Alien111HK's Profile

茶記，來來去去都沙嗲牛、叉燒意，有無諗過有得食酸菜魚、水煮魚？今次同朋友嚟到佐敦路過依間冰室，唔止有常見嘅茶記美食，仲有一系列川式下午茶。無論係水煮魚、水魚海蝦球、口水雞、醉雞定上海排骨都有得選擇。咪諗住依啲只係綽頭，味道一定欠奉。酸菜魚嘅魚片好滑，酸菜夠多，再加埋大豆芽，蓮藕片，旺菜，足料夠抵食。醉雞相反較為失色，雞肉唔夠滑，不過勝在酒香味突出但唔會過濃，恰到好處。跟餐可以揀粉、麵、飯，想當lunch或dinner都唔成問題。餐廳空間相當足夠，大家都唔會坐得太逼，坐落食飯都尚算舒適。各位係附近番工都可以一試。…Read More

相信緬甸好多人都未去過，更加唔駛話有冇食過緬甸菜，今次就同friend一起去中環食下緬甸菜，發掘下新奇野。講下外觀，主要都係暗綠色、深藍色或者墨綠色為主，可能呢個就係緬甸風格，入到去會見到牆上有好多相，應該係緬甸人既生活寫照同風景；座位有sofa都算舒適，覺得都算乾淨冇乜大問題。 一起嗌左幾樣推薦菜，VILLAGE STYLE EGG CÜRRY BITES其實就係把蛋一開二然後灑上各種香料醬料，味道唔錯，不過份量少。前菜仲有LA PHET THOKE，採用各種蔬菜和芝麻融合而成，味道還算OK。WAT THANI好似東坡肉同火腩，味道好正，而且肉質都算厚。仲有個面都幾夠味，同平時食開既粉面唔同，湯底別具一番風味。最後係雪糕BURMESE TEA ICE CREAM，好濃郁既茶味，加上脆卜卜既香蕉碎，味道一流。雖然價錢有少少貴，但係可以食到咁特別又好味既菜式都算值得。…Read More

中午同班同事一起去食呢間茶餐廳，其實附近都好多類似餐廳，不過呢間既鋪面算企理，光線足，對比附近餐廳算係一個優點。不過點講都係一間茶餐廳，茶餐廳咁大眾化既野味道同質素都應該知係咁上下，唔可以expect太高。我同另一個同事都揀左豬扒不過一個係飯一個係公仔麵，豬扒真係好大舊好厚，表面好脆，溫度都夠熱，但裡面好似有少少未煮熟，味道OK，份量好足。同埋仲有香蔥醬汁，絕對夠味唔會淡，但就比較油膩。另外仲會附送例湯，都幾好飲而且仲有少少肉。總而言之其實水準就係一般茶餐廳，油脂同鈉一定比較高，但味道唔錯，間中食一次都無妨。…Read More

香港既米線鋪頭真係好多，食慣左川x三x，今次就同friend試下台灣既養生米線味道如何。我地叫左醉雞湯米線同餃子&丸子米線，前者係套餐，後者係選擇面底然後可以加野（就同其他米線鋪一樣，自選米線），然後仲有兩杯蜂蜜綠茶。醉雞湯米線個湯底係有味OK既，米線一般般係平時食既質素，配料（雲耳同香菜）都正常，但係雞肉份量好少得幾塊，睇落好大碗其實多既只有米線。而自選米線口味同大排檔差唔多，配料同餃子丸子不過不失，其實冇乜突出既地方。唯一唔同就係湯底有少少藥膳味，但作為台灣菜好多野同香港人食既口味差唔多，咁樣其實好多代替品。:(環境同服務唔錯，牆上有壁畫幾好睇，侍應都友善。價錢抵，所以當普通米線鋪咁食其實OK。:)…Read More

前排行行下街見到原來買衫買鞋隔離就有間cafe，咁都見到環境唔錯就試下。叫左份套餐，湯底唔錯幾甜又唔會好鹹，蜆肉中規中矩OK，而份牛肉仲配埋一D蔬菜，造型幾靚，牛肉好飽滿鎖住D汁，作為下午茶份量都算充足唔會話好細塊。侍應都主動幾熱情，服務到位。…Read More

屋企人鍾意食得輕盈所以母親節選擇食依間食開食熟嘅甘味讚岐手打烏冬揀咗燒鰻魚丼飯、黑椒炸雞軟骨同汁燒牛肋骨讚岐手打烏冬燒鰻魚夠肥唔乾有驚喜，加埋醬汁唔會太膩牛肋骨好鹹，師傅失咗手雞軟骨份量夠多，唔會求其得一、兩粒就算炸得夠香夠脆有黑椒味，但唔會太搶太辣剛剛好…Read More

突然佩服自己嘅影相技巧可以將普通到一個點嘅餐影得咁靚老實成餐飯最估唔到最正嘅竟然係碗湯夠CREAMY夠香加埋係面嘅麵包，真係畫龍點晴！至於其他菜式，味道相對普通無乜特別同樣價錢…我諗我未必有第二次……Read More

炸豬最怕柴口又乾，依間長沙灣小店就意料之外地做得好！佢地嘅炸豬好脆都夠油脂，炸完之後都keep到肉汁，唔會乾到變豬肉乾。一份定食仲有埋新鮮沙律同湯，份量都大，唔會食完好似食咗陣風咁…食完之後真係會番轉頭！…Read More

去開九龍灣，當然要去一轉必食嘅渣哥因為都算係較早時段，所以唔洗等就直入坐低人未係最高峰時段，不過過多五分鐘已經爆場叫咗個自由西餐，可惜無牛扒睇得出嘅即叫即整，拎到嚟仲出緊煙不過豬扒可能煎得耐咗少少薯條勁香已經唔係幼到牙籤咁幼相當襟食！白汁另上就唔怕浸到薯條軟哂而且勁香濃，十足十一碗蘑菇湯咁下次食試埋打躉常餐先！…Read More