stevenlau3143's Profile

網紅推介，今日一試，叫左個招牌菜，牛三寶米，有牛坑腩，牛根，牛肚，72大元，元朗地區來說，有D貴，首先個湯系好清，都ok，牛腩就唔系D人講到甘好食，但都算中上比較淡味，牛根口感ok但又係冇乜味，牛肚就差D，冇味，最差系蘿蔔，第一次食過有渣既，唔夠腍又冇甜味，扣哂分。總括來說，唔會有食神家燕姐果種，嘩好味呀既感覺，環境就好乾淨，侍應姐姐都好有禮貌，值得試一次甘多。…Read More

元朗新開，見佢光光猛猛，又有火鍋任食，見到啤酒都幾多款，一於試吓。有幾個價，我地叫左最平188試吓，熟食得好少，雞腳，牛肋蘿蔔，豉油雞，爭嘅就係都幾乾淨，啤酒就好多款，有燕京，喜力，1664玫瑰味玻璃瓶，好少有，可以打邊爐可以韓燒，講真食物質素就真係好一般，嗰啲丸真係唔得，嗰啲牛啊豬啊真係唔好食，啲雞肉，呀肉啊真係唔得囉，係啲菜OK，講真試過一次之後唔會有第二次。…Read More

以前成日去，因為好食，好耐冇去了，今日去食，叫左個晚市推介，燒鵝皇加柚子蝦球，真係差了好多，燒鵝是賣剩部位執執埋埋比你，垃圾，蝦球唔知點形容，總之唔好食，目測少了很多人，火鍋得三台，以前是full爆.睇黎都系走唔甩香港食市的下場，香港食市真係冇得救。…Read More

今日4:00行過，見到有燒味瀨粉下午荼，入去試吓，叫左兩份，一個燒鵝瀨，一個切雞瀬，每份33元，冇想過，一間專賣燒味既茶餐廳，D燒味差成甘，D雞完全唔得， 燒鵝，唔得，講到自己甘巴閉，真係唔明，食完出去行上樓上，見到又有間燒味茶記，門口排哂隊買外賣，燒味靚好多，甘我明白。佢門口真係拍烏蠅，甘既質素，賣唔去第二又比人食，隔幾夜既燒味梗系唔好食啦。祝佢好運。…Read More

食過2次，第一次系新開張時，記得系完全冇車仔麵既味道，四不像，完全不合格，ok 諗住新開張什麼未準備好，願諒你一次，2個月後，最近再試過，進步左一小步，但仍不合格，豬腸冇味，牛根爛哂，熱咖啡是雀巢即冲果隻，大佬呀，比小小誠意麻。點樣撐你呀，你價錢同永年士多一樣㗎。但質素差很遠。希望你努力D啦。…Read More

好耐冇去過了，閒日7:00 去，大約坐滿四成人左右。第一感覺冇哂以前的面孔，得幾個呀姐，一睇就知人手一定唔夠，嚟咗第一輪海鮮，D蜆好明顯系唔得，好多沙，食完第一輪後，以前係好快手咁不斷有系統地輪住上食物，依家係要等兼且要催佢，都知道係人手唔夠。見佢哋走來走去。冇左以前果種熟練節奏，食得很不暢快。疫情折磨了很多食市，大家苦撐下去，都好明白既。希望佢哋疫情緩和後，再見番以前的鋦心。…Read More

以前成日經過，都好多人等，睇尼度D食評，個個都話好，今日有時間就試左，可以講下感受：首先啤酒只有燕京（黑啤不計），沒有之前的喜力或加士伯。清酒味道都ok.燒肉：醃製好利害。完全唔得。食左一轉冇食了。火鍋：大量平價食材，菇，丸，菜，見到你會嘩甘多款，視覺震撼。日式魚生，壽司：同爭藓差不多，但賣相就麻麻地。又係果句，收你百六元一個，就係比番百六蚊野你，除非你系好食得。從為了食到飽無要求角度，尼間一定啱你，但為了亨受食物，尼間一定唔系你杯茶。…Read More

本來想去嘉爵，去到原來被人包場，所以去左尼間，行過幾次未幫趁過，好似開左冇幾耐，見到歺牌，覺得佢哋想漁翁撒網，又雞煲，又水煮牛肉，又魚煲，又打邊爐，又小菜。第一感覺，唔知佢定位系乜。好啦，叫左半隻雞既煲，兩個小菜。首先講吓個雞煲，賣相真係一百分，但係食落去呢，冇乜香味，覺得好甜，好似落多咗片糖，總之就唔覺得係好食，但係又未至於太差，跟住叫咗個豉油王炒麵，呢個就差咗啲啦基本功都未得。叫咗個小炒王好一般囉，總之就冇乜驚喜，我見佢出邊買兩餸飯好似仲好生意。　　…Read More

行過見到，寫住正宗南洋肉骨茶，諗住試吓，點都唔會差🉐️去邊掛，結果呢，大家睇相，有圖有真相，系米張相都已經話比你知系好難食尼⋯無錯，唔熱已經系死罪，完全唔掂，重要68元，本著為己為人，真系要話比人知。…Read More

門口見甘多人，應該冇伏掛，點知，真系賴野，叫左個一蚊雞，隻雞有血不在講，而且系有一種怪味，係一種身體自然反應係唔想食，既然一蚊雞就算啦，不過甘差既野，雖然系一蚊，但茶介，加一，差不多半隻價錢，都唔平架，叫咗個帶子豆腐，求其到呢真係一蚊都唔值，啲帶子又細粒又鯹，賣相又核突，仲要$138，叫咗個脆骨鯇酸菜魚湯，啲脆骨鯇咪，又係怪怪地，人太多，廚房做唔切，求其比D野你交數。大家自行判斷啦。…Read More

有次屋企人訂左尼間野食飯，上到去見噏噏揼揼，都冇乜期望，因為去酒樓食飯賴嘢太多，見佢啲嘢又幾抵喎，$28元一條沙巴仔，10 元飛天雞，要咗個香片茶，嘩啲茶葉都幾高質素喎，跟住叫其他餸，又平又抵又好食，跟住兩個人兩三個月後又去多一次，今次叫咗隻飛天雞，哇啲質素高到咁，$10真係做旺角場，根本冇錢賺，啲侍應招呼又好，有時真係睇吓你好唔好彩，希望佢繼續keep住呢個質素。…Read More

叫了個皮蛋芫荽湯底要$108 元，天價，以為有乜特別，完全冇，叫左個脆骨魭，好似三天前的賣剩，冇血色，叫左個韭菜餃，完全唔得，街市貨厚面皮，叫左個花膠，衰過豬皮，叫左個牛小排肉，衰過百街凍肉，冇牛咪。叫在個豬片，普通到去百街重好食，完全唔明點解甘多人比甘高分。坐又唔太舒服，小店一間，可惜太貴，貴唔緊要，我都系想搵好嘢食，但你比D而家通街都有既冷凍食材鋪既野，我使鬼來食.又貴又5好食，兩個人埋單7百幾元，都5知食過乜。…Read More

今天下午在v walk 食午餐，見到和平反店，從未試過，見甘多人，應該唔太差掛，兩人叫左兩份68元套反，酸辣湯完全唔得，又唔熱又唔好飲，宮保雞丁，嗰啲花生有啲"億", 嗰啲雞都唔知乜嘢雞肉嚟嘅，又硬又冇味，跟住退回改咗一個蔥爆牛肉，啲牛肉醃到都唔知係乜嘢肉，一生人食過最難食嘅牛肉。份量太少了，另外一個茄子雜菌，普通到我煮仲好食過佢，佢啲食物隨便街上邊搵個人煮都好食過佢;今時今日仲有咁差嘅食物質素,真係好難想像，一間咁出名嘅飯店會有啲咁嘅出品.…Read More