zumi1314's Profile

星期日行完山，路經東大街，決定係到解決埋晚餐。大約七點經過呢間韓食媽媽，決定一試。老闆娘聽口音應該係韓國人黎，一開頭俾咗張二人枱我地，之後見我地嗌咗都頗多野就換咗張四人枱，老闆娘笑容十分好👍🏻👍🏻野食方面，我地嗌咗份牛腩片，海鮮煎餅，白飯，水冷麵同芝士海鮮炒辣年糕，兩個女仔食都幾多野下。個牛腩片都有成十塊到，配一籃生菜俾你包，牛腩片本身有啲汁，燒完配飯都幾惹味👍🏻水冷麵都幾正宗，有枝白醋俾你調味，酸酸地，蕎麥麵啲口感都唔錯，唔會太硬同太un，份量都幾多。海鮮煎餅都係正宗韓式煎餅既味道，不會煎得太硬，有啲厚度，啲料都好足👍🏻啖啖都有八爪魚粒👍🏻👍🏻海鮮芝士辣年糕都好足料，唔會剩係得蟹柳或者蝦仁當海鮮，有硯，蝦，青口同魷魚，誠意十足，味道都不錯，芝士十分多，仲要凍咗都好味，不過年糕唔太辣，唔太食到辣既朋友都可以食👍🏻👍🏻整體黎講呢間韓食都算有水準，價錢唔太貴，味道好，服務態度亦唔錯，再黎既話都可能會再黎食👍🏻…Read More

同事有張半價既會員卡，咁就約咗一大班人放工之後去食。本身想book七點/七點半，但就full晒，咁我地就book八點，嗰日我地七點九就已經去到，但都要等到差唔多八點半先入得去，可能我地多人，有成十個人，都等咗好耐先入，同冇book枱冇分別，係呢方面服務真係麻麻，我地嗌完野食都差唔多九點了。我地都嗌咗幾多野一齊share, 一開頭黎咗個三文魚凱撒沙律同羽衣甘藍沙律，呢兩碟菜冇咩特別，都係普通沙律味道😂😂之後黎咗個小食拼盤同芝士薯條都好好食。小食拼盤佢有唔同小食俾你揀，可以揀四樣，跟住每樣大約有四份。個芝士棒可以做到拉芝既效果，熱食既時候十分滋味，但個炸蝦就做得麻麻，炸皮同隻蝦好分離，好散，好似分開緊食蝦同個炸皮咁。個芝士薯條都俾好多芝士同sour cream, 凍咗一樣好食，當然熱食啲芝士會滋味啲啦～我地仲嗌咗個三份細漢堡，兩份牛肉，一份雞肉，牛肉一份會有四個細既漢堡，雞肉就得三個。我食既係牛肉漢堡，個包外脆內軟，剩係食個包就已經夠晒好食，牛既份量都岩岩好夠大，可以每啖都食都有牛，個牛亦十份juicy👍🏻 每一份都有配薯條，食咗芝士薯條就覺得普通薯條冇咁好食了😂我地仲有嗌其他肉同扒，但覺得都唔係太特別就唔講了。另外，我地嗌咗野飲，有一半都好遲先黎，有兩枝仲要追咗幾次，係差唔多食完野先黎，講真，服務就麻麻，野食都好食既，但值唔值咁貴呢，我就覺得唔值得啦。如果唔係有半價都唔會黎食😂…Read More

係openrice見到呢間酸辣粉好多好評，甚至有人講到係一生人食過之中最好食既酸辣粉咁就黎食下啦，去到現場都full咗要排隊，但等咗大約十五分鐘就入得，舖面唔太大，所以我諗午市/晚市正常時間黎應該都要排隊。入到去見到佢個menu都幾多野揀，好似好多都好好食咁，我地原本係門口係諗住每人嗌個一人餐再share食，但原來套餐剩係去到五點。我同朋友唔係太肚餓，所以都係一人叫咗一碗酸辣粉再加個例牌口水雞就算，朋友仲嗌咗杯豆漿，不過佢都會提供茶水既。個口水雞黎先，大約一碟有八至十舊，我地嗌咗小辣，唔係會辣岩岩好，但比起出面既口水雞fh咗一浸甜味，多咗浸黑椒/豆豉味，冇我想像咁好食，不過可能我冇食過正宗重慶，可能正宗既口水雞係咁（？個酸辣粉黎既時候睇落好細碗，望落都驚唔夠食，但食落都幾多下。不過佢冇咩湯，我地揀咗小辣，真係小辣，完全唔辣，食得辣既朋友可以試下嗌中辣，不過佢個酸辣粉個味我就覺得麻麻地，酸同辣都唔係好夠，可能卵本身鐘意食酸啦。我就覺得個酸辣粉冇人地講到咁好食，有啲失望。不過我見佢menu都有好多其他四川/重慶菜式，見隔離枱都食得幾滋味，下次可以再黎試其他野。…Read More

朋友之前食過話好食就上咗黎食，星期五七點半，人都唔算多，冇book枱但一去到就入得👍🏻 因為我同朋友都怕肥，所以就嗌咗個細既普通豉油燉雞，同埋海鮮煎餅同牛肉飯卷。野飲就嗌咗一jar青提子味韓國米酒。本身睇menu望落個燉雞好多同幾好食，但上菜個時個樣唔知係未隻碟大得滯，望落好少同埋好似煲完湯啲湯渣咁😂😂不過食落係okay既，偏鹹咗少少，啲雞都幾滑唔會太老，我地三個人都食剩咗少少，可能如果唔嗌飯卷/煎餅可能食得曬。講返個牛肉飯卷，都幾大舊，每一舊都見到有牛肉，幾好食。個海鮮煎餅都幾好食，厚薄適中，唔會太淋又唔會太脆，係正宗韓式海鮮煎餅既味道，好食👍🏻👍🏻個青提子米酒都幾好飲，唔太甜，都唔太酸，一開頭個職員同我地介紹既時候仲講如果想飲酸就嗌青提子，甜就士多啤梨，個青提子個甜度岩岩好，不過唔係好飲到職員所講既酸😂 整體黎講都幾好食，環境唔錯，埋單三個人每人大約二百蚊，都算正常價，可以再食👍🏻…Read More

同朋友諗唔到食咩，行行下見到有個𡃁妹派傳單話出示學生證有全單七折就入咗去了。我地去個日係星期六夜晚，咁岩個日有世界盃睇，佢個電視都播緊，可以一路食一路睇波👍🏻👍🏻舖頭環境唔錯，幾新淨，應該係岩岩開既。當晚人唔係好多，成個場大約full咗一半，所以都坐得幾舒服。我地嗌咗個火鍋連刺身，啲刺身份量黎得好足，雖然種類唔多，但都已經夠晒數👍🏻睇落去都幾新鮮，呢個價錢算係咁。個火鍋湯底我地揀咗清清地既豬骨，都唔錯，火鍋材料都多，而且唔差，應該都算係新鮮。佢仲有雪糕雪條飲品同埋其他甜品，種類都算多。最緊要係坐得舒服，伙計都冇催我地走，又有七折，幾抵食👍🏻👍🏻 如果繼續有七折既話都會再食。…Read More

係旺角睇完戲，朋友話想食韓國菜就上openrice搵咗呢一間，即時打咗電話叫佢留枱。上到去差唔多九點，都有七八成full, 裝修都新淨同企理。我地四個人嗌咗四樣野，蟹籽手抓飯，水冷麵，蒜香無骨雞，同埋海鮮煎餅。佢個蟹籽手抓飯可以叫佢幫你整埋，我地想玩下就揀自己整，其實都係用手將所有野撈埋一齊，再將佢揸成一個球體，佢會有手套提供，都幾易整。味道就一般啦，普通飯團味，同韓國食個啲差好遠。水冷麵都係普普通通，冇咩特別，唔係唔好食，但真係好一般😂😂海鮮煎餅直頭係唔好食！同想像中韓式既煎餅差太遠☹️ 以前食開個啲都係偏薄，唔會太淋，呢個好似食緊麥當勞熱香餅咁😔😔 好失望個蒜香無骨雞係四道菜黎講算係好食，不過本身個炸雞蒜香味唔重，要自己點啲醬先有返啲味，但$98黎講好大份，抵食👍🏻我地仲嗌咗西柚mocktail同罐裝粒粒桃汁，都係咁，冇咩特別😂😂總括而言，啲野食唔係差既，價錢合理，如果食炸雞既話都幾抵食👍🏻…Read More

星期六八點行完書展，即興想食雞煲，經朋友介紹就打電話去問話八點半有位就去咗食啦。間餐廳都易搵，環境好過一般雞煲舖，耐何我地坐既位成日都俾條柱遮住，啲伙計成日都睇唔到我地嗌🤦🏽‍♀️ 廢事煩我地就加湯都係自己黎講返隻雞先，個芝士雞煲可以揀普通/極量芝士，我地怕太膩就揀咗普通，普通已經好好食！好有芝味但又唔會太膩，啲雞都算滑同多肉，唔會剩係俾啲骨你，食到最後發現好多洋蔥，不過啲配料洋蔥都好食👍🏻😂。我地之後仲嗌咗個公仔麵諗住煮芝士撈麵食，但發現唔係太可行，因為個湯太水😂 下次要食都係要嗌返極量芝士。因為我地係四個人既關係，我地仲嗌咗個細既辣雞煲（提外話，我地芝士雞都係嗌細），因為朋友唔係好食得辣就嗌咗半隻辣椒。個煲一黎到先知原來佢會點火整啲火焰俾你睇😂，都幾驚喜，因為我地唔知有呢樣野😂 因為係半隻辣椒既關係，唔係好辣（我覺得冇咩辣味，因為本人食得辣），麻麻地，下次再黎應該剩係會嗌芝士雞。我地四個女仔，其實食完兩個細雞煲已經飽飽地，好彩我地嗌既配料都係菜呀菇呀個啲，都叫食得晒。嗌咗一jar野飲，最後埋單都係700頭，每人二ma蚊都唔洗，都幾抵食，會再返兜👍🏻😋…Read More

平日返屋企已經見到呢間餐廳成日都好多人排隊，間舖又裝修得幾有特色，就襯星期日下晝冇咩人既時候入咗去食啦本身想試白咖哩湯麵，但佢話湯麵個版全部都冇，咁唯有試下佢個招牌老鼠粉啦。又幾好食，唔會太鹹，入面有幾塊腩肉，份量對女仔黎講應該岩岩好，男仔食既話未必夠飽。之後仲嗌咗個咖央多士，唔係好脆，啲斑蘭醬都幾好味，但啲味唔算太濃，不過不失朋友嗌咗個怡保芽菜雞配黃薑飯，份量都幾大，應該有四分一隻雞，啲雞都幾滑，唔錯仲有杯白咖啡，偏甜，都幾好飲總括黎講都幾抵食，平民價錢👍🏻👍🏻…Read More

適逢世界盃，同朋友想搵間有得睇波又有晚餐食既餐廳，就諗起屋企附近開咗唔係好耐既餐廳，就諗住試下啦。可能因為新開，我地星期五七點幾差唔多八點入去都仲有位，因為餐廳地方唔大，場內睇落都算full同埋啲位就有少少窄。原本我同朋友都係坐二人枱，但因為我地嗌咗個世界盃套餐都算多野，所以見冇人都調咗我地去近門口稍為大啲既枱，同埋等我同朋友可以坐埋同一邊一齊睇波。食物方面，我地叫咗個世界盃套餐，有六隻生蠔，沙律一大碟，一小份薯角，大大份豬手同有兩大杯啤酒，埋單六百蚊都唔洗都算幾抵食，同埋啲質素都算係不錯。下次去我諗會試下散嗌。整體黎講，野食好食，服務幾好，睇波環境同氣氛都幾好，值得一試。…Read More

星期六夜晚去食，九點鐘入座，唔算多人。餐廳地方都幾大，環境舒適闊落，我地一行四個人，佢俾咗張六至八人既枱俾我地所以都坐得知幾舒服。野食方面都冇咩特別，平時韓燒會食到既豬頸肉，牛，雞肉，豬扒，都有帶子，多春魚，魷魚等等既平價海鮮。熟食方面有泡菜，淹蘿蔔，青瓜，餃子，雞翼等等。有地道紙包飲品同埋糯米糍。佢個爐會俾塊隔油紙你，等你唔洗成日換爐。佢地服務都算幾好，個老闆（應該係）會行過黎問我地要唔要蜜糖芥末豆腐同玉子燒，同埋會成日黎收碟。個蜜糖芥末豆腐就麻麻地，其實只係好普通既係豆腐上面淋啲蜜糖芥末醬，反而個玉子燒就唔錯，但入面有我唔鐘意食既豌豆.......其他肉其實就都係普通平價貨色，三文魚都食得出唔係新鮮，麻麻地。但以呢個價錢算係okay啦。…Read More

朋友一直好想試，就book咗一個星期六既夜晚7點上去食飯。 去到都full晒，但就冇咩人等位。但走既時候大約八點幾出面都將幾多人等，如果食八點可能都要預先book位啦。總括黎講，整體都幾好，環境舒服，唔會太嘈。服務不過不失，可能因為出面都多人等位/俾人book咗，我地一食完佢都幫我地執晒野叫我地買單，不過佢一開頭都有講限九十分鐘，如果想坐得耐傾下計就唔好揀呢間啦。食物方面，冇想像中咁好食，以價錢黎講唔算抵食，但都唔算太貴既，但'辣妹'就真係幾好食，可以再一戰…Read More