Daniel_ckh的個人專頁

屋企人生日冇得出去慶祝，就order左呢間粥底火鍋返屋企食!7個人食，位位$200! 揀左4份肉蟹同3份波士頓龍蝦(+$20每份）開箱先知原來每份得半隻😳，如果寫清楚啲會好啲🤔Anyway, 肉蟹同龍蝦都好新鮮，好鮮甜，啲膏好香，龍蝦仲肉質彈牙!👍🏻其他海鮮都唔錯!但係全家都覺得帶子同刀貝有陣怪味，要吐返出黎😫食晒啲海鮮未落其他火鍋配料前，就整埋個粥底黎食喇，鮮味到不得了!一個字! 正!自選配料有8款，味道都ok啦! 不過如果每人可以選自己心水的8款就更好喇!🙂總括而言係好食嘅! 希望下次可以堂食啦!自取要留意，最好揸車去拎，或者拉車仔去拎，一個箱放晒咁多人份量都幾重!…查看更多

買外賣encore 陸田園Encore E餐-馬來咖哩牛肉飯($50)：咖哩好惹味，今日咖喱辣喎（上次唔辣），送飯一流。牛肉係沙嗲牛肉既肉，軟肉，唔韌。但我覺得個薯仔最好味。Encore 炒貴刁，陸田園既炒粉麵飯，係ok既，有鑊氣。自取八折，抵食。…查看更多

想係屋企食點心，屋企人就落街買。天后呢間分店未食過。蝦餃- 有3粒，無蝦味，餃皮韌。燒賣- 有4粒，幾香，大大淡肉。雞扎- 2條，腐皮銀，芋頭出水，豬皮冇食到，雞肉幾滑。糯米雞-夠晒熱，糯米好淋，雞夠滑，有一段臘腸，一舊大段叉燒，仲有d濕濕碎既肉碎，個汁麻麻地，份量夠大。北菇滑雞飯-夠熱，大大盒飯，仲有好多舊雞肉，雞肉夠滑，有一粒冬菇，冇怪味既，正常既。呢盒飯ok。埋單$85，平係平既。不過都唔夠其他分店甘平，人地有做特價時段。…查看更多

屋企人生日，壽星中意食cheese cake，一於上網訂文華既cheesecake先。揀反1963 Mandarin Cheesecake - 15cm diameter，送貨睇地區要加錢，唯有自取。攞蛋糕個時估唔到都多人，要排隊等。店員比蛋糕個時有提到要一小時內放反落雪櫃。蛋糕真係好迷你，個盒係硬身紙盒，有磁石開合，可以重用。蛋糕除左招牌朱古力牌之外，仲有個happy birthday牌（訂個時講明係生日蛋糕）。一入口，就知點解文華既cheese cake咁出名。香濃既芝士味同奶味，唔會好硬，食完唔會好漏。$398，係貴d，不過好食就...都要encore既。…查看更多

之前經過見到想試，今日有機會啦。一入去就告知如有有客係會限時90分鐘。雖然係開放式設計，但坐低都涼喎。叫左兩份野食加兩杯野飲，冇餐叫。Big breakfast ($128)：竹炭包、牛油果、腸仔、蘑菇同炒薯仔好食。炒蛋唔知咩事，超咸。煙肉炸得太勁，好硬。Portobello egg benedict ($98)：蛋同蘑菇好味，薯餅冇特別。菠菜澀澀地。Flat white ($36)：聞落好香，飲落幾滑。Ice mocha ($58)呢度個廁所係幾令，不過要出去佢後巷，得一格。出出入入，對手又烏糟左，要唧洗手液。我地食到甘上下，間野已經坐滿人了。埋單加一，早餐黎講都幾貴。…查看更多

今日我想食濕濕既既湯麵，嗌左碗雞絲湯米($39)：米粉軟硬適中，泰式湯底好濃郁，佢落左d蔥、芫荽同冬菜係面，撈埋佢，仲香，最後飲鬼晒d湯。雞肉係佢呢度海南雞個d雞肉黎，肉唔會好鞋。另外叫左個餐-乾炒雞絲米拼可樂($47)：好多雜菜、一樣既雞絲、一樣既米炒，炒出黎唔會油淋淋，香口。唔洗加一，好抵食。…查看更多

想食輕盈d，去左Pret。我揀左支鮮橙汁加個杏仁牛角包($40)：橙汁唔酸，甜甜地，正常。杏仁牛角包係暖櫃即場夾出黎，暖暖地，出面酥酥地，入面仲係軟熟，仲有彈性既。幾好食，不過太多糖粉，好甜。屋企人叫左個吞拿魚沙律三文治加杯Americano($60)：三文治係冰櫃拎過去，店員會加熱拎過黎。三文治好多芝士，如果中意食芝士既人就覺得好正。…查看更多

星期日想加送，去左北角買滷水鵝。呢間攞過幾年米芝蓮，上次堂食都ok。今日斬左份例牌滷水鵝(有骨)加一份紅腸，$163。滷水鵝既份量都好多下，滿滿一盒，下面放左兩塊豆腐，紅腸就同一個盒放埋。另外有包滷水汁。店員提示反到屋企叮盒鵝一分鐘，再淋汁。因為懶，我地冇叮到，就甘食，都仲暖暖地，好香滷水汁既香料味，鵝肉有彈性得黎又唔會韌。…查看更多

唔知食咩好，落去堂食。嗌左兩個午餐。一坐低先上茶上前菜，兩個人有五碟前菜。泡菜：泡菜都算爽，唔辣。醃蘿蔔：唔爽脆，唔辣。雜果沙律：好奇怪囉，點解會出現係韓國餐廳，係罐頭水果黎。炆薯仔：好味，好淋，好香。三色椒炒西蘭花：炒得幾香，好味既。不過有d奇怪，我都係第一次見呢款前菜。石頭鍋飯($76)：雞肉好咸，我地已經冇落醬。冇飯蕉。人蔘雞湯($83)：真係有半隻雞、仲有一粒栗子、兩粒蒜頭、幾粒紅棗，仲有一段仔蔘。隻雞真係好瘦，冇肥膏，雞肉唔滑都預左，湯係正常雞湯味，冇蔘味。胡椒同鹽另上，唔夠味可以自己加，我就用黎點雞肉食。一淡雞肉，一淡湯，都幾好味。…查看更多

Encore 買個燒味外賣。叫左盒三寶飯($45一盒)加盒叉油雞飯。屋企人個盒三寶飯真係好吸引，一打開盒，超滿，d餸舖滿晒，超抵食。燒肉：夠咸香，有五舊。燒鴨：正常。豉油雞：雞肉幾滑，成隻雞髀，正。咸蛋：正常野，送飯一流。油菜：正常。自己就食（半肥瘦）叉油雞飯，少飯（之前食三寶食淨好多飯），多蔥油。d特別要求真係有落到單喎。蔥油：真係好多，幾乎係平時既三倍份量，送飯撈埋d叉燒汁，超正，我真係好中意食蔥油。叉燒：全瘦叉，都唔係半肥瘦既。君御最好味既我覺得係佢既叉燒，今日有d失望，瘦叉始終係差d,有d位比較柴。油雞：甘少既...得三舊雞胸肉。我中意食雞脾雞翼滑溜既肉多過雞胸囉。偷食隔離三寶其中一件雞脾肉，滑好多囉。…查看更多

經開蘇杭街，搵食就去咗呢間coffee shop。鋪仔細細，得三張枱，因為疫情關係，仲要限制兩人一枱，都幾慘，加埋都係做得個六個客max。我地嗌左兩個lunch set。堂食有七五折，跟餐野飲減$21。落完單好快送上兩杯仔餐湯，今日係南瓜湯，好香既南瓜湯，質地係稠身個隻，幾好味，不過好細杯，兩三淡飲晒。D- 沙律配慢煮雞腿($96)：個雞俾肉係走骨，慢煮係唔同啲，d雞肉一啲都唔鞋。沙律除咗沙律菜之外，仲有啲焗香左嘅腰果（幾香脆）、蘋果乾（好乾，好柴）、同一隻蛋（蛋唔係流心，只可以話係軟心，應該係雪櫃啱啱拎出嚟，凍凍地）。巴馬臣芝士，其實係灑左啲芝士粉係上面。自家蜂蜜芥末醬，完全食唔出好似係普通醋汁。可能對於女仔來講其實係夠，不過對男士來講，就會細得滯囉。H- 黑松露雜菌意大利飯配大啡菇($104)：分量好似太細，朋友食完覺得唔飽。呢個意大利飯唔會煮到淋晒，總算有啲嚼頭。黑松露味好出，大啡菇亦都煮得夠晒淋，好味既。Flat white ：好滑。拉花好令，畫左個女仔，好大杯。Americano： 幾好味。背景音樂細細聲，環境靜靜地，感覺幾好。趁依家冇乜人，可以慢慢食，嘆埋杯咖啡。…查看更多

嗌左兩個早餐全日早餐個個碗粥細碗d，但就有野飲。碎牛粥- 一上黎，d牛肉一餅野，紅卜卜，嚇死人，要篤篤篤，浸係粥度都浸左陣，食住炸兩先。好彩碗粥都夠熱既，粥底夠晒綿。皮蛋瘦肉粥- 肉係咸豬肉黎，正常。炸兩- 好食既，腸粉好滑，包住脆脆既油炸鬼。油炸鬼- 脆既，不過今次比炸兩比下去了，可能冇腸粉皮包住，好似油膩左dd。佢呢間既油炸鬼見到廚房大大舊粉團，師傅係度炸緊油炸鬼既，新鮮製作。…查看更多

天氣甘熱，真係好想飲杯冰凍啤酒。去左haha，呢間野之前由AIA搬過黎，都未幫襯過。全程我地都係唯一既客人，包場甘。同店員傾開計。依家政策限制，舖頭淨係開15:30到18:00做happy hour only，生意影響好大。希望疫情可以快d過。嗌左兩杯生啤，店員送左碗薯片比我地。不過呢排唔做happy hour 買一送一。一路飲住啤酒，咬住薯片，一路傾計，正!…查看更多

聽蕭生講時事就聽得多，佢d餐廳就真係第一次去。嗌左兩個早餐。今日一問，冇牛角包，我地都想叫牛角包架麻...唯有轉多士。鮮茄雞扒米粉拼煎蛋多士：鮮茄湯底，竟然係淡版羅宋湯，放左幾舊蕃茄同紅蘿蔔蘿蔔粒，唔係我以為既濃濃既茄湯。雞扒另上，係好既，廢事浸淋左塊雞扒。不過塊扒deep fried，炸得太硬，好熱氣呀。係淡淡肉，不過有少少雪藏味。煎蛋，其中一隻蛋煎爛左，唔令。多士正常。厚切豬扒公仔麵拼火腿奄列多士：朋友話普通，塊豬扒係厚身，不過係肥扒，超多肥膏，唔韌，又係deep fried。公仔麵係清湯底，冇特別。奄列好細份，味道ok。整體黎講，普通。service普通。…查看更多

行開北角，去食個早餐先。嗌左兩份早餐。A餐-鮮茄薯仔排骨通粉拼煎蛋餐包：真係有蕃茄、有薯仔、有西芹，唔係羅宋湯味，真係蕃茄湯，不過咸得濟。排骨都有四五舊，幾淋，幾香。通粉份量偏少，岩細食既人。反蛋，煎到蛋邊煎脆，蛋黃仲係軟身，幾好。出名既自家餐包：個樣係迷你菠蘿包一個，唔熱，係軟身既。有機會會試下佢個d包餐，望落大大個，係爐度暖住個d。C餐-仿鮑魚手撕雞公仔麵拼火腿奄列餐包：湯麵個碟好大個。朋友話味道都正常。兩杯熱奶茶：好奶，唔記得叫少奶添。食物正正常常，不過不失啦。…查看更多