evil1984's Profile

由香港特登過去食一早book定定位想食好耐嘢食係好食，不過一路都好似俾錢買難受阿姐態度非常惡劣，問一句都唔得來錯嘢飲都唔俾你換我諗我真係未去過咁態度差嘅地方😂叫波羅特飲嚟咗杯柚子阿姐話係咁㗎啦好多人飲㗎問佢可唔可以換佢話唔可以你要再嗌過每次叫佢攞少少嘢都黑面，叫佢加湯，佢話你肯定要加差唔多夠鐘啦喎，我話但燶底喎，跟住佢死死氣去加 如果你想挑戰你eq 你就去試吓 如果你想中途叫嘢食或者搵人幫忙小心會俾人鬧😂食嘅味道程度未至於我要受氣受兩個鐘 🫣大家真係考慮清楚…Read More

標榜是寵物友善餐廳及酒店，但係對寵物是絕不友善的 預約咗酒店嘅兩日一夜包早餐 、第二日起身預定時間10:00落到餐廳嗰度、之前知道要有指定範圍比寵物食早餐、但係由於露天烈日當空佢連傘都冇係冇辦法食到 只好外賣拎上房食 都明白狗狗坐車車都唔俾入餐廳食早餐，叫我哋坐出邊，坐出邊都唔係問題，佢出邊冇遮冇掩一把太陽遮都冇，人同狗都會中暑啦，咁我哋就話take away，佢話可以，但我哋等早餐期間都唔可以入餐廳範圍內要我哋喺出邊曬住等，我哋都照等因為諗住好快，點知一等喺出邊戶外等咗半個鐘我哋就係咁連人帶狗企咗喺酒店門口半個小時餐廳職員很不友善 、唔知以為我排隊拎飯 入左去兩次問佢，佢都很不友善，你對我哋 佢仲話有咩投訴向酒店投訴 外籍女士職員我覺得酒店/ 餐廳有佢嘅規矩，但係應該安排上可以可以好一點 有點同理心都知道冇可能要人喺餐廳外面等半個小時 完全當客人唔知係咩真的很差體驗如果對寵物不是友善的，就不要標榜是寵物餐廳對人和寵物都是一間極不友善的餐廳…Read More

係社交媒體網站見到人介紹 所以約左第日就去食 去到環境好好 職員好有禮貌重做緊優惠 $4xx 有5 道菜 有前菜 吞拿魚他他好食之後有龍蝦湯再有3款意粉選擇主菜 都有幾款選擇咗牛扒，同埋法國鱸魚都非常好食牛扒大塊都食唔晒最後甜品兩款都好食 勁飽 埋單都係$1100 每樣都唔錯 好食‼️又抵食 而且餐廳好有愛 同左狗狗去 佢地重煮左雞肉比我隻狗 我地同狗狗都好開心過一個開心既晚上‼️ 食物水準好 環境好 職員有愛 實在太好好多謝佢地‼️忍唔住要寫個好評🩶推介🤟🏻…Read More

同朋友經過坐低食晚飯大家都好肚餓 叫咗嘢食之後坐低一路傾偈一路等 大約等咗一個小時，只來左兩隻鮑魚 同1 寸雞翼因為實在太肚餓，又見時間都一小時所以催一催店員 要喺戶外行入去店員先至會理會我哋同佢揮手 佢會扮睇唔到😅同店員講如果未整嘅話就不要了 因為時間太耐了 店員態度非常惡劣 ：《 我話唔到事㗎，你入廚房同啲廚師講囉 ⋯》好啦 ⋯禁我真係入去很禮貌地同廚師講 因為等咗1小時我哋都趕時間 而且餓 如果未整嘅話一係由佢 🙏廚房話 ： 《差你咩呀？ 以加出比你囉！ 》因為我哋幾個女仔 有啲驚 所以行返去坐位 最後來多2 碟野 豆腐變壞了⋯ 其他食物都很難食⋯ 都明白到假日比較繁忙 但態度同品質真係令人嚇怕我哋決定埋單 剛剛話唔到事個位店員重要加多一句：《我哋不嬲都係唔夠人手㗎喇⋯⋯》咁大個人都未試過食一餐咁既飯⋯我地都已經非常有禮貌 重要比人鬧返轉頭 🥶…Read More

不能容忍！朋友生日 我地為左有間房又可以切蛋糕由9龍 專登去太古分店 因為k11 無哂vip 房 我地預約9:00 、 知道得2 個鐘食野 專登早點去等 、職員一直話等一等 、等了又等催了又催 最後要客人企左半小時 、9:30 先入到去 職員仲執緊枱，我哋企喺度已經嗌晒湯底知道冇乜時間 、湯底嚟到連埋滾起已經差唔多10點、vip 房 唔會有人入嚟問你有冇需要 你想加湯叫嘢食你要自己行出去搵職員幫你 原來最低消費就係得到呢一啲VIP嘅服務 不過唔緊要，我來慶祝生日 職員都有禮貌嘅，雖然冇人理你 最後佢11:00 就拎張單叫我哋買單話佢哋要收工？ 請問打邊爐叫三千幾蚊野食 個湯嚟到再加滾起10:00 我哋點樣11點前就要食晒啲嘢呢？？ 最後我哋連個蛋糕都冇辦法喺嗰度食 要我個朋友生日拎住個蛋糕唔知去邊度切 ？其實我喺K11嗰間，已經試過呢個情況俾人趕走 但唔緊要，你寫明兩個鐘 但今次你遲半個鐘比枱我 黎買嘢食都已經冇咗一個鐘 會唔會過分咗少少呢？ 咁我要呢間房來做乜嘢？ 我點解要俾最低消費 我點解要訂位 最後我哋都係企咗喺出邊半個鐘，而且食飯食咗一個鐘 本來都食過幾次，K11嗰間 有不足，但都未去到禁過份、今次絕對不能容忍 我肯定我以後永遠都唔再幫襯呢間嘢 你真係你以為你啲嘢食好食到要委屈自己一個鐘頭打一個3000蚊邊爐嗎？其實啲嘢食都好普通架炸…Read More

見到網上有人食 而且是可帶狗狗的專登揸車到訪 嚟到攞位已經被職員不禮貌對待 其實都是想來喝杯咖啡休息一會 暫時忘記工作嘅煩憂點知攞位職員態度已經很差 很失望坐低後要自行買食物 排隊排到終於到我了 選擇只有五六款 在網上看見有全日早餐來到又沒有 有一款意粉其他四款都是麵包和批食物亦都不是太很好吃 🤧咖啡水準亦都很一般 我是咖啡控 宣傳就算有多好 職員態度很差 食物品質亦不好 應該不會再來了 專登渣車過嚟 真係有點失望🥲希望店員可改善 …Read More

原本五人食飯預訂左幾個菜式冇叫魚 最後俾咗條$680嘅魚 蟹兩隻要1280一個魚湯承為580 糯米飯480⋯ 之前食過唔係呢個價錢 今日無問清楚就中左招 ，係幾好食 不過很貴 ⋯呢個價錢可以有更多選擇了。:(真係海鮮價…Read More