂👍🏻五花腩、豬頸肉、牛五花 冇好多調味嘅情況下都已經好食👍🏻 調味牛肋骨亦好好食！冇蓋咗牛肉嘅鮮味燒雪耳更是驚喜所在。燒烤後的雪耳保持了原有的爽脆口感，但多了一層微焦的香氣，非常別具風味。另外佢嘅自家醃製醬油蟹亦係一大亮點。蟹肉鮮甜多汁，加上濃郁醇厚的醬油調味，保留蟹膏嘅鹹香鮮味。另外仲可以配埋紫菜飯撈汁撈蟹膏咁食😋酸甜炸雞夠哂大份，每件都好脆好香口，包裹無酸甜汁，配埋韓國特色黑桑子酒，滿足！🥳…查看更多

土瓜灣嘅韓正屋 環境&價錢雖然平民但食物質素有驚喜🤤韓式無骨豬手🐷豬手最重要係層皮🤤 煮得夠軟腍又入味感覺又有滿滿膠原☺️夾埋泡菜、蒜頭、生菜一齊食完全唔覺得肥膩芝士排骨店員有好細心地叫我哋快啲襯熱食又示範咗點樣將啲芝士包住件排骨滿滿的拉絲芝士包住惹味排骨味道好夾 啖啖肉好滿足！炸粉絲卷冇諗過小食份量都有咁多件炸得酥脆又唔會好多油👍🏻魚糕串鍋🍲要品嚐到韓國風味除咗要食泡菜魚糕串都係好有風味真係好似喺韓國食咁嘅味道👅我個人好鍾意嘅韓式伴菠菜🥬呢度都做得好食😆…查看更多

想食碗靚麵但又唔想咁貴喺灣仔有呢個親民價值嘅手工麵店就係幾好嘅選擇，其他小菜都係好食而又平價其實佢套餐價錢幾抵食不過因為套餐冇我哋想食嘅麵揀就選擇咗散叫秘製香槽醉雞 $58隻雞好嫩滑！份量合理，可能係佢呢度嘅獨特製法，味道比較清甜 有淡淡嘅酒香龍眼冬瓜茶正正常常 唔太甜👍🏻野生松茸鮮雞湯 $38湯嘅材料絕對係對得住呢個價錢！有嫩滑雞肉&松茸，湯味濃郁香噴噴！份量細細地啱哂一個人食飯而又想飲啖湯水嘅人嫩雞白布湯闊麵 $70同其他菜式一樣，呢間嘅雞確實係幾好食！入味又嫩滑，呢個湯底嘅奶香好好味！而闊麵亦好特別，能夠掛湯亦保持到咬口👍🏻 推介✨鎮店蟹皇伴麵 $98份量超級豐富，麵同蟹皇汁分開上，所以都睇得出蟹汁好足料，食落有蟹膏及蟹肉嘅香甜，食完好飽肚巴蜀粒粒大雲吞 $36同紅油抄手有啲分別，唔會咁油，巴蜀風味辣辣地幾香口開胃，雲吞餡都好足料，啖啖肉…查看更多

上環呢間嘟啲雞平民化價錢，環境乾淨坐得舒服，菜式以Fusion印尼菜為主，聽到個名都知要試吓佢啲雞叫咗個二人餐都幾抵食，有2個主菜、4款小菜、2個飲品，2個人食份量好足夠單叫 野生松茸鮮雞湯 ($48)，飲落清新唔係味精湯，都幾有雞湯味道，湯料都幾足。套餐包嘅前菜份量唔算好多，但對得住個價錢，而且味道都OK！個人特別鐘意手拍青瓜、豆筋、酸蘿蔔，都係啲惹味開胃小菜。木瓜椰奶雞脾肉配粟米飯即刻聞到好香嘅椰奶味，  香甜椰汁配埋嫩滑雞肉好啱送飯食，加咗$5轉粟米飯，幾特別又幾好食。辣tuti雞撈麵餐牌上有一隻辣椒，但個人覺得應該係2隻辣椒，配埋青瓜絲及麵可以幫助中和下辣度，仲有蝦片同煎蛋即刻增添咗印尼風味。…查看更多

喺長沙灣呢度靜靚地嘅角落頭，有間看似平凡，但原來收埋咗好食嘅即叫即開生蠔😍有陣時想食吓高性價比嘅西餐，呢間絕對滿足到👍🏻呢度有愛爾蘭/ 法國生蠔揀，見佢有做緊買五送一優惠，當然要揀貴啲嗰款愛爾蘭N2生蠔！賣相都唔錯，夠大隻，食落新鮮爽脆，有豐富蠔鮮味，鐘意食蠔嘅要試試佢喇！叫番支Apple Cider 抒暢一下先🥂芝士磨菇釀雞翼呢個好食！脆香外皮，加上滿滿嘅芝士磨菇涵，叫咗兩隻唔係好夠喉，應該要食4隻！咖哩海鮮飯正正常常夠份量，咖哩味都幾香濃，撈飯一流西班牙豬肋排煮得夠腍夠入味，可以輕鬆咬淨條骨，係幾好食！仲有薯菜大大份，今餐夠哂滿足！…查看更多

朋友生日話想食中菜，專登搵咗呢間同佢食餐好嘅！喺銅鑼灣fashion walk呢條街本身已經食肆林立，條街好有氣氛，餐廳內裡裝潢都好有質素，食個生日飯絕對唔失禮。蟲草花炒翡翠苗先來食個菜先，翡翠苗青嫩配埋蟲草花感覺好滋補，味道適中唔會太鹹，二人份量剛剛好京滬酥香烤鴨作為呢度嘅招牌菜絕對冇令人失望，外皮香脆，油份肥肉都剛剛好唔會太油膩，肉質嫩滑，必食！脆皮三支骨睇個名初頭以為骨頭多，點知原來牛肉份量十足！如果4個人食都夠食，呢道菜味道偏向濃味少少，所以夾埋其他清淡啲嘅餸一齊食都好唔錯招牌小籠包果然係招牌菜！小籠包入面好多汁，湯汁清甜唔會太濃味，食完頭先比較油膩嘅菜式，再食小籠包中和番，感覺好舒服！亦做到皮薄餡靚👍🏻 十分推薦！擂沙湯圓呢個甜品食上海菜通常都會食，熱辣辣唔太甜，煙煙韌韌好好味😋呢度其中一個特色係有啲好fusion及特色嘅酒精飲品，由調酒師即場炮製，我哋當然有試吓啦。花語呢杯酒一聽個名就覺得好飲，外觀好適合打卡，飲落都冇令人失望，荔枝、檸檬、菠蘿令杯酒覺得好清新又唔係好甜，仲有少少玫瑰花香，好啱女仔飲。京滬時代呢杯酒相當有特色，相信唔係好多地方可以飲到，威士忌配上燒過嘅鴨皮，估唔到味道咁夾，而且仲有鴨皮嘅香味，帶出咗威士忌嘅味道，值得一試…查看更多

好耐冇出嚟靜靜坐低食晚飯喇🤩今次嚟到話題性極高，以大麻二酚CBD為主題嘅餐廳，所有菜式&飲品都有加入CBD，如果唔想加 落單時都可以揀唔要CBD，十分貼心。 CBD屬於一種藥用鎮靜劑，可以幫助紓緩壓力情緒，有助入睡，所以食完嗰餐都瞓得特別好🤣當然唔只有噱頭，食物仲好有水準！芒果莎莎吉列蝦墨西哥薄餅呢個作為頭盤就最適合喇！莎莎酸酸辣辣好開胃，吉列蝦炸得夠脆，仲幾有肉！威靈頓三文魚配秘魯黃椒醬威靈頓牛就食得多，三文魚又真係第一次，同埋睇食評見好多人都有推薦，果然冇令人失望！外皮好酥脆，入面嘅三文魚唔乾身，好軟嫩，味道、份量同口感都好正👍🏻日式芥末忌廉廣島蠔闊條麵見到賣相就已經覺得好食，廣島蠔煎香咗 又厚肉，忌廉汁因為有少少芥末味，同平時食開嘅白汁意粉感覺好唔妬，減低咗飽膩感，好食！流心芝士撻食埋呢個甜品，成餐食就好滿足喇！芝士撻夠濃味，又Creamy，鐘意食芝士嘅人一定會鐘意！OREO雲呢拿沙冰好有OREO味，又唔會太甜，值得試試…查看更多

好耐冇食日本菜，朋友話想試試呢間居酒屋，各方面嘅食物都好值得推介，令人忘懷！食日本嘢當然要食刺身，呢度有唔同款嘅二人前刺身拼盤，豐儉由人。拼盤又多款刺身，款款都相當厚身，口感好彈牙，每一樣都好有鮮味。另外我哋仲叫左日本生蠔，冇諗過係咁大隻！而且肉質爽脆清甜，有蠔嘅鮮味，所以整體每一款都比人感覺相當時令，價錢又相宜！嚟到居酒屋當然要試唔同嘅燒物，厚燒牛舌應該係呢度必點嘅串燒，好厚身而又唔會燒得太乾，咬落彈牙Juicy，另外仲試咗雞翼同埋雞軟骨，外層撒上少少嘅鹽味道剛剛好。厚燒紐西蘭羊架同其他串燒一樣都係燒得剛剛好，保留到肉汁同時肉質好嫩，味道都好惹味必食！明太子蟹肉焗蠔肉蘑菇批淨係睇個名都知呢件蘑菇批有幾豐富，除左肉餡豐富係一大賣點序外，味道亦係令人食指大動！醬汁調味令人停唔到好，仲有芝士嘅香味，超正！燒三文魚頭大大件而且仲配有燒三文魚腩，魚肉好多，香味十足炸大蝦天婦羅天婦羅份量十足！除咗大蝦夠大隻，口感彈牙之外，另外茄子同埋冬菇都炸得好好食，粉漿唔會太厚，又炸得好脆口，送酒一流！柚子、鮮檸檬梳打酒喺居酒屋要飲番杯酒先夠完滿！酒份量足，柚子嘅甜味令杯酒好易入口，怕飲酒嘅女仔不妨試試…查看更多

最近呢個天氣潮濕又陰涼，最啱又係去食番餐熱辣辣嘅晚飯暖一暖身，揀咗呢間出名嘅韓式湯嘅餐廳，環境感覺比較年青，但估唔到菜式味道相當地道傳統牛肉雪濃湯一味好地道嘅韓式滋補湯，飲得出牛骨湯嘅濃郁香味，湯入面嘅牛肉有咬口得嚟亦好嫩腍，洋蔥甜甜的，配埋飯一齊食好有滿足感薯仔豬排骨湯成碗湯超豐盛，少少辣 唔會太強烈，但味道濃郁好味，餐牌話佢係韓國視為最能紓解宿醉嘅醒酒湯，雖然冇飲酒，但飲過之後的確令人胃口大開。豬排骨熬煮得好較熟，豪不費力就已經可以將骨肉分離 食得一乾二淨，讚！韓式煎餃子外皮香脆可口，唔會太油膩，内餡味道唔錯餃子王及泡菜餃子王大大隻蒸餃，一隻一籠咁擺放，外皮唔太厚，滿滿嘅內餡好有飽足感，泡菜相當惹味，值得一試！呢度仲可以飲到平時少見啲嘅韓國飲品例如菠蘿/蜜桃梳打…查看更多

好多年前喺呢頭番工，嗰陣都唔係好多好嘢食選擇，估唔到宜家有間咁有誠意嘅Cafe，就同朋友嚟試試，順便打卡影張靚相法式干邑龍蝦湯超香龍蝦味，好甘甜前菜-蜜糖雞翼作為前菜小食，都好有誠意！今日有蜜糖雞翼，香脆嘅外皮被蜜糖包覆，咬入去肉質Juicy，好好食！沙律菜配上酸酸甜甜柚子汁，好開胃招牌名古屋鰻魚蛋包意大利飯呢個配搭真係幾創新，估唔到係咁好味! 成呎長嘅蒲燒鰻魚夠哂派頭，嫩滑嘅蛋包住忌廉意大利飯，鰻魚嘅燒汁中和咗意大利粉嘅飽膩感，成個飯都好好味！唔怪之得係招牌菜，必試！紅酒慢煮澳洲和牛面頰肉配薯蓉和牛經過慢煮，肉質嫩腍，亦都保留住牛嘅鮮味。薯蓉幼滑，配埋紅酒汁一齊食，令薯蓉味道冇咁寡甜品放題！喺呢度真係要試試甜品放題，因為有多款甜品選擇，而且款款都好有份量，誠意十足！你可以喺menu上揀/ 直接喺甜品櫃同店員講要咩款，然後佢哋會再將各款甜品拼湊埋裝飾，好似一道集合多款嘅甜品，好滿足！芝士蛋糕/朱古力芝士蛋糕：好好食！忍唔住食左2Round，芝士味豐富，口感細緻綿滑，朱古力味濃郁但都滲透出芝士味芒果慕絲蛋糕：啖啖都係芒果肉，慕絲蛋糕酸酸甜甜，好香芒果味焦糖/朱古力泡芺：外脆嘅泡芺入面係雪糕，唔係Cream咁簡單雪糕窩夫🧇：新鮮整出黎嘅窩夫，有好似雞蛋仔嘅香味，口感豐富滿足，配埋雪糕及Oreo碎一齊食好好味…查看更多

餐廳位於一條靜靜地嘅街，入面環境暗暗地，但亦不失格調，同男女朋友嚟撐下枱腳、食個飯傾下計絕對係好地方。我哋每人先叫杯Cocktail Chill下先，分別係Mojito & Salty Dog，兩杯都夠濃味好飲白松露油芝士薯條一上菜就已經聞到好香嘅松露味，令人食指大動，薯條粗身脆口，好好食！而芝士碎唔會太膩，少少嘅芝士味令薯條更加好食！同朋友叫左一人一份main course，各自都加左小食，朋友嘅鵝肝都幾肥美，煎得好香好吸引，而我就加左甜品，當日嘅甜品係蘋果批，唔會太甜，外層鬆脆好食烤羊扒件件羊架都大大舊，脂肪同肉份量得宜，美味嘅羊羶味令人食指大動Rib Eye上菜嘅時候相當驚喜，冇諗過原來係咁大份，食得好滿足，肉質嫩口唔韌，亦好有肉味，而配菜都唔失色，薯條鬆脆…查看更多

想食正宗啲嘅風味麻辣火鍋，專登搵左呢間試試，餐廳裝潢寬敞，坐得舒服，好啱3-4個朋友一齊打邊爐。餐枱紙話埋比你知每樣菜式要淥幾耐，好貼心調味：每人一罐麻油，最好味就係加啲醋&蠔油，蒜莞茜蔥牛油鴛鴦湯底，唔辣嗰邊揀左蕃茄湯，香甜濃郁，同黎淥蔬菜類就啱哂。辣嗰邊好有風味，超好食！唔會太辣，打正宗川式邊爐就係要咁嘅味道！鴨血：打邊爐必選！呢度嘅鴨血做得唔錯，唔會太散、冇古怪味道魚皮餃：餡料夠多夠味，皮又彈滑金牌牛黃喉：喺香港比較少食到呢個部位，其實係心血管部分，淥熟之後口感爽口彈牙，係紅肉類之外比較新鮮值得一試嘅選擇羊肉：份量唔少，有羊羶味，好食呀！安格斯肥牛：上菜時有乾冰喺中間，好有派頭，份量都唔少，牛有肉味，脂肪唔太多，好味蔬菜拼盤：大大份有齊唔同菜，抵食嘅！脆骨腩：肉質好脆口，冇乜魚腥味，鮮味好食！紅糖糍粑：呢個甜品真係要風味餐廳先會食到，本人超鐘意食呢味甜品，呢度嘅糍粑做得好好，表皮炸得脆身，内裡煙靭軟腍，仲可以自己點糖漿&黃豆粉，調整甜度之餘糍粑亦唔會因為預早淋上去嘅糖漿而變腍。整體都好高質，值得推介！…查看更多

喺中環域多利皇后街有間台式小店，唔好睇佢門面細細，但其實菜式好高質好好食！鹽酥雞食台灣嘢必食鹽酥雞，呢度嘅鹽酥雞唔細份，唔係得幾粒雞，而係件件都有肉！外層嘅炸粉唔厚而且相當酥脆，雞肉炸得啱啱好，嫩滑有肉汁，所以呢道小食作為開場就已經相當驚喜！原條蒲燒鰻魚飯原條鰻魚就咁上，加埋流心蛋撈飯，超正！平時啲餐廳得半條鰻魚都要8-90蚊，宜家成條鰻魚比你撈飯食，而且好食，真係好抵！托托蜆烏龍麵呢個又係驚喜之選！4隻巨蜆有牛油清酒煮過，保留到蜆嘅鮮味，仲令碗麵都有牛油香味，好好食！而且麵質彈牙，令人感到好滿足！炸花枝丸又係另一道台灣必食小食，脆脆地嘅外皮，花枝丸彈牙有鮮味芋圓仙草凍推薦大家一定要食！份量夠哂兩個人食，性價比超高，芋圓大大粒又好煙韌，每一粒都食到芋頭/地瓜嘅味道，配埋滑捋捋仙草口感更豐富！…查看更多

食肉獸朋友話想食牛肉，搵左呢間專門食日本牛肉嘅餐廳試試，舖頭裝潢同價錢都走平民路線，但食落相當高質，好有驚喜！店內提供6款石燒牛扒，價錢以重量劃分，好公道亦都啱哂唔同人嘅胃口。加多$30仲有5選3嘅套餐，有薯條/沙律/湯/飯/汽水，好豐富！湯好有誠意，有洋蔥、雜菜&肉，足料好飲！沙律新鮮，仲有秋葵薯條好好食！粗身的薯條有咬口、炸得好香脆！我地每人都叫左個200g牛扒，好足秤份量十足！牛扒喺高溫石燒上燒熱左表面少少，鎖住肉汁，之後想食幾熟都係自己決定，再配埋青醬/紅酒牛肉汁食好滋味！每款牛肉都係濕式熟成牛扒，鮮嫩多汁而有風味，所以其實可以唔點汁都好好味！平鐵牛扒：性價比最高之選！口感紮實有咬勁，但唔會太硬太靭。小牛柳：肉質好嫩，少油少筋、牛味味道濃郁。上腰西冷：脂肪比例適中，有肉口感得黎亦搭配少少油香，肉味濃郁。總括而言，呢間餐廳性價比相當高，牛肉靚，加埋套餐超抵食！想要食靚牛唔一定要好貴架…查看更多

間中會想食下辣嘢，就會想搵下川菜嚟食，無意中見到呢間川菜館好似幾抵食，就去試試。原味焗蜆當侍應一切開錫紙，好香嘅鮮味即刻湧出黎，將熱辣辣嘅蜆放入口，大大隻啖啖肉！唔使好多調味就可以食到蜆嘅鮮味小肥羊麻辣燙呢個菜式相當好! 可以過下打邊爐癮，份量２個人食亦啱啱好，麻辣味好香都有啲辣，羊肉都好好食，有羊羶味口感爽彈蒜泥白肉好少見到蒜泥白肉會舖得咁靚，成盤花咁，蒜蓉擺中間，方便如果有啲朋友唔太食蒜嘅都可以就咁食啲肉，肉片脂肪分明，配埋佢地個醬汁&蒜，好好味蒜蓉蒸勝瓜啱啱蒸出嚟嘅勝瓜熱辣辣，鮮甜爽脆又多汁，簡簡單單唔使好多配料 淨係配蒜蓉都好好食南瓜餅呢度有好多風味美食，包括南瓜餅，唔係好多地方都有得食，南瓜餅又係即刻整出黎，熱辣辣，煙煙靭靭口感好正！亦有南瓜味 唔會覺得太多粉…查看更多