or#tm66520141's Profile

我見佢Google評分幾好，一直都好想去。Benedict , 佢個底係bagel，好好食，咬落去好友麵粉嘅香味荷蘭汁好好味，冇嘢可以挑剔個蛋係煮成我想食嗰隻質地。兩塊煙肉就係中中等等，平平均均！成個食物組合就好好食，佢嘅沙律裏邊仲有羽衣甘藍，個醋汁沙律醬又調得好好味。感覺可以番兜，賣相仲好好係打卡嘅材料。其實我就唔係好識得評論咖啡，雖然叫咗杯咖啡但我都唔係好太有意見環境方面，佢有兩個室外位置，初初有㗎大車阻住，有啲冇癮。㗎大車走咗之後，感覺好似去咗旅行，有種好舒服嘅感覺。我係朝頭早9點幾嘅時候食，條街好靜，感覺好正。唯獨一樣野我有少少介意。黎哋呢啲咖啡店都係想輕輕鬆鬆食個早餐，歎杯咖啡。但係落單嗰個有少少黑面。但係其他嗰啲就真係好有禮貌好好，所以，唔知啊，好似有少少失望得黎又有少少安慰。。。希望下次黎會更好…Read More

貪佢收得夜，收成12點，我哋可以去食餐麻辣嘢！大豆芽炒豬腸，味道幾獨特嘅，但係就唔係我鍾意食果種囉。酸菜魚，我哋揀咗桂花，但係好明顯條魚唔係好新鮮，有啲失望，特登過嚟食呢道菜㗎嘛酸辣土豆絲，土豆絲爽口，青得幾好呀啲澱粉質。酸度適中，而辣味就會偏向較辣，如果真係食唔到辣嘅朋友就要減少少辣啦。手撕捲心菜，係我印象入邊呢個應該係用醋炒，但係佢好似用咗醬油嚟到炒，同我想像嘅味道有啲出入，但係味道唔錯嘅。椒鹽田雞，其實佢唔係好乾身，我會期望佢好似啲辣子雞咁乾身。但係椒鹽味都OK。下次你食要試吓佢個水煮田雞，朋友話食過覺得唔錯，最衰今次用咗水煮魚替代左水煮田雞，如果唔係我都可以試吓。啤酒真係唔夠凍，不過你叫姐姐俾支凍啲嘅你，就解決到嘅問題，所以都唔成問題啦！…Read More

由荃灣地鐵站行過去呢間野唔算好耐，5到8分鐘左右， 就已經到啦碗麵叫咗中辣，我平時食開譚仔五小辣，我都覺得中立好似唔係好夠啦，所以大家可以狠毒啲餸方面我揀咗豬潤，腩肉，豬腸豬腸好食，好入味腩肉比較爽口啲，份量亦好足夠豬潤就麻麻哋啦，我自己覺得太過厚身，唔係食到嗰啲爽爽脆脆嘅感覺，反而係比較偏向林啲，口味可能同大家唔同，我唔會翻兜麵方面，米線軟硬適中，非常良好。酸菜又香又好味芽菜煮得啱啱好唯一嘅缺點就係，佢米線，酸菜，芽菜嘅比例有啲唔係好啱我心水。因為我好鍾意大啖大啖食米線，但係酸菜就搶晒啲味，芽菜又搶咗個口感。所以下次我都會叫小酸同埋少芽菜另外食咗個雙併小食，皮蛋加雲耳皮蛋切半，食第一舊嘅時候覺得好過癮，成口都係皮蛋好正，但係第二舊嘅時候就會覺得好漏，如果切細返少少會更好雲耳方面，佢完完全全覺得個麻辣汁好好味，嗰種麻香好正，完美嘅配合，必試推介…Read More

一間酒吧，酒好飲已經係出色連啲普通飲品都咁鬼好飲嘅，真係不得了今日飲咗佢西柚紅茶，清清爽爽，飲落好舒服，味道一啲都唔假。紅茶配搭OK，水果茶不嬲個茶底都好緊要，佢做得好好。我懷疑佢啲甜度都係調教過，我最憎好甜好假嘅水果茶，佢嘅甜度真係好出色普通飲品好鬼好飲都算啦，佢個漢堡包仲要好食，屈機呀食咗辣辣豬堡。辣度唔會過份，塊漢堡好好食，好香。仲有洋蔥係裏頭。唔，好味一路食，一路啲汁飛晒出嚟😍😍😍塊麵包上面嗰塊軟身，下面嗰塊硬身，仲烘過好香，同成個組合好夾朋友飲咗青瓜梳打同食咗有個大菇菇嘅漢堡，食到五五聲。佢話隻姑姑真係好好食，我唔食牛嘅，我就冇得欣賞佢呢個burgerOverall，好有質素嘅餐廳，我推介呀唔該…Read More

食物品質不錯，廚師亦願意為你詳盡介紹，食乜嘢，有咩醬汁，都可以面對面對一齊研究前菜擺盤不錯，食物主要以清新感覺為主。很開胃。配合酒水，確實不錯。主菜選擇了鮑魚，看到一隻活的鮑魚，在你面前成佳餚。 食感:質地軟滑，咬落柔軟帶點爽脆，鮮味是有的，而且醬汁特別，應該是經過一番條配，我覺得可以一試除了套餐，亦有散叫點了刺身拼盤。食感：刀法還可，比平時的細件，啱啱好係一啖嘅份量。老實說，鮮味不明顯，但係如果你為咗食下刺身過吓癮，都叫做一種選擇。…Read More

呢間野，一去到勁多人，一早就預咗係排隊店，但係冇諗過我排咗45分鐘雖然臨近中秋，但係都好啱食刨冰刨冰好大舊，我仲加咗消化餅喺裏面，感覺新奇有趣，有幾夾喎衰鬼面頭啲生果唔使講，日本生果通常都冇得輸，仲要日本人揀嘅日本生果，簡直係冇得輸中嘅冇得輸。刨冰軟綿綿，質感好唔錯，排隊排到熱辣辣，第一兩啖放落口確實過癮至於刨冰上嘅果汁或者糖水或者醬料，唔係嗰啲好假嘅糖水味。而且分布平均，唔會一啖多啲一啖少啲，平均到好似撈過嚟咁，確實好唔錯。價錢唔算話好平，但係亦都唔算好貴，同普通一碗糖水差不多，其實真係可以一戰…Read More

呢間啲湯好過分，好味得來仲要任添，蝕死你呀老闆。依間野都食過幾次，喺公司附近，好就腳，好方便。收咗工之後，過嚟飲番啖湯，真係好醒神。我最喜愛係佢嘅肉蟹鯛魚湯飯，呢間野一定要食飯，啲飯索晒啲湯真係好好味，隻肉蟹嘅鮮味同埋鯛魚湯又超級夾，搞到成件事好開心。老闆仲要攞隻肉蟹出嚟俾我睇，大大隻大大隻咁，睇見都好想食。佢下午茶有個海鮮湯飯，又係好精彩，又係海鮮嘅鮮味，同啲魚湯夾埋一齊。湯飯仲用個細嘅爐仔慶住慶住，你知啦，湯飯嘅嘢一路滾一路出味，😋😋近期知道佢有開分店，都好開心，不過呢間就腳啲，服務又持續性咁好，所以我都唔捨得去第二間…Read More

環境真係好黑，但係黑得來又唔覺得討厭。飲酒嘅時候仲覺得幾舒服侍應好好，都係果句，好到你好願意俾多啲貼士❤️❤️希望你哋持續地好，我又食得舒服次次黎，我一定要食叉燒，外邊真係食唔到。我知道外面好多人跟佢做，但係都做唔到佢嘅效果，真係好出色。講真，呢啲質素，三百幾蚊都好願意比。 除咗叉燒，我仲有幾樣野都好鍾意食陳醋海蜇頭，好鬼爽口，個陳醋好香好好味，配埋啲青瓜成件事好清新，食得好舒服，超級開胃。叫啦，呢個一定要叫㗎，呢個前菜一定要叫😂😂😂😂咕嚕肉，究竟佢點樣整，先整到個皮咁脆，咁溥。肉嘅部位我估就係里脊肉，不過係唔係都唔緊要啦，總之就好好味。❤️❤️飲品方面，好喜歡佢個Gin車仔,係你面前chock杯酒出嚟都幾過癮，問題仲要杯野幾好飲，咁先抵死吖嘛😂Overall 價錢係貴啲，但係品質好有保證下次有機會，寫埋佢個北京填鴨…Read More

超級鍾意呢度嘅沙律吧，係一個肥肥地嘅廚師主理嘅。次次去佢都係個沙律吧度搞嚟搞去，好得意沙律吧食物品種多，自助形式我去咗幾次，有一啲食物好快俾人搶曬，但同肥肥廚師講，佢會盡量滿足你嘅需求，整出嚟俾你食我最欣賞係佢個蕃茄湯，好味到暈低，要飲完又再飲，飲完又再飲，飲完又要再飲。（重要嘅嘢真係唔覺意會講三次）白松露蛋卷，次次黎都俾人攞晒，要同肥肥廚師講，但係真係好好食，所以佢得閒，把握機會問問佢啦肥肥廚師會同你撈沙律，個人喜愛少醬，佢都幾重手。食咗幾次都係凱撒沙律，有一次就黑醋沙律，個人喜歡前者。但就睇你好唔好彩，沙律佢預定的，不過兩隻都幾好味佢仲有個蟹肉，有啲青蘋果喺裏面，其實感覺好清新，食得多又唔怕漏，配埋佢啲醬汁，又係另一樣好好味嘅嘢，食完又想再食沙律吧呢部份，我俾得好高分，誠意嘅推介但係，如果廚房入邊嘅主菜做得好啲就好啦。食過佢幾隻主菜，酒店黎講算係平平凡凡，食多幾次， 我就只係加錢食個主菜，做最基本嘅嘢算啦，乜乜甜品嗰啲我都麻麻啦環境方面，比較商業啲，大家都着晒西裝，但係完全冇壓迫感，因為座位同座位之間都有好一段距離。侍應態度認真，但又可以自自然然咁，一啲拘束都冇，食得幾開心，我仲願意俾咗多啲啲貼士添最後，想趁呢個機會讚多次肥肥廚師，你啲嘢真係好好食，見到你認真製作好開心，我都食得好開心…Read More

同朋友去食午餐，朋友食咗幾十萬次勝利牛丸，都依然話想食勝利牛丸。但其實勝利牛丸前幾步就有間嘉麗園，一樣有牛丸食嘉麗園我最喜愛佢的墨魚丸，放假揸車半個鐘都要入嚟食佢嘅粒墨丸。一如以往的好，食得出有肥豬肉嘅彈牙，馬蹄嘅爽口，又有墨魚丸嘅香味。各人口味不同，我就鍾情呢度嘅墨魚丸。利申，唔知係咪呢啲材料，但係我隱隱約約都食到，仲食得幾開心魚皮餃：好懷舊嘅味道，仲要咁嘅環境，好似返咗10年前咁麵質：頭5分鐘食嗰啲麵質彈牙好多，浸耐左就開始軟能能啦，頭5分鐘係關鍵😂少少鹼水味都食唔到，我幾鍾意通菜：比出面嘅濃味啲，油啲。但味道唔錯，通菜冇渣。腐乳醬應該自己調嘅，略咸，但野味❤️至於朋友食嘅牛丸，我就評價唔到啦，因為我食唔食牛嘅😂😂😂…Read More