chint3's Profile

門外看會覺得其貌不揚但一踏入店內就被果份懷舊特色吸引住而且做到幾乎每枱都有適度間隔.呢間舖只有晚市做打邊爐好多款湯底可以揀我地揀左蕃茄卜卜蜆湯底淥野食之前仲可以飲左個湯先.牛肉、豬肉都非常出色基本上全部野都好好食個墨魚滑都好大份4-6人餐份量非常足夠 $1000都唔洗有埋象拔蚌刺身🤤雖然刺身份量唔多但都夠新鮮雖然唔係任食但其實嗌左個set再加一碟牛胸爽4-5人除開都係3、4百蚊好抵食 仲可以揀自己鍾意食既野非常推薦一大班人黎食…Read More

首先總結左先性價比👍🏽👍🏽份量勁足 食材新鮮 味道好.1）乳豬 皮夠鬆化 乳豬黎講都唔洗講其他野😌2）燒鵝 份量夠 窩心地有個蠟燭仔烘住 令啲汁無咁易變杰身3）阿拉斯加長腳蟹 好大隻 夠新鮮 肉嫩 店員仲會好識做咁俾你原隻影左相先拆4）赤小豆粉葛煲豬骨湯 原煲上 勁濃郁好好味 仲𢳂埋啲湯渣俾你食5）珊瑚蚌蝦球西蘭花 超大碟 非常多珊瑚蚌同蝦球6）菠蘿咕嚕肉 啲咕嚕肉唔會好厚粉 每一舊都係一口份量 多肉 無乜骨 仲有成條新鮮菠蘿7）清炒豆苗 超大碟 同埋熱辣辣 好好食8）鮑魚啫啫雞煲 好多鮑魚 👍🏽9）清蒸石斑魚 好大條 肉滑 蒸得岩岩好10）炒糯米飯11）壽桃包12）紅豆沙我地一行九人 多男士食完個個好飽仲有8-9盒野食打包食唔晒 真係食唔晒下次可以試下嗌半席 或再多啲人黎食.唯一美中不足係聽到員工同客人鬧交而經理唔識阻止/處理有少少影響用餐心情同體驗…Read More

自從第一次試完佢地既Lunch set之後已經念念不忘⋯幫襯過幾次Lunch同dinner之後⋯一直想幫呢間小店寫個久違既食評⋯希望多啲人睇到呢啲用心經營既餐廳⋯.每份Lunch set都有齊前菜、湯、菜碗蒸、主食同甜品⋯每次食完都勁飽勁滿足，今次又點左我最愛既魚生丼！又厚又新鮮既魚生 一共有十款！擺盤靚靚⋯第一次食果陣最驚喜係個飯底，從來未食過飯入面撈左咁多蟹柳絲、蛋絲咁足料，呢個小心思真係好值得讚！.另外我最鍾意既係呢度既茶碗蒸⋯入面仲有海鮮，勁滑又夠熱，鮮甜好食！.今次仲另外嗌左炸蝦天婦羅，非常厚肉，表皮炸得香脆鬆軟仲有前菜既炸雞都係，一定要趁熱食！.食完仲有精選甜品之前食既抹茶奶凍已經超正今次仲咁岩有爆多汁時令蜜瓜！滿足到傻左⋯.小店人唔多，座位唔多咁高質既食物、環境必須要俾更多人知道基本上一話食日本野，我都係會諗起晴空。期待下次再到店❤️❤️❤️…Read More

由於唔係住附近基本上都唔會特登過黎呢邊食野⋯咁岩今日陪朋友黎呢邊有野做⋯好趕時間之下求其喺門口望左兩眼Menu就入左去食⋯***小店一間 座位好似得十張枱左右⋯由於係食Lunch就無揀到啲燒肉類⋯兩個人嗌左兩個Set⋯例牌有韓式前菜⋯***估唔到食物質素有驚喜⋯牛肉湯好濃牛味，而且好多骨 足料⋯好味到隔離果個不停搶我啲湯黎飲⋯啲骨連肉，夠晒送飯⋯肉好淋⋯好好味⋯***韓式芝士豬肉都好好送飯⋯茶任斟⋯價錢唔算貴⋯值得一試😊😊😊絕對有韓國既感覺…Read More

朋友睇到報紙介紹想食呢間海鮮之前曾經到店快食左個小菜晚餐已經覺得好唔錯～*今次訂定位 預定海鮮四位 七餸一湯 兩個白飯 三杯野飲 每人埋單先$270 抵食到無朋友*食物質素方面新鮮 厚肉 夠大份 好味道！*推介 醉鮑魚、蒜蓉粉絲蒸蟶子王超滿足無得輸*最值得一提既係啲Staff 態度真係好好席間我地不停Say thank you佢地亦不停講唔洗客氣老闆親自介紹時令海鮮久違了被問「啲野食ok嘛？」*超滿意好似食左餐高質屋企飯咁希望無論食物質素同服務態度都可以保持😊😊😊😊*唯一少少詬病係馬拉盞炒雜菜得一款菜😂不過味道都係唔差既…Read More

比較少到粉嶺呢區其實都無預要食啲咩見呢間舖面裝潢都幾日式門口外賣餐牌好抵食又唔洗等位就入去試一試***一入店要先探熱枱與枱之間有膠板隔離枱面有兩枝消毒用品店員仲會提供紙巾暫存口罩防疫措施做得足又夠貼心***店內無論佈置定餐牌都有日本色彩牆上有日式掛畫、海報⋯擺滿日本既酒⋯***野食方面有拉麵、烏冬、壽司、定食等等由於進店之前兩個人已經食左一啲小食嗌既份量都唔算好多 都食到超級飽***$48 和風牛肉丼味道十分唔錯呢個價錢有蜆肉麵豉湯、中華沙律同西瓜的確十分抵食唯一係如果牛肉可以再嫩滑入味少少更好***芥末章魚小丸子3粒外脆內軟 明顯食到有真材實料章魚熱辣辣 配以適量醬料非常好食唔會感覺有太大量麵粉***壽司四客（三文魚腩、赤貝、帶子、火灸左口邊）刺身厚而飯少 岩岩好一啖擺落口*不過火灸略嫌唔夠 上菜時居然無火灸該有既溫度雖然凍冰冰 但魚油香味還是很讚$42 既火灸壽司輸左少少火灸 有點可惜***…Read More

黎到長洲除左食大魚蛋、紅豆餅果啲之外我覺得海鮮都係必食既近碼頭一字排開好幾間都係叫餸食飯其實每次食完邊間下次都唔記得去過邊間就憑感覺揀左間人多多地咖啦****三個人四餸一湯 好似都只係三百零四百蚊有埋蒸聖子、椒鹽鮮魷魚湯好濃好好味食到捧住個肚走超滿足又抵食****聖子意外地好肥美而且份量都唔少蒜蓉蒸好香噴噴****椒鹽鮮魷都唔會炸到乾晒入口依然皮脆肉嫩同樣地都係好大碟****魚湯煲到奶白色雖然咸左少少但魚味都好濃****…Read More

同朋友行街 行到咁上下就黎拎定飛都預左要等位 等左差唔多半個鐘左右夜晚繁忙時段實屬正常***不過原來等待只係岩岩開始坐低落單除左梅酒轉個頭就上到桌之外其他我地嗌左三個餐有兩份等左半個鐘最後個餐等左40分鐘朋友話呢度出名即煮？是但啦總之就唔餓都等到好餓仲要俾出面等位既人望到實唔講以為我地食飽霸住張枱唔肯走都有少少尷尬***有啲野如果值得等就話啫如果等咁耐啲食物都普普通通就...算吧啦 無下次***燒肉乜乜乜乾、瘦、肉切得太細睇落好空虛細舊得黎仲有啲燶得好緊要既部位但除左燶左既地方，其餘味道唔差既***算比較好食係呢個吉列豬扒鍋個汁都係好好送飯可惜敗筆係有蛋殼！！！而且唔止呢一小塊 有啲已經吞左落肚***最差係呢個鐵板牛+腩肉等左足足40分鐘結果啲豬腩肉係燶到苦睇清楚仲有煙出咖證明唔係我地擺到佢燶而係一上枱已經係咁燶成碟最好食竟然係個薯沙律***職員態度友善既但唔會主動Refill 茶雖然睇到佢地都好忙***Anyways第一次試 應該都無下次***總括係味道唔係差既但要經得起等待、接受到有蛋殼、同埋唔怕啲肉燶到有苦味…Read More

行到附近見到好似開左間新餐廳...好容易就俾"肉肉"兩個字吸引左...門口大大個招牌, 不過由於要行上樓梯而梯間暫時無乜佈置, 就有D Confuse....***下晝6點零鐘上到去, 發現餐廳地方幾大..完全唔洗等位就有得坐, 仲有卡位, 天未黑得晒 ... 最鍾意坐窗邊仲可以睇下街景...***點左三個鐵板 + 一個手打牛肉漢堡,***鐵板餐既牛柳同羊架都好好食!!肉厚又嫩滑!! 最鍾意牛肉五成熟鐵板上 ....羊架都無騷味....***吉列豬扒好平, $20 份量都有幾多, 炸粉好薄肉都算嫩滑, 不過配左黑椒汁怪怪咁,下次再試會寧願走汁.....***最有驚喜反而係手打牛肉漢堡, 好香, 包好鬆軟好好食...菜單上無mention 手打牛肉, 好可惜***另外等餐果陣望下個餐牌, 發現其他午餐同下午茶都好抵食!!下次可以再試 ......***食肉獸表示滿意, 當然都係屬於平價鐵板餐....唔好期望D咩入口即溶呀, 牛味好濃呀就OK....…Read More

之前成日見佢排隊排到轉晒彎⋯一直都唔敢去試⋯點知有人朋友再三極力推薦下⋯早早地六點左右去左⋯未有人排隊⋯門外有部自助點餐機👍🏽勁似日本⋯有多款牛肉選擇 仲根據份量有唔同價錢⋯買好飛仔後店員安排入座⋯店員都好Nice 好快牛扒已經準備好⋯全部以一成熟上桌⋯自己只試過牛柳同西冷牛⋯因為我好鍾意食牛柳⋯肉好嫩⋯肉質還紅紅的我就切好擺入碗以防佢過熟🤤西冷牛肉質有啲”孩”⋯食過一次就無再食喇另外仲有好正既係白飯任裝超岩我呢啲飯筒另外無限任添既仲有啲沙律、牛肉湯、水、茶等等⋯牛肉湯都好香牛味⋯好幾款調味料鍾意點食都得真係超級Free style …Read More

店舖細細小小的 濃濃日本Feel有售 壽司、刺身、卷物、生蠔、飲品 etc....可以堂食 不過只有一張長枱 大概5-6座位所以我通常都係外賣番屋企慢慢嘆⋯超級推薦 帶子、三文魚腩、虎蝦⋯性價比高 厚肉 鮮甜⋯👍🏽👍🏽👍🏽補上我經常幫襯既證據壽司選擇算多⋯平至$3 已經有交易逐件揀⋯另外有提供火炙壽司⋯即點即燒⋯如果對壽司款式唔係太有偏好⋯可以選擇餐盒⋯十幾舊甚至Party餐盒都有總之想試呢間小店既話⋯可以信我 試帶子、三文魚腩、虎蝦⋯其他就買住一件兩件再揀心水⋯無老點😹😹😹…Read More

同朋友諗起想食日本野又想訂定枱唔洗等/唔洗等咁耐位見呢間全部好評咪Book黎試下當晚預訂七點半點知早左去到見店內無乜人就入去問下提早入座店內座位唔多但留意到有吧枱位覺得好正適合自己一條友食唔洗搭枱👍🏼不過今晚我地兩人坐左四人枱點餐方面我一眼就睇中左個魚生丼然而朋友無做資料搜集無諗到人地個名叫「爆丼丼」係點解搞到我地一人一碗飯之餘仲嗌左好多小食就係咁魚生真係好大塊好厚肉都新鮮留意碗飯都幾大碗咖其實鮫子、串燒、雞翼都好好味熱辣辣 味道又夠 唔會太咸雞翼同牛舌出乎意料地大塊/大舊但唯獨個雞扒丼無咩驚喜Btw 驚咩喜啫 雞扒飯想要有啲咩驚喜啫不過真係眼闊肚窄食到最尾果幾啖有少少夾硬黎太飽喇埋單$400有找離晒譜 好抵 好好味爆丼丼係真係爆丼丼無吹水…Read More

溫馨提示 各位想試既朋友 小心上癮！*第一晚 巴辣雞 + 菜飯⋯仲同朋友們Share左個超肥美既炸魷魚鬚！巴辣雞For me 即係口水雞！屬於麻辣！多肉！好味！配菜飯一流！飯既份量都好多！另外兩個女仔朋友都食唔晒⋯建議女仔食記住要小飯！我就食完早餐就直接晚餐！餓到牛都食得落！就清晒既～*炸魷魚鬚 十分肥美！小炸粉 亦唔會好似平時食酒樓果啲炸到乾晒！超。好。味！*第一次試完，我同朋友講「我應該好快會再番黎⋯」*話口未完⋯第。二。日！我真係番黎喇！！今日有個男人幫拖！點埋琴日想試又食唔落既滷水小食！豬頸肉 + 咸豬手 + 雞腎 + 牛脷！喂呀超抵食！好厚切！味道唔算濃！岩我口味！*繼續Encore 炸魷魚鬚！*試埋霸王雞⋯今晚隻雞個部位比較少肉⋯提提鍾意食雞脾既朋友可以俾多少少錢揀（下庄）就保證啖啖肉！*飲品自助任斟！食咁多野先total $218! 抵食！好味！上癮！…Read More

朋友話想試呢間 雞煲打邊爐⋯我就梗係碌一碌Open rich ⋯呀 Open rice人地影既餐牌先！我咁大食！梗係即時投訴朋友竟然揀間唔係任食既打爐爐？點個朋友一句「我要既係quality 唔係quantity!」Ok ... 我就陪你試一次到底有幾有Quality!*Book左兩位七點，去到即刻可以安排入座⋯咁岩見到Open rice有餐飲劵。原本$158 半隻雞，買左餐飲劵就可以享用全隻！梗係買啦！著數呢啲野⋯你懂的～*我地點左螺片花膠雞湯做湯底！是咁的！味道係唔錯！雞湯份量都幾多！但是⋯好快已經食到好口乾⋯如果⋯我係話「如果」，如果湯底加左味精令到啲味咁濃既話，我個人係十分厭惡既！*Any肥 朋友讓晒啲花膠俾我食！小姐我食骨膠原都食得幾高興！花膠大大塊好滿意！*然後兩條友好似岩岩放監出黎咁⋯無計啦⋯窮等人家食開任點任食⋯慣左多多款細細份⋯點知瀨野！份份都咁大份⋯*讚！-爽脆魚腩 堅多肉 堅爽口*超讚！-牛肋片 比起肥牛⋯我更喜歡牛肋片純粹食牛肉！又滑又無咁肥！-娃娃菜！甜到癲左！浸埋湯勁好味⋯*麻麻地！-手打唔知咩好似好珍貴果啲丸⋯其實粒粒都好大粒，好似係有黑松露之類果啲東西⋯但食落⋯個人喜好問題啦，我下次會食番普通手打乜乜丸就算爆漿，都係爆番啲蝦子魚子同普通芝士開心啲啫-雲吞 係大大粒 不過多肉少蝦 填肚一流另外仲想讚既係⋯店員服務好好！我同朋友坐喺餐廳內最角落既位置⋯但店員會定時定候巡黎巡去！加湯點野食絕對唔為難！而且佢地都好有禮貌！*仲有！餐飲 好。大。杯！好正⋯唯一美中不足係我點既係走甜大檸茶，結果黎左杯正常甜味大檸茶⋯不過我自己選擇唔出聲啫⋯因為太口渴喇*下次其實都可以再試！贏了經驗下次識預份量！人多一齊Share就開心啲囉！盛惠每人四百幾蚊⋯…Read More

原本在柏麗做完Facial 個肚餓到咕咕聲⋯一心諗住衝去 譚仔三哥食 墨演而蛋 咖喇！講下啫⋯其實我就食開豬肉魚蛋酸辣米線既*點知當我經過呢間 全家素食⋯門口個牌偏偏寫住 台式肉燥飯！突然 好。想。食*入到去之後 睇左一陣餐牌⋯全部都係正常茶餐廳既餐點。咩星洲炒米呀、菠蘿咕嚕肉呀、咖哩乜乜物物呀⋯心裡面有一萬個好奇到底是用什麼樣素菜造的呢？*喂呀臨要落單時聽到隔離個男人點左我想食既台式肉燥飯。我驚佢以為我抄佢，所以我急轉彎點左 下午茶餐 乾炒牛河 + 餐湯 $42 首先個湯！夠晒熱！係苦瓜豆腐湯(我無問，偷聽到隔離枱問)但係一啲苦味都無，可以話少少甘，但更多既係甜酸菜既味。Overall 係夠熱！夠清！但又夠味！唔知自己講乜。哈！*然後話說我又唔係食家，我就食唔出個牛肉係用乜黎偽裝。但賣相似到十足，口感都有七成似，味道就⋯我都明好難用素菜造到牛肉味咖喇！但我要食真肉就唔行入黎啦傻的嗎⋯*So far 係即炒好味！唔濃又唔淡！對我黎講岩岩好！*不過我就麻麻地鍾意食紅蘿蔔輕輕食剩左三條！收碟既時候姐姐都好搞笑問我「唔鍾意食蘿蔔呀？」*希望小店可以繼續生存！最後想講其實我見到隔離枱果碗台式肉燥飯 再 搭碟菜 同埋再另外隔離枱既 什菜炒米粉 都好似幾好食！有機會會再黎幫襯⋯試埋佢…Read More